შიდა ქართლში, საოკუპაციო ხაზის მიმდებარე სოფლებში, სტიქიისგან დაზარალებული ფერმერები დახმარებას იღებენ

შიდა ქართლში, საოკუპაციო ხაზის მიმდებარე სოფლებში, სტიქიისგან დაზარალებული ფერმერები დახმარებას იღებენ

access_time2019-08-10 11:09:00

გარემოს დაცვისა და სოფლის მეურნეობის სამინისტროს, USAID-ის პროექტს „ზრდა საქართვლოში“ და შიდა ქართლის რეგიონის სახელმწიფო რწმუნებულის ადმინისტრაციას შორის გაფორმებული ურთიერთგაგების მემორანდუმის ფარგლებში, გამყოფი ხაზის მიმდებარე სოფლების სტიქიისგან დაზარალებული ფერმერები დახმარებას იღებენ.



მიმდინარე წლის მაისის ბოლოს, შიდა ქართლში, ძლიერი სეტყვის შედეგად, საგანგებო ვითარება შეიქმნა. მოსახლეობის უდიდეს ნაწილს მოსავალი სრულად გაუნადგურდა.



აღნიშნულ რთულ ვითარებაში, ქართულმა მხარემ მხარდაჭერა აშშ-ის მთავრობის მხრიდან მიიღო. საერთაშორისო განვითარების სააგენტოს (USAID) პროექტის „ზრდა“ ფარგლებში, გორისა და ქარელის მოსახლეობა სასოფლო-სამეურნეო საქმიანობის განახლებას შეძლებს.



36 სოფელში, 8,500-ზე მეტ ფერმერს დაურიგდებათ საბანკო ბარათები, სადაც დარიცხული თანხა ქულების სახით აისახება; თანხის ფულად განაღდება შეუძლებელია.



დაზარალებული ფერმერები დახმარებას იღებენ მაქსიმუმ 5 ჰექტარის ოდენობაზე. ბარათზე დასარიცხი თანხის დაანგარიშება მოხდება ჰექტრების პროპორციულად: 0.5 ჰა-ჩათვლით - 225 ლარი, 0.5 ჰა-დან 5-ჰას ჩათვლით - 450 ლარი.




ბარათით სარგებლობა შესაძლებელია გორისა და ქარელის მუნიციპალიტეტების განსაზღვრულ მაღაზიებში, რომელთა ჩამონათვალს ფერმერები საბანკო ბარათებთან ერთად იღებენ.


აღნიშნულ მაღაზიებში ფერმერებს შესაძლებლობა აქვთ, შეიძინონ სათესლე, საჩითილე და სანერგე მასალები, ასევე მცენარეთა მოვლის და დაცვის საშუალებები, რომლებიც დარეგისტრირებულია და ნებადართულია საქართველოს ტერიტორიაზე და ასევე აკმაყოფილებს ამერიკის მთავრობის მიერ დადგენილ უსაფრთხოების ნორმებს.
ამავე ბარათზე დარიცხული ქულებით ფერმერებს შეუძლიათ მიიღონ სამელიორაციო მომსახურებაც.



დამატებითი ინფორმაციისათვის, მიმართეთ ადგილობრივ გამგეობებს და ა(ა)იპ „სოფლის და სოფლის მეურნეობის განვითარების სააგენტოს“ რეგიონული სამსახურების ოფისებს.


(R)




ლარი გამყარდა - 1 აშშ დოლარის ოფიციალური ღირებულება 2.8422 ლარი გახდა

ლარი გამყარდა - 1 აშშ დოლარის ოფიციალური ღირებულება 2.8422 ლარი გახდა
access_time2020-02-19 17:05:52
1 აშშ დოლარის ოფიციალური ღირებულება 2.8422 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.8422 ლარი შეადგინა. კურსი, რომელიც დღეს მოქმედებდა, 2.8631 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0209 ლარი შეადგინა. რაც შეეხება ევროს, მისი კურსი 3.0701 ლარია. მაშინ, როცა დღეს მოქმედი კურსი 3.1010 ლარს შეადგენდა. შესაბამისად, ევროს ცვლილებამ 0.0309...

TODINI COSTRUZIONI GENERALI S.p.A-კომპანია, რომელსაც გზების დეპარტამენტმა ნაკისრი ვალდებულებების შეუსრულებლობის გამო ხელშეკრულება მეორედ შეუწყვიტა

TODINI COSTRUZIONI GENERALI S.p.A-კომპანია, რომელსაც გზების დეპარტამენტმა ნაკისრი ვალდებულებების შეუსრულებლობის გამო ხელშეკრულება მეორედ შეუწყვიტა
access_time2020-02-19 17:00:28
საავტომობილო გზების დეპარტამენტმა ნაკისრი ვალდებულებების შეუსრულებლობის გამო უცხოურ კომპანია TODINI COSTRUZIONI GENERALI S.p.A.-სთან ხელშეკრულება მეორედ გაწყვიტა. თავდაპირველად მაშინ, როდესაც კომპანიამ სამტრედია-გრიგოლეთის მესამე ლოტზე სამუშაოები არაჯეროვნად შეასრულა და მეორედ ახლა, როდესაც ხულო-ზარზმის გზის 2 მონაკვეთს რეაბილიტაცია-რეკონსტრუქცია ვერ ჩაუტარა. არადა, TODINI COSTRUZIONI GENERALI S.p.A-სთან ხულო-ზარზმის გზის მშენებლობაზე 110-მილიონიანი ხელშეკრულება მაშინ...

დღის Top-10 საინტერესო ამბავი

დღის Top-10 საინტერესო ამბავი
access_time2020-02-19 21:30:46
დღის Top-10 საინტერესო ამბავი 1.„საქართველოში რამდენიმე წამყვანი ბანკია, რომლებიც გაცილებით დიდ პორტფელს ფლობენ ვიდრე „ფინკა“ და „კრისტალი“ ერთად, ამიტომ კონკურენციას ვერ...

მიხაილ ხოდორკოვსკი: კრემლმა სასამართლო წააგო

მიხაილ ხოდორკოვსკი: კრემლმა  სასამართლო წააგო
access_time2020-02-19 19:30:28
„კრემლმა წააგო სასამართლო „იუკოსის“ აქციონერებთან. სწორედ კრემლმა და არა რუსეთმა“  -წერს   Twitter-გვერდზე კომპანიის ყოფილი დამფუძნებელი მიხაილ ხოდორკოვსკი.მისი თქმით, ჯერ კიდეც 2005 წელს, ციხეში ყოფნის დროს, მან  თავისი წილები „იუკოსში“ მის პარტნიორს, ლეონიდ ნევზლინს გადასცა, შესაბამისად, მას  ამ საკითხში არავითარი პირადი ფინანსური დაინტერესება არ გააჩნია.   სასამართლოს გადაწყვეტილების გამოცხადების შემდეგ, ნევზლინმა განაცხადა,...

„მარცვლეულის წარმოების განვითარებას საბიუჯეტო რესურსები არ ჰყოფნის“

„მარცვლეულის წარმოების განვითარებას  საბიუჯეტო რესურსები  არ ჰყოფნის“
access_time2020-02-19 16:00:47
მარცვლეულის წარმოების მხრივ ქვეყანაში სერიოზული პრობლემებია. გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი ამბობს, რომ მარცვლეულის წარმოება არის სექტორი, რომელიც სახელმწიფოსგან სათანადო მხარდაჭერას ვერ იღებს. ამ მიმართულების განსავითარებლად სამინისტროს შემუშავებული აქვს შესაბამისი პროექტები, თუმცა საბიუჯეტო რესურსები ყოველთვის საკმარისი არ არის. “ჩვენ ყოველწლიურად დაახლოებით, 50-55 000 ჰექტარი ქერისა და ხორბლის ნათესი ფართობი...


მსგავსი სიახლეები

up