“ენერგეტიკის დარგი შეიძლება ჩამოშლის გზაზე დადგეს თუ დროული ზომები არ იქნა მიღებული“ - მმართველი გუნდი ელექტროსისტემაში გამოვლენილ დარღვევებს აფასებს

“ენერგეტიკის დარგი შეიძლება ჩამოშლის გზაზე დადგეს თუ დროული ზომები არ იქნა მიღებული“ - მმართველი გუნდი ელექტროსისტემაში გამოვლენილ დარღვევებს აფასებს

access_time2019-10-09 19:00:54

„შეუძლებელია ელექტროსისტემა მუშაობდეს ზარალზე თუ მას ტარიფი სწორად აქვს დადგენილი“, - ასე აფასებს “კომერსანტთან“  „ქართული ოცნების“ დეპუტატი რევაზ არველაძე აუდიტის სამსახურის ანგარიშს, რომლის მიხედვითაც 2014-2017 წლებში სახელმწიფო ელექტროსისტემის ზარალი 76 მილიონ ლარს აღემატება.


აუდიტის სამსახურის დასკვნის გამოქვეყნების შემდეგ ამ თემაზე მმართველ გუნდში განცხადებები, ფაქტობრივად, არ გაკეთებულა. “კომერსანტმა“ გადაწყვიტა მოესმინა პარლამენტის დარგობრივი ეკონომიკისა და ეკონომიკური პოლიტიკის კომიტეტის წევრების პოზიცია, რომელთა უშუალო მოვალეობაცაა ანალოგიური სფეროების მუშაობაზე ზედამხედველობა. თუმცა, როგორც აღმოჩნდა კომიტეტის თავმჯდომარის მოადგილეს ამ საკითხთან დაკავშირებით შეფასების გაკეთებ უჭირს, რადგან იგი აუდიტის დასკვნას ჯერჯერობით არ იცნობს. ის „კომერსანტთან“ იმ სავარაუდო მიზეზებს საუბრობს, რამაც სახელმწიფო ელექტროსისტემის ზარალი გამოიწვია.


„შესაძლებელია ფინანსური ზარალი გამოწვეული იყოს ახალციხე-ზესტაფონი 500 კვ ელექტროგადამცემი ხაზის მშენებლობით, იმიტომ რომ თავისი ტარიფით უნდა გაესტუმრებინა პროექტის ღირებულება — 260 მლნ დოლარი. შესაძლებელია, ტარიფი დადგენილი იყო დაბალი და ეგონათ, რომ სწორად ადგენენ ტარიფს ან თურქეთმა არ წაიღო იმდენი ელექტროენერგია, რამდენიც ჩადებული იყო ტარიფში. რანაირად შეიძება რომ ესეთ კომპანიაში ზარალი იყო. გამოდის, რომ საექსპლუატაციო ხარჯები, რომელიც მათ ჰქონდათ ჩადებული სინამდვილეში არ იყო საკმარისი. თუმცა ამ ყველაფერს გეუბნებით ვარაუდის დონეზე, რადგან დასკვნა არ მინახია“,- აცხადებს რევაზ არველაძე.

 

აუდიტის დასკვნის თანახმად, სახელმწიფო ელექტროსისტემის ზარალი 2014-2-2017 წლებში 76 მილიონ ლარს აღემატებოდა, მიუხედავად ამისა, ეს არანაირად არ ასახულა კომპანიის ყოფილი ხელმძღვანელის ხელფასზე. სულხან ზუმბურიძე ერთ-ერთი ყველაზე მაღალანაზღაურებადი მენეჯერი იყო და მაინც ასეთ სავალოლო შედეგამდე მიიყვანა სისტემა. თქვენი აზრით, ეს მმართველი გუნდის საკადრო პოლიტიკის კიდევ ერთი შეცდომაა და უნდა დადგეს თუ არა მისი  პასუხისმგებლობის საკითხი?

 

ყველა თანამდებობას უნდა შეესაბამებოდეს ხელფასი, მე მიმაჩნია, რომ ელექტროსისტემის ხელმძღვანელი არ არის ის თანმდებობა, რომელსაც უნდა ჰქონდეს მარეგულირებელი კომისიის თავმჯდომარეზე მეტი ხელფასი.

 

— იმ დარღვევების პერიოდში, რომელზეც აუდიტის სამსახური საუბრობს ,ენერგეტიკის მინისტრი იყო კახა კალაძე. თქვენი აზრით, უნდა დადგეს თუ არა ყოფილი მინისტრის პასუხისმგებლობის საკითხიც?

 

კიდევ ერთხელ მინდა გაგიმეოროთ ჯერ უნდა ვნახო აუტის სამსახურის დასკვნა, ამის შემდეგ შემეძლება ამაზე გიპასუხოთ.

 


— ექპერტები ამბობენ, რომ ქვეყანაში ენერგეტიკის სექტორი ჩამოშლის გზაზეა, რაც მმართველი გუნდის არასწორი პოლიტიკითაა განპირობებული. როგორ აფასებთ მათ განცხადებას?


 

ვთვლი, რომ ენერგეტიკა არ არის კარგ მდგომარეობაში, ვერ ვიტყვი რომ ჩამოშლის გზაზეა, მაგრამ ამ გზაზე შეიძლება დადგეს თუ დროული ზომები არ იქნა მიღებული. პირველ რიგში საკითხი მდგომარეობს იმაში, რომ ჩვენ რეალურად ვეღარ ვაშენებთ ჰიდროელექტროსადგურებს. ეს ხშირად განპირობებული მოსახლეობის საპროტესტო მუხტით. ამას როდესაც ხედავს ინვესტორი, რა თქმა უნდა, ინვესტირებისგან თავს იკავებენ. აქედან გამოდინარე, ინვესტიციები შემცირებულია, მაგრამ რაღაც ხო უნდ გავაკეთოთ? ეკონომიკა ხომ უნდა განვითარდეს. თუ ჩვენ მხოლოდ იმპორტზე გვექნება აქცენტი გაკეთებული ძალიან მალე ვნახავთ, რომ არც ჩვენს მეზობელ ქვეყნებს ექნებათ იმის საშუალება, რომ ელექტროენერგია მოგვყიდოს. თუ ესე გაგრძელდა 4-5 წლის შემდეგ შეიძლება მივიდეთ იმ მდგომარეობამდე როგორიც იყო 90-იან წლებში  და დაგვჭირდეს შეზღუდვები

 

ნინო წილოსანი- ქართული ოცნება

 


 

სახელმწიფო საწარმოების მართვის ეფექტიანობის კუთხით გვჭირდება რეფორმა და თანამედროვე კორპორაციული მიდგომები. რაც გულისხმობს იმას, რომ  მსგავსი საწარმოები უნდა იმართებოდეს გამჭვირვალედ, შესაბამისად, ნათელი უნდა იყოს ანაზღაურების თუ ბონუსის სისტემები. შემთხვევა, როდესაც სახელმწიფო საწარმო არის წაგებიანი და ამას არ მოჰყვება ადეკვატური რეაგირება, რა თქმა უნდა,  მენეჯმენტის მიმართ არსებობს კითხვები. ჩვენ ვახორციელებთ თემატურ მოკვლევას ეკონომიკის კომიტეტში, სადაც ასევე მონაწილეობდა აუდიტის სამსახურის წარმომადგენელი. მათ დეტალურად გაგვიზიარეს თავიანთი რეკომენდაციები. ჩვენ ვფიქრობთ, რომ წლის ბოლომდე გვექნება კომპეტენტური და კვალიფიციური დასკვნა რა უნდა შეიცვალოს სახელმწიფო საწარმოებთან მიმართებაში, რათა არ დავდგეთ იგივე პრობლემის წინაშე, რაც საქართველოს სახელმწიფო ელექტროსისტემის შემთხევაში აუდიტის დასკვნაში გამოიკვეთა.

 

— სახელმწიფო ელექტროსისტემის თემამ აშკარად გამოაჩინა მმართველი გუნდში მენეჯერების შერჩევის პრობლემა. ყველაზე მაღალანაზღაურებად თანამდბობის პირმა, ფაქტობრივად, სისტემა გააკოტრა. თუ გრძობთ პირადად თქვენ ,როგორ პარლამენტარი პასუხისმგებლობას და ამასთან, თვლით თუ არა, რომ პასუხისმგებლობა უნდა გაინაწილოს კახა კალაძემაც, რომელიც იმ პერიოდში ენერგეტიკის მინისტრი იყო? 

 

გამომდინარე იქედან, რომ ზარალის დეტალები არ არის ჩემთვის ცნობილი და საწარმოს ანგარიშგებაში არ ვარ ჩახედული ძალიან არასერიოზული იქნება კონკრეტული პირების პასუხისმგებლობის საკითხის დაყენება საუბარი. ზარალი შეიძლება გამოწვეული ყოფილიყო როგორ ობიექტური ასევე სუბიექტური მიზეზებით. თუ სახელმწიფო საწარმოების მიმართ კორპორაციულ მიდგომას ავიღებთ და ეს სწორი პრაქტიკაა, კომპანიას შესაძლებელია ჰყავდეს მაღალანაზღაურებადი მენეჯერი, მაგრამ ეს მენეჯერი თავის ანაზღაურებას უნდა ამართლებდეს, როგორც ოპერირების ნაწილში ასევე ზოგადად კომპანიის მართვის კუთხით.


რაც შეეხება კახა კალაძეს,  ზარალთან მიმართებაში ზოგადად ვინმეს პასუხისმგებლობის საკითხი არ მგონია სერიოზული იყოს. კიდე ერთხელ ვიტყვი იმას, რომ ზარალი ობიექტური მიზეზებით შეიძლება იყოს განპირობებული. თუ ამ დასკვნაში რაიმე დარღევის ნიშნებია, დარწმუნებული ვარ აუდიტის სამსახური გადააგზავნიდა შესაბამის სტრუქტურებში.


 

— ეს ყველაფერი ხომ არ მიანიშნებს იმას, რომ ქვეყანაში ენერგეტიკის სექტორი ჩამოშლის გზაზეა, რაც მმართველი გუნდის არასწორი პოლიტიკითაა განპირობებული?


 ასეთ შემთხვევებში ექსპერტების დრამატიზმი ცოტა გადამეტებული მგონია. უამრავი ნაბიჯი იქნა გადადგმული ჩვენი ენერგოდამოუკიდებლობისთვის, ჩვენი რესურსის მაქსიმალურად გამოყენებისთვის. რადგან ეს თემა არ არის ჩემი უშუალო მიმართულება, გამიჭირდება კონკრეტულ დეტალებზე გესაუბროთ.

 

— საქართველო საფინანსო ინსტიტუტებიდან 180 მლნ ევროს სესხულობს, რამდენიმე დღის წინ ფინანსთა მინისტრმა სასესხო და საგრანტო ხელშეკრულებებს მოაწერს ხელი და ამ თანხიდან დიდი ნაწილი კვლავ ენერგეტიკის სფეროს განვითარებას უნდა მოხმარდეს. აძლევთ გარანტიას მოსახლეობას, რომ ეს თანხები ისევე არ გაიფლანგება, როგორც სახელმწიფო ელექტრო სისტემაში მოხდა?

 

თამამად შემიძლია გითხრათ, რომ ის თანხები, რომელსაც სხვადასხვა საფინანსო ორგანიზაციები აძლევენ სახელმწიფოს მაქსიმალურად კონტროლდება და ეს თანხები აუცილებლად მოხმარდება სექტორის კეთილდღეობას. თუმცა, რა თქმა უნდა, ერთეულ შემთხვევებში შეიძლება საქმე გვქონდეს არაეფექტურ ხარჯვასთან, რაც ასევე შეიძლება იყოს იმის საფუძველი, რომ კონკრეტული რეაგირებები მოვახდინოთ მართვის სისტემებში.  


ბაჩო ადამია

 

 





მობილური ბაზრის კვლევა : ევროპასთან შედარებით ჩვენთან ტარიფები ორჯერ უფრო დაბალია-„გრანთ თორნთონი“

მობილური ბაზრის კვლევა : ევროპასთან შედარებით ჩვენთან ტარიფები ორჯერ უფრო დაბალია-„გრანთ თორნთონი“
access_time2020-07-03 13:50:14
გადაცემაში „ჩემი აუდიტორი“ გრანთ თორნთონ საქართველოს ბიზნეს საკონსულტაციო მიმართულების ხელმძღვანელმა გიორგი უსანეთაშვილმა საქართველოს მობილური ბაზრის კვლევის შედეგებზე ისაუბრა. ჩვენ შევაფასეთ მობილური ბაზრის მთავარი ინდიკატორები : აბონენტთა რაოდენობა ,შეღწევადობა, რაც გულისხმობს, აქტიური სიმბარათების ჯამურ რაოდენობას, შეფარდებული მოსახლეობასთან,ასევე საშუალო შემოსავალი ერთ აბონენტზე. აბონენტთა რაოდენობით, საქართველო ევროპაში 26-ე ადგილზეა. 2019 წლის...

სამტრედია-გრიგოლეთის გზა სურამის ციხესავით ვერ აშენდა

სამტრედია-გრიგოლეთის გზა სურამის ციხესავით ვერ აშენდა
access_time2020-07-03 16:00:19
სამტრედია-გრიგოლეთის გზის მონაკვეთის საერთო სიგრძე 51.5 კმ-ია, პროექტი 4 ლოტად ხორციელდება და დაფინასების წყარო ევროპის საინვესტიციო ბანკია (EIB). აღნიშნული გზის მშენებლობა 2014 წელს დაიწყო. უნდა აღინიშნოს, რომ სამტრედია-გრიგოლეთის გზის ოთხივე მონაკვეთის მშენებლობა შეფერხებით მიმდინარეობდა. განსაკუთრებით პრობლემური გზის მეორე მონაკვეთი აღმოჩდა, სადაც პროექტის დასრულების შემდეგ გზაზე ჯდენები წარმოიშვა, რამაც გზის საფარის მოწყობა შეაფერხა და შესაბამისად,...

დეპუტატ ვიქტორ ჯაფარიძესთან დაკავშირებულმა კომპანიებმა შესყიდვებიდან 6 მილიონ ლარზე მეტი მიიღეს-TI

დეპუტატ ვიქტორ ჯაფარიძესთან დაკავშირებულმა კომპანიებმა შესყიდვებიდან 6 მილიონ ლარზე მეტი მიიღეს-TI
access_time2020-07-03 12:00:43
საქართველოს პარლამენტის წევრის, ვიქტორ ჯაფარიძის და მისი შვილის, ოთარ ჯაფარიძის წილობრივ მფლობელობაში არსებული კომპანიები ტენდერებს იგებენ. 2018 წლიდან დღემდე მიღებული კონტრაქტების ჯამურმა ღირებულებამ 6,264,688 ლარი შეადგინა. ამის შესახებ ინფორმაციას არასამთავრობო ორგანიზაცია „საერთაშორისო გამჭვირვალობა - საქართველო“ ავრცელებს. მათივე ცნობით, ვიქტორ ჯაფარიძე 16 წელია საქართველოს პარლამენტის წევრია, იგი ორჯერ იყო მესტიის მაჟორიტარი დეპუტატი, ბოლოს კი პარლამენტის წევრი...

ერთ წელში ფასები სურსათზე - 13.6%-ით და ჯანდაცვაზე - 7.5%-ით გაიზარდა

ერთ წელში ფასები სურსათზე - 13.6%-ით და ჯანდაცვაზე - 7.5%-ით გაიზარდა
access_time2020-07-03 11:30:24
2020 წლის ივნისში წინა თვესთან შედარებით ინფლაციის დონემ საქართველოში -1.4 პროცენტი, ხოლო წლიური ინფლაციის დონემ 6.1 პროცენტი შეადგინა. რაც შეეხება საბაზო ინფლაციას, აღნიშნულმა მაჩვენებელმა 2020 წლის ივნისში, გასული წლის შესაბამის პერიოდთან შედარებით 6.6 პროცენტი შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 6.2 პროცენტით განისაზღვრა. ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ...

რა არის ლაქტოზა და რატომ ხდება აუტანელი ჩვენი ყოფა თუნდაც ასე უწყინარი რძიანი ყავის მიღებისას

რა არის ლაქტოზა და რატომ ხდება აუტანელი ჩვენი ყოფა თუნდაც ასე უწყინარი რძიანი ყავის მიღებისას
access_time2020-07-02 16:00:27
მუცლის შებერილობა, დიარეა, მეტეორიზმი ეს ის ნიშნებია, რომელსაც ნებისმიერი ჩვენგანი ცხოვრებაში ერთხელ მაინც შევუწუხებივართ. ფარმაცევტულ ინდუსტრიაში უამრავი მედიკამენტი ან დამხმარე საშუალებაა შექმნილი მსგავსი პრობლემების მოსაგვარებლად, თუმცა ნებისმიერი მათგანი უძლურია, თუ ეს ნიშნები რძის მიღებასთან და ლაქტოზის აუტანლობასთანაა დაკავშირებული. რა არის ლაქტოზა და რატომ ხდება აუტანელი ჩვენი ყოფა თუნდაც ასე უწყინარი რძიანი ყავის მიღებისას. კიდევ უფრო დიდი პრობლემაა ლაქტოზის აუტანლობა ბავშვთა ასაკში,...


მსგავსი სიახლეები

up