ქართული ოცნების დეპუტატები სიღარიბის დაძლევას ისევ ზოგადი ფრაზებით გვპირდებიან

ქართული ოცნების დეპუტატები სიღარიბის დაძლევას ისევ ზოგადი ფრაზებით გვპირდებიან

access_time2018-12-05 19:30:00

ერთი კვირა გავიდა მას შემდეგ რაც საქართველოს მოსახლეობამ ახალი პრეზიდენტი აირჩია. საპრეზიდენტო არჩევნებზე „ქართული ოცნება-დემოკრატიული საქართველო“, წინა  არჩევნების მსგავსად მოსახლეობას კეთილდღეობას და სწრაფი განვითარებას ჰპირდებოდნენ. განსაკუთრებულ ყურადღებას მმართველი გუნდის წევრები სიღარიბეზე ამახვილებდნენ და ირწმუნებოდნენ, რომ მოსახლეობისგან გზავნილი მიღებულია აქვთ და ყველაფერს გააკეთებენ აღნიშნული პრობლემის მოსაგვარებლად.

 

კომერსანტი დაინტერესდა საარჩევნო ციებ-ცხელების გავლის შემდეგ რას გეგმავენ მმართველი პარტიის წევრები და თუ აქვთ  სიღარიბის დასაძლევად კონკრეტული სამოქმედო გეგმა შემუშავებული. 

  

 

ჩვენი რესპონდენტი ფრაქცია ფრაქცია „ქართული ოცნება“ -ის წევრი, ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფიო კილაძეა.




 


 

-        მმართველი გუნდის თითქმის ყველა წევრი უკვე ეთანხმება UNICEF- ის კვლევას, რომლის მიხედვითაც საქართველოს მოსახლეობის დიდ ნაწილი სიღარიბეში ცხოვრობს. უკვე გაქვთ თუ არა პრობლემის მოსაგვარებლად სამოქმედო გეგმა შემუშავებული?

 

 

საკითხთან დაკავშირებით კონკრეტული სტრატეგია გვექნება და ამაზე საზოგადოებასთან ღიად ვისაუბრებთ.

 

 

-         სტრატეგია არის უკვე შემუშავებული ?

 

 

 

არჩევნების შემდეგ რამდენიმე დღე გავიდა, გვინდა ერთიანად წარვდგეთ ამიტომ ახლა კონკრეტულს ვერაფერს გეტყვით.

 

 


 

-         ბიძინა ივანიშვილმა სიღარიბეზე საუბარი, ფაქტობრივად, ნახვარი წლის წინ  დაიწყო, რასაც შემდეგ პრემიერ კვირიკაშვილის გადადგომა მოჰყვა. თქვენი მმართველობის პერიოდს რომ თავი დავანებით, ამ ფაქტის შემდეგ 6 თვე გავიდა,  ამიტომ გეკითხებით გაქვთ თუ არა კონკრეტული სტრატეგია შემუშავებული?

 

 

ეს არის კომპლექსური პრობლემა.  ერთი რომელიმე კონკრეტული მიმართულება, კონკრეტული ნაბიჯი და რეფორმა სიღარიბეს ვერ აღმოფხვრავს. აქ არის მთელი ჯაჭვი კონკრეტული საკითხებისა, რომელიც ერთიანობაში უნდა განვიხილოთ. მაგალითად, ზაფხულში სოციალური მუშაობის ახალი კანონი მივიღეთ და ეს არის ერთ- ერთი წინ გადადგმული ნაბიჯი სიღარიბის წინააღმდეგ. სოციალური მუშაკი ყველაზე გაჭირვებულ ადამიანთან  მიდის, მისი მთავარი ფუნქცია კი არის ადამიანები დააბრუნონ ნორმალურ თვითრეალიზების რეჟიმში, რათა თვითონ შეძლონ საკუთარი ცხოვრების მოწყობა. ჩვენ ღრმად ვართ დარწმუნებულები, რომ ამ რეფორმის სრულფასოვნად გატარების შემდეგ ჩვენ გაცილებით ჯანსაღი საზოგადოება გვეყოლება. პრემიერმა ასევე განაცხადა, რომ 2019 წლის იანვრიდან სოც დაუცველი ოჯახებისთვის შემწეობა გაიზრდება და თუ ბავშვები იღებდნენ 10 ლარს ახლა მიიღებენ 50 ლარს.

 

 

-         მოსახლეობას პირველ რიგში ფინანსური უზრუნველყოფა სჭირდება და შემდეგ ფსიქოლოგიური. ამ ყველაფრის პარალელულად ხშირად ისმის პრეტენზიები, რომ მათ სოციალური დახმარება დაუსაბუთებლად მოუხსნეს, მიუხედავად იმისა, რომ ისინი უკიდურეს გაჭირვებაში ცხოვრობენ.

 

 

მე რამდენადაც ვიცი, ამ კუთხით რეფორმა იგეგმება, მიმდინარეობს სისტემის დახვეწა. უხარვეზო სისტემა არ არსებობს. ჩვენთვის მთავარია, რომ ნაკლები ადამიანი დაზარალდეს ასეთი ტიპის ხარვეზების გამო.

 

-         რეფორმაზე პარლამენტში მიმდინარეობს მუშაობა?

 

ეს შესაძლებელია როგორც  აღმასრულებელი ხელისუფლების დონეზე ასევე საპარლამენტო დონეზე განხორციელდეს, ჩემი ინფორმაციით განახლებული სისტემა 2019 წლის განმავლობაში ამუშავდება. ვთვლი, რომ მოსახლეობის მძიმე მდგომარეობას ასევე შეამსუბუქებს ის, რომ ფონდი ქართუ 600 000 ადამიანს, რომელთაც სესხი 2000 ლარს ქვემოთ აქვთ, სრულად ჩამოაწერს. ეს არის წარმოუდგენლად დიდი პროექტი, რომელიც ადამიანებს შვებას მოუტანს და ცხოვრებას სუფთა ფურცლიდან დააწყებინებს. 


-         ექსპერტთა ნაწილი თვლის, რომ სესხის ჩამოწერა პოლიტიკური პიარ გადაწყვეტილებაა და მოსახლეობის ეკონომიკურად გააქტიურებას ვერ გამოიწვევს, აღსანიშნავია ისიც, რომ პროექტს ფონდი ქართუ ახორციელებს და არ საქართველოს მთავრობა, თქვან რას ფიქრობთ ამ საკითხთან დაკავშირებით?

 

 

სახელმწიფო აკეთებს იმას, რაც შეუძლია. ჩვენი პარტიის ლიდერი ბიძინა ივანიშვილი ამავდროულად არის ფონდის დამფუძნებელი და ეს არის ერთობლივი პროექტი. აქ ლომის წვლილი ბატონ ბიძინას ეკუთვნის და რომ არა მისი კეთილი ნება და მისი ასეთი გულუხვობა ჩვენი ქვეყნის მიმართ, პროექტი ნამდვილად ვერ განხორციელდებოდა. საქართველოს სახელმწიფოს, სამწუხაროდ, არ აქვს იმდენი თანხა ბიუჯეტში, რომ ასეთი ტიპის ვალები საკუთარ თავზე აიღოს. ძალიან მიკვირს ისეთი ადამიანების, რომელიც ასეთ კეთილშობილურ პროექტში შავ მხარეს ეძებენ და ცდილობენ ის დიდი სიკეთე, რომელიც ბიძინა ივანიშვილის დიდი დამსახურებით მიეცა, მხოლოდ ცუდი დაინახონ. ამის მსგავსი საქართველოში არავის არასდროს არაფერი გაუკეთებია. ფონდმა ქართუმ აპატია ამ ადამიანებს ვალი, შემდეგ უკვე ადამიანზეა დამოკიდებული რამდენად წარმატებულად განახორციელებს თავის საქმიანობას. მეტი რას ნიშნავს ეკონომიკური გააქტიურება და მეტი რა სიკეთე უნდა მოეტანა ამ პროექტს ცოტა გაუგებარია.

 

-         კიდევ რა რეფორმას ატარებს სახელმწიფო სიღარიბის დასაძლევად და არის თუ არა საკმარისი ის რაც ჩამოთვალეთ პრობლემის მოსაგვარებლად?

 

სიღარიბის დაძლევისაკენაა მიმართული ასევე გამკაცრებული საბანკო რეგულაციებიც. მე ასეთი ტიპის ბევრი პროექტი შემიძლია ჩამოვთვალო, თუმცა იმავდროულად უნდა ვთქვა, რომ ეს საკმარისი არ არის. ჩვენს ეკონომიკაში სერიოზული გარღვევები უნდა მოხდეს, იმისთვის, რომ სამუშაო ადგილები შეიქმნას, უფრო მეტი შემოსავალი ჰქონდეთ ადამიანებს. ერთი კონკრეტული პროექტი შემიძლია გითხრათ, რომელსაც საპილოტედ ჩემს სამაჟორიტაროში, ნახალოვკასა და ლოტკინზე გავაკეთებთ. ეს არის ავსტრიული მოდელი - თუ როგორი უნდა იყოს სახელმწიფოს როლი ადამიანების აქტიური დასაქმების მიმართულებით. დღესდღეობით გვაქვს შემდეგი სიტუაცია - არის ბიზნესის გარკვეული სექტორები, რომელთაც კვალიფიციური მუშა ხელი სჭირდებათ და მეორე სეგმენტი - ადამიანები, რომელთაც სამსახური სჭირდებათ, მათ შორის ხიდი კი ნამდვილად არ არსებობს. აქ უნდა ჩაერთოს სახელმწიფო და  კონკრეტული მექანიზმების გამოყენებით ეს ადამიანები ერთმანეთს უნდა დააკავშირონ. ადამიანები ხშირად თავისით ამ ჩაკეტილი წრიდან ვერ გამოდიან. სახელმწიფომ უნდა მისცეს საშუალება პროფესიული გადამზადების შესაბამისი კურსი გაიაროს და ამის შემდეგ დასაქმდნენ.  საპილოტე პროექტის დასრულების შემდეგ ჩვენ მთელ საქართველოზე გავავრცელებთ პროექტის შედეგებს.

 

 

კიდევ ერთი დეპუტატი ვისთან დაკავშირებაც „კომერსანტმა“ მოახერხა ფრაქცია „ქართული ოცნება“ - ის წევრი გოგა გულორდავაა.

 

 




სიღარიბის ძირითადი გამომწვევი მიზეზი იყო ჭარბვალიანობა, ამ მიმართულებით უკვე საქართველოს მთავრობამ ფონდ ქართუსთან ერთად ნაბიჯები გადადგა და 600 000 მოქალაქეს გარკვეულ წილად ეს პრობლემა ეხსნება. ახალი მონაცემებით 10- მდე სხვადასხვა საფინანსო კომპანია შეუერთდა ამ აქციას და სპექტრი კიდევ უფრო იზრდება. ასევ იგეგმება 2019 წლის ბიუჯეტი სადაც სოციალური მიმართულება მზარდია. საზოგადოებამ უკვე იცის რომ სოციალური დახმარების კომპონენტი იზრდება 10- დან 50 ლარამდე. გადახალისება ხდება საყოველთაო ჯანდაცვაშიც, რათა უფრო ხელმისაწვდომი იყოს იმ თემისთვის, რომელიც ეკონომიკურად სიდუხჭირეშია. ეს ყველაფერი მნიშვნელოვნად შეუწყობს ხელს სიღარიბის კლებას.

 

-         ექსპერტთა ნაწილი თვლის, რომ სესხის ჩამოწერა პიარ გადაწყვეტილებაა და მოსახლეობის ეკონომიკურად გააქტიურებას ვერ გამოიწვევს..

 

 

მე არ მახსოვს საკითხი, ეკონომიკური ინიციატივა იქნებოდა ეს თუ პოლიტიკური გადაწყვეტილება, აზრთა სხვადასხვაობა რომ არ მოჰყოლოდა. უფრო უპრიანი იქნება, თუ ამას იმ ადამიანებს დავეკითხებით, რომლებიც შვებას საკუთარ ჯიბეზე იგრძნობენ და არა ექსპერტებს. ამ ადამიანებს აღარ ექნებათ პრობლემა, რომ თანხა ერთი ადგილიდან ისესხონ და მეორეს ჩაასესხონ. ვცდილობთ, რომ ჭარბავალიანობის თემა მათთვის ერთხელ და სამუდამოდ იყოს გადაჭრილი, თუმცა იმის ილუზია არ გვაქვს, რომ პრობლემა სრულად მოაგვარდება.

 

        საკანონმდებლო ორგანო თუ გეგმავთ ისეთი ინიციატივის შემუშავებას, რომელიც სიღარიბის პრობლემის დაძლევაში დაგეხმარებათ?

 

საკანონმდებლო დონეზე უამრავი ახალი ინიციატივა იგეგმება,  ეს რა თქმა უნდა,  სიღარიბის დაძლევის კომპონენტს შეიძლება ასე პირდაპირ არ ეხებოდეს მაგრამ, აქ არის უამრავი სხვადასხვა კომპონენტი, რომელსაც საბოლოოდ აქამდე მივყავართ - იგივე რეგულაციები სესხებთან და სასესხო განაკვეთებთან დაკავშირებით, რეგულაციები ონლაინ აზარტულ თამაშებთან დაკავშირებით, რომელმაც ასევე გამოიწვია ჭარბვალიანობა. ასევე გამოვყოფდი კანონს შრომის უსაფრთხოების შესახებ, რომელმაც უნდა დაიცვას ის მოქალაქეები, რომელებიც გარკვეულწილად დაუცველები აღმოჩდნენ  შრომის ბაზარზე სხვადასხვა არაკეთილსინდისიერი დამსაქმებლის მხრიდან.

 

 

სიღარიბის პრობლემის მოგვარების გზებზე სასაუბროდ კომერსანტი დეპუტატ კობა კობალაძეს დაუკავშირდა, რომელმაც აღნიშნულ საკითხზე საუბარი არ ისურვა და „ქართული ოცნების“ ეკონომიკურ გუნდთან გადაგვამისამართა, როგორც ჩანს როდესაც მმართველი გუნდი ეკონომიკურ გადაწყვეტილების იღებს კობალაძე მათ სრულ ნდობას უცხადებს ან კენჭისყრაში მონაწილეობას საერთოდ არ იღებს. მთელი დღის განმავლობაში ველოდით პასუხს სოფიო ქაცარავასგან თუმცა, დაპირების მიუხედავათ პარლამენტარებთან საუბარი ვერ შევძელით. როგორც ჩანს, არჩევნების დასრულების შემდეგ იმ პარლამენტართა რიცხვი კვლავ გაიზარდა, რომლებიც ჟურნალისტების ზარებს ისევ არ პასუხობენ.  


ბაჩო ადამია





დამოუკიდებელი საქართველოს ისტორიაში სტრატეგიული პარტნიორისგან პირველი სანქცია მივიღეთ - ბათუ ქუთელია

დამოუკიდებელი საქართველოს ისტორიაში სტრატეგიული პარტნიორისგან პირველი სანქცია მივიღეთ - ბათუ ქუთელია
access_time2020-07-07 16:00:47
„ღიად და პირდაპირ,  „ქართული ოცნების“ მთავრობამ მიიღო პირველი სანქცია, რომელიც თავისი მასშტაბით არ არის დიდი, მაგრამ მნიშვნელობით არის კატასტროფული, — ასე აფასებს საერთაშორისო ურთიერთობების ექსპერტი ბათუ ქუთელია აშშ-ს კონგრესის კანონპროექტს საქართველოსთვის განკუთვნილი დახმარების 15 პროცენტის გაყინვის შესახებ.  ცოტა ხნის წინ ცნობილი გახდა, რომ აშშ-ის წარმომადგენელთა პალატამ ასიგნებების კომიტეტის მიერ წარდგენილი კანონპროექტი გამოაქვეყნა,...

მსოფლიო ბანკის მიერ დაფინანსებული პროექტი გორის მუნიციპალიტეტში 4 წლის განმავლობაში ვერ დასრულდა

მსოფლიო ბანკის მიერ დაფინანსებული პროექტი გორის მუნიციპალიტეტში 4 წლის განმავლობაში ვერ დასრულდა
access_time2020-07-06 16:00:47
მსოფლიო ბანკის მიერ მხარდაჭერილი პროექტის დასრულება ხიდისთავი-ატენი-ბოშურის 10 კმ-იან მონაკვეთზე ისევ გადაიდო. ამჯერად მისი განმახორციელებელი უწყება ვარაუდობს, რომ პროექტი, რომელიც ტენდერში გამარჯვებულმა უცხოურმა კომპანიამ 2016 წელს დაიწყო შემოდგომამდე დასრულდება. ხელშეკრულებით გათვალისწინებული პირობების დარღვევისთვის კი სამუშაოების განმახორციელებელ კომპანიას ჯარიმა დაეკისრა. ეს გადაწყვეტილება დამკვეთმა უწყებამ 2019 წლის 31 ოქტომბრის შემდეგ...

ტურისტების გარეშე Hilton-ის გახსნას აზრი არ აქვს - ლაშა პაპაშვილი

ტურისტების გარეშე Hilton-ის გახსნას აზრი არ აქვს - ლაშა პაპაშვილი
access_time2020-07-07 13:30:27
თბილისში Hilton-ის ბრენდის პირველი სასტუმროს გახსნა კიდევ ერთხელ გადაიდო. პროექტი ბიზნესმენ ლაშა პაპაშვილის კომპანია „რედიქსს“ ეკუთვნის. ამის შესახებ ბიზნესმენმა „კომერსანტს“ თავად განუცხადა. მისი განმატებით, თბილისში, ჭავჭავაძის გამზირზე Hilton-ის ბრენდის პირველი სასტუმროს გახსნამ ტურისტების არარსებობის გამო, კიდევ ერთხელ გადაიწია. „Hilton-ის გახსნა გადადებულია. ფანჯარაში ვიხედებით, როდესაც მსოფლიოში კარგი სიტუაცია იქნება ანუ როცა ტურისტები შემოსვლას დაიწყებენ,...

ამერიკამ საქართველოს ხელისუფლებას ყვითელი შუქი აუნთო - გია ხუხაშვილი

ამერიკამ საქართველოს ხელისუფლებას ყვითელი შუქი აუნთო - გია ხუხაშვილი
access_time2020-07-07 12:30:56
„ამერიკის შეერთებული შტატები საქართველოს სტიმულირების პოლიტიკიდან იძულების პოლიტიკაზე გადადის“, - ასე აფასებს პოლიტოლოგი გია ხუხაშვილი აშშ-ის კონგრესის წარმომადგენელთა პალატის საბიუჯეტო კომიტეტის მიერ დარეგისტრირებულ კანონპროექტს, რომელიც 2021 წელს საქართველოსთვის დახმარების სახით მისაღები თანხის 15 პროცენტის გაყინვას გულისხმობს. დოკუმენტის მიხედვით, შესაძლოა დაახლოებით 20 მლნ დოლარის გაცემა შეჩერდეს იქამდე, სანამ სახელმწიფო დეპარტამენტი არ დაადგენს, რომ საქართველოში...

ამერიკის კონგრესი ითხოვს საქართველოს შეუჩერდეს დახმარების 15%, სანამ არ შემცირდება კორუფცია და არ იქნება დაცული უცხოური ინვესტიციები

ამერიკის კონგრესი ითხოვს საქართველოს შეუჩერდეს დახმარების 15%, სანამ არ შემცირდება კორუფცია და არ იქნება დაცული უცხოური ინვესტიციები
access_time2020-07-07 11:35:54
აშშ-ის წარმომადგენელთა პალატამ ასიგნებების კომიტეტის მიერ წარდგენილი კანონპროექტი გამოაქვეყნა, რომელშიც 2021 ფისკალური წლისთვის სახელმწიფო დეპარტამენტის, საგარეო ოპერაციებისა და მასთან დაკავშირებული პროგრამების დაფინანსების პრიორიტეტებზეა საუბარი. დოკუმენტში აღნიშნულია, რომ საქართველო 2021 წელს დახმარების სახით არანაკლებ 132 025 000 აშშ დოლარს მიიღებს, თუმცა აღნიშნულია, რომ აღნიშნული დახმარების 15 პროცენტის საქართველოსთვის გადაცემა შესაძლოა, შეჩერდეს იქამდე, ვიდრე აშშ-ის...


მსგავსი სიახლეები

up