შესაძლოა, 14 მაისი „სამშობლოს დღედ“ გამოცხადდეს, 8 მარტი კი, უქმე აღარ იყოს

შესაძლოა, 14 მაისი „სამშობლოს დღედ“ გამოცხადდეს, 8 მარტი კი, უქმე აღარ იყოს

access_time2019-06-18 19:45:11

შესაძლოა, მომდევნო წლიდან საქართველოში 8 მარტმა დასვენების დღის სტატუსი დაკარგოს; შესაბამის ცვლილებას "ქართული ოცნების" დეპუტატის ნუკრი ქანთარიას კანონპროექტი ითვალისწინებს.


დეპუტატის ინიციატივით, ქვეყანაში ახალი ეროვნული დღესასწაული - “სამშობლოს დღე” უნდა დაწესდეს და ის 14 მაისს აღინიშნოს. ქანთარიას კანონპროექტის განმარტებით ბარათში ისიც არის ნათქვამი, რომ სახელმწიფო ბიუჯეტს ახალი დღესასწაულის აღნიშვნა დაახლოებით, 300,000 ლარი დაჯდება.


ქანთარიას თქმით, იმის, გამო, რომ ქვეყანაში დასვენების დღეების რაოდენობამ არსებულ 15-ს არ გადააჭარბოს, მიზანშეწონილია, რომ სანაცვლოდ გაუქმდეს 8 მარტის ოფიციალური დასვენების სტატუსი.



ნუკრი ქანთარიას აზრით, ახალი დასვენების დღე ეროვნულ კონსოლიდაციას გაზრდის, რაც საქართველოს ევროატლანტიკური მიზნების მიღწევაში დაეხმარება:


“კანონპროექტის მიღებით, საქართველოს ხელისუფლებამ ევროინტეგრაციის პროცესის პარალელურად, ვიზალიბერალიზაციის მიღების შემდგომ მეტი ძალისხმევა უნდა მიმართოს სახელმწიფო გაერთიანებისა და შიდა ეროვნული კონსოლიდაციის კუთხით. ქართული სახელმწიფოს გაერთიანებისა და გაძლიერებისათვის უმნიშვნელოვანესია სახელმწიფო და ეროვნული თვითშეგნების განმტკიცება, ერთიანი სახელმწიფო იდეის ხაზგასმა და ამ მხრივ მუშაობის გააქტიურება. ხელისუფლების მხრიდან საჭიროა, მეტი აქცენტი გაკეთდეს სახელმწიფოს ერთიანობაზე, ეროვნულ სულისკვეთებაზე, სახელმწიფოებრივ ასპექტებზე და გამარჯვებებზე. გლობალიზაციის პირობებში აუცილებელია ეროვნული მუხტის გაღვივება და პროპაგანდა იმისა, რა ღირებულებების დაცვით მოვიდა მართლმადიდებელი საქართველო დღემდე. ამ კუთხით უმნიშვნელოვანესია თამარ მეფის ხსენების დღის - 14 მაისის - სამშობლოს დღედ გამოცხადება და ეროვნული სულისკვეთების, ისტორიული და ქართული ტრადიციების წარმოჩინებით აღნიშვნა. ეს დღე უნდა იყოს განზოგადება ჩვენ მიერ მიღწეული წარმატებებისა. ამავე დროს, ყოველ წელს წინა პლანზე უნდა გამოვიდეს ერთი მნიშვნელოვანი მოვლენა ჩვენი გამარჯვებებიდან, რათა მომავალმა თაობებმა დაინახონ, რა ღირებულებებზე იდგა ქართული სახელმწიფო,” - წერია ნუკრი ქანთარიას ინიციატივის განმარტებით ბარათში.


ინიციატივა დღეს პარლამენტის საფინანსო-საბიუჯეტო კომიტეტის სხდომაზე მოისმინეს. სხდომის შემდეგ ჩატარებულ კენჭისყრაზე ნუკრი ქანთარიას ინიციატივას მხარი მხოლოდ ერთმა დამსწრე დეპუტატმა გრიგოლ მიქელაძემ დაუჭირა. მიქელაძემ ასევე განაცხადა, რომ მისი აზრით, 8 მარტის გაუქმება საჭირო არ არის და თავისუფლად შეიძლება, რომ ორივე დასვენების დღე თანაარსებობდეს.


bmg.ge




„გაყიდვები 5-7%-ით გაიზარდა“ - რომელ ტექნიკაზე მოიმატა მოთხოვნამ პოსტპანდემიურ პერიოდში საქართველოში

„გაყიდვები 5-7%-ით გაიზარდა“ - რომელ ტექნიკაზე მოიმატა მოთხოვნამ პოსტპანდემიურ პერიოდში საქართველოში
access_time2020-08-09 15:01:24
ივნის-ივლისში გაყიდვები 5-7%-ით გაიზარდა - ამის შესახებ „ბიზნესპრესნიუსს“ „ბეკო საქართველოს“ გენერალურმა დირექტორმა მეჰმედ მელექმა განუცხადა.   „თუ 2020 წლის იანვარ-ივლისის მონაცემებს, წინა წლის 7 თვეს შევადარებთ, გეტყვით, რომ აქ გაყიდვების მხრივ სიტუაცია იგივე დონეზეა. ეს კი პანდემიის პირობებში კარგი მაჩვენებელია. ზაფხულში მაჩვენებლები უფრო დამაიმედებელია, მეტიც, იანვარ-ივლისში გაყიდვები 5-7%-ით გაიზარდა. გაყიდვების ზრდას ხელს უწყობს ისიც, რომ წელს 3 ახალი მაღაზია...

მსოფლიოს წამყვან ბირჟებზე ნავთობი გაძვირდა – საქართველოში საწვავის ფასის 10 თეთრით გაზრდაა მოსალოდნელი

მსოფლიოს წამყვან ბირჟებზე ნავთობი გაძვირდა – საქართველოში საწვავის ფასის 10 თეთრით გაზრდაა მოსალოდნელი
access_time2020-08-09 20:00:07
ე.წ. დიდი ლოქდაუნისას გაუაფებული ბენზინი საერთაშორისო ბაზრებზე გაძვირების გზას დაადგა. კერძოდ, 29 ივლისის ვაჭრობის შედეგებით მსოფლიოს წამყვან ლონდონისა და ნიუ-იორკის სანავთობო ბირჟებზე ნავთობის ფასი...

Bloomberg: კარანტინზე უარის თქმის მიუხედავად, შვედეთმა ეკონომიკა ვერ გადაარჩინა

Bloomberg: კარანტინზე უარის თქმის მიუხედავად, შვედეთმა ეკონომიკა ვერ გადაარჩინა
access_time2020-08-09 18:00:10
  შვედეთმა თავისი ეკონომიკა 1980 წლის შემდეგ რეკორდული ვარდნისგან ვერ დაიცვა  - კარანტინზე და თვითიზოლაციაზე უარის თქმის მიუხედავად, ქვეყნის მშპ 2019 წლის ანალოგიურ პერიოდთან შედარებით 8,8%-ით შემცირდა  - ასეთია შვედეთის სტატისტიკის სამმართველოს მონაცემები.   პირველ კვარტალთან შედარებით ვარდნა თითქმის ანალოგიურია - 8,6%.   ასევე მკვეთრად დაეცა ექსპორტი და ამავე დროს მასშტაბური ფინანსური დახმარების პროგრამების მიუხედავად,...

აფხაზეთი კრიპტო-ციებ-ცხელებამ მოიცვა - ბოლო 6 თვეში აფხაზეთში 100 ახალი კრიპტოფერმა გაიხსნა

აფხაზეთი კრიპტო-ციებ-ცხელებამ მოიცვა - ბოლო 6 თვეში აფხაზეთში 100 ახალი კრიპტოფერმა გაიხსნა
access_time2020-08-09 16:00:20
აფხაზეთში ნამდვილი კრიპტო-ციებ-ცხელებაა. ეს ძალიან მარტივად იხსნება - კერძოდ კი, ელექტროენერგიაზე ფანტასტიურად დაბალი ტარიფებით.   ერთი კილოვატი ელექტროენერგია აფხაზეთში 1 ცენტზე ოდნავ მეტი ღირს - დანარჩენი მსოფლიოსთვის წარმოუდგენელი ფასი. გასაგებია, რომ ის კრიპტოფერმებს იზიდავს, და მათი რაოდენობა მუდმივად იზრდება - მხოლოდ ბოლო 6 თვეში აფხაზეთში 100 ახალი კრიპტოფერმა გაიხსნა, ჯამურად კი მათი რაოდენობა 8000-ს აღწევს.   ისინი მიტოვებულ შენობებში,...

Facebook-ს აქციები რეკორდულად ძვირდება

Facebook-ს აქციები რეკორდულად ძვირდება
access_time2020-08-09 13:40:12
Facebook-ის აქციების ღირებულება რეკორდულ დონეზე  - 225, 8 დოლარამდე გაიზარდა - ეს უმსხვილესი კომპანიების მხრიდან სოციალურ ქსელში რეკლამაზე ბოიკოტის და კონგრესში მიმდინარე ანტიმონოპოლიური გამოძიების ფონზე ხდება. ყველა ამ უსიამოვნების მიუხედავად, სოციალური ქსელის აუდიტორია და მოგებაც პროგნოზირებულზე მეტად იზრდება. ამ ინფორმაციის გამოქვეყნების შემდეგ კომპანიის აქციები 7%-ით გაძვირდა. ანალიტიკოსები ვარაუდობენ, რომ წლის მანძილზე Facebook-ის...


მსგავსი სიახლეები

up