„სოფლის მეურნეობის დარგში  სტაბილური განვითარების დინამიკა არ აღინიშნება„

„სოფლის მეურნეობის დარგში სტაბილური განვითარების დინამიკა არ აღინიშნება„

access_time2020-01-22 10:45:14

სოფლის მეურნეობაში სახელმწიფო პროგრამებითა თუ საერთაშორისო დონორების დაფინანსებით მილიონობით ლარი დაიხარჯა, ამის მიუხედავად ექსპორტსა და იმპორტს შორის დეფიციტი მხოლოდ 2018 წელს 394 მლნ აშშ დოლარი იყო. საქართველოს გარემოს დაცვისა და სოფლის მეურნეობის სამინისტროს ინფორმაციით, ბოლო 7 წლის განმავლობაში საქართველოში 8,5 მილიარდი დოლარის აგროსასურსათო პროდუქციის იმპორტი განხორციელდა, ე.ი. ჩვენ ყოველწლიურად საშუალოდ 1.2 მილიარდ დოლარს ვხარჯავთ უცხო ქვეყნების სოფლის მეურნეობის დარგში დასაქმებული ხალხის ხელფასებში, საწარმოო ხარჯებსა და ამ უცხოური წარმოებების მოგებაში. იგივე საანგარიშო პერიოდში საქართველოდან 5.1 მილიარდი დოლარის აგროსასურსათო პროდუქციის ექსპორტი განხორციელდა.

 



„კომერსანტი“ დაინტერესდა როგორ აისახება სოფლის მეურნეობის პროექტების შედეგები მოსახლეობაზე და რამდენად დადებით ეფექტი აქვს სახელმწიფოს მიერ გატარებულ პროგრამებს.

 

ეკონომიკის საერთაშორისო­ სკოლის (ISET) აგრარული მიმართულების უფროსი მკვლევარი ირაკლი კოჭლამაზაშვილი ამბობს, რომ სოფლის მეურნეობის დარგში  სტაბილური განვითარების დინამიკა არ აღინიშნება. მისი თქმით, ბევრი სახელმწიფო პროგრამა მოკლევადიანი იყო და სისხლის გადასხმის ფუნქციას ასრულებდა.

 


„იმის თქმა, რომ სოფლის მეურნეობის პროგრამებმა შედეგი მოიტანა ძალიან რთულია. არის გარკვეული ძვრები, ჩაიდო ძალიან ბევრი ინვესტიცია, მაგრამ ხშირ შემთხვევაში ეს არ არის საკმარისი იმისთვის, რომ აგრო სექტორის მოდერნიზაცია მოხდეს. ჩვენ ახლა ვიმყოფებით იმ ეტაპზე, რომ ხდება სოფლის მეურნეობის მოდერნიზაცია, თანამედროვე სოფლის მეურნეობის ელემენტების შემოტანა მაგრამ, ეს ხდება ერთეულ შემთხვევებში, ძირითადად გვაქვს წვრილი ფერმერობა, რომელიც ხშირ შემთხვევაში მიწა აქვს იმდენად დანაწევრებული, რომ მასზე მოსავლის მოყვანა არ არის მომგებიანი. ამდენად დიდ ძვრებს სოფლის მეურნეობის დარგში ვერ ვხედავ. კონკრეტული მიმართულებები შეგვიძლია ჩავშალოთ, ზოგან არის ზრდა, ზოგან კლებაა, ზოგან სწრაფად ხდება სოფლის მეურნეობის მოდერნიზაცია ზოგან ნაკლებად, თუმცა, საბოლოო ჯამში რომ შევხედოთ სოფლის მეურნეობაში შექმნილ დამატებულ ღირებულებას, თუნდაც იგივე პირველად წარმოებაში ან გადამუშავებაში რაიმე ძირეული ცვლა ჯერჯერობით არ ჩანს“, - განმარტავს ირაკლი კოჭლამაზაშვილი.

 

ეკონომიკის საერთაშორისო სკოლის (ISET) აგრარული მიმართულების უფროსი იმ სისტემურ პრობლემებზე საუბრობს, რომელიც სოფლის მეურნეობის დარგის განვითარებას აფერხებს. ერთ-ერთ მიზეზის ირაკლი კოჭლამაზაშვილის აზრით, თანამედროვე ტექნოლოგიების არარსებობაა.

 

„დღეს სოფლის მეურნეობაში დასაქმებულად ძალიან ბევრი ადამიანი ითვლება, (40 პროცენტზე მეტი) თუმცა, საქსტატი მუშაობს იმაზე, რომ სოფლის მეურნეობაში დასაქმებულად ჩათვალოს ის ადამიანი, ვინც შემოსავლის უმეტეს ნაწილს სოფლის მეურნობიდან იღებს. ეს ადამიანები ვერ ქმნიან ეკონომიკის შვიდ და რვა პროცენტზე მეტს. ცალსახაა,რომ სექტორი არაპროდუქტიულია , რაც გამოწვეულია იმ სისტემური პრობლემებით,რომელიც დარგში არსებობს. თუნდაც იგივე მიწის ბაზრის განუვითარებლობა. საუბარია, როგორც მიწის რეგისტრაციაზე, ასევე მიწების გამსხვილების სტრატეგიაზე, რომელიც ჯერჯერობით არ ხორციელდება. მეორე მიზეზი არის ცოდნის ნაკლებობა, თანამედროვე ტექნოლოგიების ნაკლებობა სექტორში, რამაც ქართული სოფლის მეურნეობის პროდუქტიულობა უნდა გაზარდოს . ეს არის ორი ძირითადი დარგის განვითარების შემაფერხებელი მიმართულება. ხშირად ფერმერების მხრიდან სახელდება ფინანსებზე ხელმიუწვდომლობა, მიუხედავად იმისა, რომ არის ძალინ ბევრი პროგრამა ფერმერებისთვის კვლავ საკითხი გამოწვევად რჩება“, - აცხადებს ირაკლი კოჭლამაზაშვილი.

 

ირაკლი კოჭლამაზაშვილი აცხადებს, რომ სოფლის მეურნეობაში გრძელვადიანი პროექტებია საჭირო. ISET- ის აგრარული მიმართულების უფროსი ამბობს, რომ მაღალ პროდუქტიული სოფლის მეურნეობა უნდა გვქონდეს, რაც მისი თქმით, ქვეყნის ეკონომიკის დაახლოებით 5- 10 პროცენტს შეიძლება შეადგენდეს.

 

„მნიშვნელოვანია გავაგრძელოთ სოფლის მეურნეობის მოდერნიზაცია, მაგრამ იმის ილუზია არ უნდა გვქონდეს, რომ სოფლის მეურნეობის სექტორი იქნება წამყვანი მიმართულება, თუნდაც იგივე დამატებული ღირებულების შექმნის კუთხით ეკონომიკაში. უმჯობესია მთლიან შიდა პროდუქტში სოფლის მეურნეობის წილი არ გაიზარდოს, კარგი იქნება სხვა სექტორები გაიზარდოს, ის რომელიც უფრო პროდუქტიულია. როდესაც მთლიანი შიდა პროდუქტი ახალი მეთოდოლოგიით გადაითვალა, 2018 წელს სოფლის მეურნეობაში საკმაოდ მაღალი ზრდა დაფიქსირდა, წინა წლებში სულ კლების ტენდენცია იყო. მაღალი ზრდა გამოწვეულია არა დიდი ინვესტიციებით, არამედ იმით, რომ უბრალოდ აგრარულად კარგი წელი იყო. ტრენდი წელს ვერ გაგრძელდება, შეიძლება იყოს ზრდა, მაგრამ მინიმალური. ამაზე მიგვანიშნებს 2019 წლის ბოლო სამი კვარტლის მონაცემები, რომელიც არც თუ ის სახარბიელოა, ვსაუბრობ სოფლის მეურნეობაში დამატებული ღირებულების შექმნაზე“, - განაცხადა ირაკლი კოჭლამაზაშვილმა.

 

ბაჩო ადამია




სტრასბურგის სასამართლო: რუსეთის მიერ კონვენციის დარღვევის ფაქტები დადასტურდა

სტრასბურგის სასამართლო: რუსეთის მიერ კონვენციის დარღვევის ფაქტები დადასტურდა
access_time2021-01-21 15:09:46
სტრასბურგის სასამართლოს ოფიციალური ინფორმაციის მიხედვით, საქმეზე „საქართველო რუსეთის წინააღმდეგ“ (II) დამტკიცდა, რომ რუსეთის ფედერაციის გარკვეულმა ადმინისტრაციულმა პრაქტიკამ, 2008 წლის აგვისტოში, დაარღვია კონვენცია, ორ სახელმწიფოს შორის შეიარაღებული კონფლიქტის ფონზე.    სასამართლოს აზრით, საბრძოლო მოქმედებების აქტიურ ეტაპზე (2008 წლის 8-დან 12 აგვისტომდე) მომხდარი მოვლენები არ შედიოდა რუსეთის ფედერაციის იურისდიქციაში. ამასთან, მან დაადგინა, რომ რუსეთის ფედერაციამ...

თეა წულუკიანი - ჩვენ გავიმარჯვეთ, საქართველომ რუსეთს დავა მოუგო

თეა წულუკიანი - ჩვენ გავიმარჯვეთ, საქართველომ რუსეთს დავა მოუგო
access_time2021-01-21 14:40:00
ჩვენ გავიმარჯვეთ, გილოცავ, საქართველო, გილოცავთ ყველას დიდ გამარჯვებას, საქართველომ რუსეთს დავა მოუგო, – ამის შესახებ საქართველოს პარლამენტის განათლების კომიტეტის თავმჯდომარე თეა წულუკიანი სოციალურ ქსელში წერს. „ჩვენ გავიმარჯვეთ! გილოცავ, საქართველო! გილოცავთ ყველას დიდ გამარჯვებას! საქართველომ რუსეთს დავა მოუგო! სტრასბურგის სასამართლოს დიდმა პალატამ ჩვენთვის ეს უმნიშვნელოვანესი გადაწყვეტილება რამდენიმე წუთის წინ ზეპირ სხდომაზე გამოაცხადა! ასეთი დოკუმენტი...

ქართველი ფერმერები ნიგვზის ფასის უჩვეულო ვარდნაზე საუბრობენ

ქართველი ფერმერები ნიგვზის ფასის უჩვეულო ვარდნაზე საუბრობენ
access_time2021-01-21 14:00:39
ქართველი მეთხილეების ინფორმაციით, 2020-2021 წლების სეზონზე ქვეყანაში ნიგოზზე უჩვეულოდ დაბალი ფასები დაფიქსირდა.   მათი აზრით, ეს არაბუნებრივია იმის გათვალისწინებით, რომ 2020 წელს რამდენიმე რეგიონში ყინვების გამო ამ პროდუქტის მოსავლის ნაწილი განადგურდა, შესაბამისად, მოსალოდნელი იყო ფასების არა ვარდნა, არამედ ზრდა.   თუმცა, როგორც ჩანს,  მათი მოლოდინები არ გამართლდა - ფასები ნიგოზზე საქართველოში წინა სეზონთან შედარებით 14%-ით...

საქართველოს მთავრობამ Covid-ვაქცინაციის დანერგვის ეროვნული გეგმა დაამტკიცა

საქართველოს მთავრობამ Covid-ვაქცინაციის დანერგვის ეროვნული გეგმა დაამტკიცა
access_time2021-01-21 12:25:09
პრეზენტაცია ჯანდაცვის მინისტრის მოადგილემ, თამარ გაბუნიამ გამართა, რომელმაც თქვა, რომ ძირითადი ამოცანაა, წლის ბოლომდე მოსახლეობის 60% აიცრას.   გაბუნიას თქმით, აღნიშნული მთავრობას ეკონომიკის უსაფრთხოდ გახსნის საშუალებას მისცემს და ამასთანავე, შეამცირებს ვირუსის გავრცელების რისკებს.   „დღეს მთავრობის სხდომაზე განხილული იქნა და დამტკიცდა ვაქცინაციის ეროვნული გეგმა, რომელიც იქნება გზამკვლევი კოვიდსაწინააღმდეგო ვაქცინის დანერგვისთვის წლის ბოლომდე. გეგმის...

ევროკავშირის 28 სახელმწიფოდან 25-თან საქართველოს უარყოფითი სავაჭრო ბალანსი გააჩნია

ევროკავშირის 28 სახელმწიფოდან 25-თან საქართველოს უარყოფითი სავაჭრო ბალანსი გააჩნია
access_time2021-01-21 13:15:53
იმპორტის $1.5 მლრდ-იანი კლების ხარჯზე, საქართველოს უარყოფითი სავაჭრო ბალანსი $1.056 მლრდ-ით $4.663 მლრდ-მდე შემცირდა, თუმცა სახელმწიფოთა აბსოლუტურ უმრავლესობასთან სვაჭრო სალდო კვლავ დეფიციტურია.  ევროკავშირთან ასოცირების ხელშეკრულებას 2014 წლის ივნისში მოეწერა ხელი. 2015 წელს ექსპორტმა ევრო გაერთიანებაში $645 მლნ შეადგინა, 2020 წელს - $717 მლნ, მაქსიმალურ $819 მლნ-იან მაჩვენებელს 2019 წელს მიაღწია. იმავე პერიოდში ჩინეთში ექსპორტი $126 მლნ-დან $476 მლნ-მდე გაიზარდა....


მსგავსი სიახლეები

up