„შიშის ფაქტორი“ თუ „ბაზრის მოწესრიგება“ – რა შეცვალა კონკურენციის სააგენტომ ქართულ ბიზნესში?

„შიშის ფაქტორი“ თუ „ბაზრის მოწესრიგება“ – რა შეცვალა კონკურენციის სააგენტომ ქართულ ბიზნესში?

person access_time2016-07-22 16:00:10

2012 წელს „ქართული ოცნების" ერთ-ერთი მთავარი წინასაარჩევნო დაპირება ანტიმონოპოლიური კანონმდებლობის შექმნა, მისი აღსრულების მიზნით შესაბამისი ორგანოს ჩამოყალიბება და ამ მიმართულებით პროცესის გამჭვირვალობა იყო. ხელისუფლებაში მოსვლამდე „ქართული ოცნების" არაერთი წარმომადგენელი აცხადებდა, რომ ბიზნესში საკმაოდ მწვავე პრობლემად იდგა მონოპოლიებისა და კარტელური გარიგების საკითხები, რაც თავისუფალ კონკურენციას კითხვის ნიშნის ქვეშ აყენებდა. შედეგად, ვიღებდით გაზრდილ ფასებს საწვავზე, ელექტროენერგიაზე, მედიკამენტებზე, ხორბალზე და სხვა პროდუქტებზე.


„ქართული ოცნების" მთავრობამ 2014 წელს კონკურენციის სააგენტო შექმნა. „კომერსანტი" დაინტერესდა რა შეცვალა ბაზარზე კონკურენციის სააგენტოს მუშაობამ და რეალურად, შესრულდა თუ არა „ქართული ოცნების" დაპირება განსაკუთრებით მას შემდეგ, რაც სააგენტომ ერთერთი ყველაზე მასშტაბური ბაზრის კვლევა დაასრულა და ნავთობკომპანიებს დარღვევებისთვის უპრეცედენტო ჯარიმები დააკისრა.


კონკურენციის სააგენტოს მუშაობას ნავთობპროდუქტების ბიზნესისთვის ხელისშემშლელ უწყებად აფასებს „ვისოლ ჯგუფის" სამეთვალყურეო საბჭოს თავმჯდომარის მოადგილე ვასილ ხორავა. მისი თქმით, სააგენტოს გადაწყვეტილება (იგულისხმება ნავთობკომპანიების დაჯარიმება) და მისი ამ ფორმით არსებობა საზიანოა.


„მათ დაუსაბუთებელი დასკვნების საფუძველზე მიიღეს დაჯარიმების გადაწყვეტილება, რითიც ყველა ნავთობკომპანიას რეპუტაციული პრობლემა შეუქმნეს. სამომავლოდ კი ეს კომპანიებზე ძალიან ცუდად იმოქმედებს. რატომ ვეძებთ დამნაშავეს, არ ვიცი. ასეთ დაუფიქრებელ გადაწყვეტილებას შეუძლია მთლიანად ინდუსტრია გააჩეროს. მე ბიზნესი ვარ და ვერ ვიტყვი და ვერ ვიგულისხმებ ამ გადაწყვეტილების ლეიტმოტივი რა იყო,"-აცხადებს ხორავა.

მისი თქმით, ზოგადად, კონკურენციის სააგენტო ქვეყანაში აუცილებლად უნდა არსებობდეს, რადგან ეს არის ერთგვარი დაცვა, რათა ბაზარზე არ მოხდეს რომელიმე კომპანიის ისე გამსხვილება, რომ მისი წილი 50 პროცენტს აღემატებოდეს. ხორავას თქმით, სტრუქტურა უნდა არსებობდეს, თუმცა იმ მეთოდოლოგიით და პრინციპით არა, როგორც ახლა არსებობს.



ფარმაცევტული კომპანია „პე ეს პეს" დამფუძნებელი კახა ოქრიაშვილიც აცხადებს, რომ ქვეყანაში კონკურენციის სააგენტოს არსებობა აუცილებელია. თუმცა, ის არ უნდა იქცეს ბიზნესისთვის დამატებითი შიშის შექმნის ფაქტორად. ოქრიაშვილის განცხადებით, ეს რომ ასე არ მოხდეს, უწყება ორიენტირებული უნდა იყოს პრევენციაზე. კერძოდ, შეისწავლოს და დამრღვევ კომპანიას გაფრთხილება და გამოსასწორებლად ვადა მისცეს. თუ კომპანია ამას არ გაითვალისწინებს, შემდეგ დააჯარიმოს. ოქრიაშვილი ამბობს, რომ უწყების ამ ფორმით არსებობა კარგი იქნებოდა.


როგორც ოქრიაშვილი ამბობს, კონკურენციის სააგენტოს მიერ ნავთობკომპანიების დაჯარიმება აბსოლუტურად ყველა დარგის მხრიდან აღქმული იყო, როგორც ბიზნესისთვის დამატებითი რისკი, რაც მიუღებელია.

 

„ჩემთვის მისაღები იქნებოდა კონკურენციის სააგენტოს მიერ შესწავლილი ყოფილიყო დარგი და თუ იქ გარიგებები მართლაც არსებობდა, ეს ფაქტორი მოეხსნა – გაეფრთხილებინა და თუ იგივეს გაიმეორებდა კომპანია, შემდეგ დაეჯარიმებინა. მიდგომა არ მომწონს. „შევისწავლე-გაგაფრთხილე, ვერ გაიგე-დაგაჯარიმე“ –ასეთი მიდგომა უნდა იყოს. მსმენია, რომ ესტონეთში კონკურენციის სააგენტო დიდი ხანია არსებობს და ჯერ არავინ არ დაუჯარიმებიათ, თუმცა, მუდმივად ხდება ბაზრების შესწავლა"-აცხადებს ოქრიაშვილი.

კონკურენციის სააგენტოს მუშაობას დადებითად აფასებს „ხორბლისა და პურ - პროდუქტების მწარმოებელთა ასოციაციის" ხელმძღვანელი ლევან სილაგავა. მისი თქმით, შექმნის დღიდან დღემდე მათ გარკვეული დადებითი სამუშაოები გასწიეს. როგორც სილაგავა განმარტავს. ხორბლისა და პურ-პროდუქტების ბაზარზე არსებული მონოპოლიური ვითარება კონკურენციის სააგენტოს დასკვნის გამოქვეყნებამდე გამოსწორდა, თუმცა, მათ გარკვეული რეკომენდაციაც შეიმუშავეს.


„ჩვენ მათ მივმართეთ, რომ დაემტკიცებინათ კონკრეტული კომპანიის მონოპოლიური მდგომარეობა. ეს არ დამტკიცდა. საქმე ეხებოდა კომპანია „კარმენს". კონკურენციის სააგენტოს დასკვნით, ამ კომპანიას საბაზრო ძალა ჰქონდა იმისი, რომ მონოპოლისტი გამხდარიყო, თუმცა მას ეს ბოროტად არ გამოუყენებია. დასკვნა ერთგვარად შუალედური იყო, თუმცა ამან გამოიწვია ის, რომ დღეს ბაზარზე ასე თუ ისე მოწესრიგებულია სიტუაცია, ვგულისხმობ ჩვენს სფეროს"-აცხადებს სილაგავა.


მისი თქმით, თუ უწყება დამოუკიდებელი ერთეული იქნება და არა ისე, როგორც დღეს, ხელისუფლებასთან „მიბმული“, უფრო მისაღები იქნება.


კონკურენციის სააგენტოს" მიერ შესწავლილი საქმეებიდან ყველაზე ხმაურიანი ნავთობიმპორტიორთა „ქეისია“: 2015 წლის ზაფხულში, სააგენტომ ნავთობპროდუქტების ქართული ბაზრის ხუთი უმსხვილესი მოთამაშე კონკურენციის კანონის დარღვევის მიზეზით ჯამში 55 მილიონამდე ლარით დააჯარიმა, რაც დარგმა სასამართლოში გაასაჩივრა. დღეს ნავთობკომპანიების საქმეს სასამართლო განიხილავს.


შეგახსენებთ, კონკურენციის სააგენტო 2014 წლის ოქტომბრიდან ამოქმედდა. სააგენტო არის დამოუკიდებელი საჯარო სამართლის იურიდიული პირი, რომელსაც ხელმძღვანელობს საქართველოს პრემიერ - მინისტრის მიერ დანიშნული თავმჯდომარე. სააგენტო ანგარიშვალდებულია საქართველოს პრემიერ-მინისტრისა და საზოგადოების წინაშე. შექმნიდან დღემდე, სააგენტომ რამდენიმე კვლევის შედეგი დადო, მათ შორისაა ნავთოპროდუქტების, ყავის და ფქვილის ბაზრებთან. ასევე გადამზიდავ კომპანიასთან დაკავშირებით.

 



გერმანიის მიმართულებით ავიაბილეთები ძვირდება – ​Ryanair-მა მგზავრები უკვე გააფრთხილა

გერმანიის მიმართულებით ავიაბილეთები ძვირდება – ​Ryanair-მა მგზავრები უკვე გააფრთხილა
access_time2019-12-11 19:30:09
“ლოუკოსტერი” Ryanair-ი იმ მგზავრებს, რომელთაც 2020 წლის 1-ელი აპრილის შემდეგ გერმანიის აეროპორტებში ფრენებზე ქონდათ ავიაბილეთები შეძენილი საავიაციო გადასახადის ზრდის შესახებ აფრთხილებს. ავიაკომპანია ასეთ მგზავრებს განუმარტავს, რომ საავიაციო გადასახადის ზრდის გამო, შეძენილი ავიაბილეთის ღირებულებას თანხა დაამატონ, ან დაიბრუნონ ბილეთებში გადახდილი თანხა, ჯარიმის გარეშე.მგზავრებმა გადაწყვეტილება 18 დეკემბრამდე უნდა...

ბანკების მიმართ პრეტენზიები 129%-ით გაიზარდა - რას ედავება მომხმარებელი საფინანსო სექტორს

ბანკების მიმართ პრეტენზიები 129%-ით გაიზარდა - რას ედავება მომხმარებელი საფინანსო სექტორს
access_time2019-12-11 17:30:09
2019 წლის 10 თვეში კომერციულ ბანკებში მომხმარებლების მიერ დაფიქსირებული პრეტენზიების რაოდენობამ 11 101 შეადგინა, რაც წინა წლის ანალოგიურ პერიოდთან (4 842) შედარებით 129%-ით...

„ლაღიძის წყლების შენობაში 5 მილიონს არავინ გადაიხდის“

„ლაღიძის წყლების შენობაში  5 მილიონს არავინ გადაიხდის“
access_time2019-12-11 16:20:50
„ლაღიძის წყლების“ ისტორიულ ადგილზე - რუსთაველის 24-ში,  აღდგენის სურვილი საქართველოს ყოფილმა პრემიერ-მინისტრმა გიორგი კვირიკაშვილმა გამოთქვა და   შესაბამისი დავალება თბილისის მერს, კახა კალაძეს მისცა. “ლაღიძის წყლების” ყოფილი შენობის გამოსყიდვა მერიას მიზანშეწონიდალად არ მიაჩნია. გამოსყიდვის ღირებულება 5 მილიონი ამერიკული დოლარია,“ -ასე ეხმაურება მერია ლაღიძის წყლების შენობის გამოსყიდვის ამბავს....

ანაკლიის პორტის აშენების ალტერნატივები არსებობს

ანაკლიის პორტის აშენების ალტერნატივები არსებობს
access_time2019-12-11 15:12:59
რეგიონული განვითარებისა და ინფრასტრუქტურის სამინისტროს დაქვემდებარებაში არსებული, სსიპ „ანაკლიის ღრმაწყლოვანი ნავსადგურის განვითარების სააგენტოს“ ხელმძღვანელი დავით ჯავახაძე აცხადებს, რომ ანაკლიის პორტის აშენების ალტერნატივები არსებობს, თუმცა სახელმწიფო “ანაკლიის განვითარების კონსორციუმთან” არსებულ ხელშეკრულებაზეა კონცენტრირებული. “ინტერპრესნიუსის” კითხვაზე, თუ სახელმწიფო “ანაკლიის განვითარების კონსორციუმთან” ხელშეკრულებას შეწყვეტს, როგორ გეგმავს...

პრეცედენტული გადაწყვეტილება–ლისის ტბაში წყალი ბიზნესმენ რამაზ ახვლედიანს ეკუთვნის, სანაპირო/მიმდებარე ტერიტორია–მამუკა ხაზარაძის კომპანიებს

პრეცედენტული გადაწყვეტილება–ლისის ტბაში წყალი ბიზნესმენ რამაზ ახვლედიანს ეკუთვნის, სანაპირო/მიმდებარე ტერიტორია–მამუკა ხაზარაძის კომპანიებს
access_time2019-12-11 18:30:41
„საქართველოს უზენაესი სასამართლოს გადაწყვეტილება პრეცედენტული, ისტორიული და ჭეშმარიტად სამართლიანობის აღდგენის აქტია. საერთო სასამართლოების სისტემაში, წინამდებარე დავა პირველი შემთხვევაა და სასამართლოს განმარტებები მნიშვნელოვნად ხელს შეუწყობს ერთგვაროვანი პრაქტიკის დამკვიდრებას. კანონმა ლიცენზიის სახეობა გააუქმა, სახელმწიფომ კანონის მოთხოვნამდე წარმოშობილი სამართალ-ურთიერთობა არ ცნო, სასამართლოს კანონიერ ძალაში შესული გადაწყვეტილებით კი, დღეს უპირობოდ იქნა...


მსგავსი სიახლეები

up