სოსო არჩვაძე: საგარეო ვაჭრობა, მათ შორის ექსპორტი, სტაბილურად იზრდება ორნიშნა რიცხვებში გამოსახული ტემპებით

სოსო არჩვაძე: საგარეო ვაჭრობა, მათ შორის ექსპორტი, სტაბილურად იზრდება ორნიშნა რიცხვებში გამოსახული ტემპებით

access_time2021-10-13 12:45:15

„საქართველოს მაკროეკონომიკური მდგომარეობის გაუმჯობესება და ბიზნეს-აქტიურობის ამაღლება ადეკვატურად აისახება ქვეყნის საგარეო-ეკონომიკურ აქტივობაში. საგარეო ვაჭრობა, მათ შორის ექსპორტი, სტაბილურად იზრდება ორნიშნა რიცხვებში გამოსახული ტემპებით, ამასთან, ექსპორტის ზრდის ტემპი როგორც მთლიანად მიმდინარე წლის იანვარ-სექტემბერში, ისე მხოლოდ სექტემბერში, საგრძნობლად უსწრებს ქვეყნის ეროვნული პროდუქტის ზრდის ტემპს,” – ასე გამოეხმაურა ეკონომიკის ექსპერტი  სოსო არჩვაძე „საქსტატის“ მიერ 2021 წლის 9 თვის საგარეო ვაჭრობის ექსპრეს მონაცემს.

2021 წლის სექტემბერში საქართველოს ექსპორტი წინა წლის შესაბამის პერიოდთან შედარებით გაიზარდა 12.8 პროცენტით და 373.6 მლნ. აშშ დოლარს მიაღწია. წლის დასაწყისიდან მთლიანად, ადგილი ჰქონდა ექსპორტის 24.0 პროცენტიან ზრდას, ხოლო მოცულობამ 2981.3 მლნ. აშშ დოლარს მიაღწია.

სოსო არჩვაძის განცხადებით, როგორც იანვრის, ისე მთლიანად იანვარ-სექტემბრის ექსპორტის მაჩვენებლებმა მნიშვნელოვნად გადააჭარბეს პანდემიამდელი, 2019 წლის სექტემბრისა და იანვარ-სექტემბრის მაჩვენებლებს (შესაბამისად, 22.3 პროცენტით და 9.0 პროცენტით). მისი თქმით, ექსპორტის ყოველდღიური, სადღეღამისო მოცულობა 2021 წლის სექტემბერში 2270 ათასი აშშ დოლარით აღემატებოდა პანდემიამდელი, 2019 წლის სექტემბრის ანალოგიურ მაჩვენებელს.

2021 წლის სექტემბერში იმპორტმა შეადგინა 1299.4 მლნ. აშშ დოლარი, მთლიანად იანვარ-სექტემბერში - 7028.4 მლნ. აშშ დოლარი. ზრდის ტემპებმა შესაბამისად შეადგინა, +23.4% და + 21.6%. ექსპორტით იმპორტის გადაფარვამ 2021 წლის სექტემბერში 40.4 პროცენტი, ხოლო მთლიანად იანვარ-სექტემბერში - 42.4 პროცენტი შეადგინა.


სოსო არჩვაძის თქმით, აღსანიშნავია, რომ სექტემბრის ექსპორტი აღემატებოდა მიმდინარე წლის პირველი რვა თვის საშუალო მაჩვენებელს 14.5 პროცენტით, იმპორტი, შესაბამისად, - 23.1 პროცენტით და მთლიანი ბრუნვის მაჩვენებელი - 20.5 პროცენტით. მისი თქმით, იმპორტის რამდენადმე წინსწრები ზრდა ექსპორტის ზრდასთან შედარებით დიდწილად უკავშირდება საქართველოს სატრასპორტო-საკომუნიკაციო ფუნქციის და მნიშვნელობის ამაღლების გამო რეექსპორტის ასევე საგრძნობ ზრდას - გასულ წელთან შედარებით დაახლოებით 20.0 პროცენტით. რეექსპორტის ყოველდღიური, საშუალო სადღეღამისო მოცულობა გასულ წელთან შედარებით 0.5 მლნ. აშშ დოლარითაა გაზრდილი.

„საქართველოს აქტიური ჩართვა შრომის საერთაშორისო დანაწილებაში, ქართული პროდუქციის უფრო ფართო და მყარი პოზიციონირება მსოფლიო სავაჭრო რუკაზე ქვეყანაში ბოლო წლებში გატარებული ეკონომიკური რეფორმებისა და ბიზნესის მხარდაჭერის სახელმწიფო პროგრამების წარმატებული რეალიზაციის შედეგია,“ - წერს სოსო არჩვაძე  საკუთარ  ფეისბუქ გვერდზე.






თურქეთი საქართველოს გავლით პროდუქციის ევროკავშირში ექსპორტს შეძლებს

თურქეთი საქართველოს გავლით პროდუქციის ევროკავშირში ექსპორტს შეძლებს
access_time2021-10-16 12:11:40
თურქეთმა მიიღო უფლება თავისუფალი ვაჭრობის რეჟიმში განახორციელოს თურქულ ნედლეულზე საქართველოში წარმოებული პროდუქციის ექსპორტი ევროკავშირში.  ახალი შეთანხმება არ...

რუსეთი, როგორც მთავარი კიბერგამომძალველი

რუსეთი, როგორც მთავარი კიბერგამომძალველი
access_time2021-10-16 20:00:31
დასავლეთის ქვეყნებზე განხორციელებული კიბერშეტევების დიდი ნაწილის უკან რუსეთი და მისი მეზობელი ქვეყნები დგანან - განაცხადა ბრიტანეთის კიბერუსაფრთხოების სააგენტოს დირექტორმა ლინდსი კემერონმა. მისი თქმით, სწორედ ონლაინგამოძალვა წარმოადგენს ყველაზე სერიოზულ საფრთხეს კიბერშეტევების ყველა სახეობას შორის.   „ეროვნული უსაფრთხოების სამსახურთან ერთად, ჩვენ ჩავატარეთ გარკვეული სამუშაო და მივედით დასკვნამდე, რომ რუსეთში და მის მეზობელ ქვეყნებში ბაზირებული კიბერდამნაშავეები...

ვენეცია ტურისტებს იბრუნებს

ვენეცია ტურისტებს იბრუნებს
access_time2021-10-16 18:00:12
პანდემიის პირველმა წელმა იტალია და, მათ შორის, ვენეცია, უცხოელი ტურისტების გარეშე დატოვა. დღეს ვიზიტორები ბრუნდებიან. რა თქმა უნდა, მასშტაბები ჯერ ისეთი არაა, როგორც 2019 წელს. უქმეებზე ვენეცია ტურისტებით სავსეა, მაგრამ სამუშაო დღეებში ქალაქში შედარებითი სიმშვიდეა. ბოლო მონაცემებით ვენეციაში ჩამოსული ტურისტების რაოდენობა პანდემიამდელი პერიოდის 60%-ს მიაღწია, თუმცა, ვიზიტორების სტრუქტურა შეიცვალა. უცხოელების რაოდენობა 2019 წელთან შედარებით 70%-ით შემცირდა, მაგრამ ამავე დროს იტალიელების 50%-ით...

ბაზარზე გაყინული ფოთლების ჩაი გამოჩნდა

ბაზარზე გაყინული ფოთლების ჩაი გამოჩნდა
access_time2021-10-16 10:00:43
ინოვაციური ტექნოლოგიით დამზადებული ახალი სახეობის გაყინული ფოთლების ჩაი უკვე გაყიდვაშია, მისი შეძენა კი მომხმარებელს გუდვილის (საბურთალოს და დიღმის) ჰიპერმარკეტებში...

ავთანდილმა შეიძლება ავეჯის დიზაინის ხაზიც აამოქმედოს

ავთანდილმა შეიძლება ავეჯის დიზაინის ხაზიც აამოქმედოს
access_time2021-10-16 16:00:04
ქართველი დიზაინერი, ავთანდილ ცქვიტინიძე ავეჯის დიზაინით დაინტერესდა. როგორც სამოდელო სახლ „ავთანდილის“ დამფუძნებელი და დირექტორი ამბობს, ის ჯერჯერობით ძიებაშია და სამომავლო გეგმებზე დაზუსტებით ვერაფერს იტყვის, თუმცა არ გამორიცხავს, რომ მისმა გატაცებამ მომავალში...


მსგავსი სიახლეები

up