SICPA: შემოსავლების სამსახურის გარეშე ერთ ნაბიჯსაც ვერ გადავდგამთ

SICPA: შემოსავლების სამსახურის გარეშე ერთ ნაბიჯსაც ვერ გადავდგამთ

access_time2018-12-07 19:02:02

„შემოსავლების სამსახურის გარეშე ერთ ნაბიჯსაც ვერ გადავდგამთ“, - ასე ეხმაურება საქართველოში SICPA-ს წარმომადგენლობის ხელმძღვანელი გიორგი ჯიქია „ომეგა ჯგუფის“ მიერ მათი მისამართით გამოთქმულ ბრალდებებს.



„ომეგა ჯგუფის“ გენერალურმა მენეჯერმა დღეს გამართულ ბრიფინგზე განაცხადა, რომ არც შემოსავლების სამსახური და არც მისი კონტრაქტორი კომპანია „სიქფა“ არ სცემენ პასუხს, რატომ არ მიაწოდეს დადასტურებული შეკვეთის შესაბამისი ინვოისი, რომ კანონით დადგენილი წესით მიეღოთ აქციზური მარკები და კიდევ ერთხელ არ მომხდარიყო წარმოების პარალიზება. სწორედ იმის გამო, რომ არცერთი მხარე აღნიშნულ საკითხთან დაკავშირებით განმარტებას არ იძლევა, ომეგა ჯგუფმა შემოსავლების სამსახურისა და SICPA-ს წინააღმდეგ სარჩელით სასამართლოს მიმართა.



BM.GE-სთან საუბარში საქართველოში SICPA-ს წარმომადგენლობის ხელმძღვანელი მათ მიმართ „ომეგა ჯგუფის“ წაყენებულ ბრალდებებს არ იღებს და იქიდან გამომდინარე, რომ ისინი კონტრაქტორ კომპანიას წარმოადგენენ, სრულ პასუხისმგებლობას შემოსავლების სამსახურს აკისრებენ.




„ჩვენ შემოსავლების სამსახურის კონტრაქტორები ვართ. შემოსავლების სამსახურის ნებართვის გარეშე ვერც გავცემ მარკებს და შემოსავლების სამსახურის ნებართვა თუ არის, რომ არ გავცე, მაშინაც დავისჯები. როგორ გგონიათ, შემოსავლების სამსახურის ნებართვა იყო და მე მარკები არ გავეცი?



იყო ერთი დასტური, მაგრამ საჭიროა, ორმაგი დადასტურება. გარდა იმისა, რომ ადასტურებენ სისტემაში, მე მეგზავნება წერილობითი თანხმობა შემოსავლების სამსახურისგან გაცემაზე. წერილობითი თანხმობა არ მიგვიღია და როგორ გამეცა?



შემოსავლების სამსახურის ნებართვის გარეშე ერთ ნაბიჯსაც ვერ გადავდგამთ. როგორ წარმოგიდგენიათ, შემოსავლების სამსახურმა ნებართვა გასცა მარკები გაეციო და მე არ გავეცი? მეორე დილასვე გამიუქმებდა შემოსავლების სამსახური კონტრაქტს“, - განმარტავს გიორგი ჯიქია.


bm.ge






ამერიკული სანქციები Huawei-ს წინააღმდეგ 90 დღით გადაიდო - კომპანიის დამფუძნებლის თქმით, კონფლიქტი გარდაუვალია

ამერიკული სანქციები Huawei-ს წინააღმდეგ  90 დღით  გადაიდო - კომპანიის დამფუძნებლის თქმით, კონფლიქტი გარდაუვალია
access_time2019-05-21 17:30:24
აშშ-ს ვაჭრობის სამინისტრომ  ჩინური გიგანტის Huawei-ის წინააღმდეგ სანქციების შემოღება 90 დღით, 19 აგვისტომდე გადაავადა. კერძოდ, უწყებამ  Huawei-ს დროებითი 90-დღიანი ლიცენზია მისცა, რომელიც კომპანიას აშშ-ში მის მიერ წარმოებული პროდუქციის მომსახურეობის და პროგრამული უზრუნველყოფის განახლების უფლებას  აძლევს სამინისტროს ინფორმაციით ლიცენზია მოქმედებს 20 მაისიდან 19 აგვისტომდე. აღსანიშნავია, რომ ...

თემურ ბასილია: ეროვნული ბანკი ვერ მოიხსნის პასუხისმგებლობას ლარის კურსთან დაკავშირებით

თემურ ბასილია: ეროვნული ბანკი ვერ მოიხსნის პასუხისმგებლობას ლარის კურსთან დაკავშირებით
access_time2019-05-21 16:30:38
ბოლო კვირების განმავლობაში ლარის კურსის გაუფასურებას  ყოფილი ვიცე-პრემიერი თემურ ბასილია რადიო “კომერსანტის“ გადაცემაში „ეკონომისტის დრო ლევან ქისტაურთან ერთად“ აფასებს. მისი განცხადებით, ვალუტის გაცვლითი კურსი ფულად-საკრედიტო პოლიტიკის ნაწილია და ის  ეროვნულმა ბანკმა უნდა გაატაროს. ამიტომ, ლარის კურსზე ეროვნული ბანკი პასუხისმგებლობას ვერ მოიხსნის. „ეროვნულმა ბანკმა საერთოდ ყველაფრისაგან ხელები დაიბანა. მას...

15 ივნისიდან „მაგთი ფიქსი“ უქმდება

15 ივნისიდან „მაგთი ფიქსი“ უქმდება
access_time2019-05-21 15:30:35
15 ივნისიდან „მაგთი ფიქსის“  ისევე როგორც EVDO-ს მოდემის  მომხმარებლები სერვისით ვერ ისარგებლებენ, - ამის შესახებ  “კომერსანტს“  სატელეკომუნიკაციო კომპანია „მაგთიკომში“  განუცხადეს. 15 ივნისიდან CDMA ლიცენზიას ვადა გასდის  და  „მაგთი ფიქსის“ ნაცვლად, იმ ლოკაციებზე, სადაც მოქმედებს მაგთის ოპტიკურ-ბოჭკოვანი ინტერნეტი,“მაგთის“ მომხმარებლებს შეუძლიათ ისარგებლონ ინტერნეტზე დაფუძნებული ფიქსირებული...

OPIC-სა და „პეის ჯგუფს“ შორის სესხის ხელშეკრულება ვაშინგტონში გაფორმდა

 OPIC-სა და „პეის ჯგუფს“ შორის სესხის ხელშეკრულება ვაშინგტონში  გაფორმდა
access_time2019-05-21 14:25:40
ფოთის ნავსადგურში ახალი, მულტიფუნქციური საზღვაო ტერმინალის მშენებლობისა და მართვის პროექტი, რომელსაც კავკასიის რეგიონში უმსხვილესი სატრანსპორტო კომპანია „პეის ჯგუფი“ ახორციელებს, 50 მილიონი დოლარით დაფინანსდა აშშ-ის კერძო უცხოური ინვესტიციების კორპორაციის მიერ. 14 მაისს ვაშინგტონში სწორედ სესხის ხელშეკრულების ხელმოწერის ოფიციალური ცერემონია...

მამუკა ბახტაძემ ქუთაისში მზის პანელების ქარხნა გახსნა

მამუკა ბახტაძემ ქუთაისში მზის პანელების ქარხნა გახსნა
access_time2019-05-21 12:26:11
ჩვენთვის პირდაპირ უცხოურ ინვესტიციებს განსაკუთრებული მნიშვნელობა აქვს, - ამის შესახებ პრემიერ-მინისტრმა მამუკა ბახტაძემ ქუთაისში, მზის პანელების ქარხნის გახსნის ღონისძიებაზე განაცხადა.   მისი თქმით, პირდაპირი უცხოური ინვესტიციები მეტი სამუშაო ადგილების შექმნის შესაძლებლობას იძლევა.   „ყოველთვის აღვნიშნავდი, რომ პირდაპირ უცხოურ ინვესტიციებში ჩვენ მაქსიმალურად უნდა ვიყოთ ორიენტირებული სწორედ მაღალტექნოლოგიურ წარმოებებზე. ისეთ წარმოებებზე, რომლებსაც...


მსგავსი სიახლეები

up