„შპს „კახური ტრადიციული მეღვინეობა“ საქართველოს ტურიზმის ეროვნულმა ადმინისტრაციამ პირდაპირი შესყიდვის გზით შპს „კახური ტრადიციული მეღვინეობას“ სასტუმროს საკარანტინო სივრცედ გამოყენების მიზნით 3 კონტრაქტი გაუფორმა, რომელთა ჯამური ღირებულება 252,183 ლარი იყო. 2020 წლამდე ამ კომპანიის მიერ სახელმწიფო შესყიდვებიდან მიღებული ყველაზე მსხვილი კონტრაქტი 29,000 ლარის ღირებულების იყო. 2012 წლიდან 2019 წლის ჩათვლით კომპანიას ჯამში 260,000 ლარამდე ღირებულების კონტრაქტები აქვს მიღებული“-ამის შესახებ „საერთაშორისო გამჭირვალობა საქართველოს“ კვლევაშია აღნიშნული.
„2016 და 2017 წლებში ამ კომპანიამ „ქართულ ოცნებას“ ჯამში 240,000 ლარი შესწირა. კომპანიის 100%-იანი წილის მფლობელმა და ამავე დროს დირექტორმა ზურაბ ჩხაიძემ 2018 წლის ოქტომბერში სალომე ზურაბიშვილს 60,000 ლარი შესწირა. ზურაბ ჩხაიძეს სახელისუფლებო პარტიისთვის ჯამში 300,000 ლარი აქვს შეწირული.
ზურაბ ჩხაიძე ასევე არის არასამეწარმეო იურიდიული პირის „ქართული ღვინო“-ს გამგეობის წევრი. „ქართულმა ღვინომ“ 2012-2020 წლებში პირდაპირი სახელმწიფო შესყიდვებით 2.5 მლნ
ლარამდე ჯამური ღირებულების 35 კონტრაქტი მიიღო“-ნათქვამია კვლევაში.