სკანდალი ევრაზიულ ოჯახში - რუსეთის მთავარი მოკავშირე ბელარუსი ერთიან საბაჟო კოდექსს ხელს არ აწერს

სკანდალი ევრაზიულ ოჯახში - რუსეთის მთავარი მოკავშირე ბელარუსი ერთიან საბაჟო კოდექსს ხელს არ აწერს

access_time2016-12-28 14:50:54

 

ევრაზიული კავშირის სამიტების ისტორიაში პირველი სერიოზული სკანდალი მოხდა. სამიტზე, რომელიც სანქტ-პეტერბურგში ჩატარდა, დღის წესრიგის ძირითადი საკითხი იყო წევრი ქვეყნების მიერ საბაჟო კოდექსის ხელმოწერა.

 

 

ყველა პარამეტრი შეთანხმებული იყო, თუმცა სამიტი პრობლემებით დაიწყო - შეთანხმებას მოაწერეს ხელი მხოლოდ რუსეთმა, ყაზახეთმა და სომხეთმა. ყირგიზეთმა უარი განაცხადა, რადგანაც ჩათვალა, რომ ევრაზიულ კავშირში დომინირებს „ნეგატიური მომენტები", რაც ხელს უშლის თანამშრომლობას. თუმცა, მოგვიანებით ქვეყნის პრეზიდენტმა ალმაზბეკ არტამბაევმა მაინც მოაწერა ხელი საბაჟო კოდექსს, თუმცა უარი თქვა საერთო საგარეო ეკონომიკური საქმიანობის შესახებ დეკლარაციას დადასტურებაზე. სავარაუდოთ, კოდექსი შევა ძალაში 2017 წლის 1 ივლისს. ის განსაზღვრავს გადასახადის გარეშე საქონლის იმპორტის ზღვარს, რომელიც მცირდება.

 

 

თუმცა, ყველაზე დიდი დარტყმა ევრაზიულ ინტეგრაციას მიაყენა თითქოს და რუსეთის მთავარმა მოკავშირემ - ბელარუსის პრეზიდენტმა ალექსანდრ ლუკაშენკომ. მან არათუ ხელი არ მოაწერა კოდექსს, არამედ ის საერთოდ არ ჩავიდა სამიტზე და დემონსტრაციულად დარჩა მინსკში. ჩაუსვლელობის მიზეზად რთული სამუშაო პერიოდი დასახელდა. სხვა ოფიციალური კომეტარი ლუკაშენკოს არ გაუკეთებია.

 

 

ახსნა-განმარტებების გაკეთება მოუწია რუსულ მხარეს. პრეზიდენტის პრეს-მდივანმა დმიტრი პესკოვმა განაცხადა, რომ „ბელარუსიის პრეზიდენტის დე ფაქტო არყოფნა სამიტზე არ შეუშლის ხელს ინტეგრაციის საკითხების განხილვას". მან დააზუსტა, რომ ყველა ხელმოწერილი დოკუმენტი უკვე შეთანხმებული იყო დიდი ხნის წინ და ხელმოწერილ პაკეტს უბრალოდ გააგზავნიან მინსკში, სადაც მას მოაწერს ხელს ალექსადრ ლუკაშენკი.

 

თუმცა, სავარაუდოდ, ბელარუსის პრეზდიენტი საბოლოოდ მაინც მოაწერს ხელს ახალ საბაჟო კოდექსს. ლუკაშენკო ყოველთვის უერთდება პუტინის ყველა ინიციატივას რუსეთისგან გარკვეული პრეფერენციების სანაცვლოდ, სხვა შემთხვევაში, ის ხელს ასეთ დოკუმენტებზე არ აწერს.


 

 

ამჟამად მთავარი თემაა ბელარუსიისთვის რუსული ნავთობის და გაზის მიწოდებაა. მინსკი თვლის, რომ გაზის სამართლიანი ფასია 73 დოლარი. ბელარუსში ამბობენ, რომ გაზზე მაღალი ფასის გამო ბელარუსული პროდუქცია გაძვირდება და დაკარგავს კონკურენტუნარიანობს რუსული ბაზარზე, ეს კი ეწინაამღდეგება ევრაზიული კავშირის წესდებას. რუსეთი ამას არ ეთანხმება და თვლის ოპტიმალურ ფასად 132 დოლარს.

 

 

რუსულ მხარეს ბელარუსთან სხვა პრეტენზიებიც აქვს, კერძოდ, მოსკოვში თვლიან, რომ ბელარუსის გავლით რუსეთში ხდება სანქციებში მოყოლილი ევროპული საქონლის ექსპორტი და ამის გარდა, მინსკი რუსეთს უხარისხო რძეს აწვდის.

 

ამ ფონზე სულ არაა გასაკვირი, რომ ლუკლაშენკომ დემონსტერაციულად უარი თქვა ევრაზიული კავშირის სამიტში მონაწილეობის მიღებაზე.

 

„ლუკაშენკოს მხრიდან რუსეთის მიმართ პრეტენზიები ბუნებრივია, მან იცის თავისი უპირატესობა - მისი ქვეყანა ესაზღვრება ევროკავშირს, ნატოს და პრობლემურ უკრაინას" - ამბობს რუსი ექპერტი ევგენი მინჩენკო. მისი თქმით, ევრაზიული კავშირის ყველა ქვეყანას აქვს თავისი პრეტენზიები მოსკოვთან, თუმცა მათ შორის ბელარუსი არის ყველაზე დამოკიდებული რუსეთზე ეკონომიკურ საკითხებში.

 

მარტივად არაა საქმე ყირგიზეთთან. ქვეყნის შესვლა ევრაზიულ კავშირში 5-ჯერ გადაიდო, იმის გამო, რომ იქ მთავრობაში არიან ხან პროევროპული და ხან პრორუსულუი ძალები, როგორც დღეს. თუმცა, ამის მიუხედავათ უთანხმოება არსებობს ახლაც. ყირგიზეთის მოსახლეობა (5,5 მლნ) ძირითადათ ცხოვრობს ჩინური საქონლის რეექსპორტის ხარჯზე, რომელიც აღწევს წლიურად 10 მლრდ. დოლარს.

 

ბიშკეკში ფუნქციონირებს პოსტ-საბჭოთა სივრცეზე ყველა იაფი საბითუმო ბაზრობა. საქონლის დაბალი ღირებულება აიხსნება ჩინეთს და ყირგიზეთს შორის მოქმედი თავისუფალი ვაჭრობის რეჟიმით. ეს კი უქმნის პრობლემებს რუსეთს, რომელიც ცდილობს დაიცვას თავი იაფი ჩინური რეექსპორტისგან.

 

პრობლემები აქვს ყაზახეთსაც, იმის მიუხედავად, რომ ნურსულთან ნაზარბაევი ბევრად უფრო ელასტიური და კომპრომისულია, ვიდრე ლუკაშენკო. „საბაჟო კავშირში წევრობისგან ყაზახეთი უფრო აგებს ვიდრე იგებს" - აცხადებდა ის ჯერ კიდევ 2013 წელს. კერძოდ, მისი თქმით, სირთულეებია ყაზახური სასურსათო პროდუქციის რუსეთში ექსპორტის საკითხებში, შეზღუდულია ელექტროენერგიის ტრანზიტი რუსეთის გავლით და ა.შ..

 

„ჩინეთი დებს ყაზახეთში მეტ ინვესტიციებს ვიდრე რუსეთი" - არ მალავდა უკმაყოფილებას ყაზახეთის პრეზიდენტი. უთანხმოება არსებობს დიდი აბრეშუმის გზის პროექტშიც, სადაც რუსეთი და ყაზახეთი არიან კონკურენტები.

 


ავტორი: gazeta.ru

 



საპენსიო დანაზოგებით, შესაძლოა, სახელმწიფო საწარმოები დაფინანსდეს

საპენსიო დანაზოგებით, შესაძლოა, სახელმწიფო საწარმოები დაფინანსდეს
access_time2020-07-04 16:00:24
ფინანსთა მინისტრის მოადგილის, ნიკოლოზ გაგუას ინფორმაციით, დაგროვებითი საპენსიო სქემის დანაზოგებით, მთავრობა სახელმწიფო საწარმოების დაფინანსების შესაძლებლობას...

ნიუ-იორკის უძრავი ქონების ბაზარი ჩამოიშალა

ნიუ-იორკის უძრავი ქონების ბაზარი ჩამოიშალა
access_time2020-07-04 13:00:42
კორონავირუსის გამო შემოღებული 3 თვიანი კარანტინი აშშ-ში უძრავი...

გერმანიაში 2038 წლისთვის ქვანახშირის ყველა ელექტროსადგურს დაკეტავენ

გერმანიაში 2038 წლისთვის ქვანახშირის ყველა ელექტროსადგურს დაკეტავენ
access_time2020-07-04 11:30:07
გერმანიაში 2038 წლისთვის ქვანახშირის ყველა ელექტროსადგურს...

თბილისის შუაგულში არსებულ ყველა ბიზნეს ცენტრზე დაბალი ფასები გვაქვს-„ქარვასლას“ გენერალური დირექტორი

თბილისის შუაგულში არსებულ ყველა ბიზნეს ცენტრზე დაბალი ფასები გვაქვს-„ქარვასლას“ გენერალური დირექტორი
access_time2020-07-03 16:30:44
„კომერსანტი“ გთავაზობთ ინტერვიუს სავაჭრო და ბიზნეს ცენტრ “ქარვასლა’’-ს გენერალურ დირექტორ ზურაბ შავლაყაძესთან -რა კვადრატულობის საოფისე ფართების ქირავნობა არის შესაძლებელი სავაჭრო და ბიზნეს ცენტრ “ქარვასლა’’-ში? -“ქარვასლა’’-ში მეორე...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-03 21:30:18
დღის Top-10 საინტერესო ამბავი 1.თუ ღვინო ყურძნისგან გაკეთდება და ხარისხის პრობლემა მოგვარდება, რთველის სუბსიდირება საჭირო აღარ იქნება - ირაკლი იაშვილი კომპანია „ისთ გეით ჯგუფის“ სამეთვალყურეო საბჭოს თავმჯდომარე და ღვინის მწარმოებელი კომპანია „ვაზიანის“...


მსგავსი სიახლეები

up