სკოლა, დანაშაული და სასჯელი

სკოლა, დანაშაული და სასჯელი

access_time2017-12-09 13:00:00

თბილისში მომხდარ მკვლელობაში ორივე ბრალდებული პირველი ექსპერიმენტული საჯარო სკოლის მოსწავლეა. პოლიციამ არასრულწლოვანი გ.ბ 2 დეკემბერს დააკავა, ხოლო მეორე ბრალდებული გ.ჯ სამდღიანი მალვის შემდეგ, სამართალდამცავებს ჩაბარდა. „დანაშაულის დაფარვის“ ბრალდებით, ასევე პასუხისგებაშია მიცემული კიდევ ხუთი პირი, მათ შორის ერთ-ერთი, ჩხუბში მონაწილე მოსწავლის მშობელი თ.კ-ა, იგი შსს-ს თანამშრომელია.


სახალხო დამცველი უჩა ნანუაშვილი, რომელიც თანამდებობას ოთხ დღეში ტოვებს, ამბობს, რომ არაერთი რეკომენდაციით მიმართა მთავრობას და განათლების სამინისტროს „საგანმანათლებლო დაწესებულებებში ძალადობის პრევენციისა და მასზე რეაგირების არსებული მექანიზმების დახვეწის მოთხოვნით,“ თუმცა უშედეგოდ:


„საჯარო სკოლებში ძალადობის კუთხით არსებული მდგომარეობა იყო და რჩება საგანგაშოდ. ბოლო წლების მანძილზე, სკოლებში სისტემური ხასიათი აქვს ბულინგს, მოსწავლეებზე ძალადობას და ამას ადექვატური რეაგირება, ჩვენი რეკომენდაციების მიუხედავად, სამწუხაროდ, არ მოჰყოლია.


ბავშვი კვლავ საზოგადოების ყველაზე მოწყვლადი წევრია. სისტემური მიდგომის გზით უნდა შეიცვალოს საზოგადოების ცნობიერება და დამოკიდებულება. ბავშვის მიმართ ძალადობის პრევენციის მიმართულებით განსაკუთრებული როლი ენიჭებათ როგორც, ზოგადსაგანმანათლებლო დაწესებულებებს, ისე ოჯახსა და საზოგადოებას.“


2016-2017 წლებში, ზოგადსაგანმანათლებლო დაწესებულებებში მოსწავლეთა მიმართ ძალადობის კუთხით არსებული მდგომარეობის მონიტორინგის შედეგები, სახალხო დამცველის აპარატის ბავშვის უფლებების ცენტრმა, გაეროს ბავშვთა ფონდის (UNICEF) მხარდაჭერით, მოსწავლეთა სასტიკ მკვლელობათა სერიამდე, თვენახევრით ადრე გამოაქვეყნა.



გლოვა თბილისის 51-ე საჯარო სკოლასთან


სპეციალურ ანგარიშში, რომელმაც საქართველოს 98 საჯარო, 5 კერძო სკოლა და 6 სკოლა-პანსიონი მოიცვა,ნათქვამია, რომ „საქართველოს ზოგადსაგანმანათლებლო სისტემაში მოსწავლეთა დაცვა ძალადობრივი დამოკიდებულებისა და არასათანადო მოპყრობისაგან კვლავ გამოწვევად რჩება:


  • ხშირია ბავშვის მიმართ უფროსებისა და თანატოლების მხრიდან, როგორც ფსიქოლოგიური, ისე ფიზიკური ძალადობის შემთხვევები


  • მოსწავლეთა შორის ბულინგი არასრულწლოვანთა ურთიერთობის ფართო მასშტაბით გავრცელებული ფორმაა


  • სუსტია მოსწავლეთა ცოდნა თავიანთი უფლებების და ძალადობის ფორმების შესახებ


  •  დაბალია პასუხისმგებელ პირთა კომპეტენცია ბავშვის მიმართ ნებისმიერი სახის ძალადობაზე რეაგირების მექანიზმთან დაკავშირებით, შესაბამისად, არ ხორციელდება ბავშვის საუკეთესო ინტერესებზე მიმართული რეაგირება


  • არასაკმარისია ძალადობის მსხვერპლ ბავშვთა ფსიქოსოციალური რეაბილიტაციის სერვისები


  • სკოლებს არა აქვთ ძალადობის დაძლევის ერთიანი პოლიტიკა


  • გამოკითხულ მოსწავლეთა 13.2% და სკოლის თანამშრომელთა 4% ბავშვის მიმართ ძალადობად არ მიიჩნევს - ცემას, 37% და 12.7% - წამორტყმას, 42.5% და 13.9% - ყურის აწევას


  • სკოლებში ძალადობის სხვადასხვა ფორმებიდან ცალსახად იკვეთება ყვირილი, საკუთრივ მოსწავლეთა, სკოლის ადმინისტრაციის, დამრიგებლის და საგნის მასწავლებლის მხრიდან. ამასთან, სკოლის თანამშრომელთა 25 % ყვირილს ძალადობად არ მიიჩნევს


ყოფილი სახალხო დამცველის კონკრეტულ რეკომენდაციებს ამ მიმართულებით რეაგირება არ მოჰყოლია. განათლებისა და მეცნიერების ახალმა მინისტრმა მიხეილ ჩხენკელმა მისი უწყების კრიტიკის საპასუხოდ განაცხადა, რომ საჯარო სკოლებში ძალადობისა და ბულინგის პრევენციისა და აღმოფხვრის მიზნით, მანდატურის სამსახური ისევ გაძლიერდება:


„მე შევხდი შსს მინისტრს და შევქმენით უწყებათაშორისი სამუშაო ჯგუფი, რომელიც რამდენიმე მიმართულებით იმუშავებს: ეს არის საგანმანათლებლო დაწესებულებებში მანდატურის სამსახურის როლის გაძლიერება; მანდატურის სამსახურსა და სამართალდამცავ უწყებებს შორის კოორდინირებული მოქმედება; საწყის ეტაპზე სკოლების უსაფრთხოების მონიტორინგში საპატრულო პოლიციის ჩართვა;


გარდა ამისა, გააქტიურდება მუშაობა სკოლებში ბულინგისა და ძალადობის წინააღმდეგ; 24-საათიან რეჟიმში იმუშავებს ფსიქოლოგიური სამსახურის ცხელი ხაზი.“


თბილისის საქალაქო სასამართლომ დღეს 51-ე საჯარო სკოლის მოსწავლეების მკვლელობის გამო, თბილისის პირველი ექსპერიმენტარული საჯარო სკოლის მოსწავლეებს გ.ბ-ს და გ.ჯ-ს აღკვეთ ღონისძიებად პატიმრობა შეუფარდა.


ხორავას ქუჩაზე მომხდარი ტრაგედიის გამო მთავარ პროკურატურაში ადამიანური რესურსების მართვისა და განვითარების დეპარტამენტის უფროსის მოადგილის თანამდებობა მირზა სუბელიანმა დატოვა. მიზეზი მისი შვილია, რომელიც ამ სკანდალურ საქმეში ერთ-ერთი მთავარი მოწმე და ფიგურანტია.


როგორც თბილისში, ისე სოფელ ოფშკვითში მომხდარ მკვლელობებზე გამოძიება სსკ-ის 109-ე მუხლის მეორე ნაწილის „ბ“ ქვეპუნქტით, მიმდინარეობს. ეს მუხლი სასჯელის ზომად 13-დან 17 წლამდე თავისუფლების აღკვეთას ითვალისწინებს. შსს მინისტრი გიორგი გახარია არ გამორიცხავს, რომ ხორავას ქუჩის ორმაგ მკვლელობაზე ბრალდებულთა რიცხვი კიდევ გაიზარდოს.


ამერიკის ხმა



“დღეს ფაქტობრივად შიმშილისთვის გაგვწირეს“ - მთის კურორტების სასტუმროები მთავრობის გადაწყვეტილებას აპროტესტებენ

“დღეს ფაქტობრივად  შიმშილისთვის გაგვწირეს“ - მთის კურორტების სასტუმროები მთავრობის გადაწყვეტილებას აპროტესტებენ
access_time2021-01-22 16:00:04
„ისეთი შთაბეჭდილება მრჩება, რომ  თითქოს როგორც ინდიელები ჰყავდათ რეზერვაციაში, ასე ვართ  მოქცეული, ოღონდ  იქ  ყველანაირად სოციალურად უზრუნველყოფილები იყვნენ. დღეს  ფაქტობრივად  გაგვწირეს  შიმშილისთვის,...

საავტომობილო ბენზინისა და დიზელის საწვავის მოქმედ ხარისხობრივ ნორმებში საკონტროლო კომპონენტების დამატება მნიშვნელოვანი ნაბიჯია ეკოლოგიური ვითარების გასაუმჯობესებლად - შავლეგ მიშველაძე

საავტომობილო ბენზინისა და დიზელის საწვავის მოქმედ ხარისხობრივ ნორმებში საკონტროლო კომპონენტების დამატება მნიშვნელოვანი ნაბიჯია ეკოლოგიური ვითარების გასაუმჯობესებლად - შავლეგ მიშველაძე
access_time2021-01-22 13:20:14
საქართველოს ბიზნეს ასოციაციის ნავთობის, ნავთობპროდუქტებისა და გაზის კომიტეტი, საავტომობილო ბენზინისა და დიზელის საწვავის მოქმედ ხარისხობრივ ნორმებში საკონტროლო კომპონენტების დამატების თაობაზე მიღებულ გადაწყვეტილებას ეხმიანება.„ეს არის კიდევ ერთი წინგადადგმული, გონივრული და მნიშვნელოვანი ნაბიჯი სახელმწიფოს მხრიდან. უკანასკნელ პერიოდში, ხელისუფლების მიერ ნავთობპროდუქტების სექტორში ინიცირებული და განხორციელებული პოზიტიური ცვლილებები უდაოდ არის...

ეს საკოორდინაციო კი არა, მავნებლების საბჭოა, რომელიც ადგენს მარცხნივ უფრო უკეთ გადაიჩეხება ეს ქვეყანა, თუ მარჯვნივ - რესტორატორთა ასოციაცია

ეს საკოორდინაციო კი არა, მავნებლების საბჭოა, რომელიც ადგენს მარცხნივ უფრო უკეთ გადაიჩეხება ეს ქვეყანა, თუ მარჯვნივ - რესტორატორთა ასოციაცია
access_time2021-01-22 15:10:00
1-ლი მარტიდან გახსნას აზრი აღარ ექნება, რადგან ბიზნესი ამ დროს უკვე აღარ იარსებებს - ამის შესახებ რესტორატორთა ასოციაციის დამფუძნებელმა კოტე გაბრიჩიძემ ,,ბიზნესპრესნიუსთან“ განაცხადა. მისი თქმით, საკოორდინაციო საბჭოს მოქმედებები აბსოლუტურად ალოგიკურია. ,,ეს საკოორდინაციო კი არა, მავნებლების საბჭოა, რომელიც ადგენს მარცხნივ უფრო უკეთ გადაიჩეხება ეს ქვეყანა, თუ მარჯვნივ. დღეს გაირკვა, რომ ამაზე მსჯელობენ და დღეიდან ეს ჩემთვის მავნებლების საბჭოა და მხოლოდ ასე...

სათხილამურო კურორტებზე შეზღუდვები ძალაში რჩება

სათხილამურო კურორტებზე შეზღუდვები ძალაში რჩება
access_time2021-01-22 13:50:33
ვიცე-პრემიერ მაია ცქიტიშვილის განცხადებით, ამ ეტაპზე სათხილამურო კურორტებზე შეზღუდვები ძალაში რჩება. ამის შესახებ ვიცე-პრემიერმა მაია ცქიტიშვილმა უწყებათაშორისი საკოორდინაციო საბჭოს სხდომის დასრულების შემდეგ განაცხადა.როგორც ცქიტიშვილმა აღნიშნა, ასევე პირბადის გამოყენება და სავაჭრო ცენტრებში დაწესებული მოთხოვნები ძალაში რჩება.„ძალაში რჩება სათხილამურო კურორტებზე დაწესებული შეზღუდვები და ამ ეტაპზე ასევე შეზღუდული იქნება საქალაქთაშორისო ტრანსპორტის...

თბილისში მუნიციპალური ტრანსპორტის აღდგენა მარტიდან იგეგმება

თბილისში მუნიციპალური ტრანსპორტის აღდგენა მარტიდან იგეგმება
access_time2021-01-22 13:15:36
უწყებათაშორისი საკოორდინაციო საბჭოს გადაწყვეტილებით, ბათუმში, ზუგდიდში, გორში, ფოთსა და თელავში 1-ელი თებერვლიდან მუნიციპალური ტრანსპორტის, სკოლების, მაღაზიებისა და სავაჭრო ობიექტების მუშაობა აღდგება.რაც შეეხება თბილისს, რუსთავსა და ქუთაისს, პირველი თებერვლიდან მუშაობას განახლებელნ მაღაზიები და სავაჭრო ცენტრები. სკოლებისა და მუნიციპალური ტრანსპორტის აღდგენა კი პირველი მარტიდანაა...


მსგავსი სიახლეები

up