შეზღუდვის მიუხედავად, ბანკები სადაზღვევო პოლისების შეძენისას საკომისიოს მაინც იღებენ - IU

შეზღუდვის მიუხედავად, ბანკები სადაზღვევო პოლისების შეძენისას საკომისიოს მაინც იღებენ - IU

access_time2020-09-14 17:30:11

არაპროფილური აქტივების ფლობის საკითხი საფინანსო სექტორში დღის წესრიგიდიან არ მოხსნილა, - აცხადებს „ბიზნესპარტნიორთან“ „დაზღვევის კავშირის“ თანათავმჯდომარე ვასილ ახრახაძე.


მისი ინფორმაციით, არაპროფილური აქტივების შეზღუდვის დარეგულირებისკენ პირველი ნაბიჯი გასული წლის 1-ელი ნოემბრიდან მეტ-ნაკლებად გადაიდგა, როცა საქართველოს დაზღვევის სახელმწიფო ზედამხედველობის სამსახურმა გამოსცა ახალი დადგენილება, რითიც საბანკო არხებით გაყიდული სადაზღვევო პოლისებიდან საკომისიოს მიღება შეიზღუდა.


ახრახაძის განცხადებით, ეს რეგულაცია საკმარისი არ არის, რადგან ბანკებმა სხვა გამოსავალი მოძებნეს და დაზღვევის პოლისებში ფიქსირდებიან არა როგორც დამზღვევები, არამედ როგორც ბენეფიციარები. შესაბამისად, საკომისიოს მაინც იღებენ.


„დადგენილებაში ბანკი არ წერია, განმარტებულია, რომ დამზღვევი და სადაზღვევო აგენტი, ანუ საკომისიოს მიმღები არ შეიძლება ერთი და იგივე პირი იყოს. კანონმდებლობით, დამზღვევი არის პირი ან ორგანიზაცია, რომელიც იხდის სადაზღვევო პრემიას და არ შეიძლება ამავე დროს იყოს საკომისიოს მიმღები, ანუ სადაზღვევო აგენტი. ამას ადრე ბანკები დაუფარავად აკეთებდნენ, როდესაც კლიენტს ახდევინებდნენ თანხას იმ უზრუნველყოფის დასაზღვევად, როდესაც კრედიტი უნდა გაცემულიყო. ტარიფსაც თვითონ უდგენდნენ და შემდგომ მიღებული შემოსავლიდან საკომისიოს ოდენობასაც თვითონ უდგენდნენ. ეს კი კლიენტმა არ იცოდა,“ - აცხადებს ახრახაძე.



მისი ინფორმაციით, დღეს საკითხის კარგად დარეგულირებისთვის დაზღვევის სახელმწიფო ზედამხედველობის სამსახური ისევ მუშაობს.


„ვირუსის შემთხვევაში, როდესაც შეხვედრები შეზღუდულია, მათ შორის კლიენტებთან, ბანკები და ბანკებთან ასოცირებული სადაზღვევო კომპანიები უფრო მეტად მომგებიან სიტუაციაში არიან. ისინი პროგრამულადაც ინტეგრირებულები არიან აფილირებულ სადაზღვევო კომპანიასთან და ყოველგვარი ალტერნატივის გარეშე სთავზობენ კლიენტს მხოლოდ ერთ სადაზღვევო კომპანიას. შესაბამისად, ამ სიტუაციაში კიდევ უფრო რთულია რაიმე ალტერნატივის მოძიება კლიენტისთვის.


ამიტომ მსესხებელი იძულებული ხდება დათანხმდეს შექმნილ სიტუაციაში იმ ერთადერთ შემოთავაზებას, რომელსაც ბანკი, საკრედიტო ოფიცერი მას სთავაზობს. აქედან გამომდინარე, შეიძლება ითქვას, რომ მდგომარეობა უფრო დამძიმებულია, რითიც ხეირობს ისევ და ისევ ბანკი და მასთან დაკავშირებული სადაზღვევო კომპანია,“ - აცხადებს ვასილ ახრახაძე.


მისი ინფორმაციით, ჯობდა საკითხი დროულად გადაწყვეტილიყო, რადგან შექმნილ სიტუაციაში ფაქტია, რომ ის კომპანიები, ვის უკანაც ბანკი არ დგას და ბაზარზე დამოუკიდებელ სადაზღვევო კომპანიებად ოპერირებენ, კლიენტს სთავაზობენ უფრო მეტ თავისუფალ არჩევანს, უფრო მეტად არიან ვირუსის პერიოდში შესაძლებლობას მოკლებულნი რომ კლიენტთან პირდაპირი წვდომა ჰქონდეთ. შესაბამისად, მათთვის, ნებისმიერი კლიენტი, რომელიც ბანკში კრედიტის ასაღებადაა მისული, დაკარგული კლიენტია.


business-partner.ge





საქართველოში კორონავირუსი კიდევ 4426 ადამიანს დაუდასტურდა

საქართველოში კორონავირუსი კიდევ 4426 ადამიანს დაუდასტურდა
access_time2020-11-29 11:00:07
საქართველოში კორონავირუსი კიდევ 4426 ადამიანს დაუდასტურდა, 3721 კი გამოჯანმრთელდა. ამის შესახებ ინფორმაცია მთავრობის ადმინისტრაციამ გაავრცელა. ბოლო 24 საათის განმავლობაში საქართველოში 35 კოვიდინფიცირებული...

საქართველოს ნაკრებმა ფინეთიც დაამარცხა და ჯგუფის ერთპიროვნული ლიდერია

საქართველოს ნაკრებმა ფინეთიც დაამარცხა და ჯგუფის ერთპიროვნული ლიდერია
access_time2020-11-28 23:51:10
ევრობასკეტის საკვალიფიკაციო ეტაპზე ერთმანეთს საქართველოსა და ფინეთის ნაკრებები დაუპირისპირდნენ. ვინაიდან მომდევნო წელს ევრობასკეტს საქართველო მასპინძლობს, ჩვენი ნაკრები ამ ტურნირზე ავტომატურად მოხვდა. მატჩი თანაბარ ბრძოლაში მიდიოდა. პირველი ტაიმი საქართველოს ნაკრებმა მინიმალური ანგარიშით მოიგო. მესამე მეოთხედში ფინეთმა მოგვიგო და ბოლო მეოთხედის წინ სიტუაცია დაძაბა.თუმცა საქართველოს ნაკრებმა ბოლო მეოთხედში ძალები მოიკრიბა, დალაგებულად ითამაშა და საბოლოოდ, 91:85...

27 ნოემბერი - რეგიონში მხოლოდ ქართული ლარი გაუფასურდა

27 ნოემბერი - რეგიონში მხოლოდ ქართული ლარი გაუფასურდა
access_time2020-11-27 18:15:54
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3164 ლარი გახდა....

დღის Top 10 საინტერესო ამბავი

დღის Top 10 საინტერესო ამბავი
access_time2020-11-27 21:00:33
დღის Top 10 საინტერესო ამბავი: 1.„მარტში რესტორნების სასაფლაოს მივიღებთ, მათი 90% ვეღარ გაიხსნება“ - რესტორატორთა ასოციაცია მთავრობის გადაწყვეტილებით, 28 ნოემბერი - 31 იანვრის ჩათვლით რესტორნები და კვების ობიექტები მთლიანად გატანის სერვისზე გადადიან. „რესტორატორთა ასოციაციის” ხელმძღვანელი კოტე გაბრიჩიძე „კომერსანტთან“...

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ
access_time2020-11-27 16:15:35
თბილისში არსებული დიდი სავაჭრო ცენტრების ხელმძღვანელების განცხადებით, მთავრობის მიერ გამოცხადებულმა ე.წ. ლოკდაუნმა ისინი მწარე რეალობის წინაშე დააყენა, ყოველი დაკეტილი დღე 6 ცენტრისთვის 10 მილიონი ზარალია. თბილისში არსებული დიდი სავაჭრო ცენტრების წარმომადგენლები პრემიერმინისტრსა და ანტიკრიზისულ საბჭოს მიმართავენ. ეს სავაჭრო ცენტრებია: გალერეა თბილისი;თბილისი მოლი;ისთ ფოინთი;თბილისი ცენტრალი;ქარვასლა;სითი...


მსგავსი სიახლეები

up