სოსო არჩვაძე: ექსპორტის მიღწეული დონე  ბოლო წლების ერთ-ერთი საუკეთესო მაჩვენებელია

სოსო არჩვაძე: ექსპორტის მიღწეული დონე ბოლო წლების ერთ-ერთი საუკეთესო მაჩვენებელია

access_time2020-08-19 14:25:44

ექსპერტი ეკონომიკის საკითხებში სოსო არჩვაძე დღეს გამოქვეყნებულ სტატისტიკურ მონაცემს ფეისბუქ-პოსტით ეხმაურება. საუბარია ადგილობრივი ექსპორტის მონაცემზე.


მისი ინფორმაციით, საქართველოს საგარეო სავაჭრო ბრუნვაში აისახება როგორც ადგილობრივად წარმოებული(სამამულო) პროდუქცია, ასევე რეექსპორტიც. აღნიშნულის გამო, მიუხედავად იმისა, რომ 2020 წლის იანვარ-ივლისში მთლიანი ექსპორტი შემცირდა 16.8 პროცენტით, ამ შემცირების უდიდესი წილი (93.9%) რეექსპორტის შემცირებაზე მოდის. - რეექსპორტი შემცირდა 1/3-ით, მაშინ როდესაც ადგილობრივი წარმოების ექსპორტი - მხოლოდ 2 პროცენტით. ექსპორტის მიღწეული დონე (1083.4 მლნ. აშშ დოლარი) ბოლო წლების ერთერთი საუკეთესო მაჩვენებელია და ჩამორჩება მხოლოდ 2019 და 2018 წლების შესაბამისი პერიოდის შედეგებს. ამასთან, ადგილობრივი ექსპორტის მოცულობამ ივლისში მეორე კვარტლის (აპრილ-ივნისი) საშუალო თვიურ მაჩვენებელს 10 მლნ. აშშ დოლარით ( 7.4 პროცენტით) გადააჭარბა.


თავის ფეისბუქ- პოსტში სოსო არჩვაძე წერს, რომ ადგილობრივი პროდუქციის ექსპორტის მონაცემები ცალსახად მიუთითებს მის საკმაოდ მაღალ კონკურენტუნარიანობაზე.


„2020 წლის გავლილ პერიოდში ადგილობრივი პროდუქციის ექსპორტის კლება ეროვნული ეკონომიკის შეცირებაზე დაახლოებით 4-ჯერ ნაკლებია, რაც კორონავირუსის პანდემიის, მსოფლიო ეკონომიკის რეცესიისა და გლობალური მოთხოვნის მკვეთრი შემცირების პირობებში ცალსახად მიუთითებს სამამულო პროდუქციის საკმაოდ მაღალ კონკურენტუნარიანობაზე.



ადგილობრივი პროდუქციის ექსპორტის ზრდა მით უფრო მეტადაა წონადი, რომ მისი ექსპორტი გაიზარდა მსოფლიო ბაზრის ერთერთ ყველაზე მაღალი მოთხოვნებისა და სამომხმარებლო სტანდარტების მქონე ევროკავშირის ბაზარზე. - ქართული პროდუქციის ექსპორტმა ევროკავშირში იანვარ-ივლისში 7 პროცენტით (19 მლნ. აშშ დოლარით) მოიმატა და 286 მლნ. აშშ დოლარი (სამამულო პროდუქციის ექსპორტის 26.3%) შეადგინა.


ადგილობრივი პროდუქციის ექსპორტში სამი უმსხვილესი საექსპორტო პროდუქციის (სპილენძის მადნები და კონცენტრატები, ფეროშენადნობები და ნატურალური ღვინოები) წილი ოდნავ აღემატება 2/5-ს (40.7%), რაც მსოფლიო ბაზარზე ქართული პროდუქციის ექსპორტის საკმაოდ მაღალ დივერსიფიცირებაზე მიუთითებს.


ბოლო ერთი წლის მანძილზე სამამულო პროდუქციის ექსპორტის თანაფარდობა ქვეყნის მშპ-სთან, სულ ცოტა, ერთი პროცენტული პუნქტითაა გაზრდილი და დაახლოებით 12.5 პროცენტს შეადგენს,“-წერს სოსო არჩვაძე.




საქართველოში ელექტრომომარაგება აღდგა

საქართველოში ელექტრომომარაგება აღდგა
access_time2021-06-14 17:46:59
თბილისსა და საქართველოს რეგიონებში ელექტრომომარაგება, სისტემური ავარიის შემდეგ, მთლიანად აღდგა. ამის შესახებ საქართველოს "სახელმწიფო ელექტროსისტემაში"...

14 ივნისი - რეგიონში მხოლოდ ქართული ლარი გაუფასურდა

14 ივნისი - რეგიონში მხოლოდ ქართული ლარი გაუფასურდა
access_time2021-06-14 18:00:57
14 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 7 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 14 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.2040 ლარი გახდა (ეს კურსი 15 ივნისს შევა ძალაში). ქართული ვალუტით ვაჭრობა Bloomberg-ზე...

ხვალიდან „ბელავია“ საქართველოში რეისებს აორმაგებს

ხვალიდან „ბელავია“ საქართველოში რეისებს აორმაგებს
access_time2021-06-14 18:45:14
ბელარუსულმა ავიაკომპანიამ „ბელავია“ გაავრცელა ინფორმაცია, რომ საქართველოსთან პირდაპირი ფრენების რაოდენობას 15 ივნისიდან მნიშვნელოვნად გაზრდის. „15 ივნისიდან ბათუმის რეისების რაოდენობა გაორმაგდება – კვირაში 7–დან 14–მდე. „ბელავია“ საქართველოს მთავარ საზღვაო ქალაქში დღეში ორჯერ იფრენს. 15 ივნისიდანვე იგეგმება თბილისის მიმართულებით ფრენების სიხშირის გაზრდაც – ნაცვლად არსებული 7 რეისისა კვირაში – 11 რეისამდე. ოთხი რეისი დაემატება: სამშაბათობით, ოთხშაბათობით და შაბათ–კვირას“, – განაცხადეს...

ნატო–ს სამიტზე არ დასახელდება საქართველოს და უკრაინის გაწევრიანების ვადები

ნატო–ს სამიტზე არ დასახელდება საქართველოს და უკრაინის გაწევრიანების ვადები
access_time2021-06-14 16:50:28
ნატო–ს სამიტზე საქართველოსა და უკრაინის ალიანსში გაწევრიანებასთან დაკავშირებით არავითარი თარიღები და შესაძლო ვადები არ დასახელდება, მხოლოდ დადასტურდება, რომ ნატო–ს კარი ღიაა და ამ პროცესში რუსეთს ვეტოს უფლება არ გააჩნია. ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა გერმანიის მარშალის ცენტრში ონლაინ–დისკუსიის დროს განაცხადა, რომელიც ნატო–ს სამიტის დაწყებას უძღოდა წინ. „საქართველოსა და უკრაინასთან მიმართებაში ჩვენ ბუქარესტის სამიტზე (2008 წლის აპრილი....

კაპიტალის ბაზარი მოწმენდილ მინდორზე არ ვითარდება

კაპიტალის ბაზარი მოწმენდილ მინდორზე არ ვითარდება
access_time2021-06-14 16:45:54
საქართველოს ფინანსთა მინისტრი ლაშა ხუციშვილი პარლამენტში მინისტრის საათზე დეპუტატებს დაეთაბნხმა, რომ  კაპიტალის ბაზარი განუვითარებელია და მხოლოდ ერთეული ტრანზაქციები ხორციელდება. მისივე თქმით, „მოწმენდილ მინდორზე კაპიტალის ბაზარი არ ვითარდება“. „ჩვენ შემოვიღეთ კაპიტალის ბაზრის დაბეგვრის ძალიან ლიბერალური რეჟიმი. პრაქტიკულად, ყველა მიმართულებით ჩვენ გავანულეთ განაკვეთები. დავხვეწეთ საკანონმდებლო გარემო და მივუახლოვეთ საუკეთესო საერთაშორისო სტანდარტებს. საპენსიო რეფორმით შევქმენით...


მსგავსი სიახლეები

up