იაპონურმა კორპორაცია Sony-მა განაცხადა, რომ ელექტრომობილების ბაზარზე გასვლას გეგმავს. კომპანიამ უკვე წარადგინა პირველი ელექტროკარის პროტოტიპი და ამ ტიპის ავტომობილების დამუშავების და წარმოებისთვის ახალი ქვეგანაყოფის შექმნის შესახებ განაცხადა.

ინფორმაცია Sony-ს გეგმაზე გაავრცელა კონცერნის გენერალურმა დირექტორმა კენიტირო ესიდამ ლას-ვეგასში გამოფენა Consumer Electronics Show-ში მონაწილეობის დროს.

„ჩვენ ვიხილავთ ელექტრომობილების კომერციული წარმოების ამოქმედებას, და პირველი ნიმუშები უკვე გვაქვს,“ - განაცხადა ესიდამ.

ჯერ კიდევ 2020 წელს ლას-ვეგასის გამოფენის ფარგლებში Sony-მ წარადგინა ელექტრომობილის პროტოტიპი Vision-S. 2021 წელს ავტომობილი ევროპის გზებზე ცდები გაიარა, თუმცა სერიოზულ წარმოებაზე მუშაობა პანდემიამ შეაფწერხა. ელექტრომობილი აღჭურვილია ავტოპილოტის სისტემით და მისი მართვა დისტანციურად, ქსელ 5G-ს მეშვეობითაა შესაძლებელი.

გენერალური დირექტორის თქმით, კომპანია Vision-S-ს განვითარების ახალ ეტაპზე გადადის. ამჯერად Sony-მ ლას-ვეგასში ახალი მოდელი - Vision-S 02 - წარადგინა. ესიდას თქმით, კომპანიისთვის მთავარი პრიორიტეტია უსაფრთხოება, და ახალი პროტოტიპი აღჭურვილია მრიცხველებით, რომლებიც უსაფრთხოების ძალიან მაღალ დონეს უზრუნველყოფს.

ასევე მანქანაში იქნება ხელმისაწვდომი გართობის სხვადასხვა საშუალებები - აუდიოსისტემა და ვიდეოთამაშები PlayStation. ავტომობილის წარმოებაში ასევე სრულად იქნება გამოყენებული ხელოვნური ინტელექტის და რობოტოტექნიკის შესაძლებლობები.

ახალი ქვეგანაყოფი Sony Mobility Inc., ელექტრომობილების ბაზრის სხვადასხვა სეგმენტებს შეისწავლის, და შედეგების მიხედვით დასახავს სამომავლო განვითარების სტრატეგიას. ელექტრომობილების ბაზარზე ასევე კიდევ ერთი ტექნოლოგიური კომპანია გეგმავს - კერძოდ, 2024 წლიდან ელექტროკარების გამოშვებას კორპორაცია Apple-იც აპირებს.

არსებული ინფორმაციით, კომპანია უკვე აწარმოებს მოლაპარაკებებს იაპონელ და კორეელ მიმწოდებლებთან. მხარეები იხილავენ ელექტრომობილების სტაბილური წარმოების აწყობის საკითხს სათადარიგო ნაწილების გლობალური დეფიციტის პირობებში.

ჯერ კიდევ 2021 წლის თებერვალში Apple თითქმის შეთანხმდა Hyundai Motor და Kia Motors-სთან ელექტრომობილების Apple Car-ის წარმოების თაობაზე, რომელიც 2024 წელს შტატ ჯორჯიაში Kia-ს ქარხანაში სერიული გამოშვების დაწყებას გულისხმობდა. მაგრამ მოგვიანებით, გაურკვეველი მიზეზების გამო მოლაპარაკებები ჩაიშალა.

ამ დროისთვის ცნობილია, რომ 2024 წელს Apple უპილოტო ავტომობილის გამოშვებას აპირებს, თუმცა, დეტალები ჯერ არ საჯაროვდება

ავტორი: თენგიზ აბლოთია