სილქნეტი სპეციალურ განცხადებას ავრცელებს,რომელსაც „კომერსანტი“ უცვლელად გთავაზობთ : „COVID-19 ვირუსის გავრცელების საწინააღმდეგოდ, კომპანია სილქნეტი პირველივე ეტაპზე ყველა საჭირო ეფექტურ ზომას იღებს, რათა შეუფერხებლად გააგრძელოს ოპერირება და უწყვეტად უზრუნველყოს კომუნიკაციის საშუალებები, რაც დღეს ქვეყნისთვის სასიცოცხლოდ მნიშვნელოვანია.

როგორც ვირუსის პრევენციის დაწყების ადრეული პერიოდიდან, შემდეგ პანდემიისა და მოგვიანებით საგანგებო მდგომარეობის გამოცხადების პირობებში, სილქნეტი 24 საათიან რეჟიმში მუშაობს და ყველა არსებული რესურსით შეაქვს წვლილი ქვეყანაში ვირუსის წინააღმდეგ ბრძოლის საქმეში.

კომპანია, ასევე, ეხმიანება StopCoV ფონდის შექმნას და მიიღო გადაწყვეტილება, რომ პირველადი შენატანის სახით, ფონდის საქმიანობისთვის გადარიცხოს ერთი მილიონი ლარი. კომპანია სამომავლოდაც, საჭიროებისამებრ, განიხილავს მეტი შენატანის განახორციელებას როგორც სერვისების შეუფერხებელი მიწოდებით, ასევე ფინანსური თუ სხვა საჭირო რესურსით.

სილქნეტი მიესალმება ამ ფონდის შექმნას, რომლის მიზანია იდენტიფიცირებული საჭიროებების დაკმაყოფილება და თვლის, რომ ეს არის გაერთიანებული ძალისხმევისთვის ეფექტიანი საშუალება და სწორედ ამიტომ გადაწყვიტა, რომ მონაწილეობა მიეღო ამ მეტად დროულ ინიციატივაში მთავრობის მხრიდან, ხოლო როგორც საქართველოს ბიზნეს ასოციაციის წევრი კომპანია, შეუერთდა ასოციაციის ინიციატივას და კონტრიბუცია განახორციელა ასოციაციის მიერ სპეციალურად ამ ფონდისთვის შექმნილ ანგარიშზე.

StopCoV ფონდი https://stopcov.ge/ka/Fund
ჩარიცხვა ყველას შეუძლია

#StopCov ფონდში აკუმულირებული თანხა, პრემიერ-მინისტრის ინიციატივით შექმნილი პლატფორმის ფარგლებში, ბიზნესომბუდსმენის აპარატისა და კერძო სექტორის კოორდინაციით, იდენტიფიცირებული საჭიროებების დასაკმაყოფილებლად მიემართება“-ნათქვამია განცხადებაში. 

(R)