არჩევნების წინა დღეს სატრანსპორტო დერეფნის კვლევის ცენტრი ტრანსპორტის დარგში თბილისში შეუსრულებელი დაპირებების სიას აქვეყნებს:
ცენტრის პრეზიდენტი, პაატა ცაგარეიშვილი, "კომერსანტთან" საუბარში განმარტავს, რომ თბილისისთვის ყველაზე მნიშვნელოვანი ურბანული ტრანსპორტის მობილურუბის გაზრდაა.
ტრანსპორტის სფეროში თბილისში დაანონსებულ და შეუსრულებელ დაპირებებს თუ გავანალიზებთ, აღმოვაჩენთ, რომ საქალაქო ტრანსპოტის მობილურობის გაზრდისკენ მიმართული "ფინანსურად ტევადი" დაპირებების შესრულება თბილისის ახლანდელმა მერმა ვერ შეძლო.
"რას ნიშნავს "ფინანსურად ტევადი" პროეტი? ეს ისეთი პროექტია, რომელთა განხორციელებისათვის საინვესტიციო მოცულობა მაღალია, ასევე განგრძობადია პროექტის განხორციელების ვადა, მაგრამ მისი სავარაუდო ეფექტი მაღალია ობიექტის ექსპლუატაციაში გაშვების შემდგომ. როდესაც განგრძობად ვადაზეა საუბარი, როცა ეფექტი "ფინანსურად ტევადმა" ინფრასტრუქტურულმა პროექტმა, შესაძლოა მხოლოდ 10 -15 წლის შემდგომ მოგვცეს, ბუნებრივია უმჯობესია "აერიდო", ისეთი პროექტების განხორციელებას, მაგალითისათვის - შემოვლითი რკინიგზა, მეტროპოლიტენის სივრცითი გაფართოება, თბილისის მჭიდროთ დასახლებულ ფერდობებზე საბაგირო ხაზებით დაკავშირება, "მჩატე" სარელსო ტრანსპორტის განვითარება, მტკვარზე განივი სახიდე კავშირების მოწყობა, სატრანსპორტო კვანძებზე დაყრდნობით, ქალაქის პოლიცენტრიული განვითარება და ა.შ. (ყველა ჩამოთვლილი "ფინანსურად ტევადი" პროექტები ქალაქის მუბილურობის გაზრდისკენაა მიმართული), მაგრამ როგორც ავღნიშნე ფინასურ ეფექტს გრძელვადიან ჭრილში იძლევა. ბევრად მარტივია, აქცენტების გადატანა და კონცენტრირება ისეთ ღონისძიებებზე რომლებიც მცირე ინვესტიციით, მოკლე ვადაში იძლევიან მყისეულ (ვიზუალურ) "მიზერულ" ეფექტს, მაგალითისათვის - ბასლიანების მოხაზვა, საავტობუსო პარკის განახლება, მეტროს ვაგონების კაპიტალური შეკეთება, ტაქსების რეფორმა, ჭკვიანი შუქნიშნების ამოქმედება და.ა.შ მაგრამ, ასეთი პროეტქბისათვის ფინანსური უკუგება ჯეროვნად დაბალია, ვიდრე "ფინასურად ტევავი" ინფრასტრუქტურული პროექტებისა," - გვეუბნება ცაგარეიშვილი და დასძენს, რომ მომავალი მერი, მოსახლეობამ კონკრეტული კრიტერიუმის "ფინანსურად ტევადი" პროექტების განხორციელებით შესრულების შესაძლებლობით უნდა აირჩიოს.