„შრომის კოდექსის ამ რედაქციით მიღება ბიზნესისთვის და ქვეყნისთვის დამანგრეველია, ამას  ევროკავშირი და ამერიკა არ ითხოვს  “

„შრომის კოდექსის ამ რედაქციით მიღება ბიზნესისთვის და ქვეყნისთვის დამანგრეველია, ამას ევროკავშირი და ამერიკა არ ითხოვს “

access_time2019-10-07 10:00:17

საქართველოს პარლამენტში განხილბა შრომის კოდექსში შესატანი ცვლილებების შესახებ მომზადებული კანონპროექტი, რომელის მიღების შემთხვევაში, კანონმდებლობა, რომელიც საქართველოს შრომის ბაზარს  სტრუქტურულად არეგულირებს  შეიცვლება. კანონპროექტის ავტორი, დეპუტატი დიმიტრი ცქიტიშვილია.



კანონპროექტში გათვალისწინებულია რიგი ახალი ფინანსური ვალდებულებები, რომელთა შესრულებაც ქვეყანაში მოქმედ დამსაქმებლებს მოუწევთ. მათ შორის დგინდება ერთიანი ლიმიტი თუ რა შეიძლება იყოს დასაქმებულის მიერ შესრულებული ზეგანაკვეთური სამუშაო (კვირაში 8 საათი), გათვალისწინებულია მინიმალური ხელფასის შესახებ კანონპროექტის მიღება და  ზეგანაკვეთური სამუშაოსთვის 25%-იანი დანამატი, ასევე დგინდება შეზღუდვა დასაქმებულის მიერ ერთდროულად ერთზე მეტ სამსახურში მუშაობაზე და სხვა ცვლილებები. 


„კომერსანტის“ მიერ გამოკითხული ბიზნესმენები  “შრომის კოდექსის“ ამ ცვლილებებს ემიჯნებიან და აცხადებენ, რომ მისი ამ რედაქციით მიღება  არ შეიძლება.


 

ბიზნესმენი, კომპანია „რედიქს ჯგუფის“ დამფუძნებელ ლაშა პაპაშვილის განმარტებით,  შრომის კოდექსის ამ რედაქციით მიღება ბიზნესისთვის და ქვეყნისთვის დამანგრეველია.

 

„რამდენიმე დღის წინ  შევხვდით ამერიკელებს, საქართველოს მთავრობას ისინი პირდაპირ სთხოვენ მიიღონ დასაქმების საკითხებში  რეგულაციები , მაგრამ ჩვენ ჩავუღრმავდით და ვნახეთ, რომ ერთ მხარეს ვართ ყველანი. უბრალოდ, ნაჩქარევად არ უნდა მივიღოთ გადაწყვეტილება. არავინ არ სთხოვს ქვეყანას ისეთ რამეს, რომ ბიზნესს დარტყმა მიაყენოს. კანონში თუ ნახავთ, ადამიანს კვირაში 40 საათზე მეტი მუშაობა ეკრძალება. ჩვენ არ ვართ ისეთ დალხენილ ქვეყანაში, რომ ადამიანმა მეორე ადგილზე არ იმუშაოს. ახალი საკანონდმებლო ბაზა კი ამას კრძალავს. ამის ასე ბრმად მიღება არ შეიძლება. ევროკავშირი და ამერიკა ამ სახით მიღებას არ ითხოვს, ჩვენ ეს გავარკვიეთ,“-აცხადებს პაპაშვილი.



ასევე პრობლემაა ზეგანაკვეთურ სამუშაოზე  25%-ის გადახდის ვალდებულება. ქვეყანაში ძალიან ბევრ ბიზნესს არ აქვს იმის საშუალება, რომ დასაქმებულს ამდენი თანხა უხადოს, ისინი უბრალოდ დაითხოვენ თანამშრომლებს და დასაქმების მაჩვენებელი შემცირდება. 


იგივე პოზიციაზეა კომპანია „ნატახტარის“  კორპორატიული  მენეჯერი ნიკოლოზ ხუნძაკიშვილიც, რომელიც იმედოვნებს, რომ ხელისუფლება ბიზნესის აზრს გაითვალისწინებს.


 „მაგალითად, მე პირადად სხვადასხვა საგანმანათლებლო ინსტიტუტში მიწევს ლექციების კითხვა. ამაში ანაზღაურებს არ ვიღებ, მაგრამ ჩემგან განსხვავებით, არიან ადამიანები, ვინც ორ ადგილზე, დამატებითი ანაზღაურების მიღების გამო მუშაობენ. ასეთ ადამიანს  ეს ყველაფერი კვირის განმავლობაში 48 საათზე მეტი გამოსდის. ცვლილებით, რა გამოდის, რომ  პრაქტიკულად უნდა შევზღუდოთ ასეთი ადამიანების შრომა?“-აცხადებს ხუნძაკიშვილი.  


მისივე განმარტებით, ასეთი ფორმით მიღების შემთხვევაში, ეს ყველაფერი ჩრდილოვან მხარეს გადაინაცვლებს.


 „მე მესმის, რომ არის ისეთი პროფესიები და სამსახურები, სადაც აბსოლუტურად დაცული უნდა იყოს, რომ არ მოხდეს ადამიანის გადაღლა, პრობლემა არ შეექმნას ადამიანის ჯანმრთელობას და მესამე პირის უსაფრთხოებას. მაგალითად, ავიადისპეჩერი, რა თქმა უნდა, არ უნდა ამუშაო ამაზე მეტი, რადგან მისმა გადაღლამ შეიძლება სერიოზული პრობლემა გამოიწვიოს. ბიბლიოთეკარი, ადმინისტრაციული მუშაკი რატომ უნდა შევზღუდოთ დროით? “-აცხადებს ხუნაკიშვილი.


მისი განცხადებით, 2019-2020 წლისთვის სამთავრობო პროგრამაში გაწერილია ის, რომ ყველა გადაწყვტილება მტკიცებულებებზე დაყრდნობით უნდა იყოს მიღებული. ამ კონკრეტულ შემთხვევაში სჭირდება რეგულირების ზეგავლენის შეფასება, გადაწყევტილება მხოლოდ ამის შემდეგ უნდა იქნას მიღებული.



სოფო ქსოვრელი








27 ნოემბერი - რეგიონში მხოლოდ ქართული ლარი გაუფასურდა

27 ნოემბერი - რეგიონში მხოლოდ ქართული ლარი გაუფასურდა
access_time2020-11-27 18:15:54
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3164 ლარი გახდა....

დღის Top 10 საინტერესო ამბავი

დღის Top 10 საინტერესო ამბავი
access_time2020-11-27 21:00:33
დღის Top 10 საინტერესო ამბავი: 1.„მარტში რესტორნების სასაფლაოს მივიღებთ, მათი 90% ვეღარ გაიხსნება“ - რესტორატორთა ასოციაცია მთავრობის გადაწყვეტილებით, 28 ნოემბერი - 31 იანვრის ჩათვლით რესტორნები და კვების ობიექტები მთლიანად გატანის სერვისზე გადადიან. „რესტორატორთა ასოციაციის” ხელმძღვანელი კოტე გაბრიჩიძე „კომერსანტთან“...

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ
access_time2020-11-27 16:15:35
თბილისში არსებული დიდი სავაჭრო ცენტრების ხელმძღვანელების განცხადებით, მთავრობის მიერ გამოცხადებულმა ე.წ. ლოკდაუნმა ისინი მწარე რეალობის წინაშე დააყენა, ყოველი დაკეტილი დღე 6 ცენტრისთვის 10 მილიონი ზარალია. თბილისში არსებული დიდი სავაჭრო ცენტრების წარმომადგენლები პრემიერმინისტრსა და ანტიკრიზისულ საბჭოს მიმართავენ. ეს სავაჭრო ცენტრებია: გალერეა თბილისი;თბილისი მოლი;ისთ ფოინთი;თბილისი ცენტრალი;ქარვასლა;სითი...

„ფინანსთა სამინისტროს აქილევსის ქუსლია დავების საბჭო, ის როგორც დამოუკიდებელი ინსტიტუტი არ არსებობს“ - პაატა შურღაია

„ფინანსთა სამინისტროს აქილევსის ქუსლია დავების საბჭო, ის როგორც დამოუკიდებელი ინსტიტუტი არ არსებობს“ - პაატა შურღაია
access_time2020-11-27 18:00:38
ცვლილებები საქართველოს საგასახადო კოდექსში - რას მოიცავს დღგ-ს რეფორმა და რამდენად გამარტივდება პროცედურები. რადიო კომერსანტის გადაცემაში „ჩემი აუდიტორი“ „გრანთ თორნთონის“ პარტნიორი პაატა შურღაია საუბრობს. „კარგი და მნიშვნელოვანი სიახლეა, ორი წელია უკვე გვესმის დღგ-ს ავტომატურად დაბრუნების რეჟიმის შესახებ. წინა ნაწილში საუბარი იყო ნაწილობრივი დაბრუნების შესახებ, ახლა კი სრულ დაბრუნებაზეა საუბარი. წესით მთლიანად დეფინიცია - დამატებითი...

ლევან დავითაშვილი - პურზე ფასი არ გაიზრდება

ლევან დავითაშვილი - პურზე ფასი არ გაიზრდება
access_time2020-11-27 14:45:22
საქართველოს მთავრობამ მიიღო გადაწყვეტილება პირველი ხარისხის ხორბლის ფქვილის სუბსიდირების შესახებ იმგვარად, რომ ჩვენ შევინარჩუნოთ ის ფასები, რომელიც პურის გაძვირებას თავიდან აგვაცილებს, - ამის შესახებ გარემოს დაცვისა და სოფლის მეურნეობის მინისტრმა ლევან დავითაშვილმა უწყებათაშორისი საკოორდინაციო საბჭოს სხდომის დასრულების შემდეგ, მთავრობის ადმინისტრაციაში გამართულ ბრიფინგზე განაცხადა. მინისტრის განმარტებით, პროგრამა მომავალი კვირიდან ამოქმედდება და 4 თვის განმავლობაში, 31...


მსგავსი სიახლეები

up