მონაცემთა საერთაშორისო კორპორაციის (IDC) მონაცემებით, მსოფლიოში სმარტფონების მიწოდება 2022 წლის მეოთხე კვარტალში, წინა წლის ანალოგიურ პერიოდთან შედარებით, 18,3%-ით - 300,3 მილიონ ერთეულამდე შემცირდა.
2022 წლის ბოლოს გაყიდვები 11,3%-ით შემცირდა და 1,21 მილიარდი ერთეული შეადგინა. ეს ყველაზე დაბალი წლიური მოცულობა 2013 წლის შემდეგ, რაც გამოწვეულია სამომხმარებლო მოთხოვნის მნიშვნელოვანი შემცირებით, მაღალი ინფლაციითა და ეკონომიკური გაურკვევლობით.
IDC 2023 წლის ბაზრის 2.8%-იან აღდგენას ელოდა. თუმცა, მეოთხე კვარტლის ძალიან სუსტი შედეგები კითხვის ნიშნის ქვეშ აყენებს ამ პროგნოზს და დიდი ალბათობით, გაუარესდება, ნათქვამია კომპანიის განცხადებაში.
„ჩვენ არასდროს გვინახავს სადღესასწაულო კვარტლის გაყიდვები წინა კვარტალზე დაბალი. თუმცა, დაბალმა მოთხოვნამ და დიდმა მარაგმა აიძულა მომწოდებლები მკვეთრად შეემცირებინათ მიწოდება, - განაცხადა IDC Worldwide Tracker-ის კვლევის დირექტორმა ნაბილა პოპალმა.
სამხრეთ კორეის Samsung Electronics-მა შარშან გაყიდვები 4,1%-ით შეამცირა, მაგრამ მსოფლიოს უმსხვილეს მწარმოებლებს შორის ლიდერად დარჩა და ბაზრის წილი 21,6%-მდე გაზარდა;
ამერიკული Apple Inc.-ის მიწოდებაც ასევე 4%-ით შემცირდა, მაგრამ მისი წილი მსოფლიო ბაზარზე 18,8%-მდე გაიზარდა. ეს გამოწვეულია იმით, რომ ჩინური Xiaomi-ს, OPPO-ს (BBK Electronics-ის განყოფილება) და vivo-ს გაყიდვები უფრო მეტად - შესაბამისად - 19.8%-ით, 22.7%-ით და 22.8%-ით დაეცა.
სმარტფონების 2022 წლის გლობალური მიწოდება ასეთია:
Samsung - 260.9 მლნ ერთეული, რაც 2021 წელთან შედარებით (272.1 მლნ) 4.1%-ით ნაკლებია. ბაზრის წილი 21.6%-ია (2021 წელს - 20.0%);
Apple - 226.4 მლნ ერთეული; 2021 წელთან შედარებით (235.8 მლნ) მინუს 4.0%. ბაზრის წილი 18.8%-ია (2021 წელს - 17.3%);
Xiaomi - 153.1 მლნ ერთეული; 2021 წელთან შედარებით (191 მლნ) მინუს 19.8%. ბაზრის წილი 12.7%-ია (2021 წელს - 14.0%);
OPPO - 103.3 მლნ ერთეული; 2021 წელთან შედარებით (133.6 მლნ) მინუს 22.7%. ბაზრის წილი 8.6%-ია (2021 წელს - 9.8%);
Vivo – 99 მლნ ერთეული; 2021 წელთან შედარებით (128.3) მინუს 22.8%. ბაზრის წილი 8.2%-ია (2021 წელს - 9.4%).