სომხეთის პრემიერის ოჯახი ოკუპირებულ აფხაზეთში რუსეთის გავლით სიგარეტის ექსპორტის გამო სკანდალში გაეხვა

სომხეთის პრემიერის ოჯახი ოკუპირებულ აფხაზეთში რუსეთის გავლით სიგარეტის ექსპორტის გამო სკანდალში გაეხვა

access_time2020-05-25 12:00:13

სომხეთის ყოფილი ელჩი ვატიკანში მიკაელ მინასიანი სკანდალურ განცხადებას აკეთებს.„კომერსანტმა“ მოიპოვა მასალა, სადაც მინასიანი თავის ვიდეომიმართვაში აცხადებს, რომ სომხეთის პრემიერ-მინისტრის ნიკოლ ფაშინიანის ოჯახმა რუსეთის ქალაქ კრასნოდარში და ვორონეჟში სიგარეტის ექსპორტი წარუმატებლად სცადა.


„მათ პირველად ექსპორტი ავღანეთში სცადეს, თუმცა, უშედეგოდ, შემდეგ - ვორონეჟში, იქაც არ გაუმართლათ. ამიტომაც  ოკუპირებული აფხაზეთი გაახსენდათ. თუმცა, ეტყობა არ იცოდნენ, რომ თუ რომელიღაც ქვეყანაში ექსპორტს ახორციელებ, ეს ქვეყანა ოფიციალურად უნდა არსებობდეს. სომხეთიდან სიგარეტების პარტია სოჭში ჩავიდა. საბუთებში წერია, რომ ტვირთი - 14,8 ტონა აფხაზეთში მიემართება. თითქოს ყველაფერი წესრიგშია, თუმცა, ერთი დეტალი დაავიწყდათ - სომხეთი აფხაზეთს არ აღიარებს. ამიტომაც დოკუმენტაციაში „აფხაზეთის“ შემდეგ „საქართველოა მითითებული. შესაბამისად, დიპლომატიური პრობლემა შეიქმნა“ - ამბობს მინასიანი.


მისი თქმით, სქემის მიხედვით, სიგარეტი რუსეთში უნდა გაიყიდოს, თუმცა, საბუთების მიხედვით, აფხაზეთში იგზავნება.


„რადგანაც სომხეთისთვის ოფიციალურად აფხაზეთი არ არსებობს, საბუთებში ადლერის აეროპორტი ფიგურირებს. აფხაზეთი კი დოკუმენტაციაში საქართველოს ნაწილადაა წარდგენილი. იმიტომ რომ საქართველომ ხვალ რომ ამ ოპერაციის შესახებ შეიტყოს, აუცილებლად იკითხავს - საქართველოს ტერიტორიაზე საქონელს ისე როგორ აგზავნით, რომ საქართველო მითითებული არ არის? ამიტომაც მოუწიათ ჩაწერა „აფხაზეთი საქართველო“. მაგრამ აფხაზეთში თუ იციან, რომ თქვენ მათ საქართველოს ნაწილად მიიჩნევთ? ისინი ხომ საკუთარ თავს დამოუკიდებელ სახელმწიფოდ თვლიან, მათ პრეზიდენტიც ჰყავთ. ამით სომხეთის ხელისუფლებამ დიდი პრობლემა ერთდროულად ქართველებთან, რუსებთან, და აფხაზეთთან შექმნა. და ეს ყველაფერი - ოჯახური ბიზნესის გამო“ - წერს ყოფილი ელჩი.


EADaily ინფორმაციით, ქალაქ ვორონეჟის აეროპორტში მებაჟეებმა სომხეთიდან სიგარეტის კონტრაბანდული პარტია დააკავეს. ტვირთი ექსპერტიზაზე გადაგზავნილი.



აეროპორტის მიდამოებში კონტრაბანდულ ტვირთს 3 დიდი ტრაილერი ელოდა, რომელსაც შემდეგ სიგარეტების პარტია სამხრეთ რუსეთის ქალაქ სტავროპოლში უნდა ჩაეტანა. არსებული მონაცემებით, არალეგალური ტვირთი ვორონეჟში 8 მაისს ჩავიდა.ასევე 25 აპრილს ქალაქ კრასნოდარის საბაჟომ და უშიშროების ფედერალურმა სამსახურმა სომხეთიდან ჩამოტანილი კონტრაბანდული სიგარეტის დიდი პარტია დააკავეს.


ტვირთი რუსეთის საგანგებო სიტუაციათა სამინისტროს თვითმფრინავმა ერევნიდან ჩამოიტანა. სიგარეტების ექსპორტის საბოლოო მისამართი ავღანეთი იყო .


აღნიშნულ საკითხთან დაკავშირებით „კომერსანტი“   ცდილობს დაუკავშირდეს საქართველოს საგარეო საქმეთა სამინისტროს აქვს თუ არა უწყებას აღნიშნულის შესახებ ინფორმაცია,როგორ აფასებენ ფაქტს და თუ ქონდათ ამაზე კომუნიკაცია  კოლეგებთან სომხეთში? ასევე ვცდილობთ დავუკავშირდეთ სომხეთის რესპუბლიკაში საქართველოს საგანგებო და სრულუფლებიან ელჩ გიორგი საგანელიძეს.


წყარო: aysor.am

მოამზადა თენგიზ აბლოთიამ


მასალაში გამოყენებულია ოკუპირებულ რეგიონში მოქმედი ტოპონიმები და ტერმინები.





პოლონეთის პარლამენტის თავმჯდომარის მოადგილე – სურს თუ არა საქართველოს ტურისტები პოლონეთიდან ?

პოლონეთის პარლამენტის თავმჯდომარის მოადგილე – სურს თუ არა საქართველოს ტურისტები პოლონეთიდან ?
access_time2020-07-09 20:30:54
პოლონეთის მმართველი პარტიიდან სეიმის თავმჯდომარის მოადგილემ (ვიცე-მარშალმა), დეპუტატმა მაგოჟატა მარია გოშიევსკამ სოციალურ ქსელში პოსტი გამოაქვეყნა, სადაც ის ეხმაურება საქართველოს მხრიდან პოლონეთისთვის საზღვრის არგახსნის საკითხს. “ბანკები და ფინანსები” პოსტს უცვლელად გთავაზობთ: “სურს თუ არა საქართველოს ტურისტები პოლონეთიდან ? გუშინ საქართველოს მთავრობამ მიიღო გადაწყვეტილება, რომ...

„ნენას“ და „კალვეს“ პროდუქციაში დარღვევები აღმოჩნდა– „Momxmarebeli.ge“

„ნენას“ და „კალვეს“ პროდუქციაში დარღვევები აღმოჩნდა– „Momxmarebeli.ge“
access_time2020-07-09 17:25:58
„Momxmarebeli.ge-ზე“ გამოქვეყნებული კვლევის ფარგლებში შემოწმდა  საქართველოსა და საზღვარგარეთ წარმოებული პროდუქცია.კვლევაში აღნიშულია, რომ შემოწმდა თბილისის სხვადასხვა მაღაზიაში 41 დასახელების სასურსათო პროდუქტი და გერმანიის ლაბორატორია „ევროფინსში“ სუდანის ჯგუფის არასაკვები საღებავების შემცველობაზე შესამოწმებლად იქნა გაგზავნილი. ორგანიზაციის ინფორმაციით, . 5 ნიმუშში საღებავი „სუდან...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-09 21:30:12
დღის Top-10 საინტერესო ამბავი 1.ახალი სატარიფო გეგმა ენერგეტიკაში ინვესტიციებს გაზრდის საქართველოს მთავრობამ მცირე და საშუალო ჰიდროელექტროსადგურების განვითარებისთვის განახლებადი ენერგიის წყაროების მხარდაჭერის ახალი მექანიზმი დაამტკიცა. მხარდაჭერის სქემა მოიცავს შემდეგ კომპონენტებს:...

„სილქნეტის“ მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ

„სილქნეტის“ მობილური აბონენტები თიბისის მობაილბანკით  სარგებლობას ინტერნეტის დახარჯვის გარეშე შეძლებენ
access_time2020-07-09 14:55:15
ონლაინ მომსახურების ხელშესაწყობად, სილქნეტმა არაერთი სერვისი შესთავაზა მომხმარებელს, რომელიც მას დისტანციურად მომსახურების მიღების საშუალებას გაუმარტივებს. ამისათვის, კომპანია ვირუსის გავრცელების ადრეული ეტაპიდანვე ზრუნავს, რათა გაუფრთხილდეს მომხმარებლის ჯანმრთელობასა და უსაფრთხოებას. ონლაინ საბანკო მომსახურება პროდუქტი ყოველდღიურობისათვის აუცილებელ მომსახურებათა ჩამონათვალშია. ამ მომსახურების სერვისის შეუფერხებლად მიწოდებისაათვის, სილქნეტმა, თიბისისთან ერთად, თავის მომხმარებელს...

ძველი ქარხნების ახალი დანიშნულება - თბილისის ინდუსტრიული მემკვიდრეობა

ძველი ქარხნების ახალი დანიშნულება  - თბილისის ინდუსტრიული მემკვიდრეობა
access_time2020-07-09 19:00:25
პროექტი „თბილისის ინდუსტრიული მემკვიდრეობა“ გულისხმობს გრძელვადიან კვლევით საქმიანობას, რომლის პირველი ეტაპი, თბილისში არსებული ინდუსტრიული ნაგებობების ბაზის შექმნას მოიაზრებს. კვლევის ობიექტი შეიძლება იყოს, მაგალითად, ყოფილი რკინიგზის ჩიხი, ელექტროსადგური, რკინისა და ფოლადის მწარმოებელი საწარმო, ქიმიური წარმოება, ქარხნები და ფაბრიკები, სამრეწველო კომპლექსები. MUA-ს (Multiverse architecture) არქიტექტურულმა გუნდმა მოიპოვა დაფინანსება პროექტისთვის თბილისის ინდუსტრიული...


მსგავსი სიახლეები

up