სპეციალური დეპოზიტარის შერჩევა ეროვნული ბანკის უაზრო კაპრიზია, რომელიც საპენსიო ფონდისთვის დამატებითი ხარჯი იქნება - ლევან სურგულაძე

სპეციალური დეპოზიტარის შერჩევა ეროვნული ბანკის უაზრო კაპრიზია, რომელიც საპენსიო ფონდისთვის დამატებითი ხარჯი იქნება - ლევან სურგულაძე

access_time2020-05-21 10:00:35

ობლიგაციების შენახვა, სადაც საპენსიო სააგენტო ფულს დააბანდებს, შესაძლოა „საქართველოს ბანკს“ მიანდონ. საპენსიო სააგენტო სპეციალიზირებული დეპოზიტარის ტენდერის დასკვნით პროცედურას ატარებს, გამარჯვებულ კომპანიასთან 3 წლიანი ხელშეკრულება უნდა გაფორმდეს. სპეციალიზებული დეპოზიტარის სტატუსის მოსაპოვებლად 3 ფინანსური ინსტიტუტი იბრძვის, აქედან ორი ქართული ბანკი („თიბისი“ და „საქართველოს ბანკი“), ერთი კი სომხეთის სახელმწიფო ცენტრალური დეპოზიტარია (Central Depository of Armenia OJSC).


საპენსიო სააგენტოს ყოფილი დირექტორი ლევან სურგულაძე „კომერსანტთან“ საუბრისას აცხადებს, რომ ახალ ტენდერში სავარაუდოდ „საქართველოს ბანკი“ გაიმარჯვებს, რადგან ამ თემაზე საუბარი მისი თანამდებობაზე ყოფნის დროსაც მიმდინარეობდა. თუმცა მისთვის გაუგებარია, რატომ დასჭირდა ეროვნულ ბანკს, რომელიც ცენტრალური დეპოზიტარის ფუნქციას ასრულებს, სპეციალიზირებული დეპოზიტარის შესარჩევი ტენდერის გამოცხადება და მისთვის ყველაფრის გადაბარება.


„კომერციულ ბანკებს შეუძლიათ სპეციალური დეპოზიტარის მომსახურების გაწევა, ჩემი იქ ყოფნის დროს ორივე ქართულ ბანკს („თიბისი“ და „საქართველოს ბანკი“) ვესაუბრეთ, მათ თქვეს, რომ შეუძლიათ ამის გაკეთება, თუმცა იმ მოთხოვნების შესრულება რაც მათ მოუწევთ, დამატებითი დეპარტამენტის შექმნას მოითხოვს,  ეს კი საკმაოდ ძვირი დაჯდება. ვფიქრობ, ეს დამატები დანახარჯი საპენსიო ფონდისთვის ზედმეტი და უაზრო ხარჯი იქნება, რომელიც ფონდს დააწვება და შესაბამისად ხალხის თანხიდან უნდა გადაიხადონ. ახლა ტენდერი მიმდინარეობს, ჩემი ვარაუდით, ყველაფერი იქეთკენ მიდის რომ გამარჯვებული „საქართველოს ბანკი“ იქნება.


ეროვნულმა ბანკმა უნდა განსაზღვროს აკმაყოფილებს თუ არა დამატებით მოთხოვნებს ესა თუ ის ორგანიზაცია. აღნიშნული მოვალეობა ჩვენს ცენტრალურ დეპოზიტარს რომ შეესრულებინა უკეთესი იქნებოდა, მაგრამ რატომღაც დაიბლოკა, ძალიან გამიკვირდა რატომ და ამბობენ, რომ სხვადასხვა მიზეზის გამო ის სპეციალიზირებული დეპოზიტარი ვერ გახდება. ახლა გამოცხადებულია შესარჩევი ტენდერი და იქ 3 მონაწილეა, “საქართველოს ბანკი”, “თიბისი” და OJSC. ვფიქრობ, ეს უბრალოდ ცენტრალური ბანკის უაზრო კაპრიზია, ამიტომ გადაწყვიტა სხვას გადააბაროს ეს ფუნქცია, შეიძლება აქ რაიმე პიროვნულიც იკვეთება, არ ვიცი, მაგრამ რაღაც ვარაუდები მაქვს, თუმცა ამ ეტაპზე მეტს ვერაფერს ვიტყვი“,
- განაცხადა ლევან სურგულაძემ.


ლევან სურგულაზე იმ დეტალებზეც საუბრობს, რაც სპეციალიზირებულ დეპოზიტარს დაეკისრება. მისი თქმით, დღეს ცენტრალური დეპოზიტარი ანუ სებ-ი არის სრულად აღჭურვილი ყველა იმ იარაღით, რომ ეს ფუნქცია ბოლომდე შეასრულოს, თუმცა ამ მოვალეობას თავს არიდებს.


„სპეციალიზებული დეპოზიტარის ძირითადი მოვალეობები იქნება ფასიანი ქაღალდების დეპონირება, საპენსიო აქტივების რეგულარული აღრიცხვა და ანგარიშგება. აღსანიშნავია რომ დაგროვებითი საპენსიო სქემის სპეციალიზებული დეპოზიტარის საქმიანობა წარმოადგენს რეგულირებად საქმიანობას და საპენსიო სააგენტოს წინასწარი შერჩევის შემდეგ, სპეციალიზებული დეპოზიტარის ფუნქციის შესრულების მსურველმა ორგანიზაციამ შესაბამისი ავტორიზაცია უნდა გაიაროს საქართველოს ეროვნულ ბანკთან. დღეს ცენტრალური დეპოზიტარი არის სრულად აღჭურვილი იმ ყველა იარაღით, რომ ეს ფუნქცია ბოლომდე შეასრულოს, თუმცა საქართველოს კანონში დაგროვებითი პენსიის შესახებ განასაზღვრული არის ე.წ. სპეციალიზირებული დეპოზიტარის ცნება, რომელიც მხოლოდ საპენსიო დანაზოგებს ეხება. აქ კი უკვე ცენტრალური და სპეციალიზირებული დეპოზიტარების საქმიანობები გაიმიჯნება“, - განმარტავს ლევან სურგულაძე.


აღსანიშნავია, რომ საპენსიო სააგენტოს საინვესტიციო საბჭოს სხდომის ოქმის მიხედვით, ჯამურად პროგრამაში მონაწილეთა რაოდენობა (აქტიური წევრები) 1,003,162 ადამიანს შეადგენს, რაც მთლიანად ქვეყნის მოსახლეობის 27%-ია. საპენსიო ფონდში დღეისათვის დაახლოებით 736 მილიონ ლარია მობილიზებული, ჯამურად კი ფონდში ყოველთვიურად საშუალოდ 45-50 მილიონი ლარი ირიცხება.


ნინო თამაზაშვილი




დღის Top 10 საინტერესო ამბავი

დღის Top 10 საინტერესო ამბავი
access_time2020-12-03 21:30:03
დღის Top 10 საინტერესო ამბავი     1. „ქართველი ხალხი ასეთი ბნელი და გაუნათლებელი არასდროს ყოფილა, როგორიც ახლაა“ - ეპიდემიოლოგი     „ხალხი არ იცავს სოციალურ დისტანციას, აღარ იკეთებს ნიღაბს და არ ატარებს სადეზინფექციო საშუალებებს. შეხედეთ რა ხდება ქალაქში - 10-დან 9-ს ნიკაპზე უკეთია ნიღაბი....

Bloomberg: პანდემია კრიპტოვალუტებს აძლიერებს

Bloomberg: პანდემია კრიპტოვალუტებს აძლიერებს
access_time2020-12-03 21:00:49
2020 წელს ბიტკოინის კურსის ზრდამ ბევრი ჭკვიანი ადამიანი გააოცა. გასულ კვირას მთავარი კრიპტოვალუტის ღირებულება 20 000 დოლარამდე ავარდა, რამაც ბევრ სკეპტიკოსს აზრის შეცვლა აიძულა.   2018 წელს ცნობილმა ამერიკელმა ეკონომისტმა ნოელ რუბინიმ ბიტკოინს „კაცობრიობის ისტორიაში ყველაზე დიდი საპნის ბუშტი“ უწოდა, თუმცა, დღეს ვირტუალური ფულის წარმატების ფონზე, 2020 წლის ნოემბერში, ის აღიარებს, რომ კრიპტოვალუტას ზრდის პერსპექტივა აქვს.   მაშინ რა ხდება...

Forbes: როგორი იქნება 2021 წელი ნავთობის და გაზის ბარზებისთვის?

 Forbes: როგორი იქნება 2021 წელი ნავთობის და გაზის ბარზებისთვის?
access_time2020-12-03 20:00:16
2020 წელი ნავთობის და გაზის ბაზრებისთვის უნიკალური და წარმოუდგენლად რთული იყო - კორონავირუსის პანდემიამ და ოპეკ+ის შეთანხმების ჩაშლამ ნავთობზე ფასების უპრეცედენტო ვარდნა გამოიწვია. აპრილში საქმე იქამდეც კი მივიდა, რომ ნავთობი წამგებიანი გახდა, რაც აქამდე არასდროს მომხდარა.   2020 წელმა ისტორიაში პირველად მოხმარების შოკი მოიტანა. ბოლო 50 წლის მანძილზე მსოფლიოში მიწოდების შოკი საკმაოდ ხშირი მოვლენა იყო - მაგალითად, 1967 წელს ისრაელის მიერ წამოწყებული 6-დღიანი ომის დროს,...

3 დეკემბერი - რეგიონში ყველა ვალუტა გამყარდა

3 დეკემბერი - რეგიონში ყველა ვალუტა გამყარდა
access_time2020-12-03 19:30:09
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 3 დეკემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3119 ლარი გახდა....

ასეულ მილიონიანი ფასნამატი ფარმაცევტულ პროდუქტზე - რა შემოსავალი აქვს „ავერსს“, „პსპ-სა“ და „ჯიპისის“

ასეულ მილიონიანი ფასნამატი ფარმაცევტულ პროდუქტზე - რა შემოსავალი აქვს „ავერსს“, „პსპ-სა“ და „ჯიპისის“
access_time2020-12-03 18:30:10
რამდენიმე ასეულობით მილიონი ლარის შემოსავალი და ასეულ მილიონიანი ფასნამატი ფარმაცევტულ პროდუქციაზე - ასეთი მონაცემები ჩანს ფარმაცევტული ბაზრის ლიდერი კომპანიების ფინანსური ანგარიშგებებიდან.   „ბიზნესპრესნიუსი“ დაინტერესდა, როგორია მსხვილი ფარმაცევტული კომპანიების ფინანსური მაჩვენებლები. 2019 წლის სავალდებულო ფინანსური აუდიტი კომპანიების ნაწილმა უკვე გაიარა. მათ შორის არის ფარმაცევტული სექტორის მონაწილე სამი კომპანია - „ავერსი“; „პსპ“ და „ჯიპისი“. როგორც ფინანსური...


მსგავსი სიახლეები

up