შეზღუდვები, რომლის გათვალისწინებაც ბაკურიანში მშენებლობის დაწყების დროს მოგიწევთ

შეზღუდვები, რომლის გათვალისწინებაც ბაკურიანში მშენებლობის დაწყების დროს მოგიწევთ

access_time2021-03-26 19:00:00

ბაკურიანი ჩვენი ქვეყნის ერთ-ერთი ყველაზე პოპულარული კურორტია, რომელიც არცერთ სეზონზე არ კარგავს აქტუალობას, შესაბამისად, უძრავ ქონებაზე მოთხოვნა წლიდან წლამდე იზრდება.


აღნიშნული მოთხოვნის დასაკმაყოფილებლად კი სამშენებლო სექტორი დეველოპერულ პროექტებს მუდმივად ახორციელებს.


ბაკურიანის აქტიური ურბანული განვითარების გამო საზოგადოების ნაწილი პროტესტს გამოთქვამდა და განმარტავდა, რომ ეს პროცესი „უკონტროლო ხდებოდა“ და აზიანებდა კურორტის ეკოლოგიას. პრემიერ-მინისტრის 2019 წლის 591-ე დადგენილებით კი ვითარება შეიცვალა და მშენებლობაზე ახალი რეგულაციები დაწესდა, რომელიც მთელ რიგ შეზღუდვებს მოიცავს.


როგორც „ბიზნესპრენიუსს“ ბორჯომის მუნიციპალიტეტის მერიაში განუცხადეს, მშენებლობებზე ნებართვა აღნიშნული დადგენილების გათვალისწინებით გაიცემა და უწყება ნებისმიერი პროექტის განხილვისას სამშენებლო რეგლამენტით ხელმძღვანელობს.


„რამდენიმე წლის წინ მოქმედი ბაკურიანის განაშენიანების გეგმა აბსოლუტურად შეიცვალა და კოეფიციენტებიც საგრძნობლად შემცირდა. დღეის მდგომარეობით, დაბა ბაკურიანში საკმაოდ დაბალი კოეფიციენტები მოქმედებს, რომელიც ზონების მიხედვით განსხვავდება. მაგალითად, სიმაღლის მაქსიმალური შეზღუდვა ზოგიერთ ზონაში არის 12.5 მეტრი, ზოგიერთ ზონაში კი - 16. არის კიდევ უფრო დაბალი სიმაღლის შეზღუდვა“, - განგვიმარტეს ბორჯომის მუნიციპალიტეტის მერიაში.



მათივე თქმით, მუნიციპალიტეტს ჰყავს გარემოს დაცვის კომისია, რომელიც ხეების მოჭრას და გარემოსთან დაკავშირებულ სხვა საკითხებს არეგულირებს.


ბაკურიანში მშენებლობა შეზღუდულია რეკრეაციულ ზონებში. სიმაღლეზე დაშვება კი მაქსიმუმ 3-4 სართულიან შენობებზეა მანსარდით. დეველოპერები, რომლებიც ტერიტორიაზე მშენებლობის ნებართვის სურთ, ვალდებულები არიან, ყველა დადგენილი ნორმა გაითვალისწინონ.


სამშენებლო კომპანიაში „ტერასა ჯგუფი“, რომელიც ბაკურიანის ტერიტორიაზე მრავალფუნქციურ პროექტს ახორციელებს, განმარტეს, რომ არსებული რეგულაციების მიხედვით, შეუძლებელია ბაკურიანის ტყეს რაიმე საშიშროება დაემუქროს, „რაც ძალიან კარგია კურორტის, ჰავის და ჰაერის შენარჩუნებისათვის“.


„ბაკურიანში აპარტამენტებზე მოთხოვნა სულ უფრო იზრდება, განსაკუთრებით ახლა, როცა ტარდება ოლიმპიადები და კურორტი მასშტაბური სპორტული ღონისძიებების მასპინძლობისთვის ემზადება. აღნიშნულ მოთხოვნას სამშენებლო სექტორიც პასუხობს. ამავდროულად, არსებულ რეგულაციების გათვალისწინებით, ჩვენ ვალდებულები ვართ, სრულად მოვერგოთ ბაკურიანის ლანდშაფტს და ვიზრუნოთ გარემოზე. შესაბამისად, მოთხოვნიდან გამომდინარე ვახორციელებთ პროექტს, რომლის 50% ანუ 5 000 კვ.მ-მდე სივრცე მწვანე ზონას ეთმობა. ჩვენი პროექტის მიმდებარედ ტყე კი რა თქმა უნდა, ხელუხლებლად არის შენარჩუნებული“, - განმარტეს „ტერასა ჯგუფში“.


დაბა ბაკურიანში მშენებლობაზე დამტკიცებული რეგლამენტის თანახმად, ყველა დეველოპერს თუ ფიზიკურ პირს მოუწევს, არსებულ რეგულაციებს მოერგოს, წინააღმდეგ შემთხვევაში, სამუშაოების განხორციელების უფლება არ ექნება.



BPN.GE




თეგები:
შეზღუდვები



ომბუდსმენმა „ბოლტი“ გაფიცული კურიერების დისკრიმინაციაში დაადანაშაულა

ომბუდსმენმა „ბოლტი“ გაფიცული კურიერების დისკრიმინაციაში დაადანაშაულა
access_time2021-06-15 19:18:56
საქართველოს სახალხო დამცველმა „ბოლტის“ გაფიცული კურიერების საქმეზე დისკრიმინაცია დაადგინა და კომპანიას მიმართა რეკომენდაციით, დაუყოვნებლივ აღუდგეთ განმცხადებლებს აპლიკაციაზე წვდომა. ამის შესახებ სახალხო დამცველის მიერ 15 ივნისს გამოქვეყნებულ განცხადებაშია ნათქვამი: „2021 წლის 14 ივნისს სახალხო დამცველმა შპს „ფუდლს“ („ბოლტი“) გაფიცული კურიერების მიმართ განსხვავებული მოსაზრების გამო დისკრიმინაციის აღმოფხვრის შესახებ რეკომენდაციით მიმართა. კურიერების ინტერესებს სახალხო დამცველის...

GASTRONOME – მოგზაურობა მსოფლიოს გარშემო დელიკატესების გასაცნობად

GASTRONOME – მოგზაურობა მსოფლიოს გარშემო დელიკატესების გასაცნობად
access_time2021-06-15 21:00:27
თბილისში Gastronome-ის ოთხი მაღაზიაა. როგორც Gastronome-ის აღმასრულებელი დირექტორი თამარა ჯავახაძე ამბობს, ოთხივე ფილიალს გააზრებული სტილისტური ერთგვაროვნებაც აქვს და, იმავდროულად, თითოეულ ობიექტს ინდივიდუალური შტრიხებიც გამოარჩევს. თამარა  ჯავახაძე:   გვინდოდა, შთამბეჭდავი ექსტერიერი გვქონოდა. მოგეხსენებათ, ყურადღება მანამდე უნდა მიიქციო, სანამ მომხმარებელი შემოვა, ამიტომაც არის ასე საგულდაგულოდ დამუშავებული ფასადიც და ინტერიერიც...

15 ივნისი - რეგიონში ქართული ლარი და სომხური დრამი გამყარდა

15 ივნისი - რეგიონში ქართული ლარი და სომხური დრამი გამყარდა
access_time2021-06-15 18:00:42
15 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 10 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 15 ივნისის ვაჭრობის შედეგად ეროვნული ვალუტა აშშ დოლართან მიმართებაში გამყარდა და 3.1751 ლარი გახდა (ეს კურსი 16 ივნისს შევა ძალაში). ქართული ვალუტით ვაჭრობა Bloomberg-ზე...

უკრაინაში საგადასახადო ამნისტია გამოცხადდა

უკრაინაში საგადასახადო ამნისტია გამოცხადდა
access_time2021-06-15 17:28:55
უკრაინის უმაღლესმა რადამ მეორე, საბოლოო მოსმენით დაამტკიცა საგადასახადო ამნისტიის კანონპროექტი. კანონის თანახმად, მოქალაქეებს, რომლებიც თავს არიდებდნენ გადასახადების გადახდას, სასჯელი აღარ დაეკისრებათ, თუ თავის შემოსავლების დეკლარირებას მოახდენენ. უკრაინის პარლამენტის საიტზე განთავსებული ინფორმაციის თანახმად, საგადასახადო ამნისტია შეეხება ვალუტას, გარდა ნაღდი ფულისა, ფასიან ქაღალდებს, ასევე უკრაინასა და საზღვარგარეთ არსებულ მოძრავ და უძრავ ქონებას....

„თელმიკო“ „თელასის“ ნაცვლად - მომხმარებლის დამატებით უფლებები ელენერგიის ახალ საცალო ბაზარზე

„თელმიკო“ „თელასის“ ნაცვლად - მომხმარებლის დამატებით უფლებები ელენერგიის ახალ საცალო ბაზარზე
access_time2021-06-15 15:00:59
მთელი საქართველოს მასშტაბით, 1–ლი ივლისიდან საყოფაცხოვრებო მომხმარებლისა და მცირე  საწარმოებისთვის ელექტროენერგიის მიმწოდებელი კომპანიები იცვლება. თბილისში სს „თელასის“ ნაცვლად ელექტროენერგიის მიმწოდებელი „თბილისის ელექტრომიმწოდებელი კომპანია“   (თელმიკო) იქნება, ხოლო  რეგიონებში სს „ენერგო პრო ჯორჯიას“ ნაცვლად კომპანია „ეპ ჯორჯია მიწოდება“ იქნება. აღსანინავია, რომ არ იცვლება  სამომხმარებლო ტარიფი. საქართველოს ენერგეტიკისა და წყალმომარაგების...


მსგავსი სიახლეები

up