სპა-კურორტების განსავითარებლად საქართველოში ყველანაირი ბუნებრივი პირობაა და ამის არგამოყენება დიდი დანაშაულია

სპა-კურორტების განსავითარებლად საქართველოში ყველანაირი ბუნებრივი პირობაა და ამის არგამოყენება დიდი დანაშაულია

access_time2019-03-20 18:30:00

საქართველოს მასშტაბით 2000-ამდე მინერალური და სამკურნალო წყლის რესურსი არსებობს, რომლებიც ჯანმრთელობის სხვადასხვა პრობლემების მოგვარების საუკეთესო და ყველაზე ხელმისაწვდომი საშუალებაა. წყალტუბო, შოვი, ახტალა, აბასთუმანი, ურეკი - ეს ის კურორტებია, რომლებიც სპა-ტურიზმის განვითარებისთვის მთავარი რესურსია, თუმცა როგორც  „საქართველოს შემომყვან ტურ-ოპერატორთა ასოციაციის“ თავმჯდომარე ია თაბაგარი „კომერსანტთან“ საუბარში აღნიშნავს, ეს მიმართულება ქვეყანაში ძალიან ნაკლებად არის ათვისებული და განვითარებული.


„საქართველოს, როგორც გამაჯანსაღებელი ტურისტულ მხარეს ძირითადად ყოფილი საბჭოთა კავშირისა და მეზობელი ქვეყნები იცნობენ. ეს ისტორიული მეხსიერებიდან გამომდინარეობს.  შემდეგ თაობებსაც ბებია-ბაბუებისგან იციან, რომ საქართველო არის დასვენების ქვეყანა. ეს ფაქტორი კარგად არის გამოსაყენებელი,“ - ამბობს ია თაბაგარი.


ია თაბაგარის თქმით, მიუხედავად იმისა, რომ საქართველო გამაჯანსაღებელი რესურსებით მდიდარია, ფაქტობრივად, არ არის კურორტი, რომელიც მაღალი მოთხოვნების  მქონე სტუმრებს უმასპინძლებს.


„გვაქვს მხოლოდ რამდენიმე მოწესრიგებული სპა-კოპლექსი და არა კურორტი . თუნდაც ავიღოთ ლოპოტა, ყვარლის ედემი. მაგრამ უპრობლემო კურორტი, რომელიც მზად არის იმისათვის, რომ მაღალი მოთხოვნების მქონე სტუმრებს უმასპინძლოს, არ გვაქვს და ეს არის ყველაზე სამწუხარო საკითხი. „


„საქართველოს შემომყვან ტურ-ოპერატორთა ასოციაციის“ თავმჯდომარის აზრით, სპა-კურორტების განუვითარებლობის მთავარი პრობლემა მოუწესრიგებელი ინფრასტრუქტურაა. ამასთან მიუხედავად იმისა, რომ კურორტებს გენგეგმები გააჩნია, მათი განვითარება არასწორად ხდება.



„მაგალითად ურეკს გააჩნია გენგეგმა, მაგრამ იგი საერთაშორისო კურორტი ვერ გახდება მანამ, ვიდრე საზღვაო ზოლი არ მოწესრიგდება. სანაპიროს გასწვრივ არის ბეტონის კედლები, რომელიც სამი ოჯახის კერძო საკუთრებაა. ეს არ არის კურორტის სწორი დაგეგმარება. სახელმწიფომ უნდა გამოისყიდოს ეს ტერიტორია და ხელახლა დააგეგმაროს. გენგეგმა აქვს ბახმაროსაც. თუ ეს გენგეგმა იქნება დაცული, მაშინ ბახმაროში თავიდანვე არ იქნება შეცდომები დაშვებული, როგორც გომის მთაზე და სხვა კურორტებზე.“


როგორც თაბაგარი აღნიშნავს,  თუ კი მსოფლიოში სპა-კურორტთან დაკავშირებით რამე რეკრეაციული მოთხოვნა არსებობს, ჩვენს ქვეყანაში ყველაფერია  და ამის არგამოყენება დიდი დანაშაულია.


მარიამ მორგოშია






Bloomberg-მა რუსეთს დიდი ეკონომიკური რეცესია უწინასწარმეტყველა

Bloomberg-მა რუსეთს დიდი ეკონომიკური რეცესია უწინასწარმეტყველა
access_time2020-04-07 20:00:11
კორონავირუსის პანდემიასთან ბრძოლის მარათონში რუსეთი ყველაზე ნაკლებ რესურსს ხარჯავს ეკონომიკის მხარდასაჭერად, ვიდრე სხვა ქვეყნები, რაც მძიმე რეცესიის საწყისი შეიძლება გახდეს -  წერს Bloomberg-ი. ექსპერტები მიიჩნევენ, რომ რეზერვების გამოყენებისგან თავის შეკავების მიზეზი არის რუსეთის ხელისუფლების შიში ნავთობის დაბალ ფასებზე.   სანამ მსოფლიო ლიდერები მთელი პლანეტის მასშტაბით, კოლოსალურ თანხებს ხარჯავენ ეკონომიკის...

7 აპრილი - ქართული ლარი გაუფასურდა, თურქული ლირა გამყარდა

7 აპრილი - ქართული ლარი გაუფასურდა, თურქული ლირა გამყარდა
access_time2020-04-07 19:00:39
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის დასაწყისიდან ლარის მნიშვნელოვანი გაუფასურება დაიწყო და წლის დასაწყისთან შედარებით, დაახლოებით 22%-ით გაუფასურდა. Bloomberg-ის სავაჭრო სისტემაშიც ბოლო პერიოდის განმავლობაში ლარი ძირითადად მკვეთრად უფასურდებოდა, რეგიონის ვალუტის კურსები კი ან მცირედით და ეტაპობრივად უფასურდება, ან...

„ქართული ღვინო ყველაზე დიდ დიპლომატიურ როლს თამაშობს“- კომპანია „მტევინო“ ჰობით დაწყებული ბიზნესი

„ქართული ღვინო ყველაზე დიდ დიპლომატიურ როლს თამაშობს“- კომპანია „მტევინო“ ჰობით დაწყებული ბიზნესი
access_time2020-04-07 17:55:17
ხამში- ეს არის ძველისძველი ისტორიული სოფელი გარე კახეთში, რომელიც საფერავის საუკეთესო ღვინოსთან ასოცირდება. უახლოეს მომავალში, როდესაც კორონავირუსის პანდემია გადაივლის და ცხოვრება ჩვეულ რიტმს დაუბრუნდება, საგარეჯოს მუნიციპალიტეტის ეს პატარა სოფელი,...

„20-მდე კომპანიის გადამოწმების შედეგად, 6-ს საქმიანობის გაგრძელებაზე განაცხადი არ დაუკმაყოფილდა“

„20-მდე კომპანიის  გადამოწმების შედეგად, 6-ს საქმიანობის გაგრძელებაზე განაცხადი არ დაუკმაყოფილდა“
access_time2020-04-07 16:45:20
ჯანდაცვის სამინისტროს შრომის პირობების ინსპექტირების დეპარტამენტის უფროსის ბექა ფერაძის ინფორმაციით, საქმიანობის ნებართვის გაგრძელების სურვილის მქონე 20-მდე კომპანია გადამოწმდა, რომელთაგან 6-ს განაცხადი ჯანდაცვის სამინისტროს რეკომენდაციების შეუსრულებლობის გამო არ დაუკმაყოფილდა. როგორც ბექა ფერაძემ „ინტერპრესნიუსს“ საწარმოების მხრიდან რეკომენდაციების შესრულების მონიტორინგის პროცესის შესახებ განუცხადა, ერთი დღის განმავლობაში COVID 19-ის გავრცელების პრევენციის მიზნით...

პაატა ბაირახტარი: ეროვნულ ბანკს უნდა გაეკეთებინა ის, რასაც აკეთებს ახლა. უბრალოდ, ეს უნდა გაეკეთებინა თავის დროზე

პაატა ბაირახტარი: ეროვნულ ბანკს უნდა გაეკეთებინა ის, რასაც აკეთებს ახლა. უბრალოდ, ეს უნდა გაეკეთებინა თავის დროზე
access_time2020-04-07 15:00:16
მარტის თვის მდგომარეობით ქვეყანაში ინფლაციის დონე მნიშვნელოვნად არის გაზრდილი, 6.1%-ს შეადგენს და მიზნობრივ მაჩვენებელს ორჯერ აღემატება. ჩნდება კითხვა, - რატომ ვერ ართმევს ცენტრალური ბანკი თავს თავის უმთავრეს მოვალეობას  და რატომ ვერ ახერხებს ფასების საერთო დონის მოთოკვას. ამ კითხვებით „კომერსანტმა“, ახალგაზრდა ფინანსისტთა და ბიზნესმენთა ასოციაციის - „აფბას“ ვიცე-პრეზიდენტს, პაატა ბაირახტარს მიმართა. - პაატა,...


მსგავსი სიახლეები

up