სოფელ წახანთან წყალსაცავი, სასეირნო ბილიკები და ვერტმფრენის დასაჯდომი მოედანი აშენდება

სოფელ წახანთან წყალსაცავი, სასეირნო ბილიკები და ვერტმფრენის დასაჯდომი მოედანი აშენდება

access_time2022-11-15 16:50:48

ადიგენის მუნიციპალიტეტში, სოფელ წახანთან, მუნიციპალური განვითარების ფონდი 15 მილიონი ლარის ღირებულების პროექტს განახორციელებს. როგორც sknews.ge წერს, პროექტის მიხედვით, დაბა აბასთუმანში მდებარე არსებული რეკრეაციული ტყე-პარკში ხანძრის თავიდან აცილებისა და მისი შედეგების შემცირებისათვის, წახანთან წყალსაცავი აშენდება, რომელიც მიმდებარე სოფლების სამელიორაციო პრობლემასაც მოაგვარებს. დაგეგმილია წყალსაცავის მიმდებარედ ერთ კილომეტრამდე სიგრძის რეკრეაციული ზონების მოწყობა, მათ შორის სასეირნო ბილიკების, მოსასვენებელი ადგილების და გარე განათების.



მუნიციპალური განვითარების ფონდი საჭირო ინფრასტრუქტურის მოწყობისთვის დეტალური საპროექტო-სახარჯთაღრიცხვო დოკუმენტაციის მომზადებასა და მის საფუძველზე სამშენებლო სამუშაოების შესრულებისთვის ტენდერზე წინადადებების მიღებას 8 დეკემბერს დაიწყებს.



არსებული ინფორმაციით, „დაბა აბასთუმანში მდებარე რეკრეაციული ტყე-პარკის რეაბილიტაციისა და ტურისტული ინფრასტრუქტურის განვითარების ფარგლებში მუშავდება სახანძრო უსაფრთხოების კონცეფცია, რეკრეაციულ ტყე-პარკში ხანძრის თავიდან აცილებისა და მისი შედეგების შემცირებისათვის ისეთი პრევენციული ღონისძიებების დაგეგმვა/განხორციელებისათვის, რაც უზრუნველყოფს რეკრეაციული პარკის დაცვას ხანძრისაგან, ხოლო ხანძრის გაჩენის შემთხვევაში კი - მისი გავრცელების მაქსიმალურად შეზღუდვასა და ხანძრის ჩაქრობისა და სამაშველო სამუშაოების ჩატარებისათვის სათანადო პირობების შექმნას.



ხანძრის სახანძრო ავტომობილით და ვერტმფრენით ჩაქრობის ორგანიზებისათვის დაგეგმილი ღონისძიებების ფარგლებში გათვალისწინებულია სოფელ წახანში არსებული წყლის საგუბრის (წყალსაცავის) რეაბილიტაცია-მოდერნიზება და სოფელ წახნისწყაროდან ზემოაღნიშნულ წყალსაცავამდე შესაბამისი ინფრასტრუქტურის მოწყობა. წყალსაცავის გამოყენება შესაძლებელი იქნება, აგრეთვე, მიმდებარე სოფლების გაწყლოვანების მიზნით“.




მუნიციპალური განვითარების ფონდის განმარტებით, წყალსაცავმა ხანძრის ქრობის მიზნით უნდა უზრუნველყოს, როგორც ვერტმფრენების, ასევე სახანძრო ავტომობილების წყლით უწყვეტად მომარაგება. წყალსაცავის მოცულობა -არანაკლებ 6,750 მ3 და არაუმეტეს 9,950 მ3 იქნება.


სოფელ წახნისწყაროდან წყალსაცავამდე მოსაწყობ ინფრასტრუქტურათა შორის არის:

სახანძრო ავტომობილებისთვის წყალსაცავთან მისასვლელი გზა, დაახლოებით 4.8 კმ, კაპიტალური საფარით;
გზის განათება დასახლებული პუნქტების ტერიტორიაზე;
მდინარე კარხუხზე გადასასვლელი ხიდი;
მაღალი ძაბვის ელექტროგადამცემი ხაზი დაახლოებით 3 კმ, ქვესადგურით;
ვერტმფრენის დასაჯდომ-ასაფრენი მოედანი ერთი ვერტმფრენისათვის;
სამომსახურო შენობა-ნაგებობა, 1 სახანძრო მანქანის გასაჩერებლად და ტექნიკური მოსახურებისათვის (დასათვალიერებელი ორმოს ჩათვლით), მომსახურე პერსონალის და მეხანძრეების მოსასვენებელი სივრცით (5-კაციან ბრიგადაზე), საფრენი აპარატისათვის და სახანძრო მანქანებისათვის საწვავის სამარაგო ავზებით;



ტექნიკურ დავალებაში ვკითხულობთ, რომ სამუშოების არეალი მცენარეულის საფარისგან უნდა გაიწმინდოს, რაც დაახლოებით 4.5 ჰექტარ ტერიტორიას მოიცავს. პროექტის მომზადების პროცესში მიმწოდებელი ვალდებულია უზრუნველყოს, რომ მინიმუმამდე შემცირდეს ან/და მაქსიმალურად თავიდან იქნეს აცილებული პროექტის ზემოქმედება კერძო საკუთრებებთან.



სატენდერო დოკუმენტაციის მიხედვით, გამარჯვებულ კომპანიას საპროექტო დოკუმენტაციის შედგენისთვის 4 თვე ექნება, სამშენებლო სამუშოების განსახორციელებლად 11 თვე.



სახელმწიფო შესყიდვების სააგენტოს გვერდზე არსებული ინფორმაციით, ტენდერზე წინადადებების მიღება 8 დეკემბერს დაიწყება და 13 დეკემბერს დასრულდება.



წყარო: sknews.ge/




TIME-მა წლის გმირებად ირანელი ქალები დაასახელა

TIME-მა წლის გმირებად ირანელი ქალები დაასახელა
access_time2022-12-07 20:00:41
TIME-მა წლის გმირებად ირანელი ქალები დაასახელა. შეგახსენებთ, რომ ირანში საპროტესტო გამოსვლები სექტემბრის თვეში 22 წლის...

უკრაინის პრეზიდენტი ვოლოდიმირ ზელენსკი TIME - მა წლის ადამიანად დაასახელა

უკრაინის პრეზიდენტი ვოლოდიმირ ზელენსკი TIME - მა  წლის ადამიანად დაასახელა
access_time2022-12-07 17:19:11
უკრაინის პრეზიდენტი ვოლოდიმირ ზელენსკი ჟურნალმა TIME-მა წლისადამიანად დაასახელა. 44 წლის, ყოფილი კომიკოსი, მსახიობი, მწერალი და პროდიუსერი, უკრაინის პრეზიდენტის პოსტს  2019 წლიდან იკავებს.   მანამდე...

ევროკავშირი გაზის ზღვრულ ფასად 220 ევროს განიხილავს

ევროკავშირი გაზის ზღვრულ ფასად 220 ევროს განიხილავს
access_time2022-12-07 17:45:28
ევროკავშირის ქვეყნები გაზის ზღვრული ფასის 220 ევრომდე (231 დოლარამდე) შემცირებას განიხილავენ. ინფორმაციას Reuters ავრცელებს.   ევროკავშირის თავმჯდომარე ქვეყნის, ჩეხეთის წინადადებით, თუ ხუთი დღის განმავლობაში გაზის საფასური 1 მგვტ/სთ-ზე 220 ევროს (1000 მ³-ზე 2 321 ევროს) გადააჭარბებს, ფასზე ლიმიტი უნდა დაწესდეს. სააგენტოს ცნობით, ინიციატივა წევრი ქვეყნების შეხვედრიდან ერთი კვირით ადრე გაჩნდა, რომელზეც ბლოკი შეთანხმების მიღწევას იმედოვნებს, რადგან „საკითხმა 27 წევრი...

განახლდება თუ არა რუსეთზე ფრენა - საჰაერო ტრანსპორტის საერთაშორისო ასოციაცია მოწოდებით გამოდის

განახლდება თუ არა რუსეთზე ფრენა - საჰაერო ტრანსპორტის საერთაშორისო ასოციაცია მოწოდებით გამოდის
access_time2022-12-07 18:00:32
დასავლეთმა უნდა გადახედოს საკუთარ შეხედულებებს და რუსეთის საჰაერო სივრცის გავლით ფრენების განახლებას შეეცადოს. ამის შესახებ საჰაერო ტრანსპორტის საერთაშორისო ასოციაციის (IATA) გენერალურმა დირექტორმა უილიამ უოლშმა ჟენევაში გამართულ კონფერენციაზე განაცხადა, იუწყება The Telegraph. 2023 წელს ჩინეთმა შესაძლოა შეამსუბუქოს ანტიკორონავირუსული შეზღუდვები, თქვა უოლშმა, რაც ჩინურ ავიაკომპანიებს British Airways-თან შედარებით ანიჭებს უპირატესობას, რომლის ფრენები შეიძლება საათობით გახანგრძლივდეს...

კრემლი უარყოფს, რომ პუტინი კიბეზე წაიქცა და „უნებლიე დეფეკაცია“ ჰქონდა - Newsweek

კრემლი უარყოფს, რომ პუტინი კიბეზე წაიქცა და „უნებლიე დეფეკაცია“ ჰქონდა - Newsweek
access_time2022-12-07 21:00:54
რუსეთის პრეზიდენტის ვლადიმერ პუტინის პრესსამსახური უარყოფს ინფორმაციას იმის შესახებ, რომ კრემლის ლიდერი კიბეებიდან ჩამოვარდა და „უნებლიე დეფეკაცია“ ჰქონდა. ინფორმაციას Newsweek-ი ავრცელებს.   General SVR-მა გასულ კვირას Telegram-ზე გამოაქვეყნა ინფორმაცია იმის შესახებ, თუ როგორ გაატარა პუტინმა სამუშაო თათბირი სტრესულ ვითარებაში, სადაც განიხილავდნენ მძიმე...


მსგავსი სიახლეები

up