SpaceFarms, სასტუმრო სტამბა - ს ტერიტორიაზე მდებარეობს, სადაც სხვადასხვა ბიოლოგიურად სუფთა ბოსტნული იზრდება, რომელსაც რესტორნების შეფმზარელები სხვადასხვა კერძების მოსამზადებლად აქტიურად იყენებენ.
SpaceFarms, როგორც საცალო ასევე კორპორატიულ გაყიდვებზე მუშაობს.
კომერსანტი დეტალებისთვის SpaceFarms-ის პროექტის ავტორს ტუსია ღარიბაშვილს დაუკავშირდა, მისი განმარტებით spacefarms-ში ყველაფერი ავტომატიზირებულია და იმისათვის, რომ მცენარე ჯანსაღი გაიზარდოს, ყველა პროცესი არის მართვადი, კერძოდ კი ტენიანობა, ტემპერატურა, ჰაერში co2-ის რაოდენობა, ჰაერის ცერკულაცია, წყალში მჟავიანობის და საკვები ელემენტების რაოდენობა, აგრო ლედ განათების სიხშირე და ინტესივობა. ეს ყველაფერი კი სტაბილურ მოსავლს იძლევა.
მე პირადად ავტომატიზირებულმა და მდგრადმა მეურნეობამ ძალიან დამაინტერესა, შევისწავლე რა ინერგებოდა აგრო-მეურნეობაში, რომელი თანამედროვე ტექნოლოგიების დანერგვით შეიძლებოდა მდგრადი მეურნეობის შექმნა. რის შემდგომაც ურბანული მეურნეობის ტექნოლოგიურ განვითარებაში დიდი ინტერესით ჩავერთე.
SpaceFarms 150 კვადრატულ სივრცეშია მოწყობილი, სადაც ყველაფერი ავტომატიზირებულია, რაც იძლევა შესაძლებლობას, რომ მცენარე მიუხედავად სეზონისა წელიწადის ნებისმიერ დროს იზრდებოდეს.
SpaceFarms, ქალაქის შუაგულში მდებარეობს, მეურნეობა სრულიად დახურულ კონტროლირებად გარემოში მიმდინარეობს, ასევე ინტეგრირებულია ხელოვნური ინტელექტი და IOT სისტემა, რომელიც სათბურში პროცესების მართვას ამარტივებს.
სპეციალურ პროგრამაში ყველა პროცესი წინასწარ არის გაწერილი რაც შესაძლებლობას გვაძლევს, რომ მცენარისთვის შესაბამისი გარემო შევქმნათ. - აღნიშნა ტუსია ღარიბაშვილმა.
Spacefarms - ის მიზანი, ტექნოლოგიურად მდგრადი მეურნეობაა, მცენარეების წარმოების დროს არ გამოიყენება პესტიციდები, გამომდინარე იქიდან, რომ ვერტიკალური მეურნეობაა იზოგება მიწის ფართი, რაც 150 კვადრატულ მეტრზე გაცილებით მეტი რაოდენობის პოდუქტის მოყვანის შესაძლებლობას იძლევა, ვიდრე ეს ტრადიციული მეურნეობის პირობებში იქნებოდა.
ტუსია ღარიბაშვილი განმარტავს, რომ დახურულ კონტროლირებად გარემოში მეურნეობის განვითარება მომავლზე მორგებული მეურნეობაა, სადაც ტრადიციულ მეურნოებასთან შედარებით ნაკლები წყალი გამოიყენება.
ჩვენ სათბურში მცენარე თესლის დაჩითილებიდან ყველა ეტაპს გადის , იზრდება სრულიად ჯანსაღი და სუფთა ბოსტნეული.
ჩვენ გვსურდა, ბოსტნეული მომხმარებელთან რაც შეიძლება ახლოს ყოფილიყო, ამიტომ გადავწყვიტეთ, რომ მეურნეობა ქალაქის შუაგულში გაგვეშენებინა.
ჩვენი ბოსტნეული სრულიად ჯანსაღი და ყველა გემოვნური თვისებებთ მიდის ჩვენს მომხმარებელთან, - აღნიშნა ტუსია ღარიბაშვილმა.
Spacefarms ამ ეტაპზე ლიმიტირებულ პროდუქციას აწარმოებს. ტუსია ღარიბაშვილის განმარტებით ეს იყო ერთგვარი ექსპერიმენტი და აგრომეურნეობაში ახალი ხედვის დანერგვა, რომელიც მომავალზეა ადაპტირებული და ორიენტირებული.
Spacefarms- ში მოდის სალათის ფურცლები, სურნელოვანი მწვანლები, დეკორატიული მცენარეების ნაირსახეობა და ბევრი სხვა ბოსტნული.
ტუსია ღარიბაშვილმა კომერსანტთან საუბრისას სამომავლო გეგმებზეც ისაუბრა და აღნიშნა, რომ spacefarms შესაძლებლობა აქვს, რომ მომხმარებელს მომსახურეობა შესთავაზოს, რაც კონსალტინგს და CEA მეურნეობის აშენებას გულისხმობს.
მომხმარებელს ვისაც აინტერესებს მეურნეობის დახურულ კონტროლირებად გარემოში წარმოება, არა მხოლოდ სქართველოში არამედ მის ფარგლებს გარეთაც შეუძლიათ, რომ შეგვიკვეთონ პროექტი და ჩვენ მათ დავუგეგმავთ და მსგავს მეურნეობას ავუშენებთ, - აღნიშნა ტუსია ღარიბაშვილმა
ტუსია ღარიბაშვილის პირველი პროექტი, რომელიც მეგობართან ქეთევან ბეჟიტაშვილთან ერთად 2017 წელს დაარსა Urban Greens იყო, რომელიც მიკრომწვანილებს აწარმოებდა და მიზანი შეფ მზარეულებისთვის მიკრომწვანილების ნარსახეობის გაცნობა იყო.
ყველაფერი 15 კვადრატული პატარა სათბურიდან დავიწყეთ. თაროები ვერტიკალურად გავაშენეთ, დავგეგმეთ ყველა პროცესი, მოვიძიეთ ინფორმაცია, საერთაშორისო კომპანიებთან ვისგანაც თესლები შემოგვქონდა დავამყარეთ კომუნიკაცია.
პირველი პეიროდი იყო საექსპერიმენტო, ბევრი ცოდნა შევიძინეთ- აღნიშნა პროექტის ავტორმა.
SpaceFarms სამომავლოდ მომხმარებელს როგორც ტექონოლოგიური ასევე სერვისის მხრივ ბევრ ინოვაციურ სიახლეს შესთავაზებს.
თაკო კვაჭანტირაძე