იაპონური Sony Corp.-ის წმინდა მოგება III ფინანსურ კვარტალში (2022 წლის ოქტომბერი-დეკემბერი), კინობიზნესის შემოსავლების მკვეთრი კლების გამო, შემცირდა.
კომპანიის წმინდა მოგებამ საანგარიშო პერიოდში შეადგინა 326,81 მლრდ იენი (2,53 მლრდ აშშ დოლარი) ერთი წლის წინანდელი 346,16 მლრდ იენის (2,69 მლრდ აშშ დოლარი) შემდეგ. Quick-ის მიერ გამოკითხული ანალიტიკოსები საშუალოდ 283 მლრდ იენის (2,2 მლრდ აშშ დოლარი) მოგებას ელოდნენ.
Sony-ს შემოსავალი ბოლო კვარტალში 13%-ით გაიზარდა. კინობიზნესის საოპერაციო შემოსავალი კი 25,45 მლრდ იენამდე (200 000 აშშ დოლარი) დაეცა. ერთი წლის წინ კომპანიას მნიშვნელოვანი შემოსავალი ჰქონდა ფილმებიდან: Spider-Man: No Way Home და Venom.
სათამაშო სეგმენტში საოპერაციო შემოსავალი 116,2 მლრდ იენამდე (92,9 მლრდ იენიდან) გაიზარდა, მუსიკალური ბიზნესის მოგება კი - 63 მლრდ იენამდე (55,1 მილიარდი იენიდან).
ელექტრონიკის წარმოების განყოფილების მოგება სუსტად გაიზარდა, 81,1 მლრდ იენამდე (630 000 დოლარი) 80 მლრდ-დან (620 000 დოლარი). კამერებისა და სენსორების სეგმენტში საოპერაციო მოგება 64,7 მლრდ იენიდან 84,9 მლრდ-მდე გაიზარდა.
Sony-მ მიმდინარე ფისკალური წლისთვის შემოსავლების პროგნოზი შეამცირა, რომელიც 2023 წლის 31 მარტს მთავრდება. ახლა მოსალოდნელია, რომ წმინდა მოგება 1,4%-ით - 870 მილიარდ იენამდე (ადრე მოსალოდნელი იყო 4,8%-ით კლება) შემცირდება, ხოლო შემოსავალი 16%-ით 11,5 ტრლ იენამდე (ადრე მოსალოდნელი იყო 17%) გაიზრდება.