Sony ახალ კორონავირუსთან ბრძოლისთვის 100 მილიონი დოლარის ღირებულების ფონდს აფუძნებს - ამის შესახებ კომპანიამ განცხადება გამოაქვეყნა.
100 მილიონი დოლარი სამ ნაწილად გაიყოფა: დაფინანსდებიან ექიმები, რომლებიც უშუალოდ არიან ჩართულები პანდემიასთან ბრძოლაში. გაკეთდება შემეცნებითი პროგრამები ბავშვებისთვის, რომლებიც სკოლებში ვეღარ დადიან და ასევე, კომპანია დაეხმარება გასართობ ინდუსტრიაში დასაქმებულ ადამიანებს, რომლებსაც Covid-19-ის ვირუსით ეკონომიკური ზარალი მიადგათ.
"Sony განაგრძობს მხარდაჭერის გზების ძიებას არტისტებისა და გასართობ ინდუსტრიაში დასაქმებული ხალხისთვის, რომლებსაც გაუუქმდათ და გადაედოთ კონცერტები და ღონისძიებები, ან შეუწყდათ ფილმები და სატელევიზიო პროდუქტები", - წერია განცხადებაში.
გარდა ამისა, იაპონური კონგლომერატის ინფორმაციით, ისინი თავიანთ პარტნიორებთან ერთად განაგრძობენ შემოწირულობების მოზიდვას.
tabula.ge