ოკუპირებულ აფხაზეთში, სოხუმში გუშინ რამდენიმე სკოლა გამნაღმველებმა შეამოწმეს. ამის შესახებ ინფორმაციას „ეხო კავკაზი“ ავრცელებს. აფხაზურ ტელეგრამარხებში გამოჩნდა ანონიმური შეტყობინება ტერორისტულ საფრთხესთან დაკავშირებით, სადაც ნათქვამი იყო, რომ „ვიღაცამ საქართველოდან მნიშვნელოვანი ტერორისტული აქტი დააფინანსა“.
მანამდე აფხაზეთის თვითგამოცხადებული რესპუბლიკის სახელმწიფო უსაფრთხოების სამსახურმა გააფრთხილა მოსახლეობა, რომ შესაძლო ტერორისტული საფრთხის შესახებ ინფორმაციას ამოწმებდნენ. დე-ფაქტო სამინისტრომ მოქალაქეებს სიმშვიდისკენ მოუწოდა და გააფრხილა, რომ „არ აჰყვნენ პროვოკაციებს და შეინარჩუნონ სიფხიზლე.“ მაგრამ, როგორც ადგილობრივი გამოცემები წერენ, ყველა მშობელმა სიმშვიდის შენარჩუნება ვერ მოახერხა და ბევრმა მათგანმა შვილები სკოლებში არ გაუშვა.
„გეყოფათ უკვე ხალხის დაზაფრა! ნუ ამყოფებთ ხალხს შიშში! მშობლები პანიკაში არიან, ეშინიათ, რომ შვილები სკოლაში გაუშვან,“- წერს აფხაზი აქტივისტი ჯანსუხ ადლეიბა.
მაგრამ სხვაგვარად ფიქრობენ ოკუპირებული აფხაზეთის ე.წ განათლების უწყების მესვეურები.
„ცენტრალურ სკოლებში მშობლები რატომღაც პანიკას თესავენ, მაგრამ ასე არ უნდა ხდებოდეს. სიფხიზლე ყოველთვის უნდა იქნას შენარჩუნებული და თუ სპეციალისტები ახორციელებენ რაიმე პრევენციულ ზომებს, მაშინ, პირიქით, მათ მხარი უნდა დაუჭირონ,“ - აცხადებს სოხუმის განათლების დეპარტამენტის ხელმძღვანელი ასტანდა ტარკილი.
სოხიმი
