შთაბეჭდილება შემექმნა, რომ ეროვნული ბანკი პროცესებს სრულად არის მოწყვეტილი - პაატა ბაირახტარი ლარის კურსის გამყარებაზე

შთაბეჭდილება შემექმნა, რომ ეროვნული ბანკი პროცესებს სრულად არის მოწყვეტილი - პაატა ბაირახტარი ლარის კურსის გამყარებაზე

access_time2019-06-07 09:00:09

ეროვნულმა ვალუტამ გაუფასურების რეკორდულ მაჩვენებელს გასულ კვირაში მიაღწია. ერთი თვის განმავლობაში ყოველდღიური გაუფასურების შემდეგ, მაისის ბოლოს 1 დოლარის ღირებულება 2.80 ლარი გახდა.



ეროვნული ბანკის მიერ გუშინ საღამოს გამოქვეყნებული მონაცემების თანახმად კი, აშშ დოლარის ღირებულებამ  2.7411 ლარი შეადგინა. კურსი, რომელიც გუშინ მოქმედებდა, 2.7500 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0. 0089 შეადგინა.



რას უკავშირებენ ეკონომისტები ლარის კურსის მუდმივ ცვლილებას? რა პროცესებთან გვაქვს საქმე? ამ საკითხებზე „კომერსანტთან“ „ახალგაზრდა ფინანსისტთა და ბიზნესმენთა ასოციაციის“ ვიცე-პრეზიდენტმა პაატა ბაირახტარმა ისაუბრა, რომელმაც ორი დღის წინ საკუთარ facebook-ზე ზედმეტი კომენტერების გარეშე დაწერა: 


ეს მცურავი გაცვლითი კურსის რეჟიმი არაა! 

ეს ჯანსაღი პროცესი არაა!






. ეკონომისტი „ლარის სამყაროში“ არსებულ პროცესებს ანომალიურს უწოდებს და მიიჩნევს, რომ მცურავი გაცვლითი კურსი სულაც არ ნიშნავს ისეთ მკვეთრ ცვლილებებს ღირებულებაში, რაც ბოლო პერიოდში ლართან მიმართებაში ხდება.



 „ეროვნული ვალუტის გაუფასურება, რომელიც ბოლო პერიოდში დავინახეთ,  ეს იყო მოკლევადიან პერიოდზე გათვლილი, რადგან არ არის ახლა ისე გაუარესებული პარამეტრები, რომ რამე ფუნდამენტური მიზეზების გამო უფასურდებოდეს ლარი.  ეს იყო წმინდა აჟიოტაჟური კურსი,  რომელიც შემდგომში გადაიზარდა პანიკაში და ამან მნიშვნელოვნდ მოახდინა ზეწოლა ეროვნულ ვალუტაზე, ეს იყო ამბავი.  მე პრინციპში ველოდებოდი იმას, რომ კურსი გამყარებას დაიწყებდა საშუალოვადიან და მოკლევადიან პერიოდში და ასეც მოხდა.



მცურავი გაცვლითი კურსით უნდათ ხოლმე ახსნან გარკვეული ნახტომისებური გაუფასურებები, სინამდვილეში მცურავი გაცვლითი კურსი სულაც არ ნიშნავს იმას, რომ კურსი დღის განმავლობაში შესაძლებელია 2 თეთრით  გაუფასურდეს და შემდეგში 3 თეთრით გამყარდეს, ეს არის კურსის ანომალიური ქცევა. არაერთხელ ყოფილა სპეკულაციებთან დაკავშირებული ეჭვები , უბრალოდ  ჩვენ დამადასტურებელი საბუთი არ გვაქვს, რომ ეს გადაჭრით ვთქვათ.



გამოვიდა გუშინ უკან ეროვნული ბანკი და ხელოვნურად გააჩერა ლარის გამყარება თითქოს მნიშვნელოვანი გამყარება გვქონოდა სახეზე (სებ-მა 10 000 000 დოლარი შეისყიდა) . ასეთ რეალობაში ძალიან რთულია რამე პროგნოზის გაკეთება. არსებული ინტერვენცია ყოველგვარ რეალობას გასცდა, შთაბეჭდილება შემექმნა, რომ ცენტრალური ბანკი პროცესებს სრულად არის მოწყვეტილი და ისე მიიღო ეს გადაწყვეტილება,“ - აცხადებს პაატა ბაირახტარი „კომერსანტთან“.



რაც შეეხება ევროს, მისი კურსი 3.0794 ლარია. მაშინ, როცა დღეს მოქმედი კურსი 3.0990 ლარს შეადგენდა. შესაბამისად, ევროს ცვლილებამ 0.0196 ლარი შეადგინა.

 


მარიამ მორგოშია

 





„ქართული წისქვილკომბინატები რუხ ფქვილს არ აწარმოებენ“

„ქართული წისქვილკომბინატები რუხ ფქვილს არ აწარმოებენ“
access_time2020-01-27 14:53:58
საქართველოში პურის ხარისხთან დაკავშირებით კითხვები მუდმივად არსებობს, რასაც ობიექტური მიზეზებიც აქვს. თუ გავითვალისწინებთ, რომ ქვეყანაში პურის ხარისხის კონტროლი, პრაქტიკულად არავის ევალება. ამ მიმართულებით მთავარი და უკვე ტრადიციად ქცეული კითხვაა, იღებება თუ არა პური საქართველოში. საქმე ეხება ჭვავის და ეგრეთ წოდებულ შავ პურს, რომელიც როგორც წესი ჭვავის, რუხი ფქვილისგან უნდა მზადდებოდეს. თუმცა,...

ჯანდაცვის მინისტრის რეკომენდაცია - შეიზღუდოს ჩინეთის მიმართულებით მოგზაურობა

ჯანდაცვის მინისტრის რეკომენდაცია - შეიზღუდოს ჩინეთის მიმართულებით მოგზაურობა
access_time2020-01-27 13:37:31
„ვიძლევით რეკომენდაციებს ჩვენი მოქალაქეებისთვის, რათა მათ შეზღუდონ ფრენები და მოგზაურობა ჩინეთის მიმართულებით“, - ამის შესახებ ჯანდაცვის მინისტრმა ეკატერინე ტიკარაძემ განაცხადა.მისივე თქმით, ჩინეთიდან პირდაპირი რეისები ამ ეტაპისთვის გადადებულია და დღეს იქნება შეხვედრა მაღალ დონეზე, სადაც მიიღებენ გადაწყვეტილებას შემდეგი რეისების გადადების საჭიროებასთან დაკავშირებით. „შექმნილი გვაქვს საგანგებო საკოორდინაციო ჯგუფი, რომელიც აქტიურაც მუშაობს საერთაშორისო...

შეინ როზენტალი: „ჩვენ ანაკლიის პორტის პროექტის მხარდამჭერები ხანგრძლივი პერიოდის განმავლობაში ვრჩებით“

შეინ როზენტალი: „ჩვენ ანაკლიის პორტის პროექტის მხარდამჭერები ხანგრძლივი პერიოდის განმავლობაში ვრჩებით“
access_time2020-01-27 12:40:08
 2018 წელს აზიის განვითარების ბანკმა (ADB) და ანაკლიის განვითარების კონსორციუმმა ურთიერთშეთანხმების მემორანდუმი გააფორმეს, რომელიც მიზნად ისახავდა საქართველოში ანაკლიის ღრმაწყლოვანი პორტისა და სპეციალური ეკონომიკური ზონის განვითარების შესაძლებლობების შესწავლასა და გამოვლენას. რამდენიმე დღის წინ „ანაკლიის განვითარების კონსორციუმთან“ ხელშეკრულება ოფიციალურად შეწყდა და პროექტის ბედი დღემდე...

მეგატექნიკა Samsung-ის ოფიციალური პარტნიორი გახდა!

მეგატექნიკა Samsung-ის ოფიციალური პარტნიორი გახდა!
access_time2020-01-27 09:54:23
2020 წლიდან, მეგატექნიკის მაღაზიათა ქსელში თქვენ შეძლებთ სამსუნგის ოფიციალურ ჰოლოგრამიანი სმარტფონების შეძენას. მაღაზიებში უკვე ხელმისაწვდომია სამსუნგის სარეცხი მანქანებიც, ეტაპობრივად კი სამსუნგის პროდუქტების სხვადასხვა კატეგორიებსაც შემოგთავაზებთ.  ქართველმა მომხმარებელმა უკვე კარგად იცის სამსუნგის ჰოლოგრამის მნიშვნელობა, თუმცა კიდევ ერთხელ...

როგორ ჩნდება ახალი ვირუსი და რა უნდა ვიცოდეთ გლობალური ეპიდემიების შესახებ

როგორ ჩნდება ახალი ვირუსი და რა უნდა ვიცოდეთ გლობალური ეპიდემიების შესახებ
access_time2020-01-26 20:00:26
ჩინეთსა და სამხრეთ-აღმოსავლეთ აზიაში კორონავირუსით გამოწვეული პნევმონიის შემთხვევები სულ უფრო იზრდება. საინტერესოა, რატომ წარმოიქმნება მუდმივად ახალ-ახალი ვირუსები? რატომ არ არსებობს უნივერსალური წამალი? მოსალოდნელია თუ არა ახალი გლობალური ეპიდემია?   როგორ წარმოიქმნება გლობალური ეპიდემია? გლობალურ ეპიდემიას ან პანდემიას უწოდებენ დაავადებას, რომელიც არა მხოლოდ ერთი ქვეყნის ან ქალაქის ფარგლებში ვრცელდება, არამედ მთელ მსოფლიოს მოიცავს და ამით ადამიანების...


მსგავსი სიახლეები

up