შესაძლოა მომავალი წლის ბოლოსთვის დეპოზიტების დაზღვევა იურიდიული პირებზეც გავრცელდეს - ინტერვიუ დეპოზიტების დაზღვევის სააგენტოს ხელმძღვანელთან

შესაძლოა მომავალი წლის ბოლოსთვის დეპოზიტების დაზღვევა იურიდიული პირებზეც გავრცელდეს - ინტერვიუ დეპოზიტების დაზღვევის სააგენტოს ხელმძღვანელთან

access_time2018-12-06 10:00:00


2018 წლის 1 იანვრიდან ყველა ფიზიკურ პირს, რომელსაც თანხა ქართულ კომერციულ ბანკში აქვს განთავსებული, სპეციალური სახელმწიფო ფონდი აზღვევს. თუ ბანკი გაკოტრდა, მეანაბრეს დეპოზიტების დაზღვევის სააგენტო ზარალს 5 000 ლარამდე თანხით უნაზღაურებს.

 


დეპოზიტების დაზღვევის სააგენტოს ხელმძღვანელი ოთარ ძიძიკაშვილი კომერსანტთან სააგენტოს მუშაობის ერთ წელს აჯამებს და სამომავლო გეგმებზე საუბრობს. მისი თქმით, 2019 წელს იგეგმება 5000 ლარიანი ზღვრის გაზრდა და ამასთან დეპოზიტების დაზღვევა იურიდიულ პირებზეც გავრცელდება.


ბატონო ოთარ, წლის დასაწყისში გააკეთეთ პროგნოზი ფონდში 12-დან 13 მილიონ ლარამდე თანხის შემოდინების შესახებ,როგორია ფაქტობრივი მდგომარეობა და მომავალი წლისთვის რა მოცულობის შემოსავლის მიღებას ელით?


- ფონდში იმაზე მეტი თანხის აკუმულირება მოხდა ვიდრე ველოდით. წელს დაზღვევის ფონდს ჰქონდა სამი სახის შემოსავალი, ესაა ბანკების ერთჯერადი შენატანი,რომელიც თითოეული ბანკისთვის 100 000 ლარი იყო, საერთო ჯამში ბანკებმა ერთჯერადი შენატანის სახით 1 მილიონ 600 ათასი ლარი შემოიტანეს. ბანკების ყოველთვიური შემონატანები არის ფონდის შემოსავლის ძირითადი წყარო, ათი თვის განმავლობაში ამ შემოსავალმა 12 მილიონ 500 ათასი ლარი შეადგინა. ასევე ჩვენ გვერიცხება საპროცენტო შემოსავალი 2 და 5 წლიან სახაზინო ვალდებულებებში ინვესტირებიდან. ამ ეტაპზე ნაყიდი გვაქვს 13 264 000 ლარის ფასიანი ქაღალდები,მიმდინარე პერიოდში ვაპირებთ მონაწილეობას 12 დეკემბრის სახაზინო ფასიანი ქაღალდების აუქციონში.


2019 წელს რაც შეეხება, ვფიქრობ, მომავალ წელს ფონდში ყოველთვიური შენატანები 15 მილიონ ლარს გადააჭარბებს, ასევე გვექნება მინიმუმ 1 მილიონი ლარის საპროცენტო შემოსავალი ინვესტიციებიდან. დინამიკა ნამდვილად პოზიტიურია,შემონატანები ყოველთვიურად იზრდება.



მიმდინარე წელს დადგა თუ არა სადაზღვევო შემთხვევა და როგორ გაართვა სააგენტომ თავი დაკისრებულ მოვალეობებს?



წელს გვქონდა ერთი სადაზღვევო შემთხვევა, როდესაც აზერბაიჯანის საერთაშორისო ბანკი გავიდა საქართველოდან. შევარჩიეთ მომსახურე ბანკი, კონკრეტულად ლიბერთი, შესაბამისად მოქალაქეებს შეუძლიათ ამ ბანკის საშუალებით მიიღონ კუთვნილი თანხები.მთლიანობაში ასანაზღაურებელი იყო 34 ანგარიში 11 000 ლარამდე ასანაზღაურებელი თანხის ოდენობით.ჩვენი სერვისით 4-მა მოქალაქემ ისარგებლა,აქედან სამი საქართველოს და ერთი აზერბაიჯანის მოქალაქეა.მიუხედავად იმისა,რომ სააგენტო ერთ წელზე ნაკლებია,რაც სრულფასოვნად ფუნქციონირებს პირველივე სადაზღვევო შემთხვევას მომზადებული შევხვდით,ეს შეიძლება ითქვას ტესტი იყო ,რომელსაც წარმატებით გავართვით თავი.პროცესი პროცედურულად გამართული იყო,რაც ნიშნავს რომ უფრო სერიოზულ სადაზღვევო შემთხვევებსაც იგივე წარმატებით გავუმკლავდებოდით.


ზოგადად როგორ შეაფასებდით არსებულ რისკებს,შესაძლოა თუ არა რომ მომდევნო წელს მეტი და რთული სადაზღვევო შემთხვევები დადგეს დღის წესრიგში ?


-საბედნიეროდ სერიოზული რისკების მოკლე და საშუალოვადიან პერიოდში არ არსებობს,თუმცა ამ სისტემის არსებობა მაინც მნიშვნელოვანია,ვინაიდან ჩვენ არ ვიცით რა შეიძლება მოხდეს ათი წლის შემდეგ და უფრო ხანგრძლივვადიან პერიოდში.დეპოზიტების დაზღვევის არსებობა უზრუნველყოფს,როგორც ქართველი ასევე უცხოელი რეზიდენტების ანგარიშების დაცულობას.დღეს ძლიერი და სტაბილური საბანკო სექტორი გაგვაჩნია,თუმცა ის ფაქტი რომ სერიოზული სადაზღვევო შემთხვევები არაა, არ ნიშნავს რომ ეს სისტემა არ უნდა არსებობდეს.


როგორც ცნობილია,დეპოზიტების დაზღვევის სააგენტო ზარალს 5000 ლარამდე ანაზღაურებს და კომერციული ბანკებისთვის ყოველთვიურ საკომისიოები ლარის დეპოზიტების 0.067% და უცხოური ვალუტის დეპოზიტების 0.1%-ია .გეგმავთ ამ მაჩვენებლების გადახედვას ? გავრცელდება თუ არა დეპოზიტების დაზღვევა იურიდიულ პირებზეც?


-არსებული 5000 ლარიანი ზღვრისთვის დაწესებული საკომისიოების შეცვლა არ იგეგმება,რაც შეეხება ზღვარს ამ მიმართულებით ვმუშაობთ,არსებული დეპოზიტების მოცულობიდან გამომდინარე სხვადასხვა მეთოდებით ხდება ზღვრის გაანალიზება.შეიძლება ითქვას რომ 5000 ლარი დაბალი მაჩვენებელია და საიჭიროა მისი გაზრდა.მომავალი წლის განმავლობაში ვფიქრობთ,რომ წამოვადგინოთ ახალი ზღვრის სხვადასხვა ვარიანტები გაწერილი წლების მიხედვით,თუმცა კონკრეტულ რიცხვებს ამ ეტაპისთვის ვერ დავასახელებ,დეტალები სავარაუდოდ 2019 წლის ზაფხულისთვის გვეცოდინება,თუმცა შემიძლია გითხრათ, რომ ბევრი კომპონენტის გათვალისწინება მოხდება და ეს ცვლილებები ნამდვილად არ იქნება დამატებითი წნეხი ბანკებისთვის.


გეგმაში გვაქვს ასევე,რომ დეპოზიტების დაზღვევა იურიდიულ პირებზეც გავრცელდეს.ამას ევროკავშირის ასოცირების ხელშეკრულებაც გვავალდებულებს.ევროკავშირის დირექტივის თანახმად, ფიზიკური და იურიდიული პირები თანაბარი თანხით არიან დაზღვეულნი.სავარაუდოდ,მომავალი წლის ბოლოსთვის მოხდება იურიდიული პირების დეპოზიტების დაზღვევის ამოქმედება.



შეგახსენებთ,რომ დეპოზიტების დაზღვევის სისტემა,რომელიც საქართველოში მიმდინარე წლის იანვარში ამოქმედდა,ამ დროისთვის მსოფლიოს 114-მდე ქვეყანაში, მათ შორის ევროკავშირის ყველა ქვეყანასა და შეერთებულ შტატებში ფუნქციონირებს.



რაც შეეხება, უახლეს მონაცემებს მიმდინარე წლის 31 ოქტომბრის მდგომარეობით, საქართველოში მოქმედ 15 კომერციულ ბანკში არსებული დეპოზიტების საერთო მოცულობა 23 067 610 686 ლარს შეადგენს.მათ შორის, ფიზიკური პირების დეპოზიტები 12 192 417 040 ლარია,ხოლო იურიდიული პირების - 10 875 193 647 ლარი.მოქმედი დეპოზიტების დაზღვევის სისტემით დაზღვეული დეპოზიტების მოცულობა სულ 1 638 536 190 ლარს შეადგენს.



მარიამ ტიტვინიძე






ფონდი „ქართუს“ განცხადება - vali.ge-ს შეფერხება აქვს

ფონდი „ქართუს“ განცხადება - vali.ge-ს შეფერხება აქვს
access_time2018-12-10 20:00:36
ფონდი ქართუ განცხადებას ავრცელებს, რომელსაც კომესანტი უცვლელად გთვაზობთ:  ფონდი ქართუსა და მთავრობის მიერ დაანონსებული სოციალური სოლიდარობის აქტით, ე.წ. „შავ სიაში“ მყოფ 600 000-ზე მეტ საქართველოს მოქალაქეს ვალები ჩამოეწერება. ამ ინიციატივის განსახორციელებლად, დღეს, სპეციალური ვებ-ვერდი (vali.ge) ამოქმედდა, სადაც მოქალაქეები საკუთარი მონაცემების გადამოწმებას შეძლებენ. იმის გათვალისწინებით, რომ აღნიშნული აქტის...

2018 წლის მესამე კვარტალში პირდაპირი უცხოური ინვესტიციები 48%-ით შემცირდა

2018 წლის მესამე კვარტალში პირდაპირი უცხოური ინვესტიციები 48%-ით შემცირდა
access_time2018-12-10 14:55:46
2018 წლის მესამე კვარტალში საქართველოში პირდაპირი უცხოური ინვესტიციების სახით სულ $322 მილიონი შემოვიდა, რაც 2017 წლის ანალოგიურ პერიოდთან შედარებით 48%-ით ნაკლებია. საქსტატის განმარტებით, შემცირების გამომწვევ ძირითად მიზეზებს შორის აღსანიშნავია მაგისტრალური გაზსადენის მშენებლობის პროექტის დასრულების ფაზა, ასევე რამდენიმე საწარმოს გადასვლა საქართველოს რეზიდენტების საკუთრებაში და არარეზიდენტი პირდაპირი ინვესტორის მიმართ ვალდებულებების შემცირება. რაც...

ახალი წლის ღამეს მთის კურორტებზე სასტუმროს ფასები 260 დოლარიდან 607 დოლარამდე იქნება

ახალი წლის ღამეს მთის კურორტებზე სასტუმროს ფასები 260 დოლარიდან 607 დოლარამდე იქნება
access_time2018-12-10 17:00:00
საქართველოში მთის კურორტების მოქმედი პრემიუმ კლასის სასტუმროები მომხმარებელს საახალწლო პაკეტებს უკვე სთავაზობენ. საახალწლო ღამის გატარება, ტრადიციულად, ჩვეულებრივი დღეებისგან განსხვავდება, რადგან ამ პერიოდში საფასო პოლიტიკა შედარებით მაღალია და მომსახურება უფრო მრავალფეროვანი.   „კომერსანტი“ დაინტერესდა, რა ღირს ახალი წლის გატარება, საქართველოს მთის კურორტების...

მეპურეები პურის ფასის ზრდასთან დაკავშირებით მთავრობის ჩართულობას ითხოვენ

მეპურეები პურის ფასის ზრდასთან დაკავშირებით მთავრობის ჩართულობას ითხოვენ
access_time2018-12-10 16:00:00
სარეალიზაციო წერტილებში პურის ფასმა 5-10 თეთრით მოიმატა.გაძვირების მიზეზად პურპროდუქტების კომპანიის წარმომადგენლები ფქვილზე ფასის მატებას ასახელებენ. მეპურეთა ასოციაციის თავმჯდომარე მალხაზ დოლიძე, პურის ფასის მატებას ეკონომიკურ საკითხებს უკავშირებს და ამბობს, რომ მსოფლიო ბაზარზე ხორბლის ფასის ზრდამ გააძვირა ფქვილი და შესაბამისად პური. „ფქვილის ფასის ზრდიდან გამომდინარე იძულებული ვიყავით გაგვეზარდა პურის...

ვებგვერდი www.vali.ge, სადაც 18:00 საათიდან მოქალაქეების ნაწილი უკვე შეძლებს, ე.წ. შავ სიაში საკუთარი თავი გადამოწმებას

 ვებგვერდი www.vali.ge, სადაც 18:00 საათიდან მოქალაქეების ნაწილი უკვე შეძლებს, ე.წ. შავ სიაში საკუთარი თავი გადამოწმებას
access_time2018-12-10 15:00:09
დღეს, 18:00 საათზე გაეშვება ვებგვერდი www.vali.ge სადაც მოქალაქეების ნაწილი უკვე შეძლებს, ე.წ. შავ სიაში საკუთარი თავი გადაამოწმოს, - ამის შესახებ საქართველოს პრემიერ-მინისტრმა მამუკა ბახტაძემ დღეს, მთავრობის სხდომის წინ გამართულ ბრიფინგზე განაცხადა. მთავრობის მეთაურის თქმით, დღეს და ხვალ ვებსაიტზე აიტვირთება ბაზები, სადაც წარმოდგენილი იქნებიან „საქართველოს ბანკის „თი-ბი-სი ბანკის და „ლიბერთი ბანკის მომხმარებლები. „ეს...


მსგავსი სიახლეები

up