TBC Capital-ი ყოველკვირეულ ანგარიშს აქვეყნებს, სადაც პანდემიით დაზარალებული ეკონომიკის აღდგენის დინამიკაა განხილული. „კომერსანტი“ კვლევითი ორგანიზაციის მიერ გამოქვეყნებულ დოკუმენტს უცვლელად გთავაზობთ.
კვლების მიხედვით, 2021 წლის 1-25 მარტის პერიოდში, ახალი გაცემული იპოთეკური სესხები წლიურად -23.8%-ით შემცირდა. ამავე პერიოდში საბაზო ეფექტის გამორიცხვით, თბილისში გაყიდული ბინების რაოდენობა მცირედით გაიზრდა.
23-29 მარტის პერიოდში სურსათსა და ფარმაციაზე უნაღდო დანახარჯები 44%-ით გაიზარდა, საბაზო ეფექტის გამორიცხვით. რეზიდენტების მიერ სხვა კატეგორიებზე (სურსათისა და ფარმაციის გამოკლებით) უნაღდო ხარჯვის ზრდის ტემპმა 23-29 მარტის პერიოდში 34% შეადგინა.
შესამჩნევი გაუმჯობესება შეინიშნება ფიტნესსა და გართობაზე ხარჯვაში
ტანსაცმელზე უნაღდო ხარჯვის ზრდის ტემპმა 23-29 მარტის პერიოდში 12% შეადგინა. ფიტნესზე უნაღდო დანახარჯების ზრდის ტემპი დადებითი გახდა და იგივე პერიოდში 36% შეადგინა. გართობაზე უნაღდო დანახარჯების ზრდის ტემპი მარტის განმავლობაში შესამჩნევად გაუმჯობესდა და გასულ კვირაში -61% შეადგინა.
ავეჯსა და სამშენებლო მასალებზე უნაღდო დანახარჯების ზრდა კვლავ მაღალია, თუმცა წინა კვირასთან შედარებით შემცირდა.
სამშენებლო მასალებზე უნაღდო დანახარჯების ზრდა, წინა კვირასთან შედარებით მცირედით შემცირდა და 30% შეადგინა. ავეჯსა და სხვა საყოფაცხოვრებო საქონელზე უნაღდო დანახარჯების ზრდა წინა კვირასთან შედარებით შესუსტდა და 23-29 მარტის პერიოდში 15% შეადგინა. ელექტრონიკაზე უნაღდო ხარჯვის ზრდის ტემპი მცირედით გაიზარდა და 37% შეადგინა.
მანქანის შეკეთებაზე დანახარჯების ზრდის ტემპი მცირედით გაუმჯობესდა, ხოლო საწვავსა და ტრანსპორტზე შედარებით შემცირდა; პირად ჰიგიენასა და სხვა სამომხმარებლო საქონელზე გაუმჯობესების დინამიკა შეინიშნება.
პირად ჰიგიენაზე უნაღდო დანახარჯები 23-29 მარტის პერიოდში 35%-ით გაიზარდა. სხვა სამომხმარებლო საქონელზე ხარჯვა ამავე პერიოდში 20%-ით გაიზარდა. მანქანის შეკეთებაზე უნაღდო დანახარჯებმა 23-29 მარტის პერიოდში 11% შეადგინა, რაც წინა კვირასთან შედარებით გაუმჯობესებული მაჩვენებელია. უნაღდო დანახარჯები საწვავსა და ტრანსპორტზე ამავე პერიოდში 7%-ით გაიზარდა.
ექიმთან ვიზიტებზე უნაღდო დანახარჯების ზრდის ტემპი გაუმჯობესდა ბოლო სამი კვირის განმავლობაში შემცირების შემდგომ.
ექიმთან ვიზიტებზე უნაღდო დანახარჯების ზრდის ტემპი წინა კვირასთან შედარებით გაიზარდა და 23-29 მარტის პერიოდში 21% შეადგინა. სამედიცინო აღჭურვილობაზე უნაღდო დანახარჯები ამავე პერიოდში 51%-ით გაიზარდა.
სასტუმროების გამოკითხვა 29.03.21: მარტის დატვირთულობა მცირედით აღემატება თებერვლის დონეს, შედარებით შესამჩნევი ზრდით თბილისსა და სხვა რეგიონებში
მარტის სამომავლო დატვირთულობამ 26% - სხვა რეგიონებში შეადგინა, 23% თბილისში, 20% - კახეთში, ხოლო 15% - ზღვისპირა სასტუმროებში უქმეების დატვირთულობა: გასულ კვირასთან შედარებით, უქმეების დატვირთულობა ყველა რეგიონში გაიზარდა, გარდა სხვა რეგიონებისა სასტუმროებში საშუალო დღიური ფასი (აშშ დოლარი) 35-40%-ით ჩამორჩება კრიზისამდელ მაჩვენებელს.