შვეიცარიული კომპანია ავტომობილების სავალდებულო ტექდათვალიერებაზე გეგმას მაისში წარადგენს

შვეიცარიული კომპანია ავტომობილების სავალდებულო ტექდათვალიერებაზე გეგმას მაისში წარადგენს

person access_time2017-04-24 12:00:56

ავტომანქანების სავალდებულო ტექდათვალიერებასთან დაკავშირებით „კომერსანტისთვის" ახალი დეტალები ხდება ცნობილი. როგორც ეკონომიკისა და მდგრადი განვითარების სამინისტროს სსიპ აკრედიტაციის ეროვნული ცენტრის ხელმძღვანელი პაატა გოგოლიძე აცხადებს, მაისში შვეიცარიული კომპანია, რომელსაც ხელისუფლებას ავტომანქანების გზისთვის ვარგისიანობაზე კონსულტაციის გაწევა ევალება, ტექმომსახურების ცენტრებისთვის სპეციალურ გეგმას წარადგენს.

 

„შვეიცარიულ კომპანიასთან გაფორმებულ ხელშეკრულებას აქვს დანართი, სადაც გაწერილია, თუ რა როდის უნდა მივიღოთ. პირველი, რაც ყველაზე მეტად საინტერესო იყო ბაზრისთვის, ეს იყი მოთხოვნები ტესტირების ცენტრების მიმართ. ამაზე ჩვენ პასუხი უნდა მივიღოთ მაისის ბოლომდე.

 

როგორც ვიცით, კომპანია უკვე სწავლობენ ბაზარს. ჩვენი ინფორმაციით, ახლა მიმდინარეობს სტატისტიკის დამუშავება ცენტრებთან დაკავშირებით იმისთვის, რომ რეგიონების მიხედვით ავტომანქანების განაწილების სურათი შედგეს. ამის შემდეგ უნდა დადგინდეს, თუ სად რამდენი ცენტრი და რამდენი ხაზი იქნება საჭირო", - განუცხადა „კომერსანტს" პაატა გოგოლიძემ.

 

ცნობისათვის, ეკონომიკისა და მდგრადი განვითარების სამინისტროს მიერ ავტოსატრანსპორტო საშუალებების გზისთვის ვარგისობაზე სავალდებულო პერიოდული ტესტირების საკითხებში საკონსულტაციო მომსახურების გაწევის მიზნითინტერესთა გამოხატვა 2016 წლის ნოემბერში გამოცხადდა. ეკონომიკის სამინისტროში განაცხადი 4 კომპანიამ წარმოადგინა. კომპანიების მოწვევის მიზნით აღნიშნული ინტერესთა გამოხატვა მიზნად ისახავდა კომპანიის შერჩევას, რომელიც დაეხმარება საქართველოს ავტოსატრანსპორტო საშუალებების გზისთვის ვარგისობაზე სავალდებულო პერიოდული ტესტირების სრულად ამოქმედებაში.

 

გამარჯვებული კომპანია უწყებამ 2016 წლის ბოლოს გამოავლინა. ის გახდა შვეიცარიული კომპანია "SGS Societe Generale da Surveilance SA". შესაბამისად, საქართველოში ავტოსატრანსპორტო საშუალებების გზისთვის ვარგისობაზე სავალდებულო პერიოდული ტესტირების საკითხებში კონსულტაციას ეკონომიკის სამინისტროს სწორედ ეს კომპანია გაუწევს.

 

"SGS Societe Generale da Surveilance SA" წარმოადგენს ინსპექტირების, შემოწმების, ტესტირებისა და სერტიფიცირების კომპანიას, რომელიც წარმოდგენილია მსოფლიოს 137 ქვეყანაში, 1500 ოფისით და 75 000 დასაქმებული ადამიანით. კომპანიის მთავარი ოფისი ჟენევაში მდებარეობს.

 

1997 წლიდან კომპანიას წარმომადგენლობა გააჩნია საქართველოშიც, რომელიც თავიდან დაფუძნებული იყო თბილისში, ხოლო 1999 წლიდან მთავარი ოფისი საქმიანობს ბათუმში. „სჯს ჯორჯია" 100%-ით ეკუთვნის SGS შვეიცარიას, რომელსაც უდიდესი გამოცდილება გააჩნია ავტომობილების ტესტირების სფეროში.

 

ავტომობილების სავალდებულო ტექდათვალიერება 2018 წლია 1-ელი იანვრიდან უნდა ამოქმედდეს.

 

 



Bloomberg-ზე 1 დოლარი 3.1813 ლარად ივაჭრება, ბანკებში კი 1 დოლარი 3.2250 ლარი ღირს

Bloomberg-ზე 1 დოლარი 3.1813 ლარად ივაჭრება, ბანკებში კი 1 დოლარი 3.2250 ლარი ღირს
access_time2020-04-08 12:30:14
ლარი გაუფასურების ტენდენციას განაგრძობს. Bloomberg-ის სავაჭრო სისტემაში დილიდან ვაჭრობა $1/3.1656-ით დაიწყო, 12:20 საათისთვის 1 დოლარი 3.1813-ის ნიშნულზეა. საქართველოს ეროვნული ბანკის მიერ გამოქვეყნებული მონაცემების თანახმად, 7 მარტის ვაჭრობის შედეგად აშშ დოლარის ღირებულებამ 3.1748 ლარი შეადგინა. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.2000 ლარადაა შესაძლებელი, ხოლო მისი გაყიდვა - 3.1500 ლარად. „საქართველოს...

საქართველოს ბიზნეს ასოციაცია საქართველოს ფინანსთა მინისტრის ამა წლის 6 აპრილის #92 ბრძანებით განსაზღვრულ ცვლილებებს მიესალმება.

 საქართველოს ბიზნეს ასოციაცია საქართველოს ფინანსთა მინისტრის ამა წლის 6 აპრილის #92 ბრძანებით განსაზღვრულ ცვლილებებს მიესალმება.
access_time2020-04-08 10:30:05
“აღნიშნული ცვლილებები მინიმუმამდე შეამცირებს საქართველოს ტერიტორიაზე ტრანზიტულად შემომავალი სატრანსპორტო საშუალებების მიერ აღურიცხავი საწვავის იმპორტის შესაძლებლობას”-აცხადებს საქართველოს ბიზნეს ასოციაციის პრეზიდენტი სოსო ფხაკაძე.   “ეს გადაწყვეტილება ცალსახად არის ბიზნესისა და ფინანსთა სამინისტროს ნაყოფიერი თანამშრომლობის ერთ-ერთი კარგი მაგალითი.  ჩვენ ყოველთვის უწყვეტ რეჟიმში ვმუშაობდით და ვმუშაობთ საქართველოს ფინანსთა სამინისტროს შემოსავლების...

Bloomberg-მა რუსეთს დიდი ეკონომიკური რეცესია უწინასწარმეტყველა

Bloomberg-მა რუსეთს დიდი ეკონომიკური რეცესია უწინასწარმეტყველა
access_time2020-04-07 20:00:11
კორონავირუსის პანდემიასთან ბრძოლის მარათონში რუსეთი ყველაზე ნაკლებ რესურსს ხარჯავს ეკონომიკის მხარდასაჭერად, ვიდრე სხვა ქვეყნები, რაც მძიმე რეცესიის საწყისი შეიძლება გახდეს -  წერს Bloomberg-ი. ექსპერტები მიიჩნევენ, რომ რეზერვების გამოყენებისგან თავის შეკავების მიზეზი არის რუსეთის ხელისუფლების შიში ნავთობის დაბალ ფასებზე.   სანამ მსოფლიო ლიდერები მთელი პლანეტის მასშტაბით, კოლოსალურ თანხებს ხარჯავენ ეკონომიკის...

7 აპრილი - ქართული ლარი გაუფასურდა, თურქული ლირა გამყარდა

7 აპრილი - ქართული ლარი გაუფასურდა, თურქული ლირა გამყარდა
access_time2020-04-07 19:00:39
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის დასაწყისიდან ლარის მნიშვნელოვანი გაუფასურება დაიწყო და წლის დასაწყისთან შედარებით, დაახლოებით 22%-ით გაუფასურდა. Bloomberg-ის სავაჭრო სისტემაშიც ბოლო პერიოდის განმავლობაში ლარი ძირითადად მკვეთრად უფასურდებოდა, რეგიონის ვალუტის კურსები კი ან მცირედით და ეტაპობრივად უფასურდება, ან...

„ქართული ღვინო ყველაზე დიდ დიპლომატიურ როლს თამაშობს“- კომპანია „მტევინო“ ჰობით დაწყებული ბიზნესი

„ქართული ღვინო ყველაზე დიდ დიპლომატიურ როლს თამაშობს“- კომპანია „მტევინო“ ჰობით დაწყებული ბიზნესი
access_time2020-04-07 17:55:17
ხამში- ეს არის ძველისძველი ისტორიული სოფელი გარე კახეთში, რომელიც საფერავის საუკეთესო ღვინოსთან ასოცირდება. უახლოეს მომავალში, როდესაც კორონავირუსის პანდემია გადაივლის და ცხოვრება ჩვეულ რიტმს დაუბრუნდება, საგარეჯოს მუნიციპალიტეტის ეს პატარა სოფელი,...


მსგავსი სიახლეები

up