სოფელ საყავრესთან ტყეში გაჩენილი ხანძარი ლოკალიზებულია - რა რესურსით ებრძვის სახანძრო-სამაშველო დეპარტამენტი ხანძრებს

სოფელ საყავრესთან ტყეში გაჩენილი ხანძარი ლოკალიზებულია - რა რესურსით ებრძვის სახანძრო-სამაშველო დეპარტამენტი ხანძრებს

access_time2019-08-23 15:30:18

გორის მუნიციპალიტეტში, სოფელ საყავრესთან ტყის მასივში გაჩენილი ხანძარი ლოკალიზებულია. მეხანძრე-მაშველებმა, სასაზღვრო პოლიციის სამი ვერტმფრენის დამხარებით ტყის ხანძრის ლოკალიზება შეძლეს.






3 ათასი მეხანძრე, 304 - სახანძრო ავტოტრანსპოტრი, სამაშველო ავტოტრანსპორტი - 304, ავტოკიბე - 10   ეს ის ადამიანური და ტექნიკური რესურსია, რითაც სახელმწიფო ხანძარს ებრძვის.


ამ რესურსით, საგანგებო სიტუაციების მართვის სამსახურმა წელს ტყის 20-მე მასშტაბური ხანძრის ლიკვიდაცია გართულებების გარეშე მოახერხა.





“ზაფხული საგანგებო სიტუაციების მართვის სამსახურისთვის ძალიან დატვირთული პერიოდია. ტყის ხანძრები ბოლო წლებში ჩვენი ქვეყნისთვის ერთ-ერთ გამოწვევად იქცა. გვახსოვს 2017 წლის ხანძარი ბორჯომის ხეობაში, რომელსაც მეხანძრე-მაშველები საკმაოდ დიდი ხნის განმავლობაში ებრძოდნენ. უკანასკნელ 5 წელიწადში, სამწუხაროდ, საქართველოს ტერიტორიაზე 1 500-ზე მეტი ტყის ხანძარი დაფიქსირდა, თუმცა, უნდა აღინიშნოს, რომ ბოლო 2 წელიწადში სტატისტიკა მნიშვნელოვნად გაუმჯობესებულია, როგორც ტყის ხანძრების რაოდენობის, ასევე ხანძრის შედეგად დამწვარი ფართობების მხრივ,“ - აღნიშნავს “კომერსანტთან შინაგან საქმეთა სამინისტროს საგანგებო სიტუაციების მართვის სამსახურის სახანძრო-სამაშველო დეპარტამენტის უფროსი დავით სუხიშვილი.


სახანძრო-სამაშველო დეპარტამენტის უფროსის თქმით, არის შემთხვევები, როცა ხანძარი ტყის მასივებში ბუნებრივად ჩნდება, თუმცა, უფრო მეტად, ტყის ხანძრები ადამიანური ფაქტორებით არის გამოწვეული და მნიშვნელოვანია, რომ მოქალაქეებმა უფრო მეტი პასუხისმგებლობა იგრძნონ და მეტი სიფრთხილე გამოიჩინონ. არ დატოვონ დანთებული ცეცხლი უმეთვალყურეოდ, არ გადააგდონ ნამწვი, გაითვალისწინონ, რომ ერთი ნაპერწკალიც კი შესაძლებელია გახდეს ხანძრის გამომწვევი მიზეზი.


“ჩვენი ქვეყნის სპეციფიკიდან გამომდინარე, ხშირია შემთხვევები, როდესაც მოქალაქეები საკუთარ სასოფლო-სამეურნეო დანიშნულების მიწებზე, ტერიტორიის დასუფთავების მიზნით, წინა წლის მოსავლის ნარჩენებს წვავენ. ასეთ დროს, ადამიანები ვეღარ ახერხებენ ცეცხლის შეკავებას და ხანძარი მასშტაბურ ტერიტორიებზე ვრცელდება. ხშირად საფრთხე ექმნება არამხოლოდ ტყის მასივებს, არამედ დასახლებულ ტერიტორიებსაც.


ასევე, განსაკუთრებით პრობლემატურია შემთხვევები, როცა დაგვიანებით ხდება მეხანძრე-მაშველების გამოძახება. ტყის ხანძრის დროული აღმოჩენა და შესაბამისი სამსახურებისთვის ინფორმაციის მიწოდება, მნიშვნელოვნად ამცირებს ზიანს. ტყეში ხანძარი ძალიან სწრაფად ვრცელდება, ამიტომ მნიშვნელოვანია, რომ კერა საფუძველში აღიკვეთოს,“ - აცხადებს დავით სუხიშვილი.



მისი თქმით, ცეცხლი ხშირად ჩნდება მთაში, მეხანძრეებისთვის რთულად მისადგომ ადგილას, სადაც გადაადგილება სახანძრო ტექნიკით, ფაქტობრივად, შეუძლებელია. ასეთ დროს საჭირო ხდება დიდი რაოდენობით ცოცხალი ძალის მობილიზება.



“ბოლო წლებში, ტყის ხანძრების დროს დამწვარი ტერიტორიის ფართობის შემცირება მნიშვნელოვნად გამოწვეულია ამ მხრივ საგანგებო სიტუაციების მართვის სამსახურის გაძლიერებით. არც ისე დიდი ხნის წინ, საგანგებო სიტუაციების მართვის სამსახურის ავტოპარკს ტყის ხანძრებისთვის განკუთვნილი 20 ერთეული სახანძრო-სამაშველო მანქანა დაემატა. მუდმივ მზადყოფნაში არიან შინაგან საქმეთა სამინისტროს სასაზღვრო პოლიციის ვერტმფრენები, რომლებიც საჭიროების შემთხვევაში, ხანძრის ჩაქრობის პროცესში აქტიურად ჩაერთვებიან. ჩვენი მაშველები ყოველთვის მზად არიან ხანძრების ჩასაქრობას, თუმცა პრევენციისთვის მნიშვნელოვანია. მისათვის რომ  ამაღლდეს მოსახლეობის ცნობიერება,ჩვენი სამსახური  აქტიურად მუშაობს, თუმცა თავად მოსახლეობის პასუხისმგებლობა ძალიან მნიშვნელოვანია   აღნიშნავს სახანძრო-სამაშველო დეპარტამენტის უფროსი.


ნათია კეკენაძე






forbes - საუდის არაბეთზე შეტევას ნავთობის გაძვირება მოჰყვა

forbes - საუდის არაბეთზე შეტევას ნავთობის გაძვირება მოჰყვა
access_time2019-09-16 19:00:49
საუდის არაბეთმა ოფიციალური დაადასტურა ნავთობმოპოვების თითქმის 6 მლნ. ბარელით შემცირება, მას შემდეგ, რაც სახელმწიფო ნავთობკომპანია Saudi Aramco-ს ქარხნებზე უპილოტო საფრები აპარატებით შეტევა განხორციელდა. შავ ოქროზე ფასების ნახტომისებრი ზრდის თავიდან აცილების მიზნით, აშშ-მ განაცხადა, რომ მზადაა აამოქმედოს თავისი რეზერვები. ორ ნავთობგადამამუშავებელ ქარხანაზე საჰაერო შეტევა შაბათს დილით მოხვდა - პირველმა ეს ინფორმაცია საუდის არაბეთის ენერგეტიკის მინისტრმა აბდელ...

ამერიკა ცდილობს უზბეკეთის, აზერბაიჯანის და საქართველოს დაკავშირებას

 ამერიკა ცდილობს უზბეკეთის, აზერბაიჯანის და საქართველოს დაკავშირებას
access_time2019-09-16 20:00:25
უზბეკეთმა და საქართველომ მიაგნეს შეხების წერტილს - ესაა ტრანზიტი. თბილისისთვის ეს არის ქვეყნის ტერიტორიაზე ტვირთბრუნვის გაზრდის საშუალება, ხოლო უზბეკეთი იღებს ქართული პორტების გავლით ევროპულ ბაზრებზე გასვლის საშუალებას. ინტერესი ორმხრივია, თუმცა, პრობლემა იმაშია, რომ დღეისათვის არ არსებობს კავკასიურ სატრანსპორტო დერეფანზე გასატარებელი ტვირთების საკმარისი რაოდენობა. 11-13 სექტემბერს საქართველოს საგარეო საქმეთა მინისტრი დავით ზალკალიანი...

აუდიტის სამსახური - 400 მილიონ ლარზე მეტი ღირებულების 27 პროექტის წლიური ბიუჯეტი საერთოდ არ არის ათვისებული

აუდიტის სამსახური - 400 მილიონ ლარზე მეტი ღირებულების 27 პროექტის წლიური ბიუჯეტი საერთოდ არ არის ათვისებული
access_time2019-09-16 18:00:58
სახელმწიფო აუდიტის სამსახურის ინფორმაციით, ბიუჯეტით გათვალისწინებული ჯამში 400 მილიონ ლარზე მეტი ღირებულების, 27 კაპიტალური პროექტის წლიური ბიუჯეტი, 6 თვის მონაცემებით, საერთოდ არ არის ათვისებული. ბიუჯეტით გათვალისწინებული კაპიტალური პროექტებისა და მათზე გამოყოფილი სახსრების ათვისების მდგომარეობის შესახებ ინფორმაციას სახელმწიფო აუდიტის სამსახრუსი ბიუჯეტის მონიტორი აქვენებს, რომლის თანახმად, 6 თვის მონაცემებით, 26 პროექტში ათვისებულია წლიური ბიუჯეტის 1%-დან...

ქართველი დიზაინერი დემნა გვასალია Vetements -დან მიდის

ქართველი დიზაინერი დემნა გვასალია Vetements -დან მიდის
access_time2019-09-16 14:30:27
„ვგრძნობ, რომ ჩემი მისია შევასრულე“ - ამბობს დიზაინერი, რომელმაც 5 წლის წინ გავლენიანი ბრენდი „Vetements“ დაარსა“. ასე იწყებს სტატიას ერთ-ერთი გავლენიანი მედია გამოცემა მოდის სფეროში. „WWD“ წერს, რომ ქართველმა დიზაინერი, რომელიც ქუჩის მოდის მთავარი შემოქმედი იყო „Vetements“ -დან მიდის.   ბრენდი, რომელმაც ქუჩის სტილის თამაშის წესები შეცვალა დემნამ ძმასთან ერთად 2014 წელს დაარსა. გურამ გვასალია,...

Meridian Capital Limited - რას წარმოადგენს კომპანია, რომელმაც ხაზარაძის თქმით, შესაძლოა ანაკლიის პორტის პროექტის განხორციელებაში „კონტი ჯგუფი“ ჩაანაცვლოს

  Meridian Capital Limited - რას წარმოადგენს კომპანია, რომელმაც ხაზარაძის თქმით, შესაძლოა ანაკლიის პორტის პროექტის განხორციელებაში „კონტი ჯგუფი“ ჩაანაცვლოს
access_time2019-09-16 15:40:55
რას წარმოადგენს კომპანია, რომელმაც ანაკლიის პორტის პროექტის განხორციელებაში შესაძლოა „კონტი ჯგუფი“ ჩაანაცვლოს? როგორც საზოგადოებრივი მოძრაობა “ლელოს“ დამფუძნებელმა მამუკა ხაზარაძემ  TV “მთავარის“ ეთერში აღნიშნა, რამდენიმე დღის წინ ანაკლიის განვითრების კონსორციუმმა საქართველოს ხელისუფლებას წარუდგინა ანაკლიის ერთ-ერთი პოტენციური ინვესტორი —  ბრიტანული საინვეტსიციო კომპანია  Meridian capital...


მსგავსი სიახლეები

up