Impact Hub Tbilisi, საქართველოს ბანკის და გაეროს განვითარების პროგრამის (UNDP) მხარდაჭერით, იწყებს საერთაშორისო სტუდენტურ პროგრამას Social Impact Award. არსებული მდგომარეობის გათვალისწინებით, პროგრამა სრულად გადაეწყო ონლაინ რეჟიმზე და გაფართოვდა საქართველოს სხვადასხვა რეგიონში.
„Social Impact Award სოციალური მეწარმეობის მიმართულებით ყველაზე მასშტაბური ახალგაზრდული პროგრამაა, რომელიც 25 ქვეყანაში ხორციელდება და ორიენტირებულია სტუდენტების განათლებაზე სოციალური მეწარმეობის დარგში. პროგრამა ახალგაზრდებს სთავაზობს ათთვიან საგანმანათლებლო კურსს საკუთარი ბიზნეს იდეების განსახორციელებლად. პროგრამის განმავლობაში სტუდენტები გადიან მთელ პროცესს იდეის გენერირებიდან, ბიზნესგეგმის შედგენამდე, რაც მათ აძლევს შესაძლებლობას რეალურად წამოიწყონ სოციალური ბიზნესი.
საქართველოს ბანკისათვის სოციალური მეწარმეობა და ბიზნესის ხელშწყობა ერთ-ერთ პრიორიტეტულ მიმართულებას წარმოადგენს. მოხარული ვართ, რომ ჩვენი წვლილი შეგვაქვს Social Impact Award სოციალური მეწარმეობის მიმართულებით ყველაზე მასშტაბური ახალგაზრდული პროგრამაში. პროექტის განმავლობაში უკვე მასში ჩაერთო 500+ სტუდენტი საქართველოს სხვადასხვა რეგიონიდან; ინკუბაცია გაიარა 60-მა ახალგაზრდამ და გამოვლინდა 9 გამარჯვებული გუნდი. ყველა პროექტი აქტუალურ სოციალურ პრობლემას ეხმაურება და მათი გადაჭრის ინოვაციურ გზებს გვთავაზობს. ეს კი ახალგაზრდებს ეხმარება დაინახონ ახალი გამოწვევები, ხელს უწყობს მათ ახალი მიზნების, იდეების დასახვასა და განხორციელებაში, პრაქტიკული გამოცდილების მიღებაში“, - აცხადებენ საქართველოს ბანკში.
„Social Impact Award 2020 რამდენიმე ეტაპისგან შედგება და მოიცავს ონლაინ ვორქშოფების სერიას თბილისში, ქვემო ქართლში, რაჭა-ლეჩხუმი-ქვემო სვანეთში, სამეგრელო-ზემო სვანეთში, გურიაში, აჭარასა და იმერეთში მცხოვრები ახალგაზრდებისთვის. პროგრამის მეორე ეტაპზე, ჟიურის მიერ შერჩეული ფინალისტი გუნდები გაივლიან ორთვიან ინკუბაციას, სადაც ინდივიდუალური მენტორების დახმარებით გამართავენ ბიზნესმოდელს, შეადგენენ ბიზნესგეგმებს და მოემზადებიან ჟიურის წინაშე წარსადგენად. პროგრამის ბოლო ეტაპზე გამოვლინდებიან გამარჯვებული გუნდები, რომლებიც მიიღებენ ფინანსურ მხარდაჭერას ბიზნესიდეების განსახორციელებლად. გარდა ამისა, გამარჯვებულები მონაწილეობას მიიღებენ Social Impact Award-ის საერთაშორისო სამიტზე.
სიახლეა ისიც, რომ იბკუბაციის ეტაპზე აქამდე გადადიოდა მხოლოდ 6 გუნდი. როგორც წესი გუნდები ძირითადად წარმოადგენდენენ თბილისს, რადგან აქ მცხოვრებ ახალგაზრდებს აქვთ მეტი გამოცდილება მსგავს კონკურსებში მონაწილეობის. წელს გადავწყვიტეთ, რომ ინკუბაციაში ჩართვის საშუალება მივცეთ დამატებით 4 გუნდს რეგიონიდან“,- განაცხადა Impact Hub Tbilisi-ის თანადამფუძნებელმა ქეთი ებანოიძემ.
პროექტი მეორე წელია ხორციელდება გაეროს განვითრების პროგრამის (UNDP), შვეიცარიის განვითარებისა და თანამშრომლობის სააგენტოსა (SDC) და ავსტრიის განვითარების თანამშრომლობის (ADC) მხარდაჭერით.
ინფორმაცია ვორქშოფების შესახებ:
თბილისი - shorturl.at/pvF26
ქვემო ქართლი - shorturl.at/noE19
რაჭა-ლეჩხუმი-ქვემო სვანეთი - shorturl.at/wFHI2
სამეგრელო-ზემო სვანეთი - shorturl.at/adjP1
გურია - shorturl.at/dnKO5
აჭარა - shorturl.at/cMQWZ
იმერეთი - shorturl.at/jksy9
(R)