„სასტუმროების ამოქმედების შემდეგ სავარაუდოდ შვედური მაგიდა აღარ იქნება მომსახურებაში და კვება ინდივიდუალურად მიეწოდება სტუმრებს ნომრებში იმისთვის, რომ დისტანცია არ დაირღვეს დამსვენებლებს შორის. რაც შეეხება მთლიან სამოძრაო სივრცეს, სასტურმო ძალიან დიდია და მარტივადაა შესაძლებელი დისტანციის დაცვა.“ - ამის შესახებ „კომერსანტს“  „ბორჯომი-ლიკანის“ ველნეს სასტუმროს მარკეტინგის მენეჯერმა ნათია ჩიქოვანმა განუცხადა.

როგორ იფუნქციონირებს სასტუმრო კორონავირუსისა და პოსტვირუსულ გარემოში, რა პროტოკოლების დაცვა მოუწევს პერსონალს დამსვენებლების უსაფრთხოებისთვის და ნიშნავს თუ არა სასტუმროს მიერ ამ უსაფრთხოებისთვის გაღებული ხარჯები უფრო მაღალ ფასებს სტუმრებისთვის? - ამ ეტაპზე სასტუმროების ოპერირების კონკრეტული გაიდლაინები არ არის შემუშავებული, თუმცა რიგი სასტუმროები წინასწარ ფლობენ იფრომაციას იმის შესახებ, თუ რა შეზღუდვების გატარება და რეგკომენდაციების დაცვა მოუწევთ.

სასტუმრო ბორჯომი ლიკანი და SPA, რომელიც გამაჯანსაღებელი ცენტრის სტატუსით ფუნქციონირებს პირველი ივლისიდან სტუმრების მიღებას დაიწყებს. როგორც სასტუმროს მარკეტინგის მენეჯერი ნათია ჩიქოვანი განმარტავს, დაინტერესება დიდია, და მოსახლებაშო რომელიც ახლა უფრო ზრუნავს ჯანმრთელობაზე ვიდრე აქამდე, მსგავი ტიპის დასასვენებელი სასტუმრო ახლა ბევრად უფრო მიმზიდველია.

„ჩვენი სასტუმრო ველნესის მიმართულებით მუშაობს, გვაქვს სამედიცინო ცენტრი და მეტნაკლებად კარგად ვართ გაცნობიერებული ელემენტაარულ წესებსა და პუირობებში, რომელიც უსაფრთხოებისთვის იქნება საჭირო.  ჩვენ ვფიქრობთ, რომ  დატვირთული პერიოდი გველოდება იმიტომ, რომ ძლიან ბევრი ადამიანისთვის მენტალურადაც ძალიან რთული იყო ამდენი ხნით სახლში ყოფნა და ადამიანებს უბრალოდ უნდათ  სუფთა ჰაერზე ყოფნა. რაც შეეხება რეკომენდაციებს, სასტუმრო გაითვალისწინებს და თავის მხრივ უფრო მეტი უსაფრთხოების ზომების გატარებას შეეცდება.

ადამიანებს ექნება კვების მიწოდება ოთახის ნომრებში. ასევე, ტერიტორია 43 ჰექტარის ფართობს მოიცავს და სეირნობა ცხენით თუ ველოსიპედით მოხდება ისე, რომ დაცული იყოს დისტანცია, შეიძლება ამისთვის ვიდეომონიტორინგიც საკმარისი იყოს. მარტში გვქონდა საბაზისო შემოწმება ყველა სტუმრისთვის, როგორებიცაა ტემპერატურის შემოწმება და ჩავატარეთ გაძლიერებული დეზინფექცია.  

მიუხედავად არსებული ხარჯებისა და ზარალისა ვეცდებით, რომ მომსახურების ფასები შევინარჩუნოთ, რადგან ეს პერიოდი ისედაც შეზღუდული იყო ფინანსების კუთხით ყველასთვის. ვეცდებით, რომ დასვენება რაც შეიძლება მეტი ადამიანისთვის იყოს ხელმისაწვდომი.“- განმარტავს ნათია ჩიქოვანი.

მარიამ მორგოშოა