სსფ-ს  მისიის პროგნოზი რეალისტურია, თუმცა, ის მოსახლეობის კეთილდღეობაზე  ვერ აისახება

სსფ-ს მისიის პროგნოზი რეალისტურია, თუმცა, ის მოსახლეობის კეთილდღეობაზე ვერ აისახება

access_time2018-08-29 15:30:41

საერთაშორისო სავალუტო ფონდის მისიის  მიერ  2018 წლისთვის საქართველოს ეკონომიკური ზრდის პროგნოზის  5.5 პროცენტამდე გაზრდას  ეკონომისტები „კომერსანტთან“ აფასებენ. მათი ნაწილი აცხადებს, რომ პროგნოზი რეალისტურია, თუმცა, ის მოსახლეობის კეთილდღეობაზე  ვერ აისახება.  



ეკონომისტ ირაკლი მაკალათიას განცხადებით, პროგნოზი არ ნიშნავს ზუსტ ციფრს, ამიტომ საერთაშორისო ორგანიზაციების პროგნოზებში ცდომილების ზღვარი ყოველთვის გათვალისწინებულია. მისი შეფასებით, სავალუტო ფონდის პროგნოზი რეალისტურია, განსაკუთრებით, თუ გავითვალისწინებთ   2018 წლის პირველ კვარტალში დაფიქსირებულ 5.3 პროცენტიან ზრდას.


 

როგორც მაკალათია აცხადებს, 2012 წლის შემდეგ 5 პროცენტზე მაღალი  ეკონომიკური ზრდა საქართველოს არ ჰქონია. თუმცა, მისივე შეფასებით, 5.5 პროცენტიანი  ზრდა საქართველოს ეკონომიკისთვის გარდამტეხი არ იქნება. „ეს მაჩენებელი დაბალია, განსაკუთრებით, საქართველოსთვის  და მსგავსი ტიპის ქვეყნისთვის.  ჩვენთან რომ განვითარებაზე იყოს საუბარი, ორნიშნა ეკონომიკური ზრდა უნდა დაფიქსირდეს“-აცხადებს მაკალათია.



მისი შეფასებით, არასწორია  იმაზე აპელირება, რაც წინა ხელისუფლების დროს ხშირად ხდებოდა. კერძოდ, რომ ჩვენ ამერიკის და მაგალითად, გერმანიაზე მეტი ეკონომიკური ზრდა გვაქვს. მისი განცხადებით,ამ მაჩვენებლების შედარება არ შეიძლება.


 

„ვთქვათ, 2018  წლის პირველ კვარტალში საქართველოს  5.3 პროცენტიანი ეკონომიკური ზრდა ჰქონდა, გერმანიას  კი -1.6 პროცენტიანი ეკონომიკური ზრდა. ეს კი იმას არ ნიშნავს, რომ ჩვენ გერმანიას გავასწარით. გერმანიამ 1.6 პროცენტიანი  ზრდა 11.74 მილიორდი ევროს დამატებით მიაღწია , ანუ ქვეყანამ ამ რაოდენობის აწარმოა და აქედან მიიღეს 1.6 პროცენტი. საქართველოს ეკონომიკამ კი   320.4 მილიონი ლარით მეტი, რაც ეკონომიკაში ბევრს არაფერს არ ნიშნავს.


 

მაღალი ეკომიკური ზრდა გამომდინარეობს იქიდან, რომ გასულ წელს იყო საკმაოდ დაბალი ეკნოომიკური მაჩვენებლები და ამასთან შედარებით უფრო გაზრდილმა ეკონომიკამ  5.3 პროცენტიანი ზრდა გვიჩვენა. ეს არითმეტიკული თამაშია და  არა რეალური ეკონომიკის ზრდის დაფიქსირება“-აცხადებს მაკალათია.



ეკონომისტი აკაკი ცომაია სავალუტო ფონდის მისიის ეკონომიკური ზრდის პროგნოზის 5.5 პროცენტამდე ზრდას რეალურს უწოდებს, თუმცა, აცხადებს, რომ ეს მოსახლეობის კეთილდღეობაზე ნაკლებად აისახება. მისი განცხადებით, საქართველო დაბალი შემოსავლის მქონე ქვეყანაა, შესაბამისად, 5.5 პროცენტი არ არის ეკონომიკური ზრდის ის ტემპი, რომელიც მოსახლეობაზე ასახვას ჰპოვებს.


 

როგორც ცომაია განმარტავს, საქართველოს ძირეული ეკონომიკური ძვრები არ ხდება. „ჩვენთან  ძირითადად, ფულადი გზავნილების  ხარჯზე იზრდება ეკონომიკა და არა ინვესტიციების შემოსვლის ან წარმოების განვითარების ხარჯზე“-აცხადებს ცომაია.


 

მისი განცხადებით, ეკონომიკური ზრდა რომ მოსახლეობის კეთილდღეობაზე აისახოს, ის ორნიშნა უნდა იყოს.



საერთაშორისო სავალუტო ფონდის მისიამ  საქართველოს ეკონომიკური ზრდის პროგნოზი 2018 წლისთვის 4.8 პროცენტიდან 5.5 პროცენტამდე გაზარდა. ამის შესახებ ნათქვამია ორგანიზაციის მიერ გავრცელებულ პრესრელიზში, რომელიც ფონდის მისიის დასრულებას ეძღვნება.

 

 

„ეკონომიკურმა აქტივობამ იმატა 2018 წლის პირველ ნახევარში. წლიურმა ზრდამ 5.7 პროცენტი შეადგინა, რასაც ხელი შეუწყო ძლიერმა საგარეო მოთხოვნამ, ფულადი გზავნილების და დაკრედიტების ზრდამ. წინასწარი მონაცემებით, ივნისის ბოლოს მდგომარეობით, ბიუჯეტიც მოსალოდნელზე უკეთესად სრულდებოდა. ინფლაციამ ივლისში 2.8 პროცენტი შეადგინა და წლის განმავლობაში მეტწილად საქართველოს ეროვნული ბანკის მიზნობრივ მაჩვენებელზე (3 პროცენტზე) ქვემოთ იყო. იმის გათვალისწინებით, რომ ინფლაციის პროგნოზი დაბალ დონეზე ნარჩუნდება, ეროვნულმა ბანკმა მონეტარული პოლიტიკის ნორმალიზაცია დაიწყო და მონეტარული პოლიტიკის განაკვეთი 25 საბაზისო პუნქტით შეამცირა. ამავდროულად, დეპოზიტებისა და სესხების დოლარიზაციის მაჩვენებელი კლებას განაგრძობს. მაღალი ეკონომიკური აქტივობის გათვალისწინებით 2018 წლის ზრდის პროგნოზი 4.8 პროცენტიდან 5.5 პროცენტამდე გავზარდეთ. მოსალოდნელი მაღალი ეკონომიკური აქტივობა და სავაჭრო პირობების შესუსტება, სავარაუდოდ, გაზრდის მიმდინარე ანგარიშის დეფიციტს. ეკონომიკურ პერსპექტივაზე შესაძლო უარყოფითი გავლენის მქონე რისკები, რაც განპირობებულია რეგიონში არსებული ვითარებით და სავაჭრო კონკურენციით, რეზერვების დაგროვების და მოქნილი გაცვლითი კურსის შენარჩუნების საჭიროებას წარმოშობს“, – განაცხადა ფონდის მისიის ხელმძღვანელმა, მერსედეს ვერა-მარტინმა.



ავტორი სოფო ქსოვრელი 

 





„საკმაოდ პესიმისტური პროგნოზი გვაქვს, ალბათ, რესტორნების დიდი ნაწილი ასეთ რეგულაციებს ვერ გაუძლებს“

 „საკმაოდ პესიმისტური პროგნოზი გვაქვს, ალბათ, რესტორნების დიდი ნაწილი ასეთ რეგულაციებს ვერ გაუძლებს“
access_time2020-05-24 19:00:27
„საკმაოდ პესიმისტური პროგნოზი გვაქვს. ალბათ, რესტორნების დიდი ნაწილი ასეთ რეგულაციებს ვერ გაუძლებს“,- ამის შესახებ საქართველოს რესტორატორთა ასოციაციის პრეზიდენტმა კოტე გაბრიჩიძემ „ბიზნესპრესნიუსთან“ საუბრისას განაცხადა. აღნიშულით ის covid19-თან დაკავშირებით მიღებულ...

საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება

საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება
access_time2020-05-24 10:00:55
საზოგადოებრივი ტრანსპორტით გადაადგილების შეზღუდვა 15 ივლისამდე გაგრძელდება. შესაბამისი გადაწყვეტილება საქართველოს მთავრობის N322 დადგენილებაშია ასახული.  ჩერდება: სარკინიგზო ტრანსპორტით მგზავრთა გადაყვანა, გარდა სამომსახურეო სარკინიგზო მიმოსვლისა, რომლის ფარგლებში სატვირთო გადაზიდვების შეუფერხებლად წარმოების მიზნით ხდება სს „საქართველოს რკინიგზის“ მიერ შემუშავებული გრაფიკით თანამშრომლების გადაადგილება/გადაყვანა საცხოვრებელი...

ქართულ ეთერზეთს უკვე ევროპაშიც ყიდიან

ქართულ ეთერზეთს უკვე ევროპაშიც ყიდიან
access_time2020-05-24 18:00:45
წლების განმავლობაში საქართველოში მრეწველობის ისეთი მნიშვნელოვანი დარგიც განადგურდა, როგორიც ეთერზეთების წარმოებაა, არადა, ევროპის ბაზარზე ამ პროდუქციაზე დიდი მოთხოვნაა. მას იყენებენ პარფიუმერიაში, მედიცინაში, კულინარიასა თუ ქიმიურ მრეწველობაში. თავის დროზე საბჭოთა კავშირი რამდენიმე სახეობის ეთერზეთს სწორედ საქართველოდან გზავნიდა....

ფრანგები თვეში საშუალოდ 5.9 მლრდ ევროს ზოგავდნენ, მარტში ეს მაჩვენებელი 19,6 მლრდ. ევრომდე გაიზარდა - პანდემიის შემდეგ ფრანგები ცხოვრების წესს ცვლიან

ფრანგები თვეში საშუალოდ 5.9 მლრდ ევროს ზოგავდნენ, მარტში ეს მაჩვენებელი 19,6 მლრდ. ევრომდე გაიზარდა - პანდემიის შემდეგ ფრანგები ცხოვრების წესს ცვლიან
access_time2020-05-24 20:00:33
  გასულ კვირას საფრანგეთში იზოლაციის რეჟიმიდან გასვლა დაიწყო - მოქალაქეებს მოხმარების და გადაადგილების გაცილებით მეტი შესაძლებლობები გაუჩნდა.   თუმცა, კვლევების თანახმად, ფრანგები სამომხმარებლო ქცევის შეცვლას და მეტ ფულის დაზოგვას გეგმავენ. პრიორიტეტების იცვლება - ზოგი მეტად ადგილობრივი საქონლის შეძენას, ზოგი ჰიპერმარკეტებში ვაჭრობაზე უარის თქმას, ზოგი ონლაინ-ყიდვების გააქტიურებას, ზოგი - ჯანმრთელობაზე დანახარჯების ზრდას აპირებს.   ეს...

The Telegraph: ზამთარში ევროპას კორონავირუსის უფრო მძიმე ტალღა ელის

The Telegraph: ზამთარში ევროპას კორონავირუსის უფრო მძიმე ტალღა ელის
access_time2020-05-24 16:00:00
  ევროპა კორონავირუსის მეორე, უფრო მძიმე და მომაკვდინებელი ტალღისთვის უნდა მოემზადოს, რადგანაც, პანდემია ჯერ არ დასრულებულა - განაცხადა ჯანდაცვის მსოფლიო ორგანიზაციის დირექტორმა ევროპაში ჰანს კლიუგემ.   მან გააფრთხილა ევროპის ქვეყნები, რომლებიც შეზღუდვებს ხსნიან - „დღეს არა ზეიმის, არამედ მომზადების დროა“.   მისი თქმით კორონავირუსით დაავდების შემთხვევების რაოდენობა ევროპის ქვეყნებში აშკარად შემცირდა, თუმცა, ეს პანდემიის დასრულებას...


მსგავსი სიახლეები

up