შიდა ტურიზმზე კონცენტრირება სექტორს ვერ გადაარჩენს – ტურისტული კომპანიები ფრენების აღდგენას მოითხოვენ

შიდა ტურიზმზე კონცენტრირება სექტორს ვერ გადაარჩენს – ტურისტული კომპანიები ფრენების აღდგენას მოითხოვენ

access_time2020-08-20 10:00:58

„ფრენების მორიგი გადადება, ესაა პატარა კომპანიების გაკოტრება, გამორიცხულია ვინმემ ამ ხნით გაჩერებას გაუძლოს. შიდა ტურიზმზე რისთვის უნდა ვკონცენტრირდეთ, რომ ქართველებში ლარი მოვიგოთ?  ქართველებს  რა უნდა  მივყიდოთ და რა ფასად, ხედავთ ალბათ  რაც  ღირს  ქართული  ტურები,“ -ამის შესახებ „კომერსანტს“ ტურისტული კომპანია „ინტერკო თრეველის გენერალურმა მენეჯერმა ნინო მახვილაძემ განუცხადა.


როგორც ცნობილია, საქართველოს საავიაციო სივრცის გახსნა 1 ოქტომბრამდე არ იგეგმება, ამ ყველაფრის ფონზე ტურისტებზე მიმბული ბიზნესები და საზოგადოება სოციალური ქსელის მეშვეობით ღიად გამოხატავენ აღშფოთებას. ამას მოწმობს, ორი დღის წინ  flightradar-ის რუკაზე გამოსახული საქართველოს ცარიელი საჰაერო ზონა მაშინ, როდესაც დანარჩენი მსოფლიო აქტიურად ახორციელებს რეგულარულ ფრენებს. გარდა ამისა, ტურისტული კომპანიებისთვის მოლოდინისა და გეგმების მუდმივი გადავადების რეჟიმი უფრო რთული აღმოჩნდა. როგორც „კომერსანტს“ რამდენიმე  კომპანიამ განუცხადა, ისინი ბიზნესმიმართულების შეცვლას ფიქრობენ და მოლოდინიც კი არ აქვთ, რომ 1 ოქტომბერსაც აღდგება რეგულარული ფრენები.

 

„ქართველების  გაყვანა ქვეყნიდან ისედაც ცალკე  პრობლემაა იმიტომ, რომ დაბრუნებისას კარანტინში უნდა იყვნენ. ამიტომაც ყველა ავიაკომპანია  არ  დაეთანხმება იმას,  რომ იფრინონ ჩვენთან  ერთად .  სასაცილოა, როცა ამბობენ, რომ ტურისტები შეინიშნებაო.


ფრენების  აღდგენა უნდა მოხდეს უსწრაფესად,  რასაც სახელმწიფო არ აკეთებს. ფრენის გარეშე არ არსებობს  ტურიზმი, ტურიზმზე  მიბმულია ბიზნესის 80 პროცენტი - რესტორანი, კლუბი,  გართობა.  დღეს და უახლოეს მომავალში ჩათვალეთ, რომ ტურიზმში  არაფერი მოხდება. ავიაციის გარეშე ვერ ვიტყვით,  რომ ვინმე ამ სფეროში მოღვაწეობს,  უკვე სხვა ბიზნესებზე ვფიქრობთ,“ განმარტავს „ინტერკო თრეველის“ გენერალური მენეჯერი ნინო მახვილაძე.


„ფრენების მორიგი გადადება იგივეა რაც ადამიანს განგრენის საშიშროების გამო ფეხი მოაჭრან. მთელი  რეგიონის დახურვა გამკლავებას არ ნიშნავს, მერე იტყვიან პანდემიას კარგად  გავუმკლავდითო. გამკლავება იქნება თუ ყველას ჩაკეტავ, ციხეში ჩასვამ და საჭმელი სასმელი და შემოსავალი არ ექნებათ, მაგრამ Covid 19 არ მოკლავს,“ - ასე აფასებს მიმდინარე პროცესებს  „კავკასუს თრეველის“ დამფუძნებელი საბა კიკნაძე.



მისი თქმით, კომპანიებს მოლოდინი ჰქონდათ, რომ გაკრვეულ აქტივობებს სექტემბრიდან დაიწყებდნენ და წლის ბოლომდე სექტორში 10 პროცენტიანი ბრუნვა მაინც იქნებოდა , თუმცა ამ ეტაპზე ეს მოლოდინები და აქტივობები განუსაზღვრელი ვადით გადაიდო.


„ტურისტულებმა რა დახმარებაც არ უნდა მოვითხოვოთ, არარეალისტურად მიგვაჩნია, რადგან მთავრობა ახლა ვერანაირ  დასუბსიდირებას ვერ მოახერხებს, არ  გააკეთებს. მთავრობა მთლიანად არჩევნების  უზრუნველყოფაზეა გადასული და არჩევნების დროს ლამაზად გამოსვლაზე ფიქრობენ. ამისთვის კი მზად არიან, რომ ყველაფერი ჩაკეტონ, ოღონდ თქვან,  რომ Covid 19- ს კარგად გაუმკლავდნენ. ჩვენ კი, რა პირით უნდა ვთხოვთ მათ, რომ აბსოლუტურად გაღატაკებულ და შიმშილის  პირას მყოფ ხალხზე  წინ ბიზნესი დააყენოს.


ხალხი და ტურისტული კომპანიები ოქტომბრის აქტივობებსაც გეგმავდა, ხლა ოქტომბერიც აღარ გამოვა, რადგან არავინ ჩამოვა. მანამდე კი სექტემბერიც დაგეგმილი ჰქონდათ- განმარტავს საბა კიკნაძე.


როგორც ცნობილია, ტურიზმის ამოქმედების ანტიკრიზისული გეგმის მიხედვით, უსაფრთხო დერეფნების შესაბამისად, საჰაერო მიმოსვლის და საერთაშორისო ტურიზმის გახსნა მთავრობის მიერ, 1-ელი ივლისიდან დაანონსდა. გაწერილი გეგმის თანახმად, ავიამომოსვლის აღდგენა უნდა მომხდარიყო ეტაპობრივად.


თუმცა, საბოლოოდ საქართველომ რეგულარულ ფრენებზე დაშვება უკვე მეექვსედ, 1-ელ ოქტომბრამდე გადაავადა.

 

მარიამ მორგოშია

 





20 ოქტომბერი - რეგიონში ქართული ლარი და სომხური დრამი გაუფასურდა

20 ოქტომბერი - რეგიონში ქართული ლარი და სომხური დრამი გაუფასურდა
access_time2020-10-20 18:15:11
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 20 ოქტომბრის ვაჭრობის შედეგად, ქართული ლარის კურსი გაუფასურდა და ერთი აშშ დოლარის ღირებულებამ 3.2222 ლარი შეადგინა. ქართული ლარის...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-20 21:30:45
დღის Top 10 საინტერესო ამბავი: 1. როგორ უნდა მოიქცეთ, თუ Covid-19 დაგიდასტურდათ - ამერიკაში მოღვაწე ქართველი ექიმების რჩევები როგორ უნდა მოიქცეს ადამიანი, თუ მას კორონავირუსის სიმპტომები გამოუვლინდა? როდის უნდა მიმართოს სიმპტომიანმა ოჯახის ექიმს და როდის გადაუდებელი დახმარების ცენტრს? საჭიროა თუ არა მედიკამენტოზური მკურნალობა? ...

მსხვილი სასტუმრო ქსელები დისტანციურად მომუშავეთა მოზიდვას ცდილობენ

მსხვილი სასტუმრო ქსელები დისტანციურად მომუშავეთა მოზიდვას ცდილობენ
access_time2020-10-20 20:45:26
მსხვილი სასტუმრო ქსელები, ისეთები, როგორც InterContinental Hotels Group, Marriott დ Accor-ი ახალი სისტემის - გამოწერის -  ამუშავებას გეგმავენ იმისთვის, რომ დისტანციურად მომუშავეებმა მოგზაურობა და სხვადასხვა ქალაქებში ერთი და იგივე ქსელის სასტუმროებში ცხოვრება შეძლონ.   მაგალითად, სექტემბერში ტურისტულმა ჯგუფმა Inspirato-მ განაცხადა, რომ მთლიანად გამოწერაზე  გადავიდა და აქცენტს სწორედ ამ სერვისზე გააკეთებს. ქსელის კლიენტები შტატებში,...

Bloomberg: ჩინეთის ეკონომიკა ზრდის კრიზისამდელ მაჩვენებელს უახლოვდება

Bloomberg:  ჩინეთის ეკონომიკა ზრდის კრიზისამდელ მაჩვენებელს უახლოვდება
access_time2020-10-20 19:00:20
2020 წლის დასაწყისიდან პირველი 6 თვის ვარდნის შემდეგ ჩინეთის ეკონომიკა 0,7%-ით გაიზარდა.   ჩინეთი შესაძლოა მსოფლიოში ერთადერთი ქვეყანა გახდეს, რომლის ეკონომიკაც წელს გაიზრდება და ამას საფუძვლად კორონავირუსის აგრესიული შეკავება დაედება.   2020 წლის მე-3 კვარტალში ჩინეთის ეკონომიკა 2019 წლის ანალოგიური პერიოდთან შედარებით 4,9%-ით გაიზარდა, წლიურ ჭრილში კი 0,9%. შესაძლოა ეს რიცხვები მოკრძალებულად მოგეჩვენოთ, თუმცა, საუბარია ზრდაზე იმ დროს, როდესაც...

„ბასტი ბუბუ“ დახურვის პირასაა - პანდემიის გამო, სტუდიას 120 000 ლარის დავალიანება დაუგროვდა

„ბასტი ბუბუ“ დახურვის პირასაა - პანდემიის გამო, სტუდიას 120 000 ლარის დავალიანება დაუგროვდა
access_time2020-10-20 17:25:36
„უკვე მერვე თვეა „ბასტი ბუბუს“ არც ერთი თანამშრომელი ხელფასს არ იღებს - „ბასტი ბუბუ“ დგას დახურვის პირას, სიკვდილ-სიცოცხლის ზღვარზეა“,- ამის შესახებ რადიო „პალიტრისა“ და „პალიტრანიუსის“ გადაცემაში „საქმე“ საბავშვო სტუდია „ბასტი ბუბუს“ დირექტორმა პაატა ამონაშვილმა განაცხადა.   მისი თქმით, პანდემიის გამო, სტუდიას დაგროვილი აქვს 120 000 ლარის დავალიანება, რომლის გადახდაც გაჩერებული მუშაობის პირობებში ვერ ხერხდება. ამას კი, ღონისძიებების გაურკვეველი დროით აკრძალვაც...


მსგავსი სიახლეები

up