სოფიო გორგოძის ინფორმაციით, ოკუპირებული ტერიტორიებიდან გადმოსვლა, დაახლოებით, 20-30 აბიტურიენტმა ვერ მოახერხა

სოფიო გორგოძის ინფორმაციით, ოკუპირებული ტერიტორიებიდან გადმოსვლა, დაახლოებით, 20-30 აბიტურიენტმა ვერ მოახერხა

access_time2019-07-02 21:35:19

შეფასების და გამოცდების ეროვნული ცენტრის ხელმძღვანელის, სოფიო გორგოძის ინფორმაციით, ოკუპირებული ტერიტორიებიდან გადმოსული აბიტურიენტების უმრავლესობამ ქართული ენისა და ლიტერატურის გამოცდაზე დასწრება მოახერხა.


როგორც სოფიო გორგოძემ „ინტერპრესნიუსს“ განუცხადა, გამოცდისთვის ენგურის გამშვებ პუნქტზე ე.წ. საზღვარი აბიტურიენტების მცირე რაოდენობამ ვერ გადმოკვეთა.


„რამდენი აბიტურიენტი ვერ გადმოვიდა ოკუპირებული ტერიტორიიდან, მათ შესახებ დაზუსტებული ინფორმაცია მოგვიანებით გვექნება. როგორც მოგეხსენებათ, აბიტურიენტები ქალაქს ირჩევენ, სად სურთ მათ გამოცდის ჩაბარება, არ არის მითითებული სკოლა სად დაამთავრეს. თუმცა, იმ ინფორმაციის საფუძველზე, რომელიც სხვადასხვა უწყებებიდან შევაგროვეთ, დაახლოებით, საუბარია 170-დან 180 აბიტურიენტამდე. ორ-სამ დღეში მეცოდინება ზუსტად, ვინ მოვიდა მათგან გამოცდაზე. იმ ინფორმაციით, რაც დღეს მაქვს, დიდი უმრავლესობა გადმოვიდა და ქართული ენისა და ლიტერატურის გამოცდის დაწერა შეძლეს. მათ შორის იმ პირებმაც, ვინც გამოცდაზე გუშინ უნდა მოსულიყო. დაახლოებით, საუბარია 20-30 აბიტურიენტზე, რომლებმაც გადმოსვლა ვერ მოახერხეს. თუმცა, ზუსტად ეს ციფრი მას შემდეგ მეცოდინება, რაც ნაშრომები გასწორდება და მათი მაიდენტიფიცირებელი ინფორმაცია გვექნება“, - განაცხადა გორგოძემ.


შეფასების და გამოცდების ეროვნული ცენტრის ხელმძღვანელის თქმით, იმ აბიტურიენტებისთვის, ვინც გამოცდაზე გასვლა ვერ მოახერხა, განათლების, მეცნიერების, კულტურისა და სპორტის სამინისტრო ინდივიდუალურად მიიღებს გადაწყვეტილებას.



„რაც შეეხება ინდივიდუალურ საგამოცდო გრაფიკს, ვინაიდან უკვე მორჩა ქართული ენისა და ლიტერატურის გამოცდის ოთხივე სესია, ამ ეტაპზე, რაც შესაძლებელი იყო ყველაფერი გავაკეთეთ, რომ აბიტურიენტებს ამ 4 სესიის მანძილზე მოეხერხებინათ და დაეწერათ ტესტი. სამწუხაროდ, დღეის შემდეგ ქართული ენისა და ლიტერატურის გამოცდის აღდგენას ვეღარ შევძლებთ. ეს ტექნიკურად არის შეუძლებელი. დამთავრდა ყველა სესია, გამოვიყენეთ ყველა ტესტი, ხვალიდან ჩვენ ვაქვეყნებთ ქართული ენის და ლიტერატურის ტესტებს და მის კიდევ ერთხელ გამოყენებას ვერ შევძლებთ. ასევე სისტემა არის ელექტრონულად აწყობილი და ტექნიკურად არ შეგვიძლია ახალი გამოცდის ჩატარება ამ ბავშვებისთვის.


თუკი იქნება გარკვეული გადაწყვეტილება მიღებული, რომ დარჩენილმა აბიტურიენტებმა მიიღონ უმაღლესი განათლება, ეს არის განათლების სამინისტროს პრეროგატივა, რაც მოითხოვს კანონში ცვლილებებს. ჩემი ინფორმაციით, სამინისტრო სხვა უწყებებთან ერთად მუშაობს ამ ბავშვების უფლებების დასაცავად. აქვე უნდა აღინიშნოს, რომ მათთვის სკოლის შემდგომი პროგრამაც არსებობს, რაც გულისხმობს, რომ ისინი ჩაირიცხებიან კონკრეტულ პროგრამაზე მესხიას სახელობის ზუგდიდის სახელმწიფო უნივერსიტეტში, ან თბილისის სახელმწიფო უნივერსიტეტში, ერთი თვის განმავლობაში ისწავლიან, შიდა გამოცდებს ჩააბარებენ და იქვე გაგრძელებენ სწავლას. ეს მეორე შანსიც არის, თუმცა, ესეც არის სამინისტროს პრეროგატივა“, - განაცხადა გორგოძემ.


ცნობისთვის, ერთიანი ეროვნული გამოცდები გუშინ ქართული ენისა და ლიტერატურის გამოცდით დაიწყო და 23 ივლისს ფიზიკის გამოცდით დასრულდება. ეროვნულ გამოცდებზე წელს 41 000-მდე აბიტურიენტია დარეგისტრირებული.


ipn.ge





გიორგი გახარია არ გამორიცხავს, რომ 2020 წლის საარჩევნო სიაში ბიძინა ივანიშვილი იყოს

გიორგი გახარია არ გამორიცხავს, რომ 2020 წლის საარჩევნო სიაში ბიძინა ივანიშვილი იყოს
access_time2020-07-10 12:30:27
პრემიერ-მინისტრი გიორგი გახარია არ გამორიცხავს, რომ 2020 წლის საარჩევნო სიაში „ქართული ოცნების“ თავმჯდომარე ბიძინა ივანიშვილი იყოს. ამის შესახებ გიორგი გახარიამ ჟურნალისტებს განუცხადა, რითაც უპასუხა შეკითხვას, შესაძლებელია თუ არა, რომ საარჩევნო სიაში ბიძინა ივანიშვილიც ვიხილოთ. „რა თქმა უნდა, ბიძინა ივანიშვილი არის „ქართული ოცნების“ დამფუძნებელი და მისი თავმჯდომარე. რა თქმა უნდა...“, - განაცხადა გიორგი გახარიამ. ipn.ge

„ახალგაზრდა ადვოკატებმა“ „ლიდერფუდის“ საქმეზე მონიტორინგის შედეგები საქმის განმხილველ ყველა მოსამართლეს გაუგზავნა

„ახალგაზრდა ადვოკატებმა“ „ლიდერფუდის“ საქმეზე მონიტორინგის შედეგები საქმის განმხილველ ყველა მოსამართლეს გაუგზავნა
access_time2020-07-10 10:50:20
„ახალგაზრდა ადვოკატებმა“ „ლიდერფუდის“ საქმეზე განხორციელებული სამართლებრივი დასკვნა და მონიტორინგი საქმის განმხილველ ყველა მოსამართლეს უკვე მიაწოდა, რათა გაცნობილ ყოფილიყო საქმის ირგვლივ ალტერნატიული დასკვნები და შეხედულებები. ამის შესახებ ორგანიზაციის ხელმძღვანელმა არჩილ კაიკაციშვილმა „კომერსანტთან“ საუბრისას აღნიშნა. მისი ინფორმაციით, მონიტორინგის შედეგები, ასევე მიეწოდა უზენაეს სასამართლოში ამავე საქმეზე დანიშნულ მოსამართლეს, მირანდა ერემაძეს, რომელმაც საქმის წარმოებაში...

ვეცდებით პირველი სამი თვე ფასები არ გავზარდოთ -  „Snap Fitness Georgia“  პირველ ეტაპზე ორ ფილიალს გახსნის

ვეცდებით პირველი სამი თვე ფასები არ გავზარდოთ -  „Snap Fitness Georgia“  პირველ ეტაპზე ორ ფილიალს გახსნის
access_time2020-07-10 13:25:20
საკოორდინაციო საბჭომ საცურაო აუზებისა და სპორტული დარბაზების გახსნის გადაწყვეტილება მიიღო. ოთხ თვიანი პაუზის შემდეგ ბიზნესი ახლა შრომის ინსპექციის შემოწმებას ელოდება. ჯანდაცვის სამინისტროს სარეგისტრაციო პორტალზე უკვე დარეგისტრირდა „Snap Fitness Georgia“, სპორტული დარბაზში ახლა სპეციალისტებს ელოდებიან, რომლებიც გადაწყვეტენ გაიხსნება თუ არა ფიტნეს კლუბი. „Snap Fitness Georgia“-ს დირექტორი სოფო სოლოღაშვილი აცხადებს, რომ პირველ ეტაპზე ორ, ყაზბეგის და ცინცაძის ფილიალებს გახსნიან,...

ფარმაცევტული კომპანიების არაეთიკური ქმედებების გამო საერთაშორისო კომპანიები საქართველოში წარმომადგენლობებს ხურავენ

ფარმაცევტული კომპანიების არაეთიკური ქმედებების გამო საერთაშორისო კომპანიები საქართველოში წარმომადგენლობებს ხურავენ
access_time2020-07-10 10:00:28
საერთაშორისო ფარმაცევტული კომპანიები საქართველოში წარმომადგენლობებს ხურავენ. ამის შესახებ „კომერსანტს“ ფარმაცევტული კომპანიების წარმომადგენელთა ასოციაციის აღმასრულებელმა დირექტორმა, ირაკლი მარგველაშვილმა განუცხადა. მისი თქმით, ბოლო პერიოდში საქართველოს ფარმაცევტული ბაზარზე პირდაპირი წარმომადგენლობა დახურა ისეთმა უმსხვილესმა საერთაშორისო კომპანიებმა როგორიცაა Glaxo, Sandoz, astellas pharma. ირაკლი მარგველაშვილი აცხადებს, რომ ფარმაცევტული...

პოლონეთის პარლამენტის თავმჯდომარის მოადგილე – სურს თუ არა საქართველოს ტურისტები პოლონეთიდან ?

პოლონეთის პარლამენტის თავმჯდომარის მოადგილე – სურს თუ არა საქართველოს ტურისტები პოლონეთიდან ?
access_time2020-07-09 20:30:54
პოლონეთის მმართველი პარტიიდან სეიმის თავმჯდომარის მოადგილემ (ვიცე-მარშალმა), დეპუტატმა მაგოჟატა მარია გოშიევსკამ სოციალურ ქსელში პოსტი გამოაქვეყნა, სადაც ის ეხმაურება საქართველოს მხრიდან პოლონეთისთვის საზღვრის არგახსნის საკითხს. “ბანკები და ფინანსები” პოსტს უცვლელად გთავაზობთ: “სურს თუ არა საქართველოს ტურისტები პოლონეთიდან ? გუშინ საქართველოს მთავრობამ მიიღო გადაწყვეტილება, რომ...


მსგავსი სიახლეები

up