სირცხვილია და პოლიცია პარლამენტის მიმდებარე ტერიტორიაზე აქცია-კონცერტისთვის საჭირო აპარატურის განთავსებაზე შეთანხმდნენ, თუმცა აქტივისტებს სცენის დადგმის საშუალებას კვლავ არ აძლევენ.

პოლიცია აქციის ორგანიზატორებს სცენის დადმის საშუალებას იმ მიზეზით არ აძლევს, რომ გზა გადაიკეტება, თუმცა სირცხვილიას განცხადებით, სცენა სამანქანო გზას ხელს არ შეუშლის.

დღეს, 17:00 საათიდან საპროტესტო აქცია სხვადასხვა ადგილზე ერთდროულად იწყება და მოქალაქეები მსვლელობით სწორედ რუსთაველის გამზირისკენ გაემართებიან, სადაც მთელი ღამის განმავლობაში აქცია-კონცერტი იქნება. ისინი ასე კომენდანტის საათს გააპროტესტებენ. აქციის ორგანიზატორების განცხადებით, დაუსრულებელი კომენდანტის საათი აუარესებს ფსიქიკურ ჯანმრთელობას და გადაადგილების შეზღუდვა ანგრევს ეკონომიკას.

"თვითდასაქმებულ ადამიანებს შეგვიმცირდა ან სრულად წაგვერთვა თავის და ოჯახის რჩენის საშუალება. კომენდანტის საათის გამო ხელოვნურად იტვირთება საზოგადოებრივი ტრანსპორტი და მასში მყოფი ადამიანები არიან დაავადების საფრთხის ქვეშ. გვატყუებენ, რომ "ევროპაშიც ასეა". სინამდვილეში კომენდანტის საათი და გადაადგილების შეზღუდვა ამ მთავრობის პოლიტიკური იარაღია. პანდემიის კონტროლის ნაცვლად გვაკონტროლებენ ჩვენ", — აცხადებენ აქტივისტები.

პარლამენტისკენ მსვლელობა 17:00 საათზე სამი სხვადასხვა ადგილიდან დაიწყება:

ვასო გოძიაშვილის (წითელი) ბაღი — სირცხვილია;
ივანე ჯავახიშვილის სახელმწიფო უნივერსიტეტი — სოცაფეთქება, დროა;
ვაკის პარკი — გირჩი — მეტი თავისუფლება.
მსვლელობები ერთმანეთს შეუერთდება ფილარმონიის მიმდებარე ტერიტორიაზე და საერთო მსვლელობით გადაინაცვლებენ პარლამენტის წინ, 18:00 საათზე. ხოლო 21:00 საათზე შეკრებილები დემონსტრაციულად დაარღვევენ კომენდანტის საათს.

საპროტესტო აქცია ცოცხალი მუსიკით დაიწყება და მთელი ღამის განმავლობაში აქციის მონაწილეებისთვის ქართული ბენდები და ელექტრონული მუსიკის არტისტები დაუკრავენ:

Kილლაგე;
Lოუდსპეაკერს;
რეზო და ბავშვები;
შტ. Nუდეს;
წერილი;
რობი კუხიანიძე;
შოთა ადამაშვილი;
რეზო კიკნაძის ბენდი;
შკყრა;
Bოყა;
თროტსკყ;
Fრანკიე Bეატნიკ;
Vასილ;
თობაკო თწეენ;
Nიო.
ორგანიზატორები ამბობენ, რომ ღამის განმავლობაში, აქცია უზუნველყოფილი იქნება ყველა საჭიროებით: საკვები, სასმელი, გათბობა, ბიოტუალეტები და ა.შ.

on.ge