სიღნაღში ტურისტების რაოდენობა იმატებს, წყლის მიწოდების პრობლემა კი ჯერ კიდევ მოუგვარებელია

სიღნაღში ტურისტების რაოდენობა იმატებს, წყლის მიწოდების პრობლემა კი ჯერ კიდევ მოუგვარებელია

access_time2021-05-28 12:00:33

„ამჟამად სიღნაღი ტურისტებით სავსეა, თუმცა ქალაქს წყლის მიწოდების პრობლემა აქვს. ეს პრობლემა წლებია არსებობს, მაგრამ გვპირდებიან, რომ მალე 24 საათიანი წყალმომარაგება გვექნება,“ - ამის შესახებ „კომერსანტს“ ქალაქ სიღნაღში ტურიზმისა და სტუმარმასპინძლობის სექტორის წარმომადგენლები უყვებიან.

 

ჯერ კიდევ 2020 წელს, საქართველოს ერთ-ერთ უმნიშვნელოვანეს ტურისტულ ცენტრს წყალი გრაფიკით მიეწოდებოდა, დღის განმავლობაში 10 საათით. წყლის ინფრასტრუქტურა ამჟამადაც ნაწილობრივ ამორტიზებულია და რეაბილიტაციას საჭიროებს. როგორც ადგილობრივები აღნიშნავენ ტენდერის გამოცხადების შემდეგ გარკვეული სამუშაოები მიმდინარეობს და პრობლემის მოგვარებას მალევე ელოდებიან. დაგეგმილი პროექტის ფარგლებში უნდა მოეწყოს საქლორატორო, წყალმომარაგების ქსელი, მილსადენი, რეზერვუარი, მოხდეს დარჩენილი მოსახლეობის გამრიცხველიანება.

 

„გამრიცხველიანება თითქმის დასრულებულია ზემო სოფლებშიც და რამდენად გამოსწორდება წყლის მიწოდება არ ვიცი. ძალიან დიდი ხანია კერძო სექტორის წარმომადგენლებს, ყველას აქვს საკუთარი რეზრვარები და ამას ვავსებთ ხოლმე, მერე ვუკეთებთ ტექნიკურ სინჯებს. წლების წინ იყო ეს პრობლემა სიღნაღის მდებარეობიდან გამომდინარე, მერე რეაბილიტაცია რომ დაიწყო რაღაცები არ იყო გათვალისწინებული. წყალი ამოდიოდა ჭაბურღილებიდან და მიედინებოდა ქსელში,  შემდეგ წყლის რაოდენობა იკლებდა. ახლა აკეთებენ ნაგებობას, საიდანაც შეივსება რეზერვუარები და მერე 24 საათიან წყალმომარაგებას გვპირდებიან, მაგრამ რა ეტაპზეა და როგორ აკეთებენ ნამდვილად არ ვიცით“ - ამბობს ტურიზმის სფეროს წარმომადგენელი ლევან ბატიაშვილი.


როგორც ბატიაშვილი გვიყვება ტურისტების რაოდენობა საკმაოდ დიდია და ქალაქი ინფრასტრუქტურულად გარკვეულ ნაბიჯებს დგამს წინ, რაც იმას ნიშნავს, რომ სიღნაღი უფრო აქტიური ხდება ვიზიტორების თვალსაზრისით.


„ტურისტებიც უკვე არიან ქალაქში, საბედნიეროდ ბევრი გზა გაკეთდა.  განადგურებული რაც იყო ქვაფენილები, შეკეთდა და ნორმალური სიტუაციაა. ახალი 5 ვარსკვლავიანი სასტუმროც მალე იხსნება.  ვიზუალურად ძალიან ბევრი  რამე დაემატა ქალაქს - კაფეები, აუზები და ტურისტულად უფრო აქტიური გახდა. თუ აქამდე გავლითი ტურიზმი გვქონდა, ახლა თავისუფლად შეუძლია ტურისტს დარჩეს და დაისვენოს. გართობის თვალსაზრისით მათ ახლა უფრო მეტს შევთავაზებთ ვიდრე ადრე,“ - ამბობს ლევან ბატიაშვილი.


 

Sighnaghi Art Hotel და Villa Provance-ის დამფუძნებელი ლალი მოროშკინა ასევე ამახვილებს ყურადღებას წყლის პრობლემაზე და აღნიშნავს, რომ სხვა მხრივ ქალაქი დღითიდღე მიმზიდველი ხდება ტურისტისთვის. ამასთან სიღნაღის მთავარი ხიბლი, რატომაც ძირითადად „სიყვარულის“ ქალაქს სტუმრობდნენ, ქორწინების სახლი დიდი ხანია დაკეტილია.


„გზები იგება, ძალიან ლამაზი სავაჭრო ცენტრი გაკეთდა პანორამული ხედებით, პარკი განახლდა, შეიცვალა ინფრასტრუქტურულად ქალაქი. მე მახსოვს წლების წინ ერთ ნათურა არ ენთო. ერთადერთი რისი პრობლემაც რჩება ეს არის ნაწილობრივად  წყლის მიწოდება საღამოს საათებში. მაგრამ გვაიმდებენ, რომ ეს მოგვარდება. გაკეთდა ის რომ დალაგდა ნაგვის გატანა, ეს სიღნაღის პრობლემა იყო იმიტომ, რომ პატარა  ქალაქია და ვერ დგამენ დიდ ნაგვის ყუთებს  და პატარა ნაგვის ყუთებში არ ეტევა ნაგავი და ეს ძალიან სერიოზული პრობლემა იყო. ფასადები უფრო გალამაზდა. გაკეთდა ფიროსმანის მუზეუმი, იერსახე შეცვალა ქალაქს და რაც გაკეთებული იყო ის შენარჩუნებულია .  ძალიან ბევრი კერძო  სექტორია აქ და რომელთაც თავად უნდა იზრუნონ რომ მათი ობიექტები ტურისტულად მიმზიდველი იყოს.

სერიოზული პრობლემა რაც რჩება არის ის, რომ ამდენი ხანია დაკეტილია საქორწინო სახლი.  ისიც პანდემიასთან იყო დაკავშირებული იმიტომ რომ დიდი ნაკადი ამოდის, რადგან 24 საათი შეუძლიათ აქ ხელის მოწერა. ტურისტებით სავსეა სიღნაღი, შიდა ტურიზმიც ძალიან გავითარდა. არიან ინგლისელები, პოლონელები, ქართველები.  სხვათა შორის ადრე არ მოდიოდნენ ქართველები და ახლა მიხარია, რომ აირჩიეს ეს ქალაქი,“ - ამბობს ლალი მოროშკინა.


სასტუმრო „ტყუპებში“ ამბობენ, რომ ქალაქს განახლება ნამდვილად სჭირდება, თუმცა ამ ეტაპზე ეკონომიკური მდგომარეობა ამის საშუალებას არ იძლევა.


„არაფერი კეთდება სიღნაღში, ისევ ისეა ყველაფერი, დაზიანებული არაა ძველი განახლებული შენობები, მაგრამ ტურისტბი ძალიან ბევრია და აუცილებლად უნდა განახლდეს ქალაქი. დღევანდელი ეკონომიკური მდგომარეობით ალბათ ვერ განახლდება,“

 

2020 წლის დასაწყისში დასრულდა ქალაქ სიღნაღში ე.წ. „ნასომხარის“ წყლის სათავე ნაგებობაზე სასმელი წყლის ჭაბურღილის სამშენებლო სამუშაოები, რის შედეგადაც მოსახლეობას წყლის მიწოდების გრაფიკი რამდენიმე საათით გაუუმჯობესდა.

 


თეგები:
სიღნაღი



ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-07-30 21:00:51
დღის TOP 10 მნიშვნელოვანი ამბავი:   1. ორნიშნა ეკონომიკური ზრდა ივნისშიც გაგრძელდა ორნიშნა ეკონომიკური ზრდა გრძელდება. ივნისში მშპ გასული წლის ანალოგიურ მაჩვენებელთან შედარებით 18.7%-ით გაიზარდა.   2. ქართული არქიტექტურული პროექტი...

საგადასახადო შეღავათის მოთხოვნის ვადა 1–ელ აგვისტოს იწურება

საგადასახადო შეღავათის მოთხოვნის ვადა 1–ელ აგვისტოს იწურება
access_time2021-07-30 17:00:16
საქართველოს ფინანსთა სამინისტროს შემოსავლების სამსახური იურიდიულ პირებს შეგახსენებს, რომ გადასახადის გადამხდელს, რომელსაც აქვს მიმდინარე წლის 17 მაისის მდგომარეობით წარმოშობილი, აღიარებული ან არაღიარებული საგადასახადო დავალიანება, საქართველოს მთავრობის გადაწყვეტილებით, შესაძლებლობა ეძლევა, გადასახადის ძირითადი თანხის გადახდის პირობით სრულად შეიმციროს დარიცხული ჯარიმა-საურავები.  დღეის მონაცემებით, საგადასახადო შეთანხმების გაფორმების შესახებ, შემოსავლების სამსახურის მონაცემთა ბაზაში, ...

როგორი იქნება სპორტული მედიცინის ცენტრი, რომელიც თბილისში აშენდება

როგორი იქნება სპორტული მედიცინის ცენტრი, რომელიც თბილისში აშენდება
access_time2021-07-30 16:00:51
თბილისში სპორტული მედიცინის ცენტრის მშენებლობა იგეგმება, - ამის შესახებ jandacva.ge-ს სპორტული მედიცინის ასოციაციის ვიცე პრეზიდენტმა ხათუნა საგანელიძემ განუცხადა. მისი ინფორმაციით, ნიუ ვიჟენ უნივერსიტეტი სპორტული რეაბილიტაციის ცენტრს ააშენებს. მისი ინფორმაციით, დაწყებულია კონკრეტული მოლაპარაკებები სპორტული მედიცინის ცენტრების მშენებლობაზე, აღჭურვაზე, ექიმების და რეაბილიტოგების გადამზადებაზე. საგანელიძის განმარტებით, ამისთვის საჭიროა საკმაოდ დიდი...

პანდემიამდელ პერიოდთან შედარებით ეკონომიკური ზრდა 6,4%-ის დონეზეა

პანდემიამდელ პერიოდთან შედარებით ეკონომიკური ზრდა 6,4%-ის დონეზეა
access_time2021-07-31 10:00:13
ივნისში საქართველოს ეკონომიკა გაიზარდა არა მხოლოდ პანდემიური 2020 წლის ანალოგიურ პერიოდთან, არამედ 2019 წელთან შეადრებითაც.  ბიზნესგარემოს საგარეო ეკონომიკური კონიუნქტურის გაუმჯობესება,  წარმოების ზრდა და  რეკორდული ფინანსური ტრანზაქციები  უცხოეთიდან - ეს ის ფაქტორებია, რამაც წინა თვეში ეკონომიკა მაღალი ორნიშნა მაჩვენებლით გაზარდა.  2019 წელთან შედარებით, ზრდა 6,4%-ის დონეზეა. როგორც  სტატისტიკოსი სოსო არჩვაძე ,,კომერსანტთან“...


მსგავსი სიახლეები

up