შვეიცარიელებმა მეტნაკლებად პროგნოზირებად საქართველოში თანხა რომ ჩადონ, სჭირდებათ მეტი გარანტია - ინტერვიუ ქართული დიასპორის სავაჭრო-სამრეწველო პალატის წარმომადგენელთან შვეიცარიაში

შვეიცარიელებმა მეტნაკლებად პროგნოზირებად საქართველოში თანხა რომ ჩადონ, სჭირდებათ მეტი გარანტია - ინტერვიუ ქართული დიასპორის სავაჭრო-სამრეწველო პალატის წარმომადგენელთან შვეიცარიაში

access_time2019-06-12 18:00:43

„შვეიცარიელს უფრო მეტი სჭირდება იმისთვის, რომ მშვიდი, უომარი, დალაგებული ქვეყნიდან წამოიღოს თანხა და ჩადოს ნაკლებად პროგნოზირებად საქართველოში“ - განაცხადა კომერსანტთან ინტერვიუში ქართული დიასპორის სავაჭრო-სამრეწველო პალატის წარმომადგენელმა ზვიად არაბიძემ.


შვიცარიის დიასპორასთან საქართველოს აქტიური ურთიერთობა 2007 წლიდან დაიწყო. იმ დროს  ქართული დიასპორის სავაჭრო-სამრეწველო პალატის წარმომადგენელი ზვიად არაბიძე  შვეიცარიაში 26 მაისთან დაკავშირებულ  შეკრებებს მართავდა, რომელსაც სხვადასხვა წელს სხვადასხვა ცნობილი პიროვნება სტუმრობდა - გურამ დოჩანაშვილი, გია ბურჯანაძე, გურამ ფირცხალავა, ნინელი ჭანკვეტაძე, ბესო ბერულაშვილი.  ანსამბლები „ჩვენებურები“,  “შავნაბადა“, „გეორგიკა“, „თუთარჩელა“.  ეწყობა ქართული საღამოები და ტარდება ღონისძიებები ქართულ და გერმანულ ენაზე. რამდენიმე წლის შემდეგ (2010 წელს) ზვიად არაბიძის ინიციატივით დაიწყო ქართული ღვინის ექსპორტი შვეიცარიაში. პირველი პარტია 12 ათას ბოთლს შეადგენდა, რომელიც  300 წლის ისტორიის მქონე  ერთ-ერთმა უმსხვილესმა შვეიცარიულმა ღვინის  მწარმოებელმა და იმპორტიორმა შეიძინა.  2011 წელს კი მისივე  თაოსნობით დაფუძნდა  ქართული სახლი შვეიცარიაში (Swiss GeoHaus ). 

 


რა პოტენციალი აქვს ქართულ-შვეიცარიულ ბიზნეს-ეკონომიკურ ურთიერთობებს? რითი ინტერესდება ალპების ქვეყანა საქართველოში და რა მიმართულებით შეიძლება ქართველმა მეწარმემ გზა გაიკვალოს შვეიცარიის ბაზარზე? ამ და სხვა საკითხებზე ქართულ შვეიცაირულ ურთიერთობასთან დაკავშირებით „კომერსანტი“ დიასპორის სავაჭრო-სამრეწველო პალატის წარმომადგენელს ზვიად არაბიძეს ესაუბრა. 

 

ბატონო ზვიად, უკვე წლებია შვეიცარიაში ქართულ მხარეს წარმოადგენთ, როგორ ფიქრობთ, არის თუ არა შვეიცარია საქართველოს აქტიური ბიზნეს-ეკონომიკური პარტნიორი და რა პოტენციალი აქვს ამ ორ ქვეყანას ეკონომიკური მიმართულებით?

 

თქვენი შეკითხვის პირველ ნაწილს ერთი სიტყვით პასუხი ვერ გაეცემა, თუმცა ვეცდები მოკლედ გიპასუხოთ.

მისასალმებელია, რომ ხელი მოეწერა ამ ორ ქვეყანას შორის თავისუფალი სავაჭრო ურთიერთობის ხელშეკრულებას. სამწუხაროდ, ღვინის სფეროში იმდენივე შეღავათი არ გვაქვს ჩვენ მიღებული შვეიცარიაში, რამდენიც სხვა სფეროებში, მაშინ როცა საქართველოდან ექსპორტის მნიშვნელოვან ნაწილს ღვინო შეადგენს.


 შვეიცარია-საქართველოს ბიზნეს-ეკონომიკური პარტნიორობა ჯერ კიდევ განვითარების ეტაპზეა. გასათვალისწინებელია შვეიცარის საბაზრო მოთხოვნილებები. ამაში ვგულისხმობ, მაგალითად თხილს, როგორც საჭირო პროდუქტს შოკოლადის მწარმოებელი ქვეყნისათვის. ჩვენ  უნდა ვეცადოთ, შევთავაზოთ მისთვის,  ხარისხისა და მერე კი ფასის მიხედვით მიმზიდველი პროდუქტი, რადგან მათთვის ორივე ფაქტორი მნიშვნელოვანა პარტნიორის არჩევისას. იაფი პროდუქტი მხოლოდ რუსულ მაღაზიებს სჭირდებათ (რუსულენოვანი კლიენტურისთვის).



შვეიცარია არის ქვეყანა, სადაც მოსახლეობა გადამხდელუნარიანია და დიდ მნიშვნელობას ანიჭებს ჯანსაღ კვებას და ხარისხს. დიდი მოთხოვნაა ბაზარზე ბიოლოგიურად სუფთა პროდუქტის მიმართ. საქართველოს შესწევს უნარი, იყოს ბიოლოგიური პროდუქტის მიმწოდებელი.



ამ ეტაპზე შვეიცარია მხოლოდ ტურიზმის მიმართულებით ითვლება პრიორიტეტულ პარტნიორად. სამწუხაროდ, დიდი ხანი არ იყო ასეთი ქვეყნების სიაში. ახლა ნელნელა სავაჭრო ურთიერთობები გაძლიერდა და მეტი ინტერესი უნდაიქნეს გამოხატული ქართული სახელმწიფოს მხრიდან.

 

რამდენად საინტერესოა საქართველო  შვეიცარიელებისთვის ინვესტიციების ჩასადებად?



უკვე არსებული ინვესტიციებიდან გამომდინარე ჩვენი ქვეყანა მათთვის საინტერესო ჩანს. ფაქტია,  რომ არის შვეიცარიული ინვესტიციები საქართველოში. უბრალოდ, შვეიცარიელს უფრო მეტი სჭირდება იმისთვის, რომ მშვიდი, უომარი, დალაგებული ქვეყნიდან წამოიღოს თანხა და ჩადოს ნაკლებად პროგნოზირებად საქართველოში.  ჩვენს ასევე გვაქვს შვეიცარული სათვალის მინების მწარმოებელი კომპანიის - ოპტისვისის  წარმომადგენლობა საქართველოში. გვაქვს რამდენიმე ფილიალი და  სხვა ოპტიკებსაც ვაწვდით შვეიცარიულ მინებსა თუ გერმანული წარმოების ZEISS-ის კონტაქტურ ლინზებს. 




საფინანსო სექტორში ცნობილია შვეიცარული „სვისკაპიტალი“. ასევე ძალიან სასიხარულოა რომ ასეთი წარმატებული დიზაინერი გვყავს, როგორიც ზვიად ციკოლიაა, რომელსაც შვეიცარიული საათების დიზაინში ქართული დროშის ელემენტებიც კი შეაქვს. 



დარწმუნებული ვარ, რომ პირდაპირი ფრენა ციურიხი-თბილისი კიდევ უფრო მეტ სარგებელს მოუტანდა საქართველოს. პირდაპირი ფრენები უფრო დაგვეხმარებოდა შვეიცარიიდან ტურისტებისა და ინვესტორების მოზიდვაში.

 

აქ ერთს დავძენდი: შვეიცარიამ თავის დროზე იაფი მაგრამ  ხ ა რ ი ს ხ ი ა ნ ი  მუშახელით მიიზიდა ინვესტორები 19-20 საუკუნეებში იმდროინდელი წამყვანი ქვეყნებიდან. ამჟამად საათების ინდუსტრიით ცნობილ შვეიცარიში ერთ-ერთი პირველი ლუქს-საათების მწარმოებელი ფირმა IWC ამერიკელის დაარსებულია 19-ს-ის ბოლოს. მიზეზი შვიცარიის ქალაქ შაფჰაუზენში თავისი ფირმის დაარსებისა შემდეგი იყო: იაფი, მაგრამ სამუშაოს კეთილსინდისირად, დიდი სიზუსტით შემსრულებელი მუშახელი და  ელექტროსადგური მდინარე რაინზე.



როგორ ეხმარება ქართველ მეწარმეებს სავაჭრო-სამრეწველო პალატის კავშირი შვეიცარიასთან ? 


ჩვენ ხელს ვუწყობთ წარმატებულ ქართველ მეწარმეებს შვეიცარიისა და გერმანიის ბაზარზე დამკვიდრებაში. ვაკვალიანებთ მათ შვეიცარიის ბაზრის მოთხოვნების შესაბამისად.



ვატარებთ ღვინისა და საკვები პროდუქტების დეგუსტაციებს. საოცდაექვსმაისო შეკრებებზე პოპულარიზაციას ვუწევთ ქართულ პროდუქციას. 



GeoHaus-ის განსაკუთრებულად შერჩეულ  პროდუქცია მარკირებულია GeoHaus Selection, რომელსაც კომპეტენტური ჟიური და  ჩვენ, დეგუსტაციის შედეგად ვანიჭებთ. ეგრეთ წოდებული სამარკო ნიშანი Geohouse Selection ნელნელა ცნობილი ხდება ცენტრალური ევროპის ბაზარზე და ინტერესი ასე მარკირებული პროდუქტისადმი თანდათან იმატებს. 

 


როგორია საქართველოს და შვეიცარიის ურთიერთობის პოტენციალი ტურიზმის კუთხით?



ძალიან დიდია პოტენციალი ამ მიმართულებით. საქართველოს აქვს ბევრი რამ, რითაც შეიძლება მოხიბლოს შვეიცარიელი. ესაა ჩვენი ქვეყნის სილამაზე, ბუნების, ფლორისა და ფაუნის მრავალფეროვნება, გემრიელი სამზარეულო, თბილი, მეგობრული და სტუმართმოყვარე მოსახლეობა... 



პრინციპში, ალპების ქვეყნად ცნობილ  შვეიცარიას ჩვენი მთები ააღარ უნდა ანცვიფრებდეს. 2003 წლიდან ვთარჯიმნობ შვეიცარიაში და ბევრი სახელმწიფო მოხელე  მინახავს,  რომელიც საქართველოს მთებითაა აღფრთოვანებიული, ამბობენ რომ ბევრად საინტერესოა და ამასთანავე იაფი. მართალია, პირდაპირი ფრენების არ არსებობა დისკომფორტს ქმნის და ძვირიცაა, თუმცა ყოველი დღე ბევრად იაფი გამოდის, რაც შვეიცარიაში ეხარჯება ადამიანს მსგავსი მომსახურების მიღებაში. სამმა ადამიანისთვის თხილამურის ლიფტი ერთი დღით შვეიცარიაში იმდენივე ჯდება, რაც მთელი დღე ვერტმფრენით მომსახურება საქართველოში.  ჩვენი ბუნება უნდა გამოვიყენოთ გადამხდელუნარიანი, შეძლებული ქვეყნებიდან ტურისტების მოსაზიდად. საქართველო ვერ იქნება მასიური ტურიზმის ქვეყანა, არ შეიძლება რომ მივისწრაფოდეთ ამისკენ. ვთქვათ, 9 მილიონი ტურისტი შემოვიდეს ერთ წელს, ალბათ, კარგია,  მაგრამ მთავარია ისეთი შემოვიდეს,  რომელსაც მსყიდველუნარიანობა და ინვესტიციების შესაძლებლობა აქვს.



რა პროდუქტებია პრიორიტეტული შვეიცარია - საქართველოს იმპორტ-ექსპორტში?



საათი, შოკოლადი და ყველი  არის შვეიცარიის ექსპორტის ძირითადი შემადგენელი ნაწილი.  ეს იმითაცაა განპირობებული, რომ ადგილობრივი ნაწარმი შვეიცარიაში კულტის ნაწილად და ქვეყნის სიმბოლოდ ითვლება. ეს პატარა ქვეყანა აწარმოებს 330-ზე მეტი სახეობის ყველს!  მაგრამ წაროიდგინეთ, რომ ქართული ყველის კონსისტენციის მაგვარი მაინც არ აქვთ.  ხაჭაპურის გასაკეთებლად ქართველი დასახლისები 3-4 სვადასხვა სახის ყველს ურევენ ერთმანეთში. დეგუსტაციისას გამოცებული შვეიცარიელები გეკითხებიან ხოლმე, რა გემრიელი ყველია? რა ყველია?  როცა ვამბობთ, რომ ქართულ ხაჭაპურს სხვანარი ყველი სჭირდება, მხოლოდ  შვეიცარიელები ხვდებიან რატომ ვურევთ სამ სხვადასხვა პროდუქტს, რომ მივიღოთ ქართული გემო. ცუდია, რომ საქართელოდან შვეიცარიაში ყველის ექსპორტის უფლება ჯერჯერობით არ არსებობს. იმედია ეს საკითხიც მალე მოგვარდება. 



საქართველოდან ჯერჯერობით ძირითადად გადის: თხილი, ღვინო, წვენი, ჩაი, ჩურჩხელა, ხელნაკეთი ნივთები...



ჩვენ იმედი გვაქვს, რომ კიდევ უფრო გავაფართოვებთ ჩვენი პალატის საქმიანობას შვეიცარიაში და მოვახერხებთ ქართველი მეტი და მეტი მწარმოებლისთვის გზის გაკვლევას შვეიცარიულ ბაზარზე, რათა მეტი პროდუქციის ექსპორტი მოვახერხოთ საქართველოდან. 



მარიამ მორგოშია




„მეტრო ეიფორია ჰოტელ ბათუმის“ აქციები საქართველოს საფონდო ბირჟაზე დაილისტა

„მეტრო ეიფორია ჰოტელ ბათუმის“ აქციები საქართველოს საფონდო ბირჟაზე დაილისტა
access_time2020-08-13 14:10:52
საქართველოს საფონდო ბირჟაზე თურქი ბიზნესმენის გალიფ ოზთურქის სს  „მეტრო ეიფორია ჰოტელ ბათუმის“ აქციები დაილისტა. B კლასის აქციები (ISIN GE1100003932) დაშვებულ იქნა საქართველოს საფონდო ბირჟის B კატეგორიის ლისტინგში და სავაჭრო სისტემაში. აქციებს საბირჟო კოდი (ტიკერი) - MEHBB მიენიჭა. ბირჟაზე B ჯგუფის 54,476,929 ლარის ჯამური ნომინალური ღირებულების აქცია დაილისტა, თითოს ნომინალის ფასი 1 ლარია. კომპანიას ასევე გამოშვებული აქვს A კლასის 6 052 993 აქცია,...

BAG-ის გამოკითხული წევრების 72.2% მიიჩნევს, რომ არსებობს გარკვეული შემაფერხებელი ფაქტორები, რაც ხელს უშლის მათ ბიზნეს საქმიანობას

BAG-ის გამოკითხული წევრების 72.2% მიიჩნევს, რომ არსებობს გარკვეული შემაფერხებელი ფაქტორები, რაც ხელს უშლის მათ ბიზნეს საქმიანობას
access_time2020-08-13 11:59:16
მიმდინარე წლის მეორე კვარტლის ბოლოს ჩატარებული კვლევის თანახმად, საქართველოს ბიზნეს ასოციაციის გამოკითხული წევრების 72.2% განაცხადა, რომ არსებობს მათი ბიზნეს საქმიანობისთვის ხელისშემშლელი თუნდაც ერთი ფაქტორი. აღსანიშნავია, რომ ეს მაჩვენებელი შემცირებულია პირველი კვარტლის ბოლოს ჩატარებული კვლევასთან შედარებით, როდესაც საქმიანობისათვის ხელისშემშლელი ფაქტორების არსებობაზე გამოკითხულთა 86.5%  საუბრობდა. პირველი კვარტლის მაღალი მაჩვენებელი, სავარაუდოდ, COVID პანდემიით იყო განპირობებული, რაც...

პანდემიის გამო „ვითიბი“ ბანკს „ტოქსიკური“ სესხების ოდენობა გაეზარდა

პანდემიის გამო „ვითიბი“ ბანკს „ტოქსიკური“ სესხების ოდენობა გაეზარდა
access_time2020-08-13 12:00:22
ბანკების ფინანსური ანგარიშგებების 2020 წლის II კვარტლის მონაცემების მიხედვით, „ვითიბი ბანკი ჯორჯიას“ ზარალი სესხების შესაძლოა დანაკარგების მიხედვით წინა წლის ანალოგიურ პერიოდთან შედარებით თითქმის 6-ჯერ გაიზარდა. აღსანიშნავია, რომ მიმდინარე წლის 6 თვეში ეს მონაცემი 37,890,502 ლარი იყო, ხოლო 2019 წლის შესაბამის პერიოდში 6,920,718 ლარი. 2020 წლის II კვარტლის ფინანსური მაჩვენებლების მიხედვით, „ვითიბი“ ბანკის ზარალმა 26,095,611 ლარი შეადგინა, მაშინ როდესაც...

გიორგი გახარია - ავტომობილების განბაჟება 2021 წლის მარტამდე გადავადდება

გიორგი გახარია - ავტომობილების განბაჟება 2021 წლის მარტამდე გადავადდება
access_time2020-08-13 11:25:08
უმჯობესი იქნება, რომ ავტომობილების განბაჟება გადავავადოთ 2021 წლის მარტამდე, - ამის შესახებ საქართველოს პრემიერ-მინისტრმა გიორგი გახარიამ, მთავრობის სხდომაზე განაცხადა. მთავრობის მეთაურმა შესაბამისი დავალება მისცა ფინანსთა სამინისტროს და აღნიშნა, რომ ავტოიმპორტიორების მხრიდან რამდენჯერმე იყო შესაბამისი მომართვა და მთავრობამ აღნიშნული ნაბიჯი ერთხელ უკვე გადადგა. „კრიზისის ზემოქმედება, როგორც ჩანს და არა მხოლოდ საქართველოსი, არამედ...

ელემენტ კონსტრაქშენმა McDonald's-ის ახალი რესტორანი ააშენა

ელემენტ კონსტრაქშენმა McDonald's-ის ახალი რესტორანი ააშენა
access_time2020-08-13 12:30:14
ელემენტ კონსტრაქშენმა თბილისში, აღმაშენებლის ხეივანში, ,,მაკდონალდსის” ახალი ფილიალი ააშენა. განსხვავებული დიზაინის მქონე სწრაფი კვების ობიექტზე  სამშენებლო-სარემონტო სამუშაოების სრული ციკლი კომპანიამ საინჟინრო ნაწილის  ჩათვლით უზრუნველყო. აღსანიშნავია, პროექტის განხორციელების ვადებიც. ,,ელემენტ კონსტრაქშენმა“ სამშენებლო-სარემონტო სამუშაოები 4 თვეში დაასრულა. აქედან ერთი თვე სამშენებლო პროცესი...


მსგავსი სიახლეები

up