სასტუმროს ნომრის შეძენა აპარტამენტის სანაცვლოდ - ესაა სიახლე უძრავი ქონების ბაზარზე, რომელსაც სასტუმრო „ლაბაუ“ თავის მომხმარებლებს სთავაზობს.   სასტუმროს ნომრის შეძენით, მყიდველი ავტომატურად ხდება  5 ვარსკვლავიანი სასტუმროს მთლიანი მოგების მეწილე. სასტუმროები მდებარეობს გონიოსა და ბაკურიანში.

რა უპირატესობა აქვს სასტუმრო ნომრის შეძენას აპარტამენტის შეძენისგან განსხავებით?  - ამასთან დაკავშირებით გაყიდვების დეპარტამენტის ხელმძღვანელმა მადლენა მანუსაჩიანმა „კომერსანტთან“ აღნიშნა, რომ მომხმარებელის შემოსავალი აღარ არის მიბმული კონკრეტულად ერთი ნომერის გაქირავებაზე, ის იღებს წილს სასტუმროს მოგებიდან, არ აქვს არანაირი დამატებითი ხარჯი ქონების შენახვასთან დაკავშირებით და უფასოდ სარგებლობს 5-ვარსკვლავიანი სასტუმროს ინფრასტრუქტურით (ყოველდღიური ოთახის სერვისი, სპა ცენტრი, ღია და დახურული აუზები, აკვა პარკი). აპარტამენტის შემთხვევაში ეს სერვისები ფასიანია.

„ეს საინტერესო და მიმზიდველი სიახლეა ქართულ ბაზარზე. სასტუმროს ნომრები გვაქვს ბაკურიანსა და გონიოში. ჩვენთან მოხმარებელი უბრალოდ აპარტამენტებს არ ყიდულობს, როგორც მიღებული პრინციპია, არამედ სასტუმროს ნომერს. მყიდველი იღებს მაღალი ხარისხის დასვენებას  და ამის გარდა სასტუმროს მოგების მეწილე ხდება. იქიდან გამომდინარე რომ სასტუმროს მართვისას მომსახურების მაღალი ხარისხის შენარჩუნება შეგვიძლია, გაქირავების ფასიც შესაბამისად უფრო მაღალი იქნება, რაც თავისმხრივ აისახება სასტუმროს ნომრების მესაკუთრეების შემოსავალზე. ამ პროექტში დიდი ყურადღება ეთმობა დიზაინს, და გამოყენებული იქნება ნატურალური მასალები.  სასტუმროს ნომრის მიმდინარე რემონტი არის სასტუმროს ხარჯი და თქვენ ყოველთვის გაქვთ განახლებული ნომერი ნულოვანი დანახარჯით. აპარტამენტის შემთხვევაში მიმდინარე რემონტი არის მფლობელის ხარჯი, რაც ამ ტიპის ბინებს საკმაოდ მაღალი აქვს.

პანდემიის დროს დაინტერესება ჩვენს პროექტებზე შარშანდელთან შედარებით შემცირდა, თუმცა ახლა კვლავ გააქტიურდა,“ - განმარტავს მადლენა მანუსაჩიანი.

ხუთვარსკვლავიანი სასტუმროს პარტნიორად ქცევის მიმზიდველობა მდგომარეობს იმაშიც, რომ „ლაბაუს“ სხვა 5 ვარსკვლავიან სასტუმროებში მყიდველი სარგებლობს 20-დან 50% მდე ფასდაკლებით (სეზონების მიხედვით) და 20%-იანი ფასდაკლებით ლაბაუს ქსელის  კვების ობიექტებში.

 აღსანიშნავია, რომ სასტუმროს ნომრის შეძენიდან შემოსავალი არ არის დამოკიდებული ნომრის გაქირავებაზე, ვინაიდან სასტუმროს ნომერი არის მყიდველის  წილი სასტუმროს მთლიანი მოგებიდან. კომპანია მეწილეს სთავაზობს მოქნილ და მომხმარებელზე ორიენტირებულ გადახდის პირობებს. ყველანაირი რისკის გამოსარიცხად , პირველადი შენატანის (20%) გადანაწილება მოხდება  დაზღვეულ ანგარიშზე, ხოლო დანარჩენ 80%-ს იხდის მშენებლობის დასრულების მერე.

2021 წელს ქსელში იქნება უკვე 2 სასტურმო ბაკურიანსა და გონიოში, სამომავლოდ ქსელი კვლავ გაფართოვდება და შესაბამისად გაფართოვდება მომხმარებლის სარგებლის არეალი. 

(R)