ერთ თვეზე მეტი გავიდა რაც კორონავირუსის გამო მუშაობა შეაჩერეს სილამაზის სალონებმა და პერსონალი შემოსავლის გარეშე დარჩა. როგორც სექტორის წარმომადგენლები ამბობენ, კორონავირუსის გამო მათი სალონები 100%-იან ზარალზე არიან, რადგან შემოსავალი ყოველდღიურ მუშობაზე იყო დამოკიდებული.სილამაზის ცენტრების ხელმძღვანელები იმასაც ამბობენ, რომ შესაძლოა ახალი თანამშრომლების ძიება გახდეს საჭირო.
სილამაზსი სალონ „მერლინის“ ხელმძღვანელის განცხადებით, მისმა სალონებმა მუშაობა 15 მარტს შეაჩერა. ობიექტის მფლობელი სალონის ზარალთან ერთად თანამშრომლების ანაზღაურებაზეც, საუბრობს, რომელიც გამომუშავებით ჰქონდათ და პრობლემის მოგვარების გზებს ამ დრომდე უშედეგოდ ეძებს.
„ერთ თვეზე მეტია სალონი დახურულია და ერთი თვე კიდევ არ გაიხსნება. 100% ზარალზე ვართ, ამას ჩემს გარეშეც მიხვდებით ალბათ. გამოსავალსაც ვერ ვხედავ ვერაფერში, ვიდრე არ გავიხსნებით და რეალურ სურათს არ დავინახავთ. არც ის ვიცი, თანამშრომლები სრულად დაბრუნდებიან თუ არა, მე რა თქმა უნდა სრული შემადგენლობა მჭრიდება, მაგრამ დასაქმებულთაგან რამდენიმე თბილისში ქირით ცხოვრობდა ამ პერიოდში კი საცხოვრებელი ფართები დაცალეს. ალბათ ახალი თანამშრომლების ძიებაც მომიწევს და ზოგად ფონზე დაკვირვებაც. მოსახლეობის დიდი ნაწილი უშემოსავლოდ დარჩა, სალონში სტუმრობისთვის კი ხალხს ფულადი რესუსრსი უნდა .“-აცხადებს სილამაზის სალონის ხელმძღვანელი.
100%-იან ზარალზე საუბრობენ სალონ „BeautyHouse“-შიც, რომელიც სხვა სალონების მსგავსად ერთ თვეზე მეტია აღარ მუშაობს.სილამაზის ცენტრის წამომადგენლის თქმით, ფინანსური პრობლემა შეექმნათ თანამშრომლებს, რომლებიც სალონიდან მიღებულ შემოსავალზე იყვნენ დამოკიდებულები.
შეგახსენებთ, რომ კორონავირუსის პრევენციის მიზნით, საქართველოს პრემიერ-მინისტრმა გიორგი გახარიამ ყველა დაწესებულებას, გარდა სააფთიაქო ქსელის, სასურსათო მაღაზიების, ბენზინგასამათი სადგურებისა და საავადმყოფოებისა, დროებით მუშაობის შეწყვეტისკენ მოუწოდა.ქვეყანაში კი სხვადასხვა დაწესებულებების ფუნქციონირება ეტაპობრივად დაიწყება. სილამაზის სალონები IV ეტაში მოხვდნენ და სამუშაო პროცესს ზაფხულიდან განაახლებენ.
ნათია ლომიძე