,,სავსე ხურჯინი“ კახურ საოჯახო ნობათს მომხმარებელს საქართველოში, ლონდონსა და აშშ–ში აწვდის

,,სავსე ხურჯინი“ კახურ საოჯახო ნობათს მომხმარებელს საქართველოში, ლონდონსა და აშშ–ში აწვდის

access_time2021-10-08 12:00:44

,,სავსე ხურჯინი“ ონლაინ მაღაზიაა, რომელიც ნატურალური, ქართული პროდუქციის მოყვარულებს საოჯახო ნობათს კახეთიდან მთელი საქართველოს მასშტაბით აწვდის. პროდუქციის გაგზავნა შესაძლებელია საზღვარგარეთაც - ლონდონსა და ამერიკის ნებისმიერ შტატში, ასევე ევროპის ზოგიერთ ქვეყანაში.



ჩირი, ჩურჩხელა, მურაბები, თაფლი, ალკოჰოლური სასმელები, სამკურნალო და იმუნიტეტის ასამაღლებელ პროდუქტები - 6-მდე დასახელების სურსათი ადგილობრივი ნედლეულისგან მზადდება და 100%-ით ქართულია.



როგორც მეწარმე თინათინ გულხადარაშვილი ,,კომერსანტთან“ ამბობს, მომხმარებლის მოთხოვნა სოფლის ნატურალურ პროდუქტზე სულ უფრო მატულობს. შესაბამისად,  ოჯახში წარმოებული პროდუქცია დაინტერესებულ პირებს  სხვადასხვა სახის ეკოლოგიურად სუფთა პროდუქტის არჩევისა და შეძენის საშუალებას აძლევს.



,,საოჯახო საწარმოს წარმოვადგენთ,  ვაწარმოებთ მხოლოდ ტრადიციულ ქართულ პროდუქციას. ამ საქმეში აქტიურად ვართ ჩართული ოჯახის ოთხივე წევრი - მე პირადად, და და დედ-მამა. თუმცა, თუ გვჭირდება მუშახელის დამატება, სეზონურად რამდენიმე ადამიანის დასაქმებასაც ვახერხებთ. ძირითადად გვაქვს ჩურჩხელა, ჩირი, ტყლაპი და სხვა დასახელების პროდუქტები. ნედლეული ოჯახისაა,  რასაც ვაწარმოებთ და მოთხოვნის შესაბამისად, ონლაინ  ვყიდით პროდუქციას.  მყიდველისთვის ხელსაყრელი თუ არის, ვყიდით ხილს ხილად, ნაწილს - ჩირად გადავამუშავებთ.  ჩვენი საქმიანობა ინტერესს იწვევს იმ მხრივაც, რომ არ ვამატებთ შაქარს, მარილს და ქიმიურ ემულგატორებს,  100%-ით ეკოლოგიური პროდუქტია. მოგვმართავს ბევრი ადამიანი, ვინც გვიცნობს, წლობით მოიხმარს ჩვენს პროდუქტს და გვენდობა.  ყველა, ვინც ქართულ, ეროვნულ წარმოებას აფასებს“, - ამბობს ,,კომერსანტთან“ თინათინ გულხადარაშვილი.

 



კახელი მეწარმის თქმით,  საოჯახო ბრენდი ,,სავსე ხურჯინი“  პანდემიამდე აქტიურად მონაწილეობდა ფესტივალებსა და გამოფენებში, თუმცა კოვიდ-19-ის პირობებში მთელი აქცენტი წარმოებასა და ონლაინ გაყიდვაზე კეთდება.

 


სამომავლოდ შესაძლებელია „სავსე ხურჯინები“ ექსპორტზეც გავიდეს. თინათინ გულხადარაშვილს ჯერჯერობით არ აქვს გადაწყვეტილი, როგორ განახორციელებს ამ მიზანს, თუმცა წინასწარ იცის, რომ საორიენტაციო ბაზარი იქნება ევროპა, რომელიც ნატურალური პროდუქტის ყველაზე დიდი შემფასებელი და მომხმარებელია.

 


რაც შეეხება ფასებს, ოჯახური ჩურჩხელის საშუალო ფასი 3 ლარია, ჩირის კოკლოზინა 1,5 ლარი ღირს. დაინტერესების შემთხვევაში, ნებისმიერი გემოვნების მომხმარებელს შეუძლია სასაჩუქრე კალათის შეკვეთაც, რომლის ღირებულება 70 ლარის ფარგლებშია.

 


საოჯახო საწარმო  და ონლაინ მაღაზია ,,სავსე ხურჯინი“  ბაზარზე 2014 წელს გამოჩნდა.

 




მარი ჩიტაია






ავიაბაზარზე პანდემიური კრიზისი გრძელდება - ავიაკომპანიები ზარალზეა

ავიაბაზარზე პანდემიური კრიზისი გრძელდება - ავიაკომპანიები ზარალზეა
access_time2022-01-23 21:00:36
American Airlines-მა მეოთხე კვარტალში $931 მილიონი იზარალა. პანდემიის დაწყებიდან თითქმის ორი წლის შემდეგ, COVID-19-ის ომიკრონ ვარიანტი ავიახაზების შემოსავლების აღდგენას...

ქვეყნები, რომლებმაც 2022 წელს მოგზაურობის გადასახადები დააწესეს

ქვეყნები, რომლებმაც 2022 წელს მოგზაურობის გადასახადები დააწესეს
access_time2022-01-23 15:00:55
ჯერ კიდევ კორონავირუსის პანდემიის დაწყებამდე რამდენიმე ქვეყანამ დააანონსა, რომ ტურისტული გადასახადის დაწესებას აპირებდა. 2022 წლის დასაწყისში მათი რიცხვი გაიზარდა. აღსანიშნავია, რომ ტურისტული გადასახადი სიახლე ნამდვილად არაა და ზოგიერთ ქვეყანაში, შესაძლოა, უკვე გადახდილიც გვაქვს სასტუმროს ფასთან ან...

დერეფანი „ლაპის ლაზული“ აქტიურდება - აწყობს თუ არა ეს საქართველოს

დერეფანი „ლაპის ლაზული“ აქტიურდება - აწყობს თუ არა ეს საქართველოს
access_time2022-01-23 23:00:18
...

ჩვენი საპენსიო დანაზოგები გლობალურ კომპანიებში

ჩვენი საპენსიო დანაზოგები გლობალურ კომპანიებში
access_time2022-01-23 22:00:23
ინფლაციის დაზღვევისა  და ამონაგების გაზრდის კუთხით  საპენსიო ფონდი , ახლ მექანიზმს – გლობალურ დივერსიფიკაციას გეგმავს, რაც უცხოური ვალუტისა და შემდეგში გლობალური ინდექსის შეძენას...

ევროპაში ავტომობილების გაყიდვები 22%-ით შემცირდა

ევროპაში ავტომობილების გაყიდვები 22%-ით შემცირდა
access_time2022-01-23 18:00:08
დეკემბერში ევროპაში ავტომობილების გაყიდვები შემცირდა. ტენდენცია მეექვსე თვეა გრძელდება, რაც მიუთითებს, თუ რა სირთულეების წინაშე დგანან ავტომწარმოებლები ჩიპების მიწოდების კრიზისის...


მსგავსი სიახლეები

up