„საქართველოს ხელისფლების მიერ პანდემიის წინააღმდეგ წარმოებული ბრძოლის შედეგები გლობალური მასშტაბით ერთერთი საუკეთესოა. - ჩვენს ქვეყანაში, თავის ყველა სახმელეთო მეზობელთან შედარებით, მოსახლეობის თანაბარ რაოდენობაზე, ჯერადად ნაკლებია COVID-19-ით ინფიცირებისა და ლეტალური შედეგის დადგომის სიხშირე. ამის პარალელურად, პანდემიით გამოწვეული შედეგების დაძლევის ანტიკრიზისული გეგმა, რომელსაც ქვეყნის ხელისუფლება თანმიმდევრულად ახორციელებს. მრავალ სხვა კომპონენტთან ერთად, ითვალისწინებს ოჯახებისათვის სოციალური დახმარების პაკეტის ფორმირებისა და რეალიზაციის, მათ შორის 17 წლამდე ასაკის ბავშვებისათვის ერთჯერად 200-ლარიან დახმარებას, რაც საგრძნობი შეღავათია ბავშვებისათვის აუცილებელი პირველადი მოხმარების საგნების, მათ შორის სასწავლო პროცესთან დაკავშირებულ საგნების შესაძენად.
რომ იტყვიან, „შუბი ხალთაში არ იმალება“ და გაეროს ბავშვთა ფონდის (Unicef) მიერ ჩატარებულმა კვლევამ მოსახლეობისა და ბავშვთა სიღარიბეზე კორონავირუსის პანდემიის ზეგავლენასთან დაკავშირებით დაადასტურა, რომ საქართველოს ხელისუფლების მიერ განხორციელებული ანტიკრიზისული სოციალური ღონისძიებები ეფექტიანია და ის ჩვენს მოქალაქეებს მართლაც მნიშვნელოვნად უმსუბუქებს გლობალური კრიზისით გამოწვეულ ფინანსურ სირთულეებს. ამასთან, კვლევის შედეგების საფუძველზე, ჩამოყალიბებული იყო რეკომენდაცია ყოველ 17 წლამდე ასაკის ბავშვზე 50-ლარიანი დახმარების გაცემის თაობაზე. თუმცა, საქართველოს ხელისუფლება, რომლის „საფირმო ნიშანი“ პანდემიასთან ბრძოლის პროცესში სისწრაფე და ოპერატიულობაა, უკვე მიიღო გადაწყვეტილება აღნიშნული ტიპის დახმარების 200-ლარიან ფორმატზე, რაც 4-ჯერ აღემატება Unicef-ის რეკომენდირებულ პარამეტრს.
ამგვარი შემწეობა მნიშვნელოვან დახმარებას გაუწევს პანდემიით დაზარალებულ მოსახლეობას, პირველ რიგში, ბავშვებს და ხელს შეუწყობს არათუ სიღარიბის ზრდის ტემპის შემცირებას, არამედ სიღარიბის მაჩვენებლების საბაზისო დონესთან კლების პროცესსაც.
COVID-19-ის პანდემიის დაწყებიდან შრომის საერთაშორისო ორგანიზაციამ რამდენჯერმე გაზარდა გლობალური მასშტაბით უმუშევრობისა და დაკარგული სამუშაო ადგილების რაოდენობის მაჩვენებლები, რაც პირდაპირ აისახება მოზარდების, ბავშვების კეთილდღეობაზე. ამ ფონზე საქართველოს ხელისუფლების მიერ გადადგმული ნაბიჯი (და მთლიანობაში, ანტიკრიზისული გეგმის რეალიზაცია) ემსახურება პანდემიის ნეგატიური ეკონომიკური შედეგების მაქსიმალურად შემსუბუქებასა და სიღარიბის წინააღმდეგ თანმიმდევრულ ბრძოლას. აღნიშნული პროცესის თანმიმდევრობა და ეფექტიანობა კი, თავის მხრივ, გაეროს ბავშვთა ფონდის მიერ ჩატარებულმა კვლევამაც ერთმნიშვნელოვნად და ცალსახად დაადასტურა~. - წერს სოსო არჩვაძე.