Standart & Poor’s რუსეთის ავიასანქციების გაუქმების შესაძლებლობაზე მიუთითებს

Standart & Poor’s რუსეთის ავიასანქციების გაუქმების შესაძლებლობაზე მიუთითებს

access_time2019-10-12 10:55:55

საერთაშორისო სარეიტინგო კომპანია Standart & Poor’s რუსეთის ავიასანქციების გაუქმების შესაძლებლობაზე მიუთითებს.


„თბილისში საპროტესტო აქციების შემდეგ, რუსეთის მიერ საქართველოში ფრენების შეჩერებამ გამოიწვია ტურიზმის სფეროში შემოსავლების შენელება – 2018 წელთან შედარებით. თუმცა, რუსული სანქციების ეფექტი შეზღუდული იყო, რადგან ისინი მხოლოდ პირდაპირ ფრენებზე გავრცელდა და არა სხვა სფეროებზე – მაგალითად ქართულ ღვინოზე. შეზღუდვები არ შეეხო არც სამუშაო ძალაზე საქართველოდან, რომელიც ფულადი გზავნილების მნიშვნელოვანი, თუმცა კლებადი წყაროა. შენარჩუნებულია რუსი ტურისტების შემოსვლა ხმელეთით, ასევე სატრანზიტო მიმართულებებით. გვესმის, რომ შესაძლოა, რუსეთის ხელისუფლებამ გააუქმოს ემბარგო, როგორც ეს მათ ბოლოდროინდელ განცხადებებში იყო ხაზგასმული“, – აღნიშნულია დოკუმენტში, რომელიც ორგანიზაციამ საქართველოს სუვერენული საკრედიტო რეიტინგის გაზრდასთან დაკავშირებით გამოაქვეყნა.


Standart & Poor’s მიუთითებს ქვეყანაში არსებულ პოლიტიკურ ვითარებაზეც, მათ შორის საპროტესტო გამოსვლებზე და 2020 წლის საპარლამენტო არჩევნებზე, რომლის მოახლოება, მათი მოსაზრებით, შესაძლოა, პოლიტიკურ არასტაბილურობასთან იყოს დაკავშირებული.


„მაგრამ ჩვენ არ ველოდებით რაიმე მავნე ძვრებს ქვეყნის ეკონომიკურ პოლიტიკაში“, – აღნიშნულია მიმოხილვაში.



დოკუმენტში საუბარია საქართველოსა და რუსეთს შორის არსებულ უთანხმოებაზე, რაც „სამხრეთ ოსეთისა“ და აფხაზეთის სტატუსს უკავშირდება.


„რუსეთი აგრძელებს ამ ორ ტერიტორიასთან კავშირების გამყარებას, მაგალითად, „სამხრეთ ოსეთის“ ჯარის ნაწილობრივი ინტეგრაციით რუსულთან, აფხაზეთში საბაჟო პოსტის შექმნით და ამ ტერიტორიებზე რუსი მაღალჩინოსნების ხშირი ვიზიტებით. თუმცა, ჩვენ არ ველოდებით რაიმე განსაკუთრებულ ესკალაციას და ვვარაუდობთ, რომ კონფლიქტი იქნება გაყინული საშუალოვადიან პერსპექტივაში“, – წერია დოკუმენტში.


საფინანსო ორგანიზაცია მიუთითებს, რომ საქართველოში საპროტესტო აქციებისა და პირდაპირი ფრენების გაუქმების შემდეგ, ქვეყნებს შორის ბოლო წლებში ცალკეულ სფეროებში ურთიერთობების გაუმჯობესებას უკუსვლა ჰქონდა.


1tv


თეგები:
Standart & Poor’s



„გაყიდვები 5-7%-ით გაიზარდა“ - რომელ ტექნიკაზე მოიმატა მოთხოვნამ პოსტპანდემიურ პერიოდში საქართველოში

„გაყიდვები 5-7%-ით გაიზარდა“ - რომელ ტექნიკაზე მოიმატა მოთხოვნამ პოსტპანდემიურ პერიოდში საქართველოში
access_time2020-08-09 15:01:24
ივნის-ივლისში გაყიდვები 5-7%-ით გაიზარდა - ამის შესახებ „ბიზნესპრესნიუსს“ „ბეკო საქართველოს“ გენერალურმა დირექტორმა მეჰმედ მელექმა განუცხადა.   „თუ 2020 წლის იანვარ-ივლისის მონაცემებს, წინა წლის 7 თვეს შევადარებთ, გეტყვით, რომ აქ გაყიდვების მხრივ სიტუაცია იგივე დონეზეა. ეს კი პანდემიის პირობებში კარგი მაჩვენებელია. ზაფხულში მაჩვენებლები უფრო დამაიმედებელია, მეტიც, იანვარ-ივლისში გაყიდვები 5-7%-ით გაიზარდა. გაყიდვების ზრდას ხელს უწყობს ისიც, რომ წელს 3 ახალი მაღაზია...

მსოფლიოს წამყვან ბირჟებზე ნავთობი გაძვირდა – საქართველოში საწვავის ფასის 10 თეთრით გაზრდაა მოსალოდნელი

მსოფლიოს წამყვან ბირჟებზე ნავთობი გაძვირდა – საქართველოში საწვავის ფასის 10 თეთრით გაზრდაა მოსალოდნელი
access_time2020-08-09 20:00:07
ე.წ. დიდი ლოქდაუნისას გაუაფებული ბენზინი საერთაშორისო ბაზრებზე გაძვირების გზას დაადგა. კერძოდ, 29 ივლისის ვაჭრობის შედეგებით მსოფლიოს წამყვან ლონდონისა და ნიუ-იორკის სანავთობო ბირჟებზე ნავთობის ფასი...

Bloomberg: კარანტინზე უარის თქმის მიუხედავად, შვედეთმა ეკონომიკა ვერ გადაარჩინა

Bloomberg: კარანტინზე უარის თქმის მიუხედავად, შვედეთმა ეკონომიკა ვერ გადაარჩინა
access_time2020-08-09 18:00:10
  შვედეთმა თავისი ეკონომიკა 1980 წლის შემდეგ რეკორდული ვარდნისგან ვერ დაიცვა  - კარანტინზე და თვითიზოლაციაზე უარის თქმის მიუხედავად, ქვეყნის მშპ 2019 წლის ანალოგიურ პერიოდთან შედარებით 8,8%-ით შემცირდა  - ასეთია შვედეთის სტატისტიკის სამმართველოს მონაცემები.   პირველ კვარტალთან შედარებით ვარდნა თითქმის ანალოგიურია - 8,6%.   ასევე მკვეთრად დაეცა ექსპორტი და ამავე დროს მასშტაბური ფინანსური დახმარების პროგრამების მიუხედავად,...

აფხაზეთი კრიპტო-ციებ-ცხელებამ მოიცვა - ბოლო 6 თვეში აფხაზეთში 100 ახალი კრიპტოფერმა გაიხსნა

აფხაზეთი კრიპტო-ციებ-ცხელებამ მოიცვა - ბოლო 6 თვეში აფხაზეთში 100 ახალი კრიპტოფერმა გაიხსნა
access_time2020-08-09 16:00:20
აფხაზეთში ნამდვილი კრიპტო-ციებ-ცხელებაა. ეს ძალიან მარტივად იხსნება - კერძოდ კი, ელექტროენერგიაზე ფანტასტიურად დაბალი ტარიფებით.   ერთი კილოვატი ელექტროენერგია აფხაზეთში 1 ცენტზე ოდნავ მეტი ღირს - დანარჩენი მსოფლიოსთვის წარმოუდგენელი ფასი. გასაგებია, რომ ის კრიპტოფერმებს იზიდავს, და მათი რაოდენობა მუდმივად იზრდება - მხოლოდ ბოლო 6 თვეში აფხაზეთში 100 ახალი კრიპტოფერმა გაიხსნა, ჯამურად კი მათი რაოდენობა 8000-ს აღწევს.   ისინი მიტოვებულ შენობებში,...

Facebook-ს აქციები რეკორდულად ძვირდება

Facebook-ს აქციები რეკორდულად ძვირდება
access_time2020-08-09 13:40:12
Facebook-ის აქციების ღირებულება რეკორდულ დონეზე  - 225, 8 დოლარამდე გაიზარდა - ეს უმსხვილესი კომპანიების მხრიდან სოციალურ ქსელში რეკლამაზე ბოიკოტის და კონგრესში მიმდინარე ანტიმონოპოლიური გამოძიების ფონზე ხდება. ყველა ამ უსიამოვნების მიუხედავად, სოციალური ქსელის აუდიტორია და მოგებაც პროგნოზირებულზე მეტად იზრდება. ამ ინფორმაციის გამოქვეყნების შემდეგ კომპანიის აქციები 7%-ით გაძვირდა. ანალიტიკოსები ვარაუდობენ, რომ წლის მანძილზე Facebook-ის...


მსგავსი სიახლეები

up