შეთანხმების ბოროტად გამოყენება; ურთიერთშეთანხმების პროცედურები; ანგარიშგების რეპორტები - ვალდებულებები, რომელიც საქართველომ უნდა შეასრულოს

შეთანხმების ბოროტად გამოყენება; ურთიერთშეთანხმების პროცედურები; ანგარიშგების რეპორტები - ვალდებულებები, რომელიც საქართველომ უნდა შეასრულოს

access_time2018-11-09 12:00:05


რადიო „კომერსანტისა“ და აუდიტორული და ბიზნეს საკონსულტაციო კომპანია „გრანთ თორნთონის“ ერთობლივ პროექტში, გადაცემაში „ჩემი აუდიტორი“, საქართველოში, საერთაშორისო დაბეგვრის საკანონმდებლო ნორმების შესახებ ისაუბრეს. გადაცემის წამყვანის, „გრანთ თორნთონის“ ბიზნეს პროცესების აუთსორსინგის განყოფილების ხელმძღვანელის, პაატა შურღაიას კითხვებს, ფინანსთა სამინისტროს საერთაშორისო დაბეგვრის დეპარტამენტის ხელმძღვანელი, მარიამ ხურციძე პასუხობდა.



მარიამ ხურციძის თქმით, Doing Business-ის რეიტინგში ბიზნესის სიმარტივის კუთხით საქართველოს დაწინაურების ერთ-ერთი მიზეზი გამარტივებული ადმინისტრირების პროცედურებია. „ინდექსი მრავალი კომპონენტისგან შედგება, ერთ-ერთი სწორედ გადასახადებია, 2018 წელს ბევრად უფრო გამარტივდა დღგ-ს გადამხდელის სტატუსის მინიჭების პროცედურა. როდესაც კომპანია რეგისტრირდება, მას უკვე საჯარო რეესტრში შეუძლია დღგ-ს გადამხდელად დარეგისტრირდეს, ადრე შემოსავლების სამსახურში სჭირდებოდა მისვლა. ამ ცვლილებებით კი ერთ სივრცეში იქნება შესაძლებელი აღნიშნული პროცედურის გატარება. ამდენად, მრავალმხრივ კომპონენტებთან ერთად, როგორც საგადასახადო, ისე ადმინისტრირების კუთხით, ინდექსში დადებითად იქნა შეფასებული საქართველო და შესაბამისი რეტინგიც დავიმსახურეთ,“- ამბობს მარიამ ხურციძე.



მარიამ ხურციძემ მიმოიხილა ეკონომიკური თანამშრომლობისა და განვითარების ორგანიზაციის (OECD) მიერ შემუშავებული დასაბეგრი ბაზის შემცირებისა და მოგების გადატანის (Base Erosion and Profit Shifting - BEPS) სამოქმედო გეგმა, რომელიც ითვალისწინებს 15 სავალდებულო ღონისძიებას. პროგრამის ინიცირება დიდი ოცეულის ფინანსთა მინისტრების მოთხოვნის საფუძველზე განხორციელდა.



„2016 წლის თებერვალში, BEPS -ის პროექტის იმპლემენტაციის მიზნით, შეიქმნა BEPS-ის ინკლუზიური პლატფორმა (BEPS Inclusive Framework), რომელიც შესაძლებლობას მისცემს დაინტერესებულ ქვეყნებსა და იურისდიქციებს თანასწორუფლებიან საფუძველზე ჩაერთონ BEPS-ის პაკეტის იმპლემენტაციის პროცესში. ინკლუზიურ პლატფორმას საქართველო 2016 წლის ივნისში შეუერთდა. სამოქმედო გეგმა, სხვადასხვა თემებს ეხება: შიდა პოლიტიკა, შეთანხმების ბოროტად გამოყენება ; ურთიერთშეთანხმების პროცედურები; ანგარიშგების რეპორტები და ა.შ. საქართველოს, როგორც ინკლუზიური პლატფორმის წევრს ქვეყანას, გააჩნია ვალდებულება დანერგოს BEPS-ის ფარგლებში შემუშავებული ოთხი ძირითადი მე-5, მე-6, მე-13 და მე-14 სტანდარტები, რაც გულისხმობს : საზიანო საგადასახადო პრაქტიკის აღმოფხვრას ; საგადასახადო შეთანხმებების ბოროტად გამოყენების აღკვეთას; ქვეყნების მიხედვით სტანდარტიზებული ანგარიშგებას; საგადასახადო შეთანხმების ფარგლებში წარმოშობილი დავების გადაჭრის ეფექტიანობის გაუმჯობესებას; ორგანიზაციის მიერ მე-15 გეგმის შემოტანა მრავალმხრივი საგადასახადო ინსტრუმენტის შექმნას გულისხმობს, რაც ნიშნავს იმას,რომ თუ ქვეყანა მიუერთდება ამ ინსტრუმენტებს, მეტნაკლებად გამოდის,რომ მას მე-6 სტანდარტიც უკვე დაკმაყოფილებული აქვს, „ - ამბობს მარიამ ხურციძე.
მარიამ ხურციძის თქმით, კონვენცია მრავალმხრივია და რთულია დაბეგვრის კუთხით გამოყენების თვალსაზრისით, თუმცა კონვენციამ აქაც დაუშვა მინიმუმი სტანდარტი.




„კონვენციას არც ერთი ქვეყანა არ მიერთებია სრულად, მათ შორის OECD-ის ქვეყნებიც. ამ კონვენციის ამოსავალი წერტილი არის ის,რომ კომპანიები არ იყვნენ აგრესიულ საგადასახადო დაგეგმვაში ჩართული, სახელმწიფოს ეძლევა ბერკეტები,რომ უფრო მეტად გააკონტროლოს ეს სფერო და სამართლიანად აღკვეთოს დარღვევები. მინიმუმ სტანდარტებს შორისაა დავების გადაჭრა. მე-14 სამოქმედო გეგმა დავების გადაჭრის ეფექტიანი გზას ეხება, ესაა დავები, რომლებიც წარმოიშობა ორმაგი დაბეგვრიდან, ქვეყანა იღებს ვალდებულებას,რომ რაც შეიძლება დროულად, სწრაფად და ეფექტიანად იყოს აღნიშნული დავები გადაჭრილი.



აქამდე იყო ისეთი პრინციპი, რომ გადასახადის გადამხდელს პრობლემის არსებობის შემთხვევაში თავის სახელმწიფოსთვის უნდა მიემართა, ამ ცვლილებით კი, მას შეუძლია არამარტო თავის ქვეყანას, არამედ საქართველოს საგადასახადო ორგანოს მიმართოს.“



მე-5 სამოქმედო გეგმა ითვალისწინებს პრეფერენციული საგადასახადო რეჟიმების აღმოფხვრას. არსებული სტანდარტის გათვალისწინებით საქართველოში უკვე შეფასდა პრეფერენცირებული რეჟიმები და შემოწმდა ისინი. მარიამ ხურციძის თქმით, არცერთი არ შეიცავს საზიანო ნიშნებს.



„ რაც შეეხება მე-13 სამოქმედო გეგმას, იგი ითვალისწინებს ქვეყნების მიხედვით სტანდარტიზებული ანგარიშგებას, ინფორმაციის გაცვლას. მაგალითად, თუ 750 მილიონიანი მულტინაციონალური კომპანია არის ქვეყანაში დაფუძნებული, ქვეყანას აქვს ვალდებულება, რომ გაცვალოს ინფორმაცია სხვა ქვეყანასთან და ჩვენც ასევე, ნაცვალგების საფუძველზე მივიღებთ ინფორმაცია სხვა ქვეყნისგან,“ - ამბობს განაცხადა მარიამ ხურციძე.


კომერსანტი





„ქართული ოცნება“ ამბობდა, რომ 2020 წლისთვის, 800 კმ ავტობანს, 50 გვირაბს და 50 ხიდს ააშენებდა - ეს დაპირება ვერ სრულდება"

„ქართული ოცნება“ ამბობდა, რომ  2020 წლისთვის, 800 კმ ავტობანს, 50 გვირაბს და 50 ხიდს ააშენებდა -  ეს დაპირება ვერ სრულდება
access_time2019-07-23 18:00:03
„ქართული ოცნება“ ამბობდა, რომ ოთხ წელში, 2020 წლისთვის, 800 კმ ავტობანს, 50 გვირაბს და 50 ხიდს ააშენებდა. ეს დაპირება ვერ სრულდება" —  აცხადებს ერთიანი ნაციონალური მოძრაობის ერთ-ერთი ლიდერი რომან გოცირიძე. ის, რომ ოპოზიციონერი დეპუტატი სიმართლეს ამბობს "ფაქტ-მეტრმა" ციფრებზე ციფრებზე დაყრდნობით შეისწავლა, რომლის ანალიზსაც უცვლელად გთავაზობთ:  2016 წელს...

ირაკლი ყიფიანი: როდესაც ლარი ასე მკვეთრად უფასურდება, პრობლემა მთავრობის ეკონომიკურ გუნდში და მის პოლიტიკაშია, ვიდრე ეროვნული ბანკის მიერ გატარებულ ღონისძიებებში

ირაკლი ყიფიანი: როდესაც ლარი ასე მკვეთრად უფასურდება,  პრობლემა  მთავრობის ეკონომიკურ გუნდში და მის პოლიტიკაშია, ვიდრე ეროვნული ბანკის მიერ გატარებულ ღონისძიებებში
access_time2019-07-23 16:30:11
 „იმ პირობებში, როდესაც ლარი ასე მკვეთრად უფასურდება,  პრობლემა  მთავრობის ეკონომიკურ გუნდში და მათ მიერ განხორციელებულ პოლიტიკაშია, ვიდრე ეროვნული ბანკის მიერ გატარებულ ღონისძიებებში,“— ასე ეხმაურება ეკონომიკის ექსპერტი ირაკლი ყიფიანი ლარის კურსის ბოლოდროინდელ არასტაბილურობას. მისი განმარტებით, რეალურად, ეროვნული ბანკის ფუნქციაა ფასების სტაბილურობა და  ეკონომიკის  ინფლაციური პროცესებისგან დაცვა....

კომპანია „ფრანს ავტო“ საქართველოს მთავრობისთვის 135 თეთრი ფერის Renault Duster-ს რუმინეთიდან ჩამოიყვანს

კომპანია „ფრანს ავტო“ საქართველოს მთავრობისთვის 135 თეთრი ფერის Renault Duster-ს რუმინეთიდან ჩამოიყვანს
access_time2019-07-23 15:30:15
საქართველოს მთავრობა 135 თეთრი ფერის Renault Duster შეისყიდის. ამის შესახებ კომერსანტს კომპანია „ფრანს ავტოს“ გაყიდვებისა და ლოგისტიკის ხელმძღვანელმა განუცხადა. თამარ მეტრეველის თქმით, მანქანებს კომპანია ევროპიდან, კერძოდ კი რუმინეთიდან ჩამოიყვანს. ავტომობილის ძირითადი ტექნიკური მახასიათებლები კი შემდეგნაირია: ძრავა 1,6,  115 ცხენის ძალა, გადაცემათა კოლოფი - 6-სიჩქარიანი მექანიკა, 4X4, მაქსიმალური სიჩქარე – 163 კილომეტრია...

Bloomberg-ზე 1 დოლარი 2,9000 ლარად ივაჭრება

Bloomberg-ზე 1 დოლარი 2,9000 ლარად ივაჭრება
access_time2019-07-23 13:16:07
Bloomberg-ის სავაჭრო პლატფორმაზე 13:00 საათზე ერთი დოლარი 2,900 ლარად ივაჭრება. საქართველოს ეროვნული ბანკის მიერ გუშინ დადგენილი კურსით, დღეს ერთი აშშ დოლარის ოფიციალური ღირებულება 2.8831 ლარია. რაც შეეხება ევროს, მისი კურსი 3.2357 ლარია. ეროვნული ბანკი ახალ კურსს დღეს 17:00 საათზე გამოაქვეყნებს.აღსანიშნავია, რომ დღეს დილით, 11 საათისთვის Bloomberg-ის სავაჭრო პლატფორმაზე ერთი დოლარი 2.8900 ლარად...

4Hospitals - საიმედო პარტნიორი

4Hospitals - საიმედო პარტნიორი
access_time2019-07-23 10:30:06
4Hospitals წარმოადგენს სამედიცინო პროდუქციის და სერვისის მიმწოდებელ კომპანიას კლინიკებისათვის. კომპანია 5 წლის წინ დაარსდა და დღეს უკვე მრავალი გლობალური ბრენდის წარმომადგენელია საქართველოში და ახლა უკვე - სომხეთშიც. კომპანია 1000-ზე მეტი დასახელების სამედიცინო პროდუქტს აწვდის საქართველოს 100 მეტ კლინიკას, რომელთა მომხმარებელია მრავალი ექიმი და მათი მეშვეობით ასეულ ათასობით პაციენტი. დაარსების დღიდან კომპანიამ...


მსგავსი სიახლეები

up