: „ბათუმი რივიერას“ განხორციელება ხელს შეუწყობს ქალაქის განვითარებას და მაღალბიუჯეტიან ტურისტებს მოიზიდავს- აცხადებენ „სილქ როუდ ჯგუფი“

: „ბათუმი რივიერას“ განხორციელება ხელს შეუწყობს ქალაქის განვითარებას და მაღალბიუჯეტიან ტურისტებს მოიზიდავს- აცხადებენ „სილქ როუდ ჯგუფი“

access_time2019-05-06 20:50:59

საქართველოს თანაინვესტირების ფონდის აღმასრულებელი დირექტორი ცოტნე ებრალიძე „დაიცავი ბათუმის“ წევრების განცხადებას ეხმაურება, სადაც ისინი „ბათუმი რივიერას“ პროექტის შეჩერებას ითხოვენ.


ცოტნე ებრალიძის განმარტებით, 2006 წელს ჩატარებულია კვლევა, რომლის მიხედვითაც საპროექტო ტერიტორია არ შედის ისტორიული განაშენიანების არეალში.


„რაც შეეხება თავად პროექტის კავშირს თანაინვესტირების ფონდთან, უნდა აღინიშნოს, რომ ეს პროექტი ხორციელდება „სილქ როუდ ჯგუფის“ მიერ და საქართველოს თანაინვესტირების ფონდის წილობრივი მონაწილეობა არის ერთი პროცენტი, ანუ ჩვენ ვართ პროექტის მხოლოდ ერთ-ერთი ფინანსური პარტნიორი. რაც შეეხება ლეგიტიმურობის საკითხს, რამდენად არის მიზანშეწონილი იქ კონკრეტული კონცეფციის განხორციელება, რომელიც კომპანიას აქვს ჩაფიქრებული, ამასთან დაკავშირებით შემიძლია ვთქვა, რომ ამ ტერიტორიაზე არის ჩატარებული შესაბამისი კულტურულ-მემკვიდრეობითი კვლევა და კვლევის მიხედვით საპროექტო ტერიტორია არ შედის ისტორიული განაშენიანების არეალში“, – განაცხადა ცოტნე ებრალიძემ.


ამასთან, „სილქ როუდ ჯგუფის“ წარმომადგენლები „დაიცავი ბათუმის“ პრეტენზიებს უსაფუძვლოს უწოდებენ. „სილქ როუდ ჯგუფის“ უძრავი ქონების განვითარების დირექტორის, გიორგი მარის განცხადებით, პროექტის განვითარების ყველა ეტაპზე გათვალისწინებულია კანონის მოთხოვნები.



„მიწის ნაკვეთი ჩვენ შევიძინეთ 2006 წელს. 2006 წლიდან არის ჩვენს მფლობელობაში და ამ პროექტის განვითარების დროს ვითვალისწინებთ ყველა იმ კანონის მოთხოვნას, რომელიც შეეხება ბათუმს, შეეხება კონკრეტულად ამ ტერიტორიას. ეს ტერიტორია დღესდღეობით არ არის ისტორიული განაშენიანების ზონაში შესული, რადგან ბათუმს ამ ზონების განმარტება საერთოდ არ გააჩნია. ამიტომ რაღაცა დამატებითი მოთხოვნების წაყენება ჩვენი კომპანიის მიმართ უბრალოდ უსამართლოდ მიმაჩნია“, – განაცხადა გიორგი მარიმ.


მისივე თქმით, ეს არის საკმაოდ დიდი პროექტი, რომელიც ბათუმის განვითარებას ხელს შეუწყობს და ქალაქში მაღალბიუჯეტიან ტურისტებს მოიზიდავს.


„პროექის განხორციელებაზე დაახლოებით 300 მილიონი დოლარ დაიხარჯება და დასრულების შემდეგ ვგეგმავთ, რომ 1000 კაცი დასაქმდება ამ ტერიტორიაზე. მშენებლობის პირველი ეტაპი ორწელიწადნახევარში დასრულდება“ – განაცხადა გიორგი მარიმ.


1tv






m2-ს გაყიდვების ინოვაციური კულტურა

m2-ს გაყიდვების ინოვაციური კულტურა
access_time2019-09-21 17:01:21
                                                                                              დეველოპერული კომპანია „m2 უძრავი ქონება“ გაყიდვების მიმართულებით მომსახურების კულტურისა და...

აკაკი ზოიძე - არ დავუშვებთ, ერთი მხრივ, ბიზნესი ზედმეტი რეგულაციებით დავახრჩოთ და მეორე მხრივ, არსებობდეს მონური შრომა

აკაკი ზოიძე - არ დავუშვებთ, ერთი მხრივ, ბიზნესი ზედმეტი რეგულაციებით დავახრჩოთ და მეორე მხრივ, არსებობდეს მონური შრომა
access_time2019-09-21 13:00:25
არის მცდელობა იმ პროცესის დისკრედიტაცია მოხდეს, რომელიც ჩვენი მოქალაქეების უფლებების დაცვას ემსახურება, – ამის შესახებ პარლამენტის ჯანდაცვის კომიტეტის თავმჯდომარე აკაკი ზოიძემ განაცხადა შრომის კოდექსში დაგეგმილ ცვლილებებთან დაკავშირებით.   მისი თქმით, ამ საკითხზე აბსოლუტურად დაუსაბუთებელი წუხილებია და საზოგადოებაში მცდარი ინფორმაცია გავრცელდა.   „რატომღაც მცდელობაა, იმ პროცესის დისკრედიტაციის, რომელიც მხოლოდ ჩვენი მოქალაქეების უფლებების დაცვას...

ბეჭდები ქვევრის თემაზე - Tsikolia-ს ახალი ხაზი

ბეჭდები ქვევრის თემაზე - Tsikolia-ს ახალი ხაზი
access_time2019-09-21 11:00:59
დიზაინერი ზვიად ციკოლია ქვევრის თემაზე საიუველირო ნაწარმის შექმნას იწყებს.   როგორც bm.ge-ის დიზაინერმა განუცხადა, ახალ ხაზში თავიდან იქნება ბეჭდები, რომელსაც დაემატება საყურეები, ყელსაბამები და ა.შ.   ბრენდს Tsikolia ერქმევა.   „ქვევრს მე ბევრნაირად ვხედავ. ის არის ჩვენი ერის საიდენტიფიკაციო ატრიბუტი, ამიტომ ვაგრძელებ ქვევრის ხაზს და მალე კიდევ ბევრ სხვა რამეს იხილავთ“, - უთხრა ციკოლიამ bm.ge-ის.   დიზაინერს...

„ერთიანი აგროპროექტის“ ფარგლებში სამეგრელოს რეგიონში ლოკოკინების ფერმა ამოქმედდა

„ერთიანი აგროპროექტის“ ფარგლებში სამეგრელოს რეგიონში ლოკოკინების ფერმა ამოქმედდა
access_time2019-09-21 10:00:49
ხობის მუნიციპალიტეტის სოფელ ახალ ხიბულაში თანამედროვე სტანდარტებით აღჭურვილი ლოკოკინების ფერმა „ნადი გრუპი“ სახელმწიფოს დახმარებით, „ერთიანი აგროპროექტის“ ფარგლებში აშენდა. ფერმის ასაშენებლად ჯამურად 1,410,000 ლარის ინვესტიცია განხორციელდა, საიდანაც 1,260,000 ლარი ბენეფიციარმა შეღავათიანი აგროკრედიტით მიიღო. გარემოს დაცვისა და სოფლის მეურნეობის მინისტრის მოადგილემ, გიორგი ხანიშვილმა, სოფლისა და სოფლის მეურნეობის განვითარების სააგენტოს დირექტორთან ოთარ შამუგიასთან, სამეგრელო ზემო-სვანეთის...

„ყურძნის ბირჟა“ - მოსავლის გაყიდვის ალტერნატიული გზა ინტერნეტში

„ყურძნის ბირჟა“ - მოსავლის გაყიდვის ალტერნატიული გზა ინტერნეტში
access_time2019-09-21 18:00:07
უკვე რამდენიმე დღეა, ინტერნეტსივრცეში ვებსაიტი „ყურძნის ბირჟა“ გამოჩნდა. ვებგვერდზე თავად მევენახე წერს დეტალურად, რა ჯიშისა და რაოდენობის ყურძენი აქვს გასაყიდი, სად მდებარეობს ვენახი, რა ღირს ერთი კილოგრამი ყურძენი და როდის უნდა მოიკრიფოს მოსავალი. იქვე მითითებულია კონკრეტული მევენახის საკონტაქტო ინფორმაცია. როგორც ვებგვერდზე წერია, მისი შემქმნელები არიან სხვადასხვა პროფესიის ადამიანები და ერთადერთი მიზანი აქვთ...


მსგავსი სიახლეები

up