დღეისთვის უორენ ბაფეტის კომპანიის Berkshire Hathaway-ს საბაზრო ღირებულება 498 მლრდ. დოლარია. ეს უზარმაზარი ციფრია, თუმცა, ის გაცილებით ნაკლებია, ვიდრე 4 ტრილიონერი კომპანიის კაპიტალიზაცია - Apple, Microsoft, Alphabet და Amazon
რითია გამოწვეული ამხელა სხვაობა მაშინ, როდესაც პირადად ბაფეტი მილიარდერთა რეიტინგებში მოწინავე ადგილებს მუდმივად იკავებს? რა აკლია Berkshire Hathaway-ს?
ბაფეტმა კომპანიის საკონტროლო პაკეტი 57 წლის წინ იყიდა. იმ დროს ეს იყო გაკოტრების პირას მისული ტექსტილის კომპანია, დღეს კი - გიგანტური ჰოლდინგია, რომელიც სხვადასხვა დარგების კომპანიებს ფლობს - დაზღვევიდან საავიაციო სათადარიგო ნაწილების წარმოებამდე.
Berkshire Hathaway არის კონგლომერატი 60 შვილობილი კომპანიით, რომელსაც ინვესტორებისთვის წლიურ 20%-ზე მეტი მოგება მოაქვს.
ბიზნესის მნიშვნელოვანი ნაწილია ინვესტიციები საჯარო კომპანიებში. ბაფეტის საინვესტიციო პორტფელში ნებისმიერი ცვლილება ინვესტორებს შორის აქტიურად განიხილება.
თუმცა, ბოლო წლებში მას სულ უფრო აქტიურად აკრიტიკებენ პასიურობის გამო - კერძოდ, მან Berkshire Hathaway-ის ანგარიშებზე დაგროვილ 137 მლრდ, დოლარს დანიშნულება ვერ მოუძებნა.
ჰოლდინგის კვარტალური ანგარიშის თანახმად, სწორედ ახალი ინვესტიციების წყალობით კომპანიამ 2020 წლის მე-2 კვარტალში კარგ შედეგებს მიაღწია - სუფთა მოგება 14,1-დაბ 26, მლრდ.-მდე გაიზარდა - თანაც ეს - პანდემიის დროს, რომელმაც ჰოლდინგის ზრდა ვერ შეაჩერა.
ვარდნისგან ბაფეტის კომპანია, სხვა ფაქტორებთან ერთად სადაზღვევო კომპანია
Geico და სარკინიგზო კომპანიამ BNSF-მა იხსნეს - განაცხადა Edward Jones -ის ანალიტიკოსმა ჯიმ შანახანმა.
Berkshire Hathaway-ს საინვესტიციო პორთფელი თებერვალ-მარტში დაფიქსირებული ვარდნის შემდეგ ნელა-ნელა იზრდება - პირველი კვარტლის ბოლო მისი ღირებულება 175,5 მლრდ. დოლარი იყო, მეორე კვარტლის ბოლოს კი - 210 მლრდ.-მე გაიზარდა.
ჰოლდინგის პორტფელის 46% ტექნოლოგიური გიგანტის Apple-ის აქციებზე მოდის, რომლების 2-ჯერ გაძვირდა, ასევე გაორმაგდა Amazon-ის ფასიანი ქაღალდები, რომლებსაც Berkshire Hathaway 500 მლნ. ცალის ოდენობით ფლობს.
ასევე იზრდება უორენ ბაფეტის მეორე ფავორიტის - Bank of America -ს აქციები - მარტიდან ზრდამ 45% შეადგინა. ასევე 26% JPMorgan-ის, 30%-ით კი - US Bankorp-ის ფასიანი ქაღალდები გაძვირდა.
ჰოლდინგი ასევე შედარებით ნაკლებად შესამჩნევი კომპანიების წილებს ფლობს - ისეთებში, როგორც ლუქს-კლასის ავეჯის კომპანია Restoration Hardware და ბრაზილიური საგადამხდელო სისტემა StoneCo. თუმცა, მაისის შემდეგ მათი აქციები სხვებზე ძლიერად გაიზარდა - 287% და 179%-ით შესაბამისად.
ივლისში ბაფეტმა საინვესტიციო აქტიურობა განაახლა და შეისყიდა რამდენიმე კომპანიის აქციები, რამაც ინვესტორების კმაყოფილება და Berkshire Hathaway-ის ფასიანი ქაღალდების მორიგი გაძვირება გამოიწვია.
ბოლო 24 წლის მანძილზე ჰოლდინგის აქციები თითქმის 10-ჯერ გაძვირდა.
ამჟამად ანალიტიკოსები Berkshire Hathaway-ს აქციების 3%-იან ზრდას ელიან.
ფინანსისტის მეტიუ ფრენკელის თქმით, ინვესტორებს პირველ რიგში ბაფეტის ახალი იდეები დააინტერესებს.
„თუ Berkshire Hathaway თავის უზარმაზარ შესაძლებლობებს ზრდის პოტენციალის მქონე კომპანიებში ჩადებს, ჰოლდინგის აქციების ღირებულება ავარდება. მაშინ შესაძლოა კომპანიის კაპიტალიზაცია 1 ტრლნ.-მდე მართლაც გაიზარდოს“ - მიიჩნევს ის.
თუმცა, ეს ადვილი და სწრაფი პროცესი არ იქნება - საუკეთესო სცენარის განვითარების პირობებშიც კი Berkshire Hathaway-ს ტრილიონერთა კლუბში შესვლას მინიმუმ 8 წელი დასჭირდება.