სილქნეტი საგანგებო მდგომარეობის რეჟიმში შეფერხების გარეშე მუშაობს

სილქნეტი საგანგებო მდგომარეობის რეჟიმში შეფერხების გარეშე მუშაობს

access_time2020-03-25 12:10:01

სილქნეტი სპეციალურ განცხადებას ავრცელებს, რომელსაც „კომერსანტი“ უცვლელად გთავაზობთ: „სილქნეტი უწყვეტ რეჟიმში განაგრძობს ხალხის და ქვეყნის სამსახურში დგომას. დიდწილად ამ კომპანიის პროფესიონალებზეა დამოკიდებული დღეს სასიცოცხლოდ მნიშვნელოვანი ინტერნეტისა და სხვა სერვისის შეუფერხებელი მიწოდება მთელი ქვეყნის მასშტაბით.


სილქნეტის თანამშრომელთა დიდი ნაწილი დისტანციურ სამუშაო რეჟიმზეა გადასული. დასაფასებელია კომპანიის მთელი რიგი სამსახურების თავდადება და ენთუზიაზმი, მათ შორის კონტრაქტორი კომპანიების, რომლებიც ურთულეს ვითარებაში, მაღალი პროფესიონალიზმით ასრულებენ დაკისრებულ მოვალეობას.
სილქნეტი თბილისსა და რეგიონებში 24 საათიან რეჟიმში ახორციელებს დაკაბელების, ინსტალაციის და სხვადასხვა ტიპის სამუშაოებს. განსაკუთრებით აღსანიშნავია, ის, რომ ამ დღეებში კომპანია, საჭიროების შემთხვევაში შეუფერხებლად უზრუნველყოფს მარნეულსა და ბოლნისში აბონენტების მომსახურებას. სამონტაჟო ბრიგადები და მეკაბელეები სრულად არიან აღჭურვილი ვირუსის პრევენციისთვის საჭირო ეკიპირებით. სპეციალისტებს ყოველდღიურად ურიგდებათ პირბადეები, ბახილები, ხელთათმანები, კომპანიის ოფისი და აღჭურვილობა საგანგებოდ მუშავდება სპეციალური ხსნარით. ამჟამად, შესაბამისი ეკიპირებით უზრუნველყოფილი ათკაციანი ჯგუფი საკარანტინო ზონაში- მარნეულსა და ბოლნისში იმყოფება და სილქნეტის დაკვეთით მობილური და ფიქსირებული ქსელის ინფრასტრუქტურის მონიტორინგს და სხვადასხვა ტიპის სამუშაოს ასრულებს.


კომპანია სილქნეტი კომუნიკაციების ეროვნული კომისიისა და დაავადებათა კონტროლის ცენტრის რეკომენდაციების შესაბამისად მოქმედებს.
მეტი პრევენციისთვის, დროებით შეჩერებულია ყველა სერვის ცენტრის მუშაობა, აეროპორტების ჩათვლით. თბილისისა და რეგიონების ადმინისტრაციულ შენობებსა და მომსახურების ოფისებში ტარდება პერიოდული დეზინფექცია და უსაფრთხო გარემოა შექმნილი იმ თანამშრომლებისთვის, ვისაც უწევს ოფისებში, სადგურებში მორიგეობა.


სილქნეტი ფეხდაფეხ მიჰყვება ყველა იმ საჭიროებას, რითაც შეუმსუბუქებს მოქალაქეებს ვირუსით გამოწვეული საგანგებო რეჟიმს.


პირველივე დღეებში კომპანიამ ფიქსირებული და მობილური ქსელიდან უფასო გახადა დაავადებათა კონტროლის ცენტრის ცხელი ხაზი და არსებული 10 ფიქსირებული სატელეფონო ხაზი, 40 არხით შეავსო. დაავადებათა კონტროლის ცენტრის ცხელი ხაზის ნომერი - 116 001 სილქნეტის ქსელში 50 არხით ფუნქციონირებს და სრულიად უფასოა მოქალაქეებისთვის.


სილქნეტის ნებისმიერი ქსელიდან უფასოდ უკავშირდებიან მსურველები ჯანდაცვის სამინისტროს ცხელ ხაზს 1505 და ინფექციური საავადმყოფოს ნომერზე 595 395 566.



წითელი ჯვრის საზოგადოებას გადაეცა სპეციალურად შექმნილი COVID-19-ის ცხელი ხაზის ნომერი 0 800 000 018, რომელიც, უფასოა როგორც აბონენტისთვის, ისე წითელი ჯვრისთვის.


24 საათიან რეჟიმში მუშაობს კომპანიის ცხელი ხაზი 2100100, სადაც შესაძლებელია, როგორც საინფორმაციო, ისე ტექნიკური მომსახურების მიღება. აქტიურია პორტალი mysilknet.com - რომელიც ერთგვარი ვირტუალური სერვის ცენტრია მომხმარებლებისთვის, სადაც საკუთარ ანგარიშებს თავად მართავს აბონენტი, ამოწმებს ბალანსს, ახდენს ანგარიშწორებას, პაკეტის აქტივაციას. მობილურის ბალანსის შემოწმება, შევსება, სიახლეების, აქციების თვალის მიდევნება, პაკეტების გააქტიურება, ონლაინ დახმარების მიღება შესაძლებელია ასევე პორტალიდან და აპლიკაციიდან My Silknet. ბალანსის შესამოწმებლად საკმარისია კომბინაციის *100#ok აკრეფვა, ხოლო ინტერნეტ პაკეტების დეტალურად ნახვა კომბინაციით *135#ok არის შესაძლებელი. მომხმარებლების განკარგულებაშია ვებ გვერდი www.silknet.com; ვებ-ჩატი (ონლაინ დახმარება) და ფეისბუქის მესინჯერი.


ნებისმიერი მოწყობილობით, ინტერნეტ წვდომის შემთხვევაში, საყვარელი გადაცემების, სპორტის და ფილმების ყურება შესაძლებელია აპლიკაციით Silk Go. პორტალზე http://www.silktv.ge/ ამ სერვისით სარგებლობა მათაც შეუძლიათ, ვინც სილქნეტის აბონენტი არ არის.


კომპანია სილქნეტი ზრუნავს, რომ მომხმარებელს მრავალფეროვანი და ხელმისაწვდომი აქციები შეთავაზოს, მიაწოდოს სერვისი შეუფერხებლად და აბონენტებმა ისარგებლონ ფასდაკლებებით“-ნათქვამია განცხადებაში. 


(R)


თეგები:
სილქნეტი



სილქნეტის მობილური აბონენტები საქართველოს ბანკის მობილბანკით სარგებლობას ინტერნეტის გახარჯვის გარეშე შეძლებენ

სილქნეტის მობილური აბონენტები საქართველოს ბანკის მობილბანკით სარგებლობას ინტერნეტის გახარჯვის გარეშე შეძლებენ
access_time2020-03-31 19:55:36
ონლაინ მომსახურების ხელშესაწყობად, სილქნეტი ვირუსის პრევენციის ადრეული ეტაპიდანვე ზრუნავს მომხმარებლის ჯანმრთელობასა და უსაფრთხოებაზე და თავის აბონენტებს უზრუნველყოფს დისტანცირებული მომსახურების სხვადასხვა საშუალებებით. ამასთანავე, ხელს უწყობს ისეთი აუცილებელი მომსახურების შეუფერხებლად მიღებასაც, როგორიც ონლაინ საბანკო მომსახურებაა. სწორედ ამიტომ, სილქნეტი შეუერთდა საქართველოს ბანკის ინიციატივას, მომხმარებელს მაქსიმალურად გაუმარტივოს საბანკო მომსახურება და ამისათვის არ შეაფერხებს თავისი...

31 მარტი - ქართული ლარი და თურქული ლირა უმნიშვნელოდ გამყარდა

31 მარტი - ქართული ლარი და თურქული ლირა უმნიშვნელოდ გამყარდა
access_time2020-03-31 19:00:28
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. Bloomberg-ის სავაჭრო სისტემაში ბოლო პერიოდის განმავლობაში ლარი ძირითადად მკვეთრად უფასურდება, სამეზობლოში ვალუტის კურსები ან მცირედით და ეტაპობრივად უფასურდება, ან მყარდება.    ეროვნული ბანკის მიერ გამოქვეყნებული 31 მარტის ვაჭრობის შედეგად, ქართული ლარის კურსი მცირედით გამყარდა და ერთი აშშ დოლარის ღირებულებამ 3.2816 ლარი შეადგინა. Bloomberg-ზე დილიდან...

დღის Top-10 საინტერესო ამბავი

დღის Top-10 საინტერესო ამბავი
access_time2020-03-31 21:30:46
დღის Top-10 საინტერესო ამბავი 1.„სებ-ის ინტერვენციას ასეთი დიდი მოცულობის რეფინანსირების სესხების გაცემის ფონზე, აზრი არ აქვს“ „კომერსანტი“ დაინტერესდა, რამდენად აქვს აზრი ასეთი ფულად-საკრედიტო პოლიტიკის პირობებში, ინტერვენციების ანუ საქართველოს ეროვნული ბანკის რეზერვების გაყიდვის გაგრძელებას თუ...

ანაკლიის კონსორციუმი: მთავრობის ინტერესი ფოთის პორტის მიმართ შემაშფოთებელია

ანაკლიის კონსორციუმი: მთავრობის ინტერესი ფოთის პორტის მიმართ შემაშფოთებელია
access_time2020-03-31 18:15:19
ანაკლიის განვითარების კონსორციუმში შემაშფოთებელს უწოდებენ მთავრობის ინტერესს ფოთის პორტის მიმართ და აცხადებენ, რომ ფოთის პორტის განვითარება საქართველოს ეკონომიკის კრახს გამოიწვევს. როგორც კონსორციუმის განცხადებაშია ნათქვამი, მთავრობის გადაწყვეტილება, გაეცა ფოთის პორტის ოპერატორი კომპანიისთვის მიწათსარგებლობის ნებართვა, ბადებს ეჭვს, რომ მისი მოტივები საქართველოს ეკონომიკის გაძლიერებისა და სამუშაო ადგილების შექმნის სურვილს სცილდება. კონსორციუმში...

ინვესტორების თავშესაფარი - მოსალოდნელია თუ არა საფინანსო ბაზრის მორიგი ვარდნა

ინვესტორების თავშესაფარი - მოსალოდნელია თუ არა საფინანსო ბაზრის მორიგი ვარდნა
access_time2020-03-31 20:00:56
2020 წლის 19 თებერვალს მსოფლიო საფინანსო ბაზრის ერთ-ერთი ყველაზე კატასტროფული ვარდნის მომსწრე გახდა. რომელი აქტივები გაუფასურდა ყველაზე მეტად და რისი გაკეთება შეეძლოთ ინვესტორებს, რათა დანაკარგი შეემცირებინათ? 19 თებერვლის შემდეგ თვეზე მეტი გავიდა და უნდა აღინიშნოს, რომ  ეს რიცხვი ისტორიისა და ეკონომიკის სახელმძღვანელოებში უნდა შევიდეს როგორც ბაზრის ყველაზე სწრაფი ვარდნის საწყისი ისტორიაში, რომელიც იდეალურ შტორმს- კორონავირუსის პანდემიასა  და...


მსგავსი სიახლეები

up