შოვი დამსვენებლებს წელსაც საბჭოთა ინფრასტრუქტურით ხვდება

შოვი დამსვენებლებს წელსაც საბჭოთა ინფრასტრუქტურით ხვდება

person access_time2016-06-22 09:55:37

"კომერსანტი" საქართველოში არსებული ცალკეული კურორტების ამჟამინდელი მდგომარეობის, განვითარების და პერსპექტივის შეფასებას განაგრძობს. ამჯერად დავინტერესდით რამდენად მიმზიდველია წელს ტურისტებისთვის ონის რაიონში მდებარე კურორტი შოვი და რა სიახლეები დახვდებათ მათ?

 

როგორც აღმოჩნდა, რაჭაში, ონის რაიონში მდებარე ბალნეოლოგიური კურორტი შოვი საბჭოთა პერიოდის შემდეგ არ განვითარებულა, თუმცა, კურორტი ადგილობრივების დახმარებით მაინც იღებს ტურისტებს.

 


ონის  მუნიციპალიტეტის გამგეობის ეკონომიკური განვითარების სამსახურის უფროსი დავით რაზმაძე „კომერსანტთან" განმარტავს, რომ ამ დროისთვის მიმდინარეობს შოვთან დამაკავშირებელი გზის სარეაბილიტაციო სამუშაოები, რომელიც 2017 წლის პირველ ნახევარში დასრულდება. სამუშაოები ჯამში 10 მილიონ ლარამდე ჯდება. რაზმაძე ამბობს, რომ ეკონომიკურ პროცესებს რეგიონში გზის სარეაბილიოტაციო სამუშაოების დასრულება უფრო გაააქტიურებს.

 

მისი განმარტებით, შოვში ძირითადად საბჭოთა პერიოდის ინფრასტრუქტურაა შემორჩენილი, არის ასევე ხის კოტეჯები, ამიტომ კურორტზე დასვენების ფასიც არსებული ინფრასტრუქტურის შესაბამისია. კოტეჯებში დასვენების ღირებულება 50 ლარია. მისი თქმით, მიუხედავად ამისა, შოვი ტურისტების ნაკლებობას მაინც არ უჩივის.

 

„კომერსანტის" კითხვაზე, აპირებს თუ არა ონის მუნიციპალიტეტი კურორტის განვითარებას და აქვთ თუ არა შესაბამისი სამოქმედო გეგმა, რაზმაძე განმარტავს, რომ მუნიციპალიტეტმა 1 წელზე მეტია კურორტის პოტენციალის და მისი გაფართოების სამუშაოები დაიწყო. კერძოდ, საპარტნიორო ფონდმა ამის შესახებ სპეციალური კვლევაც ჩაატარა. შესაბამისად, შოვის განვითარებით საპარტნიორო ფონდია დაინტერესებული. რაზმაძე ამბობს, რომ ფონდი შოვის განვითარებას სავარაუდოდ უახლოეს მომავალში დაიწყებს. მისივე ინფორმაციით, კურორტით სხვა მსხვილი ინვესტორები არ დაინტერესებულან.



შოვში არსებული გზების პრობლემებზე საუბრობს სასტუმრო „სანსეტ შოვის" ადმინისტრატორი მარიამ ქევხიშვილიც. მისი თქმით, მგზავრობის თვალსაზრისით გარკვეული პრობლემები არსებობს, რაც შესაძლოა ტურისტების მხრიდან შედარებით ნაკლები ინტერესის მიზეზი იყოს.


„მაგალითად, თბილისიდან შოვამდე მგზავრობას 6-7 საათი მაინც სჭირდება, ეს კი ტურისტებს პრობლემებს უქმნის. გარდა ამისა, ონიდან შოვამდე ჯერჯერობით კიდევ გასაკეთებელია გზა, შესაძლოა ტურისტებს ესეც აფერხებდეს"-აცხადებს ქევხიშვილი.


მისივე თქმით, მიუხედავად ამისა, წინა წლებში სასტუმრო სრული დატვირთვით მუშაობდა და წელსაც იგივე მოლოდინები აქვთ. კურორტზე სეზონი 13 ივნისიდან დაიწყო და ამ დროისთვის უკვე საკმაოდ დატვირთულია. არის ჯავშნებიც.


ქევხიშვილი ამბობს, რომ „სანსეტ შოვით" ძირითადად ქართველები ინტერესდებიან. უცხოელები კი ტურისტების მხოლოდ 20 პროცენტს შეადგენენ.

 

რაც შეეხება ფასებს, ივნისიდან „სანსეტ შოვში" დასვენება 60-270 დოლარის ფარგლებში მერყეობს. აღნიშნულ ფასში შედის 3-ჯერადი კვება, ასევე გართობა, ანიმატორის მომსახურება, მაგიდის ჩოგბურთი და ასე შემდეგ.


შოვამდე მისასვლელი გზის ამორტიზებაზე და ამ კუთხით არსებულ პრობლემებზე საუბრობს საოჯახო ტიპის სასტუმრო „რაჭას" აღმასრულებელი დირექტორი. მისი თქმით, მის სასტუმროს ამ დროისთვის არც ჯავშნები აქვს და არც დატვირთულია, თუმცა, სეზონს იმედით უყურებს და აცხადებს, რომ მიუხედავად პრობლემური გზისა, მათთან დამსვენებლები წელსაც ჩავლენ. მისი თქმით, როდესაც მოგვარდება გზის პრობლემა, შემდეგ უკვე ყველაფერი მოგვარებადი იქნება. 


კლიმატურ-ბალნეოლოგიური კურორტი შოვი რაჭაში, ონის რაიონში, თბილისიდან 380 კმ-ში, ზღვის დონიდან 1520 მეტრზე მდებარეობს.


შეგახსენებთ, საქართველოს პრემიერმინისტრმა გიორგი კვირიკაშვილმა ქვეყანაში ახალი კურორტების განვითარების აუცილებლობაზე მიმდინარე წლის მარტში ისაუბრა. მისი განცხადებით, ხელისუფლება მუშაობს 4-სეზონიანი კურორტების განვითარებაზე - იქმნება ახალი ინფრასტრუქტურა, როგორც მთის კურორტებზე, ისე მთელი საქართველოს მასშტაბით, მუშავდება ახალი ტურისტული პროდუქტები.



ქართული არხები ხვალიდან, შესაძლოა, ფასიანი გახდეს

ქართული არხები ხვალიდან, შესაძლოა, ფასიანი გახდეს
access_time2021-07-31 13:04:25
ხვალიდან, ქართული არხები შესაძლოა, საკაბელო ტელევიზიებისთვის ფასიანი გახდეს. აღნიშნულის შესახებ საკაბელო ტელევიზიების კავშირის მიერ გავრცელებულ განცხადებაშია აღნიშნული.   კავშირის ცნობით, 2021 წლის ივნისში მაუწყებლობის ტრანზიტზე ავტორიზებულმა პირებმა მიიღეს შპს “მედია რაითს ჯორჯიას“ წერილი, ტელეარხების - „იმედი“, „ჯიდიეს tv“, „რუსთავი 2“, „პოს tv“, „tv პირველი“, „ფორმულა“, „მთავარი არხის“ ფასიანი ტრანზიტის ხელშეკრულებების გაფორმების მოთხოვნით.   კერძოდ,...

საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს

AstraZeneca-ს ვაქცინების გაყიდვიდან მიღებული შემოსავლები 1,17 მილიარდ დოლარს, Pfizer-ის კი ათჯერ მეტს აღწევს
access_time2021-07-31 16:00:06
ბრიტანულ-შვედური ფარმაცევტული კომპანიის AstraZeneca-ს ვაქცინების გაყიდვებიდან მიღებულმა შემოსავლებმა 2021 წლის პირველ 6 თვეში 1,17 მილიარდი დოლარი შეადგინა. როგორც ანგარიშში ვკითხულობთ, ვაქცინების გაყიდვები მეორე კვარტალში მოსალოდნელზე მეტი აღმოჩნდა და 894 მილიონი დოლარი შეადგინა.   როგორც დოკუმენტშია აღნიშნული, კომპანიამ და მისმა პარტნიორებმა მიმდინარე წლის 6 თვეში 700 მილიონი დოზა ვაქცინის რეალიზება მოახდინეს მსოფლიოს 170 ქვეყანაში, მათ შორის 80 მილიონი დოზა...

იანვარ-ივნისში სამშენებლო ნებართვების რაოდენობა 4400-მდე გაიზარდა

იანვარ-ივნისში სამშენებლო ნებართვების რაოდენობა 4400-მდე გაიზარდა
access_time2021-07-31 14:00:49
ოფიციალური დეკლარირებული მონაცემებით, საქართველოში 2021 წლის იანვარ-ივნისში შენობა-ნაგებობის მშენებლობაზე 4400 ნებართვა გაიცა, რაც წინა წლის შესაბამის პერიოდთან შედარებით 5,5-ით მეტია.   საერთო ჯამში, ნებართვა გაიცა 2955,0 ათასი კვ.მ ფართზე. ეს მაჩვენებელი წინა წელს 14,7%-ით უსწრებს.   აღსანიშნავია, რომ ნებართვების 71,8% მოდის ქვეყნის 4 რეგიონზე. კერძოდ, ჩასატარებელი სამშენებლო სამუშაოების 47,3%- ქ. თბილისზე, 9% - ქვემო ქართლის რეგიონზე, 8,6% - იმერეთის...


მსგავსი სიახლეები

up